iluko.com - website a magustoan a pagpalpallailangan dagiti pada a nangisit ti sikona.

Tirad pass ti ayan mi

 

Skip Navigation LinksHome > Blogs >



PAGSASAIPENTAYO TI BUKOD A PAGSASAO: Bokabularyo Ilokano-
10/18/2007 1:57:57 AM

Naadawko daytoy a TITULO babaen iti pannakaiyetnag ti maikadwa a batch ti panagadal ti ILOKO CREATIVE WRITING COURSE sadiay DOUS, DMMMSU, San Fernando City ita a tawen 2007 nga irusruswat iti Distance Learning ti nasao a Graduate School, babaen iti pannakikamayet ti SPADE ken GUMILs, kangrunaan iti GUMIL La Union.Dagiti naanet a Mangisuro ni Sir Ed Angco, PhD., Ni Madam Djuna Alcantara ken dadduma pay a nalalaeng a mangisuro iti nasao a Kurso ICWC. Nangrugi iti umuna a sabado iti Oktobre ket aglippas iti maudi a lawas maikatlo a lawas a sabado iti umay a bulan ti Nobyembre.Naigkan kami ngarud iti assignment kada sabado a mangipresentar iti mismo a pagsasaomi ditoy Upland kangrunaan iti ilik a Gregorio Del Pilar, Ilocos Sur.

Ammuentayo ngarud kakabsat ti Synonyms wenno kapares/kapada dagitoy sumaganad a Bokabularyo a nagapu ditoy lugarmi ken lugaryo kaspangarigan.

1. Sallem
2. Tenneb
3. Rakem
4. Badang
5. Tukyad
6. narimet

Malaksid pay dagitoy nadakamat ko iti ngato sidadaannak met a mangammo kadagiti nadumaduma a pagsasaoyo kakabsat tapno maamwak ken innak met ikagumaan a sursurwen tapno naan-anayas iti panagpapatangtayo kakabsat ko ida.

Magagarannak a mangsungbat/ited dagiti kayat na met a saowen ditoy lugarmi a Gregorio del Pilar, kadagiti nadumaduma a pagsasaoyo kakabsat aaround the Globe.




Comments



LJ,:-)
10/18/2007 8:39:13 AM

heyyo Ruby, kumustan gayyem? Great page! :-)

hmmm... mayat man daytoy. Padasek man a parisan dagitoy dadduma nga inlistam gayyem;

Tenneb = nairuam,namuli
Badang = buneng
Tukyad = bumdeng, agpangadua, agaripapa; agsanud;

For corrections man kadi no umno met laeng iti pannakaawat ko kadagiti inmaldit ko, gayyem.

dagiti balikas a sallem, rakem, narimet; saan ko a masinunuo ti unmo a balikas a synonyms da koma..




Ruby Abad
10/20/2007 6:36:25 PM

Maitandudo ka man KAPAGAYAM KO A LJ gapu ta sikan tay nangidaulo iti daytoy a ganwat tayo a pangpaten-neb kadagiti nakatalimeng/nakadulin a balekas a rumbeng a maitandudu KEN MAIBUTAKTAK kabayatan nga intay pannakikamayet kadagiti kadaraantayo iti naduma-duma a paset ti Pilipinas ken iti sabsabali pay a paset ti Lubong kabsat LJ.Pagraemak ti makidanggay iti daytoy a panangibenglay iti BOKABOLARYO ILOKANO tapno mapatgan nga agtultuloy dagiti osto a sarita/sao dagiti bangulan/lalakay idi kasin wenno inmun-una a lola ken lolo tayo.

