iluko.com - website a magustoan a pagpalpallailangan dagiti pada a nangisit ti sikona.

Dagiti overseas filipino (ilokano) workers

 

Skip Navigation LinksHome > Blogs >



PARTIDO OFW 2007, Ania’t Makunam Atanud?
12/30/2005 7:54:11 AM

THE MANILA TIMES PERSON OF THE YEAR: A salute to the OFW; By William B. Depasupil, Reporter
“They are called the country’s “modern-day heroes.” They are the estimated 8.1 million overseas Filipino workers and migrants in 194 countries and territories all over the world”..... kuna man ti Manila Times iti Thursday, December 29, 2005 nga issueda.

KUNAK MET: LINOLOKO, LOKLOKUEN datayo! APAY? Kastoy man dagiti makitkitak a makaigapu no apay a saanko a matilmon iti awagda kaniak a BARO (kano) a BANNUAR:

"Disgruntled Citizen" kunayo ngata (that is a diplomatic lingo, be careful) ngem kitaentayo man no ania ti pag-gigidiatan tayo nga OFW:

Idi immayak ditoy abroad ket insaldak amin nga sal-itko ta tapno adda gastosek. Ania ti inaramid dagiti adda iti gobierno?
1.Nagpainumak pay nga umuna ta tapno maidaras dagitay local clearances ko.
2.Inan-anusak ti nagtaktakder idiay bus kadagidi nagadu a biahek idiay Manila ta tapno maalak daras tay passportko.
3.Idiay DFA adu ti nakaraman tay pinapaitan a balonko sakbay a nairuarko diay pasaportek.
4.Dagiti dadduma nga ahensia ti gobierno ket dinawatda pay tay pamigatko a saluyot ken innapuy ta tapno mapirmaan amin nga papeles nga kasapulan. Apo, diak pay ket makargan ti kinaadu ti papeles a sapulenda.
5.Adu a “Yes Sir ken Yes Madame” ken isem a napait a naited ken naala kadagiti arogante nga eskribiente (pribado ken gobierno!)

Itan ta addaak ditoy abroad:
1.Nangina pay laeng ti passport ken certifications kdpy. idiay embahada, agraman nagadu nga ‘yes sir’ nga aramidem. Kakang, dimo malpas iti maysa nga aldaw! Tay dua nga aldaw a panag-absentmo ket nalawag a doliar ti napukawmo. Xerox copy laeng ket dida pay kayat nga aramiden (a libre)! Ammoyo kadi a libre ti passport kadagiti sabali a pagilian? It's our right to be identified.
2.No saandaka nga am-ammo dagitay taga-embahada, “awan tay agpirma” tay alisto nga isungbatda no masadutda nga agtrabaho aglalo no aldaw ti Biernes! Hmmm..Red Carpet no mapanak idiay embahada tayo.
3.No adda OFW-in-distress, urayem pay laeng nga aglawag ti aldaw wenno ag-Lunes no weekend tapno makasapulka ti tao nga tumulong.... puera de los buenos! Uray no mat-mataykan atanud, dika mangnamnama!
4.Kas idiay Pilipinas, padasem a pakanen wenno painumen tay ambassadormo (wenno mayormo)ket instant celebrityka (no kayatmo a atanud).

No Agawidak met: Pagbabam diay eroplano, ilemmengmo a nalaing tay waletmo:
1.Porter – saan met a nasakit ngem anti-mendicancy law ti bagsakmo no adu
2.Taxi –no awan bukodmo nga L200. But where is security and discreetion (in the airport)we should long deserve? Security? He! They keep on interviewing you until you divulge your route. Mangitugotka iti badang atanud no kasdiay nga agawidka!
3.POEA wenno Dept. of Tourism (uray ania ditan) clearance kano? Mano daydiay itayen? Siguro dika agrem-remit atanud!
4.Airport gate fee –dimo liplipatan no saan makasarakka kadagitay nainaw iti misuot nga border police he he he

SOLUTION? PARTIDO OFW FOR ELECTION 2007
Mangipantayo iti congressman tayo idiay KAMARA ken Senador tayo idiay SENADO!

Iwarasmo toy damag atanud ta rugiantayon ti sumapul ti kandidato a saan a balimbing!




Comments



Clifton Pascua
12/30/2005 7:55:14 AM

PS. Gumura kayo kadi no i-english ko amin... for general consumption? Please advise? 'nong Andy??????




Eduardo A. Padaoan
12/30/2005 9:28:09 AM

Nagmayaten ti napanunotmo Atanud?

