iluko.com - website a magustoan a pagpalpallailangan dagiti pada a nangisit ti sikona.

Kulding ti kalman ita ken inton bigat

 

Skip Navigation LinksHome > Blogs >



Panagpidut Iti Lata
7/29/2007 8:50:19 PM

Masapul nga pagbannugam no kayatmo ti makagunod ti kasukat nga kantidad.Adda dagiti tao nga agipasnek nga mapan agpidut ti latta iti igid iti kalkalsada. addmet dagitay nasikap nga tila manglaklaka ken manggundaway.
Adda tay nakitak nga imbes nga mapan apidut kadagitay impurwakda dita igigid ti kalkalsada, Mapanda latta alaen dagitay naurnong iti uneg ti paguornongan dagiti sabali,iti recycle Bin.



Comments



Johnnyric Domingo
8/2/2007 8:06:12 PM

HAHAHAHAHA! Adda met nakitak a kasta, Manong...!



Cresencio Yagin
8/4/2007 8:33:38 PM

Wen idiay pagtrabahwanmiadda dua nga lallaki nga immay nagala kadagitay naurnong nga lata. pinekpekda tay bassit nga toyotada . Dinamag tay maysa nga katrabahwanmi no adda pirmisoda nga agala ti lata iti uneg ti pakaurnongan. Nagdardarasdan nga pimmanao.

Iti rabii nagsublida innalada amin. Dinalusandan tay container.Saan met nga nasiputan tay security guard.




Leofina Jane Galleta
8/5/2007 9:11:46 AM

hello Manong, umayak man met dumagas, :-) Blessings to you ken ni Manong Jric a nadanun ko. :-)

he he he! Malagip ko man diay panait ti gathering daytoy topikom, makaisemak.

Ditoy manila ket nangina dayta lata Manong, umanayen a pagbiagan dagitay kakabsat nga agan-anus nga agtalinaed ditoy siudad nga uray sirok ti rangtay ti pagtaengan da ken panagpidut iti lata iti pagbibiagan da. Makaipas man iti panunot ken rikna nu matmatmatak iti kasta a kasasaad.Aglalon adda ubing nga karga tay kariton da nga dagitay napidut dan a lata ti ay-ayam na. ayna aya.

neay, senti met la unayen daytoy taltalang-abek ket lata ti patangan, hekhek!

ala Manong, umayak to manen, bless you! :-)




Johnnyric Domingo
8/5/2007 6:45:50 PM

Wen, LJ. Itay agsasarita kami ken Manong Cris itay madama ti watwatmi ket nalaglagipmi met ti rigat dita. nalaglagip mi pay dagiti nangangato a pulitiko.

Manong Cris, pinasalogdak man idiay talonen itay leplepas ti panagsarsaritatan. Apo, aya!




Cresencio Yagin
8/5/2007 9:32:46 PM

Ay nagsayaaten LJ ta nsarakam tay abong ko nga ngannganin nabagyo.Ay wen kuarta no maanusan ti mapan agpidot ti lata.Adu ti makaanus nga agrecycle, ngem ado latta met ti masadut. Addala ngarud pagikkan ti maricycle, ibellengda payla kadaytay solid waste bin.

Wen jric,kakaisuna nga day off, agrelax koma met datao.Ala kasta ti biag tayo ditoy hawaii.Anus!! urayta no kakaisuna nga abakasyontayo isu laeng ti intay panaglangay bassit.




Leofina Jane Galleta
8/6/2007 4:30:47 AM

Hello Manong, ditoy tatta 'pinas ti madama a mabagbagyo, hehehe! Husto la unay dayta kunam manong, awan isakmol nu saan nga igaed ti agubra.. addan sa ngamin galad ti dadduma, puro reklamo ngem kurang met ti aramid, daytay ag-complain ti aramid da gayam, hehehe!

Agkaarruba kayon sa met ta mayat ti watwat yo ken manong jric, hehe!

WEn man ketdi nu mairana nga adda panawen yo met a bumakasyon, nasayaat man la unay manong, umay kayo pumasyar ditoy 'pinas nga agiggiddan ta ipasyar dakayo, hehehe!




JRIC
8/7/2007 8:09:00 PM

Wen LJ, nabiit kami pay a nagam-ammo ken Manong Cris. Mkakatkatawaak no malaglagipko ti panagam-ammomi. Dati nga am-ammokon iti nagan ken personal. Ngem ni Manong Cris ti saan a makaa-ammo kaniak idi! HAHAHAHAHAHA!