Pagyamanak unay LJ toy sungbatmo ket nasurwannak manen kadagiti naipadigom:

Adda dagiti Bokabolaryo tayo nga agpares iti kurditna(pannakaisurat na) ngem agduma iti pannakaibalekas na kas koma ita inaramat tayo a I.BADANG-ket dua ti kayatna a saoen 1. Buneng (NOUN)
2. tulong,kabulig, kataktakunaynay, asibayen,makipagrikna, andingayen, tarabay, ubbo,guyugoy,alluyon,ammoyo,saranay ken kooperasyon.(VERB).Kakabsat a makabasa:SIDADAAN TUNGGAL MAYSA A MAKORIHER PARA ITI NAPAYPAYSO A KAIPAPANAN DAGITOY A NAIKURDIT A BOKABOLARYO ILOKANO KAKABSAT.
Kastan a dagiti pay sumaganad a Bokabolaryo a naikurdit ko ket kasapulan mi nga ammuen dagiti KAPAREHA na a sao wenno SYNONYMS na KAKAKASAT KO IDA iti LEKSYONMI ITI ILOKO CREATIVE WRITING COURSE sadiay DOUS,DMMMSU, SAN FERNANDO CITY, LA UNION.

BOKABOLARYO:
1. SURAY
2. SELLEM
3. TAKONG
4. NARIWET
5. SIGPAT
6. SIGPET
7. KUMALANGIKING
8. NASALIMSEM
9. SIRMATA
10.SADIRI

Pagyamanak iti inkay panangibinglay ti kapanpanunutanyo ti daytoy a ganwat.Sungbatanyo ngarud dagitoy tapno mangrugi metten ti panangipadigo,pangipaduyakyakyo ti napaypayso a sao dita lugaryo a napnuan kinatagibi iti naited a pagsasao trayo nga ILOKANO nupay nagigidiat tayo iti pannakaibalekas,kaipapanan ta dayta ti ramen ti kanawidan tayo maigapu iti nabangunan tunggal maysa a puli ni Ilokano a masarakan sadiay taga-BANTAY,BABA: Daya,Laod,Amianan ken Abagatan.Ngarud umdas man koma ita a pannawen nga intay pagsasaipen dagitoy tapno saan tayo a maudi kadagiti dialecto a naiprintan dagiti kabangibang a sarita kas iti Tagalog ken ti Western Languages a dakdakkel a mangapektar ken osto a mangpukaw iti pannakapreserba ti BUKOD TAYO A LENGUAHE.

Ngarud sika ken siak nga adda dara a nangisit a SIKO umagamid ka ngarud kadagita nay ul-ulisam a bubuutinen a saom tapno ikalkag tayo kadagiti kadaraantayo nga ILOKANO tapno adda man pagnimmanimmaanda nga aginkukuna bareng agbarengkuasda iti pannaturogda ket sidadaandanto metten a mangmuli iti ILOKANO a naggapuanda ket agmaymaysa tayo a mangipukkaw iti kastoy.....NADANUNEN TI ALDAW NI ILOKANO A MANGIBUNANNAG ILOKO A PAGSASAO ADDAAN ITI PUSO KET NATEN-NEB TUNGGAL MAYSA A MANGUSAR DUMTENG KAPUTUTAN AGTULTULOY A MANGPASAKNAP ITI INTERO A LUBONG!Kaanon to ngata daytoy a tiempo ngarud rugyantayon itan kakabsatko ida.Agyamanak unay.







Leo Beligan
10/21/2007 9:31:04 AM

Kabsat Ruby, awisen ka man nga mangbasa iti panait: "PASALIP ITI PANAGSURATAN", kasta met nga tumapog ka koma iti KAKITONGAN.



Ruby Abad
10/21/2007 7:46:23 PM

Naynayman iti ragsak ko para iti inka isasarungkar kabsat Leo.Nagsayaat ti awes mo kanyak kabsat. Baam ta umayak dumamappat bareng isu pay iti pakatenneban toy agdadamo kabsat mo. Tagiragsakek iti panagbisitam toy blogko.

Mangibingay ka ngarud man Leo kabsat toy dawatko toy blogko a saikan tay mangited met kadagiti Bokabolaryo dita nay lugaryo tapno pagsinggaluten tayo dagiti nabubuutanen a sao tayo. Mangnamnamaak iti anus ken panagpadigom kabsat leo.Hello metten kadagiti kakabsat nga umay mangbasa toy PROJECT MI ITI PANAGADAL MI ITI ILOKO CREATIVE WRITING 2ND BATCH 2007.




