iluko.com - website a magustoan a pagpalpallailangan dagiti pada a nangisit ti sikona.

Ladyheart

 

Skip Navigation LinksHome > Blogs >



PAKULO III
12/5/2005 7:10:08 PM

Aggi-innammo tayo!
(Excerpts from the Tibetan Personality Quiz)

Daytoy a paset ket nairanta para kadagiti mayat a mangiyam-ammo ti bagina iti tunggal maysa a bumisbisita kenni Ladyheart. Basaen koma ngarud a nasayaat dagiti adda iti pagpilian ket tungpalen dagiti nailanad iti pagalagadan. Masdaaw kayo iti agbalin a resulta!

Oppss, sakbay mo a rugian ti agsungbat, ag-kiddaw (wish) ka pay nga umuna. Maysa daytoy nga estilo iti panagsaludsod a mangibutaktak iti pudno a kinataom. (Gayyem a Mitir, maawis ka a makipagpartisipar ta sika man ti kursunadak a mangbusat!:-)

Ipasarunson ko met la a dagus dagiti kaipapanan dagiti sungbatyo apaman a mapnekak kadagiti bilang ti agpartisipar. I-diretsok koman a dagus dagiti kayat a sawen dagiti sungbatyo ngem nakababawiak baka agsirip nga umuna ni Mitir sakbay nga agsungbat!:-)

Pagalagadan: Sungbatan dagitoy a sumaganad. Ta umuna a mapanunot mo isu’t kaadduanna a kapipintasan wenno kamamayatan a sungbat.

1.Urnosem dagitoy lima a dinguen mangrugi iti pagga-ayom la unay:
Baka, Tigre, Karnero, Kabalyo, Baboy.

2.Mangisurat iti maysa laeng a balikas a mangiladawan kadagitoy:
Aso, Pusa, Bao, Kape, Baybay.

3.Mangpanunot iti maysa a tao a makaam-ammo kenka, napateg kenka ken
makaawat iti kaipapanan dagitoy a kolor. Manginagan iti maysa nga am-
ammo kada kolor a nailanad.
Amarillo (Yellow), Orange, Nalabaga (Red), Puraw (White), Berde (Green).

4.Kamaudiananna, isurat ti paboritom a numero ken paboritom nga aldaw iti
lawas.

Nalpasen? Siguraduem a dagiti sungbat mo ket awanan panaginkukuna ken isu a talaga ti kayatmo. Ulitem ti kiddaw mo sakbay monto a kitan dagiti kaipapanan dagiti sungbatmo iti sumuno nga aldaw. Padaanan tayo.




Comments



Andy Barroga
12/5/2005 9:55:21 PM

Siak ti umunan:

1. Kabalyo, Baka, Baboy, Karnero, Tigre

2. Aso = mannakigayyem, Pusa = nasiglat, Bao = nasikap, Kape = napudot, Baybay = nalinak

3. Yellow = my mom, Orange = Jossie, Red = Lei, White = Joanne, Green = Ethan

4. Sabado, 4





Leilanie Adriano
12/6/2005 9:09:50 PM

hehe! Pabaraen ta la bassit manong Andy sakto i-post sungbatna wen? COOL!!!





Josie Herrema
12/7/2005 1:18:02 AM

1.baboy, baka, kabalyo, karnero, tigre

2.aso=goardiak,pusa=agsiim, bao=aglimlimmeng, kape=napait,baybay=nalawa

3.yellow-amak,orange-edgar,red-nana,puraw-michiel,berde-jennifer

4.19,Dominggo




marilyn
12/7/2005 9:48:27 AM

1.baboy, baka, kabalyo, karnero, tigre

2.aso-guardia pusa--gayyem bao-kabusor kape-nagisit baybay-natalina-ay
3.Amarillo-letty orange-sandie red-ambika puraw-lorenz berde-eugene

4.Sabado-7




Lalaine Sevilla
12/7/2005 2:38:07 PM

1. Baka, baboy, kabalyo, karnero, tigre
2. Aso=nauyong, pusa=mangkakallong, bao=nabangsit, kape=nasamit, baybay=mangliwengliweng
3. yellow=Cindy, orange=Lou, red=Edward, white=May, green=Lita




Lalaine Sevilla
12/7/2005 2:38:58 PM

nalipatak.