Hi, Manong...!




Cresencio Yagin
8/9/2007 5:10:34 PM

Wen nga agpayso. Johnnyric nga Johnnyric ni abiratko ket imbagak nga diak amammo. Gayam tay met karrubak.
Panagpidut ti lata. Saan a pananglais. Ngem no dadoma adda asi nga mangtukay iti rikna.Nangruna no makitam nga adda maibungana nga dakes a mapasamak no bilang adda panagkibaltang dagiti aramid.Uray ammom nga nasayaat ti araramidem, no isu ti pakaalaam ti aksidente.
Adda makitkitak nga maysa nga agsapapul ti lata kadagiti trash bin. Agsukain, lukatanna dagiti nakasuputen kadagiti plastik bag.Idalimanekna pay nga isubli met laeng kadagiti pagbasuraan ti no asinno ti akinbasura.Ngem no makitak daytoy,kasla adda aligagaoko a mangpanunot. Mabalin nga isu ti pakaalaanna ti sugat no bilang adda magammatanna nga makasugat iti uneg ti naisupot nga basura. Wen kastoy ti biag umalibtak ken gumaget ti tao nangruna no sangsangaili laeng iti lugar. Ay Hawaii aya!!,kasla nanamay unay.




Johnnyric Domingo
8/15/2007 6:53:01 PM

HAHAHAHAHAHA! Uray dita Pagtrabahuanmi Manong ket adu ti mangsapsapul o kua kaniak, uray kasangsangok ida ket didak gayam am-ammo.

Kaaduan nga am-ammok idiay Filipinas Manong ket ti ammoda nalaka ti biag ditoy.




Leofina Jane Galleta
8/15/2007 7:32:49 PM

hello Mamanong, naudi nakon, hehehe! Speaking of am-ammo, medyo weird daytoy a nasiim ko iti bagbagik; nakatantandaanak iti rupa iti tao ngem nagrigat ko nga lagipen tay nagan aglalo nu naiyam-ammo laeng ket saan ko a nakapatang, ania pay isem-tung-ed tay ipan ko a greetings no masabat ko, hehehe!

husto ta kunam Manongski Cris, ken manongski Jric.. diak ammo nu misconception, wenno talaga laeng nga adda kastoy a galad ti pinoy.

Daytay man "aglaplapusanan a kinapasig" kunak man laengen... ta maala met siguro ti maysa a tao ti agbain ken mangpanunot iti rigat ken aminen a kanayon na a panagitured dagiti kakabsat nga maiyadayo iti pamilya tapno laeng adda mas nasaysayaat a panggedan.. ngem iti makitkitak ket saanen a pribilehiyo ti "agpasarabo" ta kasla payen nagbalin nga "obligasyon" no saan a kayat tay sangsangpet nga adda mangngeg na a saan a nasayaat...

Kasta met dagiti mismo a nakin pamilya, imbes a tulungan da koma nga agsalimetmet tay ofw, ala sige met a langguak, saan da metten nga isiki koma met nga usaren dayta nga oportunidad a mangusar iti resources nga iparparaman tay ofw tapno matulungan da, kas koma metten tay ammo da koma a pagtuliden tay maipaw-it. Ngem ti makitkitak iti kaadduan ket withdraw->gastos->tawag a dumawat->same cycle... ngamin nu ipatpateg tayo iti kameng ti pamilya tayo nga agsaksakripisyo, tulungan tayo ngarud met...

No panpanunutek, asino ngata ti ayan ti lapses; tay ofw nga mang-spoiled iti pamilya with the purpose nga pakaragsakan na a makita nga nanam-ay da without this person telling the family iti sakripisyo, rigrigat a paspasaren na; wenno ti pamilya nga agkurkurang iti panangpanunot ta saan da metten a makurkurangan...(Pordios, daytoy dilak, di man maan-anawan). just a piece of my mind met laeng ketdi daytoy Mamanong ko, :-)




Arlane Manzano
8/17/2007 9:57:52 AM

Hey Angkel Cres, mayat ti likaw ti patangan yo. LATA. PAnagpidut. OFW. hmm.