LJ, :-)
10/22/2007 12:01:50 AM

'mayak manen sumirip gayyem Ruby. kumusta ka? :-) Adda met gayam ditoy ni Angkel atorni, kumusta kayo met dita, angkel? :-)

very much interested nak ngamin a makaadal pay iti pagsasao tayo, ngamin ket talaga a karkaradapek pay laeng dagitay umiso a pakausaran ken panangusar kadagiti balbalikas; kasta metten kadagiti kapada na iti kayat na a sawen.

'aguray man ngarud ta agsukisokak man met iti mabalin a mainayon ditoy listaam. Dagitoy naudi a nailistam a balikas ket medyo agdiwer ti pannakaawat kon. Mabalin kadi nga ilistam laengen dagiti kapada a balikas dagitoy? :-)

Agyamanak manen iti adu, :-)




Sue Tal nga Announcer
10/22/2007 1:47:17 PM

1. SURAY - pannakasulang wenno makainar
2. SELLEM - (pakawanendak, diak ammo daytoy appo)
3. TAKONG - baket a baboy nga adda buriasna
4. NARIWET - nasipnget (mausar laeng maipapan ti rabii)
5. SIGPAT - tagbat
6. SIGPET - (sugpet) raman ti saan a nasam-it a kamantiris
7. KUMALANGIKING - maysa nga aweng a kas aweng ti kampanilya
8. NASALIMSEM - (nasalemsem) nalammin, nalamiis
9. SIRMATA - tagtagainep (vision ti ingles appo)
10.SADIRI - maysa a maipannakkel




Pang Kiss a sharpshooter
10/22/2007 1:55:31 PM

LJ Adingko a dayag, ti BADANG (saan a napaspas ti pannakaisaona) ket TULONG wenno ARAYAT.

Badang no napaspas ti pannakaisaona ket pudno a BUNENG ti kayatna a sawen.

Depende ngamin ti pannakaisaona. Kastoy man ti maysa a pakatawa.

Diay kano Tagudin, Ilocos Sur, idi panawen pay la dagidi papadi a taga Belgium, naadalna ti Iluko ngem agbeddalda. Maysa kano a Domingo, nagsermon ti maysa a padi ket kinunana:

"Kakabsat, agbibinnadang tayo. No pakatayak, pakatayanyo met."

Ballaag: ti umuna a sentence either means we help one another or we hack one another. Ti maikadua, manen, depende ti pannakaisaona, it either means, (roughly) "if it causes me death; and so do you." No nabontog ti pannakaisaona, sabali ti kayatna a sawen, it means, Ïf I want it licked, so do you."




Ilo Cano
10/22/2007 2:21:34 PM

Ania ti kayat a sawen dagitoy a balikas ti Iluko?

1. Kiwer
2. Linggalinggang
3. Tarumpingay
4. Muldot
5. Tangtangkirang
6. Iggal
7. Liddu-ok
8. Alimukamok
9. Mangnibinibi
10.Dalipato
11. Langlanggidas
12. Mormurontos
13. Iddek
14. Salladay
15. Maludang
16. Mariid
17. Putan
18. Ambudo
19. Ertengen
20. Batibat
21. Bangsal
22. Agtanggad
23. Nabursi
24. Palpallatok
25. Panagbinnatog
26. Layap
27. Dapnas
28. Pammi-it
29. Kalindo-usan
30. Mang-us
31. Agtagud
32. Barhilia
33. Tangingting
34. Sallakong
35. Aributedted




Gerry Riguera
10/22/2007 2:26:52 PM

Jane, please help. I try to research on the words above and think deeply to answer them. The only problem is Ilocano in different provinces in the North, around the world and in Mindanao differ from one another.



jo
10/22/2007 3:14:11 PM

Naimbag nga orasyo amin gagayyem, makapaawis daytoy nga topiko gayyem Ruby, makapaisem, hihihi..Adu ti maadalko ditoy, la ta agurayak man iti sungbatyo ta diak met ammo iti kayatna a sawen dagitoy a balikas ita.