Ngem dila mabalin nga amendaranta dayta partido ta iramandakami met a migrants? Kas koma PARTIDO OFW AND MIGRANTS FOR ELECTION 2007, tapno makatulongkami met a migrants. Ngamin ket makabutoskami met idiay Overseas Absentee Voting. Paamendarantayo ngarud dayta OAV no mayatda dagiti Comelec maipakita a pudno nga heroes dagiti OFW, no adda pay Election.

Ket no No-El kunada, proposalko, daytay naisuratkon idiay abongko, kastoy:

Adda pointmo Atanud, kitaen la nga agpayso. No ti pagilian ket beneficiary ti nagling-etan ti OFW's ken migrants ket adda OAVL, di masapul met ngarud ti representantetayo!

Ma-phase out san ti Congress ket awanton ti Congressman ken Senador gapu daytoy Cha Cha. Agbalinton a Parliament. Idawattayo kadagidiay mang-amend wenno mangsurat ti baro a Philippine Constitution a masapul nga adda met tugaw iti assemblyman a pannakabagi ti Migrants ken OFW. Ket babaen dagiti makitak a potentials ken expertisemo dakamin ken Ka Fred ti mangindorso, mangipagna, mangikampania ti panagbalinmo nga Assemblyman. Aniat' makunam met Atanud? Tay kunkunada 'ti ang-angaw ket visperas ti pudpudno a buenas!'





Fred Ilac, Jr.
12/31/2005 5:16:56 AM

pasensiakayon tatanud naladaw man dataon
wen mayatak a mangsuportar tay kandidato a saan a kasla agpanpanunot nga Aguinaldo, saan a tay bukodna laeng a pagsayaatan ti adda iti nakemna...saan a tay adda nangisit a motibo iti likud dagiti nasayaat a bal-balikas ken isem.
no adda tao a masarakantay a kasdiay a maipatugaw idiay ilitayo a Pinas, siguradoak a mapagsublitay daydi napukaw lideratotayo iti ekonomia iti Asia idi antes tiempo..ngem no tay senador wenno diputado a pagbalinenna a pagbalinenna a sarilina a pagbagasan ti pork barrel fund...uray paltoganda saanak a lumdaang..sobran sa met ti kinaradikal diay sinaokon!
ngem mga tanudko, uray makasaraktayo, kasanotay ngata a mangabak..ket saantay met nga basketbolista, artista, kumakanta..awananatay met tay GGG, guns, goons and gold..tay kunadan onli in the pilipins!
serioso a saritaan..panawenen nga maaddaantayo ti napudno nga agserbi para ken ni mang-mangged/para ken ni OFW/ para ken ni pada a sanagtarayan sangaapuyan..saan nga dagitay agserbi kadagiti babaknang ken mangtakaw dagiti kakaisuna a para ken ni pada a napanglaw...
tumagayak man garud tanud ta innakon..naimbag nga orasyo




Johnnyric Domingo
12/31/2005 7:53:00 PM

Gayyem Cliff, Delikaduak ditoy, nauneg unay dagitoy kapanunutanyo! Agsubliakto bareng addanto maikontribyutko aya?

Nagasat, Naimbag, Naragsak Nga Baro A Tawen Mo, Gayyem!





Cliff
1/1/2006 4:12:52 AM

NAIMBAG KEN NAGASAT MET A BARO A TAWENYO AMIN-AMIN KAKABSAT!

Aguraykayo bassit a-atanud ken gagayyem ta medio naka-aduk ti imminom idi rabii (31 Dec. ditoy Brussels) ket nasakit toy ulok!

Padasek man met kunak -a tuladen dagitay politiko idiay ayanmi a panay a "PAREK" -ket daytoy metten ti naganabko -sakit ti ulo!

"Mairuamto" kuna met tay kabarbaro a consul a kinasangok! he he he!

Narigat sa met ti kumandidato Atanud! Agsubliakto!

Johnnyric, welcome to the BRAVE NEW WORLD of OFW politics! No nauneg kabsat ket kautem! kautem!





Jo
1/1/2006 5:25:58 AM

Naimbag nga Isisirrek ti Baro a Tawen mo kailian ken karrubak, no ti politika narigat konak nariro unay ta siak nagbalinak nga Brgy. Treasurer laeng ti nanomo nga brgy. mi idi tawen 1994-95 sakbay nga immayak ditoy ket anian to laketdin datoy nga sirkimon kailian? ngem ammok nga kayam ta no basbasaek dagitoy kapanunutam ket wen saludoak konak met.