Nakabakasyonnak iti panagpidut ko iti lata ngem lansa ti insublatko ita. Pia la nga pagenrol. Kastoy ti kinarigat ti OFW MArengski. Doble kayod, no saanmo a doblien, awan mabati a para kenka. hakhakhak. Well, case to case basis met ketdi a kadakami nga OFW. Adda dagitay talaga nga obligado, adda met dagitay 'nanakem a mangobliga' iti bagbagida. In which case, narigat no masobraan. Everything in moderation. Kas kuna ni MAnong JRIC, rigat ti adda a biag ditoy aglalo ket agpunpundar ka met para iti masakbayam. Awan ti sabali nga kamangam ditoy no ti bagbagim. No agsakit ka, anusam a taripatuen ti bukod mo. No naragsakka, masapul nga ammom no asino ti pangibinglayam.

Uray siak ket narigat ko a matandaan ti nagan. Rupa ket nalakak la nga matandaan. Iti kina-adu siguro ti nagnagan nga nairehistro ditoy panunoten ti makagapu. Kunam Angkel ket uray istudyantek idi ket narigat ko nga maibaga ti nagannan uray no lepleppas ti school year (malaksid no nasirib wenno tay miron a pasalsali, wenno trabahok nga i-special class). No diak matandaanan, isemak lattan wenno awagak iti Miss Maganda, Mister Gwapo wenno any good adjective to describe him/her (kesa ibulodak isuna iti sabali a nagan!)

Ania pay? adun sa metten ti linawatko.




Cresencio Yagin
8/18/2007 12:23:57 AM


Dagitoy amin a bambanag ti pasaray ayayamen ti panunot dagiti lumallakayen a kas kanyak.Napadasak ti rigat. Ngem dagiti saringit, no ibagak a dida napadasan ti rigat a napadasak, ket mabalin. No kunak nga amin a kasapulanda iti panagdakkelda maited amin.Nokunak nga saanda nagkurang kadagitoy, ket mabalin. Malaksid laeng nga saanko nga naited ket adu nga klasi ti ayayam.
Saan a kas kanyak nga umanayen ti maysa nga itlog nga balunen nga ipudon ti inapoy.no kasdiay nga mapan datao idi iti eskuela.No awan t itlog umanay payen tay sangabukel a kamatis ken sangkabassit nga asin.
Napadakkel ida nga awan ti nagkurang nga maipauneg a taraon..Ita madlaoko nga nabarbarayuboyda, ngem idi siak ti kas tawenda. Isu nga no panpanunotek, amangan no adda met maibunga dagitoy nga saan unay a nasayaat.Baka kasapulan ti panagrigat tapno ammo nga ilalaen ken ammo a lagipen ti rigat a nagsaparan.
Amangan iti masakbayan ket addanto manen tiempo a madanon iti akinbaba a paset ti pilid ti panagbiag. Saanko nga ibaga nga addaakon iti ngato iti paset ti ligay. Nalanglangto lat bassit ngem idin, kunak manlaengen.
Daytoy saludsod, no asinno ti addaan ti pagkurangan , narigat a masungbatan. Kas iti maysa nga nangeagak nga sao ti mayasa nga ama, a dina kano kayat nga agrigat dagiti annakna. Diak maawatan unay no anya ti talaga nga kayatna a sawen wenno pontirya ti insawangna. Saanna nga inkagumaan ti pannakaumay ti annakna iti America ta dina kayat nga mapadasanda ti rigat ti trabaho. Dayta ti nangiturongak ti saona. Diak met ammo no anyanto ti ibunga daytoy a kapanunotanna. Ita ket ti panagsintirko awan ti adu nga pakadanaganda dagiti annakda idiay pinas . Adda dagitoy nagannak nga mangmangted ti abasto. Nanamayda . Saandan nga agtalon.




Lj :-)
8/18/2007 1:18:09 AM

Hello Manong Cres, kumusta kayo dita? ei, dadtoy ni Marengskik gayam, nagsayaaten, hehehe! Ni Manong Jric ti absent! :-)

OFW met ni Mamang ko Manong, grade 5 nak pay laeng idi nagresign nga agisuro sakbay a napan diay HK, almost 14 yrs nga nagubra sadiay, the whole of my teen-age years until i finished college.

