iluko.com - website a magustoan a pagpalpallailangan dagiti pada a nangisit ti sikona.

Balitok nga aldaw

 

Skip Navigation LinksHome > Blogs >



Dagidi aldaw a di agkupas_eighteen.2
2/24/2008 2:44:29 PM

--->>>(tuloy ti adda iti ngato)

Inparintumengmi ti nagabay nga aggayyem iti ngarab ti diding ti fishpond. Naggidankami a nagbilang, “One… Two… Ready, Set! Goooo!” ket inpatapawmi dagiti banniit.

Ket sinikbab dagiti kasla mabisbisinan nga ikan dagiti naapanan a banniit, ket naray-awkami iti pardasda a mangilangoy ti patapaw a manglikmot ti diding ti fishpond.

3- 2 ti score, siak ti abante. Naupalen dagiti tilapia, ket nagsardengdan a manglikmot ti diding ti fishpond.

Rinugiak ti mangkantiaw ti gayyemko. Timmakderak ket insalak ti nagkumintang, a kas tay sala dagiti babbaket idi fiesta ti Laoag, sako pinasarunnuan iti in-iniin a kas tay sala ni Manong Eddie a kabsat ni Atanud Larry a karrubami no agsalada ken ti girlfriendna iti nagnagananda iti Apple Dance.

Ginaw-at ti masursuron a gayyemko ti sanga ti akasia iti abayna ket pinisawna ti asideg ti nabanniitanna a tilapia ket napakigtutan ti ikan ket sipapardas a nanglikmot ti fispond, pinisawna manen ti danum itay makabatug ti ikan iti ayanmi ket nakaramid pay ti maysa a likmot ti ikan iti uneg ti pagpupukan.

"5 – 3 ti score’n, Maatiwak manen? Saan metten ah!” inagawko ti pagbabautna a sanga ti akasia ket inplastarko nga ipisaw iti abay ti nabanniitak nga ikan ngem addaytan ti ugsa a mangsangdo ken Herman, gapu iti pananglisina iti ugsa, saan a natimbeng ti gayyemko ti bagina- kimmapet kaniak ket nanabsuok kami a dua iti nalamiis a danum ti fishpond. Apo aya, ti lamiisnan! ken langsinan ti danum!

Timakdangkami iti bangir ti fishpond a saan a magaw-at ti ugsa.
Agsulsol-oy kami gapu iti lamiis.

Madamdama addan ti naunget a lakay a janitor. Nakayamanak ta saan a makaunget ti langana. Pinadigusnakami iti danum nga aggapu iti garden hose. Naanus gayam ti lakay nga ipagarupmi a naunget.

Ti lakay ti nakaammon a nangruk-at kadagiti nabanniitanmi. Kuna ti lakay a no agaramidkaminto pay ditoy iti kalukuan ket idiay to kano opisina ti gobernador’en nga ipatuludnakami.

Naimbag ta aldaw ti PE mi ita, ket adda dagiti PE uniform mi a pagsukatanmi. Inbilagmi iti lawn a laud ti Capitol dagiti nabasa nga arwatenmi ngem saanmi a nauray a namagaan, ta oras ti serrekmin iti eskuela.

Nagay-ayam kami iti basketball iti YMCA Gymnasium a dikami unay makakutkuti ken Herman. Maarriek gayam ti tillayon no awan underwear!



Dios Ti Agngina Manen Apo Webby! itoy partuatmo a paglanglangoyan dagiti nanumo a paskilko!



Comments



Marvin Acosta
2/25/2008 11:48:12 PM

ala! nagaradgadan tay kuan... ah! nasaniitto no agdigoska tatta! 'nikkam koma ti paper towel dita sangum kuya! 'lamlamuyot bassit. hak! hak! hak!



Leofina Jane Galleta
2/28/2008 10:31:11 AM


hepssss. Manong Jric, okay a talaga dagitoy estoryam ha! :-) Kumusta manongski? :-)

Heyyo PArengski MArvin, ania ti madamag met ngay?




Imelda Alibuyog
2/28/2008 12:55:43 PM

ading Jric,mayat daytoy storiam kabsat,ngem ta tillayon mo rimeppetmo koma tapno madi nagyudyod hahaha isu kano dayta iti pakaalaanyo a bulog iti agluslos no awan abbongna a nairut,masapulna tay baag hahaha.
Ti pay makadakes,no agtim-ogda ket mabuong alla!