Fraulein Gamuyod
10/22/2007 8:39:04 PM

kabsat ruby...umayak man met ag-enroll ditoy klaseyo...tapnu maadalan met datao....

hello kakabsat...




Vernie Pasic
10/23/2007 4:17:01 AM

No ditoy ayanmi ket kastoy gayyem Ilo Cano...

Alimukamok = arbis
muldot = barbon, napino nga buok
putan = pangiggenan
kalindo-usan = kaleng-etan
mang-us = mangsepsep (no unas koma)
kiwer = killo

nayunanyo kakabsat!




LJ:-)
10/23/2007 11:03:43 PM

Hello Ruby! and everybody, :-)

Wow.... will come come guys..

Manong Ger, inuukkon ko man pay laeng dagitoy listaan aya ta agsubliak to no mairingpas ko a mikismikisen,hehehe!

Sue Tal nga Announcer, Pang Kiss a sharpshooter (hehehe, pamakpakawanan yo kadi ket makaray-aw met dagitoy birngas yo kakabsat), agyamanak iti panangipalawag, :-)





Pee Lay a Dance Instructor
10/24/2007 5:16:40 AM

LJ, kasta met a talaga ti panggep ti amin ditoy --- maray-ray-aw a di ket agsusubang! Ragragsak laeng para ti amin.

Gayam, adda saludsodko kenka:

Äna ti sekretom a kanayon ka a napusaksak? No makadar-ayak la koma ti taripnongyo iti daytoy Diciembre, ammok a dinak koma met paayen no kortesiaanka nga isala ti Funky Town.

Agyamanak ken ala, ituloy ti ragragsak ket katkatawa.




Tuppol A. Kisser
10/24/2007 5:22:58 AM

Kabsat Pee Lay a Dance Instructor, ania ketdin aya ta nagadu ti sabali a birngas ket dayta pay la met ti napilim. Parparmataenka a mangisalsala ken ni LJ ti Macarena ken El Bimbo.

Dandaniak nasurngian a nakabasa ti birngasmo kabsat nga isu pay ti nakaklaatan ti karruba ti ulo ti pungan.




Fred Chiken A Pork
10/24/2007 5:29:41 AM

Nakarkaro man met ti birngasmon kabsat a Tuppol A. Kisser. Tuppol ka laeng wenno awan a pulos ti ngipenmo? No awan a pulos ti ngipenmo, sumanaltek no bumesoka ken wen, pumigket pay ta bibigmo ngem pagkuntiradem a. Ala uray ket saan ka met a tammi siguro ana wenno ala Babalu.

Ay Apo, kumpleto man la ti aldawen. Naragsak man ti taon a makabasa kadagiti ragragsak ditoy. Ituloyyo man pay wen!




Gerry Riguera
10/24/2007 5:38:04 AM

Tanangem latta Jane. Ti la masarsarakan ditoyen. Ti gayyemko a nakabasa kadagitoy naiposte ket napalalo ti paggaakna but I agree that we are here to have fun.

Ania ti makunam Jane, isalada ka kano ti Macarena ken El Bimbo. If I have a chance to attend your December gathering, I would prefer to dance with you a Blue Danube pero, I cannot attend. Just send me pictures if you will.

Ruby, ayan mon kabsat? tay dawdawatek kenka nga addang no kasano ti agaramid ti bubod ket di mo met la iteden kaka. Lumamiisen ditoy ayanko. Kasapulan ti pagpapudot.

Arlane, ayan mo? Pasensiaandak koma no saanak a kanayon ditoy Iluko.com ta adu met ti asikasuek.

Kastan ken ti Apo ti mangtarabay kadatayo amin a parsua a napalalo ti panangayatna.