Bilang anak ti OFW, narigat nga panunuten nga ti sukat ti pannaka-paadda a nadaras dagiti kasapulan ket ti saan a panagdedenna ti pamiya.Awan pay selpon idi isu nga nobela nga snail mails ti komunikasyon mi, hehehe! kadagidi a panawen nga ilablabay ko ti palagip ni inang ko a baket mapapan iti panagtiped, panagsalimetmet, etc., medyo makasimron idi ta iti ubing a panunot ko, di met obligado ti nagannak nga mangited ti kasapulan dagiti annak? ow well, simmarut met ketdi ta makakonsensya idi ti aggasto iti saan a kasapulan. Kaasi ti apo nakatulongak met iti sangkabassit ta saan a nagbaybayad ni Mama ti tuition feek the whole of my college education, isu laeng ta wais ni Mama, budgeted ti allowance ko, ania met,hehehe! pagsayaatan na laeng, diak nakasursuro nga nagwalay ta awan extra jay allowance ko, hekhek!

Babaen kadagiti a palagip, naitatak met iti panunot ko nga obligado met ti anak nga saan a mangparigat kadagiti nagannak da. saan a rason ti kinadependent wenno ti obligasyon ti nagannak tapno saan nga akuen dagiti annak ti responsibilidad a makitinnulong iti sibubukel a pamilya tapno saan a makuna nga adda agnamnam-ay ken adda agrigrigat. Agibaklay ti amin a gapu iti panangipateg ken panangilala iti tunggal maysa.

nu maminsan Manong, masapul a talaga a maramanan ti rigat tapno kas nakuna mon, mas makita ti pateg dagiti banbanag a nagbannugan. Maysa pay, makapatibker ti pakinakem met kadagiti annak, panagkunak ket mas kampante kayon a nagannak nu ammo yo nga uray saan yon ton a maipaay kadagiti masapsapul dagiti annak yo, kaskasdi a saan danton a nakaro a maparigatan nu kabaelan dan nga ipamuspusan ti bukod da a pagbiagan.




Cresencio Yagin
8/19/2007 2:18:11 PM

Arlane,wen nga agpayso panagpidut ti lata.Nagastayan nabagyo tay abongko nga pasarayyo sarungkaran idi.Medyo naliwayak. Imbag laketdi ta immay sinuray ni Marie D..
Bimmangon man met laengen.Ala pasaraydak umay sarunkaran ta adda liwliwa, pakisarsaritaan. Ngem ala panawankayoman pay babbalasang.
Siputanndak baka maisigkalak ket madalebak. Ananusanyon ti tumaeng annak.
Babay!!!....




Arlane Manzano
8/19/2007 8:02:47 PM

Nuang a bulding laeng ti madaleb iti tengnge't aldaw Angkel. HAhaha. Agingga nga adda masirip a pagpidutan, uray pay bakasyon/aginanaak kunam, SAYANG met. Isu nga GO latta. ISu pay nga igatang iti phonecard a pag-sermon idiay Pinas. Harharhar. Kitam' ni MAnong Jric ket madama manen ti aradonan.

Marengski, proudnak ken tay buridek mi ta ammo na nga salimetmetan ti kwarta na nga aggapu kaniak. "Pagbasam," kunkunak. Kaasin' apo, makitak met ti saet na piman ken ammona nga pagtultuliden diay masobra na. Para libro ken uniporme kunkunana. Dagitay met addiek nga 3 pay ket mabain da nga dumawat kaniak ta ammoda ti sitwasyon ko ditoy. Da NAnang ken Tatang ko a ti medyo ma-spoiled ko. Ania ngarud... no saan ko ngamin nga ilikos-likos iti kuskos-balungos ket daytay met litanya da nga kaedad ni Pareng Elvis ti patokarenda. Ammommon nu ania daydiay hekhekhek.




Leofina Jane Galleta
8/21/2007 8:18:05 AM

hakhakhak! Korekek marengski, amen. :-)

Kumusta, mmanong Cres, dika madanagan ta ipigen dakan ken Marengs ko nu kaspangarigan, hehe!

Makiad-adu ak to maminsan ta agpasiadorak man pay!




Cresencio Yagin
8/21/2007 12:13:32 PM

Alla !! no ipigen ti dwa nga nalangto,Amangan no makaungar payla tay nalaylay kayo.

Awan koma ti gumorgura, ngem agpayso tay rikna ti lakay nga ngannganin agritaya. ayayekek !! sanagdayamudom.




Leofina Jane Galleta
8/22/2007 8:22:11 AM

hahahaha! kumusta dita manong? Awan man metten tay kaduak a mangipig kenka, hekhek!