4. Friday, 3




Mitir Mit Sika
12/7/2005 6:58:31 PM

Siak Met:

1. Kabalyo, Baka, Karnero, Baboy, Tigre

2. Aso = loyal-napudno a gayyem dinakanto pulos talawan, Pusa = nala-ilo, Bao = cute (Cartoon Tom & Jerry) , Kape = naimas, Baybay = mangliwengliweng

3. Yellow = J, Orange = L, Red = Leilani, White = LA, Green = Leila

4. 29, Sabado




Josie Herrema
12/8/2005 6:26:44 AM

Adda gayyam malagip ko dagitoy gagayem ko nga taga Indonesia ti konada nga no ti aldaw nga panakay yanak mo ket Sabado DAGA kano tay kaypapanan na ket no Dominggo LANGIT kano met ti kayat na nga sawen. Idi naiyanakak
19 Domingo tawen 19_ _. ni lakayko ket 28 Sabado tawen 19_ _. di langit ken daga, siak tangtangadennak ni lakayko ket badbaddekek met isona.

Ania met biagen dila ket di nga nagpada nga langiten ta napinpintas koma aya wen kasta laeng ti biag.




Monica Smith
12/8/2005 10:48:41 AM

Ading Leilani,

Merry Christmas Happy New Year to and your family.




John Cachola Jr.
12/8/2005 7:02:34 PM

Merry Christmas and Happy New Year to everybody visiting the 'blogs' of Iluko.com, namely, Manang Monica, Manang Josie, nangruna unay kenka, ading Leilanie, Manong Andy, Clifton Pascua, Mitir (no agsingsingpetka la ketdi ditoy, wen?), Luningning, Manong Johnnyric, Arcadio Valente, Eduardo Padaoan, Manong Charito, Manong Richard Abadilla, Manong Rudy Rumbaoa, Manong Fred, Reynold Dumapay, Joven Ballesteros,Manang Marilyn Lagazo, Manong Reynold Dumapay kdpy (no nalipatak man nga innayon ti naganyo ditoy)!

Daytoy man met ti sungbatko daytoy baro a pakulom, ading Leilanie:

1. kabalyo, baka, karnero, baboy, tigre

2. Aso- naamo
Pusa- nalaing a makilailo aglalo no mapanna isagid ti bagina dita
sakam!
Bao- nalaka a makigtot
Kape- nabanglo
Baybay- nalawa

3. Yellow- my sister
Orange- my brother
Red- my mom,
White- me, myself
Green- my dad

4. Ti paboritok nga aldaw? Biernes a kas ti kunkunada, TGIF!
Ti paboritok a numero? 10, ngamin ti initial ti first name ko ket
maykasangapulo!

Adda man saludsodek,Leilanie? Agmedmediorka kadi iti Psychology, ading?




Leilanie Adriano
12/9/2005 12:13:56 AM

Saan John, pagga-ayat ko lang ti agbasa iti Psychology related books isu a kayat ko lang nga iburay met ditoy bareng magustuanyo.

Makaisemak kadagiti sungbatyo. Madlaw ti kinaisal-salumina ti tunggal maysa kadakayo. Padaanan ti sungbat dumanin i-post kon to met lang naragragsak ngamin no adda pay mainayon bassit...





Josie Herrema
12/9/2005 1:42:00 AM

Naimbag nga pascoa yo amin diak nga aginaganen ta ado kayo iso nga naimbag nga pascoa yo awan ti labasnan, aglalo kenka ading Leilanie ayna amangan no umapoy pay ketdin ta kabayagnan nga urayen tay sungbatnan darasem a ta maiyabot met laeng?. he he he.



Luningning
12/9/2005 9:01:35 AM

1. Kabalyo, karnero, baka, baboy, tigre

2. Aso= guardia, Pusa=mangkakallong, Bao=agkaan ti piek, Kape= makapanerbios, Baybay= nakaam-amak

3. Yellow= my mommy, orange= my dad, red= my sister, white=my brother, green= my best friend

4. 9, sabado




Marilyn Lagazo
12/9/2005 9:09:13 AM

John,
Naimbag met nga paskuam adingko. Mangipalapal ka man iti tupig no adu dita ayan mo.