Cliff
1/1/2006 9:33:01 AM

Gelukkig Nieuw Jaar ook mijn vriend! How is Flanders? Nag-snow kadi met dita idi Friday? Ditoy Brussels ket napunno iti snow!!!

Come in Kakang Jo ken Naragsak a Baro a Tawenmo met agraman ti pamiliam! He he he! -saan a siak ti agkandidato, dagitoy dua nga atanudko ken ni gayyem Johnnyric no kayatna! Uray sika met no kayatmo!

So... welcome Madame a Diputada iti Amianan!




Jo
1/1/2006 12:22:29 PM

Thank you! thank you!

Apaunayen ta diputada ti amianen aya?, hihihi. Di puta da. Ay madi daytan amangan no mamatida. Idi viernes pirmi ti snow ditoy imbag laengen ta nalpas ti rabaho idi nag snow'n apo.




Johnnyric Domingo
1/1/2006 6:00:36 PM

Gayyem Cliff,
Ha ha ha!!! Siak to ti para taugen ta basi, padasekto nga ramanan bareng kayak ta sangerna.

Jo, Kumosta apo Diputada? (di puta da)Saanta nga pagsinsinaen ket no sabali ket ti pangituronganda aya? Adda madama nga bumbumbaenda dita bangir ket, narigat ti mapan umadak ita. Ania ket dagiti babbalasngen aya!!!




Johnnyric Domingo
1/1/2006 6:18:15 PM

Gayyem Cliff, Namimpatten nga binasak daytoy sinuratmo ti ngato. Agpadata
ti paliiw, ti laeng pagdumaanta ket diak mairuar iti sao wenno surat...
pasig nga ngilangil laeng ti kayak para kadagiti naruay a Buaya nga dua ti sakana! Daytoy ti paliiwko laeng naruay nga Tattao a de adal ti adda diay Filipinas ngem nababa ti GMRC da! Kas tay kunadan nangato nga IQ, nababa nga EIQ!!! --Para taug nga gayyemyo, JRIC




Cliff
1/2/2006 1:28:23 AM

Naimbag a bigatyo amin kakabsat ! Bigat kunak ta alas dies laeng ti bigat ti Lunes, 2 ti Enero 2006 ken legal public holiday ditoy Belgium. Nalamiis dita ruar ket masadutak a rummuar!

Gayyem Jric, -nagustuak man tay saritam idiay abongmo –maipapan ti no kasano a pasangbayen ti Paskua ken Baro a Tawen idiay away: “tay buridek (wenno tay inauna) a para tulong ken pasalsali kenni Nanang no panagaramidan ti tupig (wenno linapet kunami diay ilimi a Pinili, I.N.); dagitay sutil nga ubbing ken bumabbarito ken tay bungbong a kawayan agraman tay kantiaw no kasdiay a suyot; tay panagkugit (ken dagitay supot); tay puppy love ken tay first love a kunada”.... mayat kabsat... bambanag a dinto malipatan tay naragsak a panagubing!
Kunam a dimo mairuar iti sao ken surat ket no nagmayat tay pinangdescribir mo itay Buaya a Dua ti Sakana. Padasem man kabsat nga “kauten” diay karabukob diay buaya bareng no maisubli pay tay manok a tinakawna! Wenno saan ket padasem man a balabalaen no kasano a kontraen tay maysa nga OFW dayta a buaya! Nalabesda a talagan!

Kakang Jo, -uray pagsinaem dayta title mo a ‘di puta da’ ket mayat latta basta dikanto la ketdi manglip-lipat no addakan idiay kamara! Alaennakto a sekretariam kabsat ta siakto ti paradalus idiay opisina ni Big Boss no kasdiay nga agtudo! he he he!

Atanud Ed, -mabalin latta a atanud a sukatanta ti naganna! Sika man ti mangbukel tay nasayaat nga acronymna daytoy partidotayo! No ‘Cha-Cha’ ken Federalism ket isu ti hot item ita diay ‘Pinas, -mabalin met a ditoy iluko dot com he he he!
Mayatak iti cha-cha ta masapul a maamendaran diay 1987 Constitutiontayo ken diay OAVLaw ta tapno mabalin a kumandidato tay maysa nga OFW.
Agpayso nga addan ti “Migrante party list” ngem saan sa met nga umanay ta diak met pay nakakita ti napandayda a linteg!