Fraulein Gamuyod
10/25/2007 10:57:24 PM

kumusta kabsat Ruby...

hello kadakayo amin kakabsat...




Ruby Abad
10/27/2007 9:17:12 PM

Pagyamanak gagayyem ko ida ta naynay iti panagayatyo iti nairusat a ganwat iti SPADE/GUMILs ken kadatayo nga Ilokano a padak a nangisit ti sikuna...matagu-tago tayo am-in. Pagayayam Fraulein, Gerry, Lj.Fred, Tuppol, Arlane Manzano, Mr./Tiong Teksas kendadduma pay a madek nainaganan pagyamanan kayo amin ken ali ket ali man latta iti panangtedyo ti kapanunutan yo babaen iti daytoy a ICW course ita a tawen ken kasta metten ilungalong tayo tapno agtultuloyen ti nainget a panangadal iti GRAMMAR NGA ILOKANO/ILOKO.

Regardfs to all od you guys, kumusta sabi ng mga klasmates ko sa ICW, DOUS, DMMMSU,SAN FERNANDO,LA UNION.




Ruby Abad
10/27/2007 9:25:21 PM

Maawis metten ti kapanunutanyo kakabsat nga ibinglayyo ti natinnep a depinasyonyo no ania a kayatna a saoen ti DANIW iti kaunggan ti panunot ken puso kakabsat.

TOY NUMO A DEPINASYON:
DANIW-isu iti panangipeksa a mangbiag ti maysa a parsua a kas ti Tao naadaan ramen a kananakem ni ayat a mangbuleg iti kinatao.

Agyamanak unay kakabsat!




jilly
10/28/2007 1:33:58 AM

naimbag nga oras mo gayyem ruby.mayat toy topiko ditoy abong mo,naawis man ti imatang ko kadagitoy pagsasao nga damdamagen ni Ilo Cano...daytoy met ti kayat na nga saw-en dagita no ditoy ayan mi.

sallakong(sillakong)-ti plastar ti saka na ket kasla close and open parenthesis koma.
agtaud-aggapu,wenno boluntaryo.dayta agtaud dita kaunggan ti pusom.
pammi-it - sagabasab,(tay gurigor nga saan unay nabara wenno bassit laeng.)
ertengen-irutan
agtanggad-agpalaing,agpaungar,(no tay kaan-anak koma ket saan pay nga makatrabaho ti nadagsen.)
layap-shooting star
ambudo-(imbudo),funnel (tay usaren nga mangikarga iti maysa nga likido iti botelia)
batibat-dakes nga tag-tagainep
bangsal-kasla duag koma ngem idiay kusina ti ayan na.




Mr. Teksas
10/28/2007 11:52:25 AM

Bangsal Isu ti maysa a paset ti balay kas maysa a porch. Mabalin a ti sangwanan balay ti ayanna ken sikigan wenno likud ti kusina. Bangsal ket elevated. Ta dagitay imununa a babalay (datay daan a balaymi}nga elevated nga adda sirokna.Daytoy bangsal, depende iti kalawana a kayatmo, idiay iti pagpariiran ken pagpalpaaan.Dadduma isu iti pangibatian ti sinilas, sapatos, sakbay a sumrekka iti kamadaklan.



Kawee Tan nga Upa
10/28/2007 4:35:01 PM

jillu,

batibat ket bangungot ngem husto ti palawagmo nga isu met ti maysa a kaipapanan ti batibat.

daytoy ti imasna ti sao tayo ta depende no sinno ti lugar nga ayan. dagiti dadduma a palawag mo ket pudnoda amin ti p[anagkunak.





Fraulein Gamuyod
10/29/2007 12:54:01 AM

umayak man kabsat Ruby ditoy eskwelaanmo.....

kumusta kau amin kakabsat...




Arlane Manzano
11/1/2007 12:22:29 PM

Wahahaa... Naudiak metten Ruby. Agbasaak pay kadagiti poste ket agsubliakto nga maki-mitir.

Naimbag nga aldaw yo amin kakadua.

Trick or treat?