Mitirr
12/9/2005 1:08:37 PM

Siak Mit:

1. Kabalyo, Baka, Karnero, Baboy, Tigre

2. Aso = agdilpat, Pusa = aglagid, Bao = aglemmeng , Kape = makasinit, Baybay = taaw ni ragsak

3. Yellow = L, Orange = L, Red = Leilani, White = L, Green = L

4. 10, Sabado

Sulikik ti mangkatawa ti sungbatko!! Bwi hi hi




mitir
12/9/2005 3:12:46 PM

Siak Mit:

1,Tigre,Kabalyo,Baka,Karnero,Baboy

2,Aso=para pakamat ko,ti umay umararubayan ta balayyo...

=Pusa=pangpa karamut ko,ti sumrik ta balay yo.....

=Bao=ibulos ko,tapno butbutan na ti sapatos ti babbaro nga umay dita balay yo...

=Kape=igigupik,pangur-urayak ta sungbat mo...

=Baybay=Paglangoyan ta....

3,Yellow=L,H,Orange=L,D.Red=J,H.White=Diwata Green=M,S.......

4,Sabado,6....




John Cachola Jr.
12/9/2005 7:15:04 PM

Sika a, manang Marilyn, ti mangipalladaw ditoy ti tupig. Damagko ket nalaingka kano nga agaramid ti tupig.

Ti la ammok a 'dessert' a luttuen ket tay bibingka a naaramid iti mochiko ken naigad a niog!




Leilanie Adriano
12/11/2005 8:57:36 PM

Dagiti Kaipapanan ti Sungbatyo:

1.Dagiti prioridad mo iti biag.
Baka iladawanna’t Obram (Career)
Tigre iladawanna’t Pride
Karnero iladawanna’t Ayat
Kabalyo iladawanna’t Pamilyam
Baboy iladawanna’t Kuarta

2.Dagiti panangiladawan iti:
Aso isu’t kinataom
Pusa isu’t kinatao ti pareham
Bao isu’t kinatao dagiti kalaban wenno kagurguram
Kape isu’t panangiladawan mo iti pannakinaig
Baybay isu’t panangiladawan mo iti bukod mo a biag.

3.Yellow: isuna tay tao a dimonto pulos malipatan
Orange: isuna tay tao nga ibilang mo a pudno a gayyem
Red: isuna tay tao nga ipatpateg mo la unay
White: isuna tay tao a kasingin ti kararuam
Green: isuna tay tao a kanayon mo a malaglagip iti unos ti panagbiag mo.

4.No ti paboritom a numero ket:
0-4 in-inot a dumur-as ti biag mo
5-9 dumur-as ti biag mo babaen iti bukod mo a panangiturong
10-14 adda maawat mo a sorpresa kalpasan iti tallo a lawas
15 agpangato, sigud a dumur-as ti biag mo ket amin a kiddawem ti biag
ket matungpal to.+

Ta paboritom nga aldaw, isunto ti aldaw a pannakatungpal ti kiddaw mo.




Josie Herrema
12/12/2005 4:02:46 AM

Agyamanak ading Leilanie palobosandak man nga iladawan ko toy nomo kailian ta mayat daytoy a:

Kuarta, career, pamilia, ayat ken pride

Aso-goardia iso met ti pagkataok
Pusa-agsisiim ni lakay ko = ha ha ah agpayso dayta diak nga libaken.
Bao-aglimlimmeng dagita tay kalaban ko = ngem masipotak ida!!
kape-napait = panakinaig ko = annay !! apayen ket nagsam-it kami nga dwa
uray kam la nga kotonen no arigna!! he he he sabalin sa
ket di a?.
baybay-nalawa = bukod ko a biag ket agyamanak no kasta

Yellow ni Amangko diak polos malipatan.
Orange ni Edgar tao nga bilangko a pudno nga gayyem, wen agpayso ta uray
dikam pay nga nagkita ket inbilang nak nga manang na.
Red nana tao nga ipatpategko la unay ta inpategnak bilang maysa nga
ket aramiden na amin uray pay tallikodan na ti pudpudno a
pamiliana gapo laeng kaniak.
Puraw Michiel kasinsin ni Edgar kasingin ti kararuak ken...
Berde Jennifer anak ko isona ti mangipalagip ti napait nga napalabas
iti kina ubbing ko.