Atanud Fred –“GGG!!!” Ayna atanud, talaga a kasapulan dayta. Ngem uray la koma maysa a G ket awan met. No kayatmo ket bulodem a tay eskopetak a suyot nga pagpal-paltogko idi ti dalag! Saan a bale atanud, intono ma-alam diay pork barrelmo ket uray nayonam to pay ti maysa a G diay assetmo! Ngem ketdi ket kikilam pay laeng ni Manong Andy dita ta pagbalinentayonto nga Ambassador dita Washington!
Saanmo nga ibaga a dimo ammo tay maikapat a ‘G’ atanud? Girls atanud, Girls he he he! Sekretotayo laeng dayta atanud baka adda gumura dita!!! Joke only atanud baka katusannaka ni Atanud a Babai! Iyarasa-asmonto laengen nga uray ket agbalinto metten a donya no kas pagarigan.

Ala kastan kakabsat ta ituloyko daytoy ar-aramidek. Diak pay gayam napakan daytoy pusak ket napalalon ti lagidna. Ayna kakabsat... “no koma la’ng mabalin” kunan sa tay kansion a Katuday.... (dakayon ti makaammo no ania ti kayatko a sawen)....




Jo
1/2/2006 4:11:51 AM

Hehehe gayyem dimo nga suktan ta subject wen inbagak nga siak ti sekretariam ta siak ti mangsirsirep ken ni BIG BOSS ta namaymayat sa no babai ti para punas tay nabasa nga natudwan ta nain-inayad tay pana ngidisso na tay tissue aya?. Pasekresekreto pa kayo ha!.



Eduardo Padaoan
1/2/2006 11:32:40 PM

Acronym tay partido? Pagpilian dayta napigsa ti datingna a kunada!
Diak pay makapanunot Atanud.




Fred Ilac, Jr.
1/3/2006 1:36:00 AM

nagsayaat ketdin ta naragsakkay latta tatanud! lallalo ta adda met gayam ditoy da jo ken jric
adu pay la tay basi kunam tanud, ala ket sangabuyoboy man kaniak ta pagmur-murayan..
nagsayaatan ket a dumagasn ditoy abongmon tanud...adu ti mapidut a pagsayaatan..dakay amin kaslakayo la burayok ti adal..kankanayon nga adda isab-sabbuagyo a baro nga aydiya..dikay maibusan! adda la dakesna: inton aggatangda iti utek, baratilyo ton dagita utekyo..hehe...no koma no lugan..nangatonton ti miliaheyo..los kompresiyon ang labas niyo hehe

tanud..dayta maysa pay a G..nagmayat kano..su man ti kunada! su met la a kan-kanayon a mayat ti widawid ni apo delegado ta kan-kanayon a baro ti pangasaanna! sultipannak to man tay intayto siimen ta adda met masar-saritatayo no kasano ti kasdiay..

tanud..pagbalinendak met a kandidaton! pasensiakayon..alergiekak iti polpolitiko..diak kabaelan ti kasta...kagatelkonton ti bukodko a bagi..madi!
dayta cha-cha nga ibagbagada..maulawak pay ketdin kadagita umannamong ken komonkontra..sabagay baybaykameral kada yonyonilameral/parparliyamentari ken presprsidential...kurang ti napidutko idiay sirok ti salamagi ni apo Isko..ti ket ammok a solosion ti problema diay Pinas ket: isardengda ti agtakaw!
ta ni mannanakaw no suktam diay pandilingna wenno diay barongna wenno amerikanana..uray pay suotam iti uniporme militar..mannanakawto latta!
tay baboy..uray pay balitok ti aramiden a kulonganna..baboyto latta..saan kad a kasta tanud?
la ket ituloyyo latta..ikuldingyo no ania ti kamayatan nga aramidentayo tapno..makalung-awtay met ditoy talon..
agyamank manen tanud...innak pay




jo
1/3/2006 2:00:22 PM

Apo asembleman ayanmon, apay dipay kadi nabungar tay hang-over mo ita wenno saan nga maka alat-at ni BIG BOSS dita sekretaria nan. hihihi.



Leilanie Adriano
1/5/2006 11:45:35 PM

Opppss umayak mammet makisampitaw mayat gayam diskusyonyo tay ditoy apo assemblyman!hehe

Aguray kayo ta padasen tayo nga ipadanon daytoy a kapanunutan kadagiti agtuturay tayo ditoy Pilipinas ta tingitingen tayo ti kapanunotanda.

Mareng Jo, ukar-karam payla ni BIG BOSS tapno makapagkallating ditoy hehe!