Naimbag nga aldaw mo Manong Cres, :-)




Johnnyric Domingo
8/22/2007 6:29:08 PM

Manong Cris! Kumostakan? Kumostaka kano kuna ni Manong Fred.

Nagbakasion kano ni Arlane, LJ. Diak laeng ammo no asino ti kaduana. Ni Apong Kups siguro.




Cresencio Yagin
8/23/2007 10:50:06 PM

nagbakasyonanda ngata? Dida metla nagaoawisen ta napanta koma simmurot. Uray ta addada nga mangipig kadadatao no bilang agkadapa ti lakay.
Ay wen aya,saan a magawidan ti panaglabas ti aldao.alisto launay.
Linlingayen laeng, ngem saan nga maatipa ti isasalug ti kaikaryan.
Isu nga nasayaatsa ketdi a panunoten manen ti panaglangay.Barbareng maalayayan ti alisto unay pannakalaylay.




Lj:-)
8/24/2007 11:59:54 PM

hello Manong Cres, Manong Jric, umammingawak man met saak agawid, hehehe!

Napan kan met nag relax ni Marengskik Manong, Uray dakayo, isiki yo met ti agrelax relax, you owe it to yourselves, mamanong ko. :-)

Ala, panawan kayo pay ngarud.




JRIC
8/27/2007 8:40:14 PM

Dios ti Agngina LJ ta inpalagipmo. Taray-taray a pasaray pagna laeng ngamin ti pampamay-anmi ken Manong Cris ditoy ayanmi.

Manong Cris, saanda kayat nga ibaga ti papananda. Uray ni Apong Kups ket sapsapulenna ni Arlane.




Arlane
8/28/2007 12:49:48 PM

Addaak manen... Whew! ngem rummuarak latta nu aggatel 'toy sakak.

Asinno ti makikinnamatan kaniak? ANgkel Cres, umaykan ta kibinen ka. Sumublat to ni LJ. Kitaem ni MAnong JRIC ket permi met ti anangsab nan???

MArengski, tay danum ta sibugan ta ni MAnong hehehe..

Apong KUPIDOOOOOOOOOO.... sanga-kilometron san ti kaadayo tayo kaniana. Nagbuntog met ngamin nga tumaray.




KUPIDO
8/28/2007 5:56:15 PM

Kasano nga saannak nga aginiin nga tumaray ket impabaklay yo met kaniak dagitoy kamison kada twalya yo.

Sanabagan dagitoy addim Jric. Aginsisik-siki da man nga tumaray ket sintonado met ti baddek da. Naminsan pay ket naitibkol ta maysa idinto nga naidaramudom ta maikadua nga agbyut-byutipul ays iti padak met nga tuppol.

Hamahaya Pari Crescencio, dagitoy ubbing ket linglingay dan ti mangar-artiok iti kas kaniata nga pasaray kamatenna ti karsonsilyo na nga ingato. Ahihihi.

Birbirokek tay lucky badal ko. Bareng naparpartak ti taray ko no isu ti isuong ko.




Leofina Jane Galleta
8/30/2007 8:01:21 AM

present! agtutor ka apong Kups, siak man ti kibinem ita, hehe!

Hello Manong Cres, kumusta? ayan nan tay marengskik ken ni Manong Jric?




Johnnyric Domingo
9/2/2007 5:41:43 PM

HAHAHAHAHAHAHAHA! Ni Arlane ti pagpakibinam Manong Cris, ta uray ta naka eksersayz dita canoe.

Kumosta Arlane? Diak met makapaspasiaren, nagadu met ngamin a problema ti talon......

Apong Kups, mabalin met ngamin nga agusarkayo tay suspender tapno saan kadirato nga ingato, no awan ket mabalin met tay alupasi. Kayatyo ta iyaramidankayonto Apong?

Adaak ditoy LJ, sangsangpetko a napan nagtalon. Diak pay nabelnasan tay buding a nuangko a pitakpitak ti sakana. patangkenek pay nalaklakanto ti mangliksab akdagita pitak. HAHAHAHAHAHAAHA!




Leofina Jane Galleta
9/7/2007 8:00:58 PM

yuhoooooo...! Manong Cres, kumusta kayon Manong?

Manong Jric..! intayon agkaroling, napanan da Apong ken Marengs kon?




