iluko.com - website a magustoan a pagpalpallailangan dagiti pada a nangisit ti sikona.

Agdadamo

 

Skip Navigation LinksHome > Blogs >



Ti Ay-ayatek
8/6/2007 2:41:12 AM

Ti ay-ayatek
Isu't mangmangted kaniak iti kired tunggal aldaw
Ta isu ti sungbat amin a problemak
Mannakigayyem
Managayat
Dagitoy ti rason no apay nga ipapategko unay isuna.

Iti kada kanito isu't malaglagipko
Naragsak ken nalag-an ti kaririknak
Tunggal amin a balikas a yebkasna
Tunggal agkatawa
Tunggal palludipna
Rag-o toy pusok awan kaaspingna.

Aglabas man ti adu nga aldaw
Di pulos agbabaliw ayatko a natarnaw
Isuna ti aminko
Isuna laeng ti biagko
Isu nga awan serserbi ti biagko
No mapukawko ni ipatpategko.



Comments



Leofina Jane Galleta
8/6/2007 4:21:43 AM

hello ading a nalaing! :-) mapaisem nak man kadaytoy nagpintas a daniw mo, kastoy a klase ti pammateg ti masapul nga ipaay mo kadagit nagannak kenka, nangnangruna iti Apo a Dios, :-)

he he he! addan sa metten crush mon balong, ammo met laeng ni Papa ken Mamang mo? hala, hehehe! just kidding nakkong ha! :-)




Fraulein Gamuyod
8/6/2007 10:25:56 AM

...naglaing ka nga ubingen...

..ading LJ...addan sa ket ayayaten na ni ading LJ2?...ok lang basta inspirasyon laeng...awan dakdakes na...




Maria Estela Javalde
8/7/2007 12:38:59 AM

hi ading ko, adtoy manen toy manang mo nga umay pumaspasyar dita nadayaw nga ayan mo. ammom, anak ka nga maimagpannakkel dagiti dadakkel mo gapu ti kinasaririt mo. manmano ket narasay ti ubbing nga kas kenka. ket ngarud ading ko, itul-tuloy mo dagita nga kinasirib ken kinasingpet mo okey. apay agayat ka kadin? uhhhhmmmm, ket agisem tay ading kon. joke laeng met. bye and god bless!



Lucky Jay Barut
8/7/2007 3:39:31 AM

Nagsayaat kayo ketdin a Mamanangko. Dakayo ti inspirasyonko tapno ituloyko ti panagsuratko nupay ammok a dakkel pay laeng ti kuskusel dagiti pinutarko. A million thanks...



Ruby Abad
10/2/2007 1:27:02 AM

Kuskusel kano ket mabalbalinen ballong.. baam ta kanayunek iti agpasyar ditoy blogmo. Regards to yuor family.




Agposte

Ag-Loginka pay nga umuna Kailian sakbay nga agposteka.