Cliff
1/6/2006 12:41:37 AM

W E L C O M E Lei (Lanie,Lyn).....agtugawka ading ta innak pumespes ti calamansi juice. Kayatmo tay nalingta a saba!

Hmmmm.... Mare Jo, ania man ta pampanunotemon a saba?




Josie Herrema
1/6/2006 3:18:41 AM

Ay ket naimas, pare no nalingta nga saba hmm manam ko manen.

Wen mareng, inalat-atak ita ni BIG BOSS tapno maka inana. sege ipadamag mo ta mayat daguitoy kapanunutanda, ta siak mayatak met.

Imbag ta immallatiwka mareng, ni kompliton a adda marengko adda met pare kon,tay anakko ti boniag ti awan pay nga simmangbay.




fred
1/6/2006 5:44:49 AM

naimbag nga orasyo apoooo!
ket no ngay liningta a kamangeg..diyo kayat? hehehe




Lei
1/7/2006 4:44:45 AM

Hmmnn kamangeg naimas met ngem kaykayat ko ti saba lalo no ni 'nong Cliff ko't manglingta! hehe!

Apo met matarantaak pay a makangngeg ta anak ti buniag mareng Jo! Awan met pay nasiluan at pulos dan sa met amin abuyo! hahaha




Jo
1/7/2006 5:01:29 AM

Ka Fred naimas met ta kamangeg ngem no nagittaan naim-imas pay.

Mareng Lei, darasem tay anakek ti boniag tapno namaymayat tay panag komareta. Apay ayan ni "Canane" ngay?.




Johnnyric Domingo
1/7/2006 7:59:58 AM

Cliff, Gayyem awan kan sa manen? Inton maminsan ket iruarmo latta nukoan tay basi sakbay nga pumanawaka, ipan mo dita pasagad. Tapno saan nga matillay ti panagtaugko. umasideg nga umasideg ti eleksin ket.

Gayyem no agirrado sika ti palapalenda ti saba! kanayonka ngamin nga awan. - JRIC




fred
1/7/2006 10:05:12 PM

talaga a naimas ti kamangeg, isuna lang ta nauneg a kalien ngem uray ket nakidser sa met tay barreta dagiti kakadua...opppps..ekskius mi..adda gayam bisitayo a balasang! sori diak met nagdadayawenen!
tanud..umayko man dagasen tay tagayko!
aniat kuna ni apo mayor, kadayta barrio road..lasong-lasong, mabalin met a pagraepan dagidiay sinilong idiay tengnganan.
adda met pondo a para iti dayta ket...wenno napan ken ni maria clara idiay igid ti baybay..su met la a palalo ti sileng diay tengngedna!




Eduardo Padaoan
1/8/2006 11:53:14 AM

Naimbag nga horasyo manen gagayyem!

Ania ti kamangeg ka Fred? Mabasbasak daytoy a nagan ket sabalinsa ti pangipagpararupak ta addan sa bagasna kas inlanadmo ket ti ammok sungani, awan.

Manarimaan sa ketdi a mangidra-draft ni Atanud ti maincorparate koma idiay baro a Philippine Constitution. Ngem kasano ngay a mairaman koma ti draft ket awan met ti makuna nga makairepresenta kadatayo idiay Constitutional Commission. Ta dagiti membro ket saan met a direct elected from the people no di ket selected by the administration? Saan ngarud a direct representation. Isu nga no maisurat ti baro a Philippine Constitution agbalin a Filipinas ket - called a democratic government, aristocratic in nature, runs as oligarchy and recepient of questionable bureaucracy.




Mercedes Deleon
1/17/2006 8:23:48 AM

yehey! ikampanyak man ni manong cliff nga representante ti OFW diay camara, kayang kayam dayta manong.kaya lang masurun diay riknak ta kayat da manen nga sukatan tay agdama nga presidential form of government tayo. saanak nga pabor iti cha-cha ngamin maululaw dan nga kasla birurukung dagiti opisyal tayo diay pinas,ti adda nga kapanunutak ket saan nga isu dayta ti mangpabaliw wenno mangpangato ti ikonomia tayo nu di ket masapul nga agbalbaliw dagiti tattao nga nakatugaw, aggaapa da ketdin diket nga tay pagnamayan ni juan delacruz ti aramidenda.



Cliff
1/18/2006 7:17:59 AM

SUMREKKA MEDZ. Saanak nga agkandidato kabsat ngem kitkitaek ti pannakatulong kadagiti padatayo nga migrant workers!