Ruby Abad
11/1/2007 6:32:45 PM

Naimbag met ta nakapasyar ka Arlane ket ni makumikom kami nga studyante nga umay mangammo kadagiti kapanunutanyo iti posibli a panagdur-as toy bukod tayo a sao kangrunaaniti inuugma. Pagyamanak manen iti inka isasarungkar Arlane.



Ruby Abad
11/1/2007 6:38:04 PM

Jilly pagyamanak kadagiti padigom ket mangnamnama ka nga innak ited iti nasayaat a kababalin nga magukkon ken mangted importansia kadagiti naited mo a balekas ken ad-adu pay a idasar mo. Pagyamanak unay.



Ruby Abad
11/1/2007 6:43:15 PM

Iyawis ko kakabsat iti kapanunutanyo ti depenasyonyo ti DANIW wenno POEM.
Ala Mr. Teksas Uliteg badangan na kami iti panangted iti depenasyon ti Daniw tapno agballigi tayo a mangpadur-as ti naited a gamigam tayo ti benneg dinnaniwan. Sir Gerry ayan met kapanunutam. Ken kasta metten kadakayo a naayat a kakabsat ko ida.




Ruby Abad
11/1/2007 8:21:13 PM

Pagayam ko ida here are the new terms from my classmate Municipal Agriculturist Agriculturist (MAO) from San Juan, Ilocos Sur.Ket dawatenmi ti anepyo nga mangted met anusyo nga mangted ti kapanunutanyo para kadagitoy nga bokabularyo.Agyamanak unay:

Dagiti sumaganad a sao ket iggan tayo iti kaparehas na a sarita/sao.

1. Talpiak
2.kutibeng
3.




Ruby Abad
11/1/2007 8:29:09 PM

kanayunanna a bokabularyo tayo from MAO of San Juan, La Union:

1. Lagpit
2. baar
3. uyon
4. umdas
5. tagitnuan
6. bettek

Bokabularyo met a nagapu ti Ili a Gregorio Del Pilar:

1.Pungdol
2. Suyat
3. Muli
4. Galad
5. Lugam
6. Uma
7. Innaw
8. Awit
9. Gulalad
10.Kalis

Maayatannak nga mangur-uray iti adu a sungbat wenno komentoyo a kas panangtedyo ti synonyms na dagiti adda ditoy ngato a balekas.




Leofina Jane Galleta
11/6/2007 1:56:31 AM

hello Ruby! how are ya! Kumusta kayo aminen guys! Ayna, naimasak ti nagbakasyon diay Cagayan ket nabayagak metten a saan a naidagas. Adu gayamen ti napalabas ko, hehehe!

Aguray man ta sumiimak met bassit....

talpiak.... tapis (?)
kutibeng... saan kadi a tangguyob dayta ngata aya?
umdas... umanay; sakto (sure na, hehehe!)
bettek... reppet (?)
uyon... kaslan sa "ubon" ti kayat na a sawen..

pungdol... tay nabati a nagpukanan iti kayo (diak ammo ti synonyms na,)
suyat.... buyat, ibelleng, ipakbo
galad.... ugali, kababalin
uma..... bangkag sadiay bantay (?)
innaw... ugas/panangdalus
awit.... baklay, susuonen, karga

the rest, i am clueless,hehehe!

kumusta kayo aminen gagayyem! :-)




Ken
11/6/2007 9:06:13 AM

gulalad, gulaladen= guyoden
kalis, kaliskisan= ikkaten diay akinrabaw a partina. no sika koma ket siksikan, ikkaten diay a kinrabaw a kudilna. Kawayan: kaliskisan diay kawayan.

bettek=tan-ay, datay inapit a pagay a rinakem, rinnepet.




Ken
11/6/2007 9:07:09 AM

no sida koma, saan a sika, sowie-:)



Arlane Manzano
11/6/2007 12:10:38 PM

Kukuak lattan ti agbasa kadagitoy bokabularyo nga impadigo yo Marengski ken gayyem Ken.