Nomero= 19 ti panakayyanak ko ken aldaw iti Dominngo. Amen.

Agyamanak ading ko Leilanie kas mo met la inladawan toy biagkon ading ko.







John Cachola Jr.
12/12/2005 6:45:03 AM

Napintas man daytoy pakulom III, Leilanie. Diak ammo laeng no pudno nga addanto 'maawatko a sorpresa kalpasan iti tallo a lawas'.

Ngem ti kunam a ti baboy ket iladawanna ti kuarta, kasla pudno daytoy. Nag'break'kami ti maudi a 'girl friend'ko. Kaykayatanna ti mangan ti karne ti baboy!




Marilyn
12/12/2005 9:01:43 AM

John,
Ammok met ketdi iti agaramid iti tupig...ngem matrabaho. Awan iti oras ko. Mayatak diay kunam agaramid ka laengen iti bibingka, agpada da met laeng ti raman ti tupig malaksid laeng ta saan nga nagbado iti bulong diay bibingka.




Marilyn
12/12/2005 9:26:17 AM

Leilani,

Daytoy ti sumarya iti biag ko...pimmayso amin ngarud malaksid laeng iti Aso ken Kape

1-Baboy-Kuarta -adda iti "piggy" bank ko..kanayon ko nga partien..hehehe
2-Baka- Trabaho-magustuak
3-Kabalyo-Naragsak met iti pamilyak..eee...aaah
4-Karnero-napudno-ak nga agayat
5-Tigre-saan nak nga -ma-pride...napakumbabaak laeng nga tao

Aso-baliktad daytoy iti kinataok

Pusa-Pudno daytoy iti kinatao ni Mr Lagazo

Kape-diak maako daytoy....nga pudno iti padto

Baybay-natalina-ay nga agpayso iti biag ko

Puraw-Kasingin ti Kararuak ni Mr Lagazo

Sabado-gumatangak man ngarud iti loto barbareng no mangabak da tao

Seven-Pudno...daytoy nga talaga..

Lei adingko, Agurayak ngarud iti PAKULO IV




Lei
12/12/2005 6:26:59 PM

Magustuak man a basaen dagitoy komentoyo manang Josie ken Manang Marilyn. Sapay la koma ta kastoy met ti aramiden dagiti nagsungbat iti daytoy a pakulo. Tay ikumpirmarda no pimmayso wenno saan dagiti sinungbatanda.

Daytoy a pakulo ket talaga a nairanta a paggi-innadalan iti tumunggal maysa kadatayo. Ita, maibagak a kasla am-ammokon iti personal da manang Josie ken Manang Marilyn. Ala ket agyamanak unay iti panangtarabayyo. Iyurnos kon to pay dagiti sumaruno a pakulo.

Manong John, maikamano a girlfriend mo ti kunam a maudi? Apay met a maudi ti kunam? Dimo kunaen nga i-baul mon ni San Pedro?hehe! Ayna kasta a talaga ti biag. Tay kunada ngarud, "awan ti tao a perpekto ngem makasarak kanto latta iti maysa a parsua a perpekto para kenka. Tay tao a mangpunno iti pagkurangam ken kasta met isuna" That way, you will be perfect for each other! Hmmnn...AMEN.




Josie Herrema
12/13/2005 3:40:23 AM

Ahayy! nagmayaten yong!!!