Johnnyric Domingo
9/10/2007 7:34:30 PM

Awan manen Ni Manong Cris, LJ.... Yur-urayko ngarud ta mailiwak man a makigallit koma.



Cresencio Yagin
9/13/2007 12:28:02 AM

napanak met simmurot kadagitay nagreunion.NLTC Laoag, Class 1972 graduates. Naangay dita Pacific Beach Hotel iti Honululu.
Uray saanak a nakadarao iti dayta nga pagadalan,Narayawak met nga nakaimatang kadagiti nagkakaeskuelaan a nabayagen a di nagkikita.
Maysa met ngamin tay kapisik kadakuada. Makaparagsak dagiti nairut nga innarakop a mabuyogan kadagiti maburak nga katkatawada.
Nagsayaaten ta umaydak pasaray sarungkaran.
LJ ,Johnnyric, Ala pasraykay umay sumirip,ta adda pasaray kasrsarita.




Leofina Jane Galleta
9/15/2007 7:54:45 AM

Kumusta manong Cres, ayna reunion time sa a talaga tatta. ay ket back to their time ngad ti sigurado nga estorya da a manong. Am sure, adu paylaeng a secret idi ti maibutaktak uray manun a tawen ti pinalabas da,hehehe.

Awan met dagitay katungtong balatong a gagayyem ita Manong? :-)




Cresencio Yagin
9/16/2007 9:08:55 AM

Kunam ngarud LJ. Napanunotko nga dinamag no adda kadakuada ti nagkakatuloyan,kadagidi naggiinnarem idi agbasbasada. Saanda nga sinungbatan.Diak man ammo no nangegda, wenno nagintutolengda laeng.
Naragsak kami met nga nga paspasurot. adu nga nalaglagip nga pagsasaritaan.Nalagipmi pay no madanon ti iyuomay ti Dentist idi iti eskuela.Panaltagan nga naaramid iti takki ti nuang.No mano nga uyon ti sangabaar.Kiraos.gudua ,Salup. Panaltagan nga lalat ti nuang.Adu nga nalaglagipmi a puon ti adu a katkatawa. umaykanto manen LJ no maisangom, bareng addanto dagitay dadduman. Mabalin nag ammoda payla laeng no mano nga baar ti maysa nga uyon.He!he!he.




JRIC
9/17/2007 7:05:57 PM

Manong Cris...! Awanka? Nabayagen a dita nagsinnirpat ah! Agtaraytarayak latta met dita arubayanyo no kua, uray agunget dagiti doctor.

LJ, ayanmo ngaruden? Uray siak ket mail-iliwanak met a gallit koma....




Cresencio Yagin
9/19/2007 12:38:19 AM

Wen nga agpayso.Pinadasmi ngamin iti sumipnget. Dua rabii nga nagsaruno itay napan alawasti pannagnami.Dita parkingan dagita building dita batog ta balayyo ti rikusrikosenmi ti mamindua. Mabiit laeng sakami agsubli.
Awansa pay met agyan kadagita building.Umaykam koma man idi kalmanen, ngem idi damagen toy kaduak no umaykami magna ket nakadigusak metten.Iton maminsan,pukkawandakanto,no lumabaskam ta balayyo.
No asidegdalakoma dagitay babbalasitang,mapanta koma sukonen ida ta kadduata koma ida. LJ ken Arlane!! umakayto sumurot no maminsan?
Mapandakayto ipan ta Philmart wenno dita B&B Asian Food.




Johnnyric Domingo
9/20/2007 7:27:22 PM

Mayat koma aya manong no adda babbalasang a kadkaduatayo a magna. Ngem ibatik no kua ni Kumander ta agluto ti toron a meriendaentayao.



Cresencio Yagin
9/21/2007 12:00:31 AM

no ibatim ni komander ,mabalin nga makaaramid manen ti daniw wenno maysa a sarita.




Johnnyric Domingo
9/24/2007 7:21:55 PM

Tumangad tanga ngarud dita sagumaymay sa umisemisem, manong, kasla daytay manok a sumapsapol ti pagitloganna ket! Adda man ar-aramidenna a daniw daytoyen kunkunak lattan ah!



Dick Santos Suguitan
10/8/2010 7:37:27 PM

Manong, kablaawan ka unay!!!!




Agposte

Ag-Loginka pay nga umuna Kailian sakbay nga agposteka.