Dumanonkayo amin kakabsat. Awan ti basi ita no di ket laeng presko a Kalamansi Juice nga adda tagapulotna.

Pagdispensaranyon toy numo no saankayo unay a nasangaili kadagiti naglabas nga aldaw ta medio adu dagiti inestimarko, agingga ita. Ulitek manen kadagiti kabarbaro (uray metten dagiti dati) ditoy a sagumbi: WELCOME TO THE BRAVE NEW WORLD OF OFW POLITICS!

Padasenkayo saggaysaen:

JO –ni Big Boss ket isun ti nanglinis ta nagbakasion ni Mary, tay sekretaria! Saan a mabalin a sika mareng ta adda met big bossmon! Wen medio napalaluak idi ti imminum wenno saan laeng a nairuam! Tay saba ken kamangeg no malingta mareng ket naimas a mai-DEPPEL iti condensed milk he he he!(dika agpanunot ti sabali a pagideppelam)

ATANUD ED, ATANUD FRED ken GAYYEM J’RIC –di met lang sumang-sangpet tay acronym tay partido tayon?
Saanko a malagipen no naibagakon kadakayo nga naisaludsodko dagiti immediate political concerns tayo kenni FVR idi bimmisita ditoy Brussels re: cha-cha, parliamentary form of government ken tay representative ti OFW idiay congress.
Ti sungbatna diay dua nga immuna ket umanamongak ta diay agdama a constitution tayo ket na-aramid iti dinadaras kalpasan a mapadisi daydi Apo Lakay. Kasla na-aramid laeng daydiay a kas panagibales ti simmaruno nga administration. Para kadatayo nga OFW ket kasapulan a masukatan tay privisionnna ta tapno maka-pagkandidato tay maysa nga OFW uray saan nga aggi-gian idiay Pilipinas, -ta tapno ammona no ania a talaga ti kasapulan dagitay migrant workers.
Ti sungbatna idiay mai-katlo ket ngirsi laeng ta ammona nga agpayso dagiti imbagak: NO TI SECOND DISTRICT ti I.N. ket adda-an laeng iti sumurok kumurang nga 40 to 50 thousand a botante, apay koma a saan kadatayo nga OFW a sumurok a WALO million! Ipalagaymo a palubusanda a maysa a diputado iti kada maysa a million; addan walo a diputado tayo a mabalin a mangimpluensia tay botos iti linteg a mapanday! Mabalin payen nga impluwensiaan no asino ti kayattayo nga Ambassador iti pagilian a pagtrabahuan tayo. (kayatyo a makita tay retratomi kenni fvr?) Ipatulod ko ngem saan kenni daytay kunkunak ta makitana no kasano’t kinalakayko he he he !

Daytay met naudi a kinasaritak ket idanonna kano dagitoy a kapanunotan kadagiti influential political contacts idiay P.I. Kitaentayo kunak met!

HELLO LEI! Ania ti makunam balasangko. Kaduaennakami man nga agsiim dita Pilipinas no asino ti mayat a tumulong a local politician. Nag-e-mailak kenni Apo Imee ngem phony address met diay adda idiay websitena!

Naimbag a bigat/aldaw/rabii tayo amin appo a PADAK a pol-i-pol! He he he!




Fred Ilac, Jr.
1/19/2006 2:26:07 AM

tatanud lumabasak pay...la irugiyo ket ti agkampanian..ngem annadanyo..mangan no maTanada-Singson law kayo...hehe



Mercedes Deleon
1/25/2006 9:52:03 AM

Ti laeng maeshare ko mga atanud paipanggep ti pulitiko tayo idiay pinas ket Vested Interest amin ti kayat da.Mandiak kayat ni gloriaaroyo ta ingana kadagitoy ket dina pay ninayunan ti sueldo mi nga mangisursuro isu nga du dagiti tumanor nga aktibista nga maistra ken maistro. Tatta kayat da manen nga sukatan ti gobierno tayo,Manangngaasi nga lubong! naulaw dan nga kasla birurukong. apo huwes,agpamiting ka ngaminen ta mangpili tayon ti tumakder para kadatayo, tay kuma kasla kinasirib ken kinatangken daydi nagawan nga FM.isubli ti bagong lipunan, ngem ibati ni pirstlidi.hehehe



fred
3/4/2006 5:23:05 AM

lumabasak pay tanud..adda met balunet diay bangir a ridaw!




Agposte

Ag-Loginka pay nga umuna Kailian sakbay nga agposteka.