Josie Herrema
12/13/2005 4:21:33 AM

Ading Lei, adda pay sabali nga meaning na dayta ngem inton maminsanen ipalobos ti apo, ngem no mapan ka diay Sta Maria no masarakam ni apo Vice Mayor maamwamto dayta ngem no anianto ti madamagmo a ket sikanto laeng ti makaammmon adingko. Sapay ta agkita tanto ti personal adingko saanta met nga aginnaddayo unay ket. Take care.



anonymous
12/13/2005 3:40:25 PM

bise mayor? nakabut-boteng sa ketdi



Mitirr
12/13/2005 8:27:52 PM


Napatangak ti sungbat ko litsi bwi hi hi RED=Leilani, Red: isuna tay tao nga ipatpateg mo la unay




Lei
12/13/2005 9:50:29 PM

Hakhak!oi mitirr sabali ka manen a mitirr! ay apo diakon ammo ti patiek!

Manang Josie gurka ta i-research ko ta bise mayor a kunkunam. Kaslang adda maangot ko ah!hi hi!




Josie Herrema
12/13/2005 11:11:16 PM

Laingem kailian dayta umona nagmayat ta pannaka urnosna kunam man.Adda pestibal nga maaramid sadiay inton Dec. 22 siak ti aw-awisenda nga ag sponsor ngem nagsaanak ita. Nomnomuna ta kadwana met ni Father Villa Gracia ken Apo Peralta or Pelarta. Didak pay nakitkita dagitoy ngem diak ammo apay nga naka singsinged da dagitoy nga tattao aglalo la ket di ti illi nga Sta Maria. Sege ading inka ket angotenen umayamoong tay banglonan sika. he he he.



Leilanie Adriano
12/14/2005 12:36:16 AM

Ala wen manang ko impaunak tay Canine kon ag-report to kaniak iti kabiitan a panawen!hehe



Mitir Mit Sika
12/14/2005 7:51:02 AM

Bwi hi hi mit, Uray siak mit napatangak met ti sungbat ko
RED=LEILANI

Red: isuna tay tao nga ipatpateg mo la unay

3. Yellow = J, Orange = L, Red = Leilani, White = LA, Green = Leila





Mitirr
12/14/2005 5:19:26 PM


Mitir Mit Sika ti la agtutulad ti ammom litsi!!! Clone naka a talaga ni Mitir. Durgi Bwi hi hi!!! pakanen kanto pay ti bogbog a tida dagitay burias ko. pwi!!




Leilanie Adriano
12/14/2005 9:43:12 PM

Oppss, Mitirr diak kayat ta tiradam ita gyem kayatmo ta bauten ka? Lin-linisem bassit ta panagiyabla't mo barok tapno agkaduata mabalin?



Arcadio Valente
12/14/2005 11:10:27 PM


Hello Leilani Ading ko, naikapisak kadaytoy Pakulom III. Sapay koma ta maabutak to tay sumarono.




Andy Barroga
12/15/2005 3:21:58 PM

Mayat nga agpayso daytoy pakulom ading Lei. Adda talaga kinagpaysoanna!

Dakayo met dua a Mitir, apay agkokopyakayo ti sungbat! siak ti immuna a simmungbat ket pers kam pers serb kano. hehehe!!!





Leilanie Adriano
12/15/2005 10:53:14 PM

Elow po! Napnapanam ngamin manong Arcade ta naikapis ka toy pakulok? napan kan sa met nagkallating??!! hakhak

Manong Andyyy, kadtoy man ta tuk-olan ta dagitoy Mitir a fakeee!!! hehe




Mitirrr
12/16/2005 5:39:56 PM


Bwi hi hi win nga agpayso, immununa ni ka Andy nga nangipost ti Red-Lei ngem.... ipabagim la ni Lei kanniakon ka Andy uray ta natartaraki ka ngem siak. Kuam la da Marilyn ken Josie he he he.




Nagtani
12/17/2005 8:04:01 PM


Mayatak deyta kunam Apo Andy, PERS KAM PER SERV he he he




Leilanie Adriano
12/18/2005 11:00:56 PM

Hmmnn...daytoy kad ngata tay pudno a nangtani? dakes sa daytoyen karruba agpadlawdan!hakhak



Andy Barroga
12/19/2005 10:50:49 AM

Psensiakan Nagtani ta makiang-angawak laeng, hehehe.




Agposte

Ag-Loginka pay nga umuna Kailian sakbay nga agposteka.