Adu man ti maadal ko kadakayo.

Gayyem Ruby, adda surat ko kenka idiay email mo. Pangngaasim ta ag-reply ka a dagus ti adda wayam ket kasapulan na ta ni Angkel nga maysa. Iyam-ammokan to. For sure, adu ti masakdom kenkuana nga tips maipanggep iti panagsuratan..




Leofina Jane Galleta
11/7/2007 9:10:33 AM

oppppssss... gagayyem ko ida dita ngato nga adayo bassiten, pamakpakawanan yo ket saan ko a nasungbatan dagiti saludsod yo kaniak idi naudi nga isasar-ong ko...

Gayyem peelay nga instructor, simpleak laeng nga ilokana kabsat, id-idiak laeng ti negative thoughts ken nanamek amin nga anag ti tunggal darikmat a maibulod kaniak babaen iti naimpapusuan a panangilala ken panagayat iti amin a banag iti aglawlaw ko; dagitoy ti mangmangted ray-aw ken isem a mangurnos bassit iti ladawan nga imparangkap ti Apo... inayon ko payen ti disposisyon ken panangrespeto iti kaimudingan dagiti amin a banag kas pakaadawak iti naimbag a banbanag a mangparaniag pay iti isem a madadaan nga iyabrasak iti amin a padak a pinarsua ti apo.. dayta man gayyem ti maiparangkap ko.. sowi ta naladawen daytoy a sungbat ko hehehe!

come one, come all iti gathering kakabsat! pilitek a sursuruen iti agsala ta dayta a banag ti pagkapuyak a maysa (op kors, given dayta sakit kon a wrong spelling, hahaha!)

Manong Ger, uray no pakaragsakan to koma pay a naynay iti kaaddam ket addan to latta panawen a makita ka met, pix, consider that as a promise from me Manong, dagdagusek to ti mangipasayag kenka, hehehe!




Ruby Abad
11/7/2007 6:26:32 PM

Have a nice day to all of you guys! Sika ken siak umdas a mangtennep tunggal maysa iti panakapabaknang iti kanawidan a pagsasao iti localidad. Siak maysanak nga anak ti kankana-ey ken tingguian isu nga ikarigatak a mangmanso/ gudilak ti napuskol a lalat a nangringbaw iti inuugma a a pagsasao, kanayunanna mamatiak iti pagsasao nga inbati ni Dr. Jose Rizal kadatayo a kapututan a kastoy,"ANG HINDI MARUNONG TUMINGIN SA PINANGGALINGAN AY HINDI MAKAKARATING SA PAROROONAN/TUTUNGUNAN".

Ala gagayyem ko ida itul-tuloy tayo a mangsasaep ti umno nga anag ti AYAT PARA ITI NAINKALINTIGAN A RUMBENG NGA IPASINDAYAW ITI NAGRUGYAN A KAPUTUTAN NI BAGO,IBALIO, IGOROT, TINGGUIAN, KANKANAEY a pungluten ni ILOKANO.

Wen gayam kumusta kayo pagayam LEO,LEOFINA, ARLANE, UNCLE TEKSAS, GERRY,
KEN,KAWIRAN NGA UPA, ILOCANO,FROILAN, JILLY. AGYAMANAK.




karen
1/28/2008 9:29:55 PM

can u pls translate the following uinformation in english



Ruby Abad
5/15/2008 6:41:56 AM

Hi karen nice meeting you! You should text me on my cp number 09196872143 to have closer communication and to discuss some infos regarding your query.



MR.U.BOUY
10/3/2012 12:10:06 PM

Nagasat nga aldawyo amin kakabsat ket ni nagbuoten,naglumuten toy project. Maawiskayo man kakabsat nga mangibenglay ti kapanpanunutanyo ditoy titulo ditoy ngato. Grazie.




Ruby Tong-alan Abad
1/22/2014 1:15:38 PM

www.facebook.com





Agposte

Ag-Loginka pay nga umuna Kailian sakbay nga agposteka.