Kabsat Marvin,ania ngay iti agasna no mabuong? armiden a soup no.5 a kunada hahaha.

Ading LJ ania iti makunam adda pay ngata agasna? tala met la ngamin maar-aramid ni daytoy Jric met!

Nite nite man laengen kakabsat





JRIC
3/1/2008 7:07:49 PM

HAHAHAHAHAHAHAHA!

Naimbag a malemyo Gagayyem!

Gayyem Marvin, koma ania? Ngem adu ti saan a mapanunot ngamin no kalkalpas ti didigra. Ania ti nasaniit? Isu ka di met laeng ti nasinit? Gapgapuk idiay Iluko.com gathering thread ket nabasak tay paskilmo. Ipalagipko laeng a saan a mabalin nga i check-in iti hotel ti kalding nga idunarmo iti gathering, HAHHAHAHAHA!

LJ, komusta? Nakainanaka met laengen? Madi pay diay blog mo itay limmabasak. Mailiwak koma met nga umay pumassiar, ken umay mangsiim kadagitay babbaro a pumaspassiar idiay, AHAMMMM!

Apoww! nasakit ti mareppet Mrs Imee. Kasdiay sa ket ti panagkapunda iti pusa ken aso itay. Sanabagan!




Leofina Jane Galleta
3/4/2008 8:49:12 PM


Hopsla! mayak man dumagas manongski sakbay nak mapan agreport diay panait, bareng adda makurib-ong nga meryenda ditoy, hehehe!

Musta manongski? :-)

Hello manangski Imee, parengski MArvs! nia't madamag ngay?




JRIC
3/6/2008 5:15:55 PM

Eloooow!

LJ, ur-urayek man ti umay idaw-as ni Mrs Imee wenno ni koma Gayyem Marvin a meriendaen, ngem awan da metten. An-anusanta tay sangareppet a patupat'en a dita kosina. Ahihihi!




Arlane Manzano
8/30/2008 1:07:10 AM

hopsla kakadua... umayak laeng man agpa-tsek iti attendance ket damagko nga nauyong kano ita ti simmublat nga principal.

REPORTING FOR KALDO eheste... DUTY kunak koma.

PArengski, Manangski Imee, MArengski, panawan kayo pay biit ket madama ti pastorko.




Johnnyric Domingo
9/2/2008 6:40:34 PM

Arlane, nasapa unay a panagpa-check, urayem ti maikatlo a bulan. HAHAHAHA! AHAMMMM! (Angaw laeng Ading, wen.)



Sweet November
9/5/2008 4:37:42 AM

Manongski, umayak man agkillabban, di pay met naluto tay kaldo nga ar-arunan ni apong kupido a request ni marengski,hehe.



Johnnyric Domingo
9/8/2008 9:48:24 PM

Dumanonka Miss Sweet November. Wwen Ading, adda nagsangwan a linuto da Apong Kups ken Gayyem Marvs tattay laeng. Lauya kano. Indadang da man dita dapugan tapno dikano agbalay tay tabana. Umaykan ta sukimatenta man.



Marvin Acosta
9/10/2008 3:26:10 AM

apo! lumabasak latta!



Sweet November
9/10/2008 4:14:13 AM

Manongski, tenk yu dita killabban, bareng agtubon ti laslasagko,hehe! Musta kayo manongski?

Acosta, ay parengski kunak koma, :-) lumabas-labaska met lattan yords.




Johnnyric Domingo
9/10/2008 7:27:21 PM

Indlangidingmo koma LJ, tapno napapudotna met la koma ta rusok. Saan a bale ta pagpalukmeg kano met ti klllabban.

HAHAHAHAHAHAHA! delikado! silo-pasaka'n sa ket ti ipakatko kadagita aglabas labas. Apay kasla Manang Biduy? (Angaw latta wen)





Arlane Manzano
9/10/2008 10:42:48 PM

Pssstt... Idulinko bassit daytoy kaldo ket agbirbirok ni Apong Kupido. Pagasuken tayo bassit diay abot ti leppap nga agongna.

Tagtagari!




Marvin Acosta
9/15/2008 1:49:45 AM

la kayo! 'bagakayo! hak hak hak!

lumabasak manen kuysng jerico...

'maykan marengski ta agkibinta a pumassiar ken da marengski arlane ke parengski j-ar a nakakepkep. maykan! neii, dinak man pagustoanen...




Marvin Acosta
9/16/2008 2:37:07 AM

daak manen! awan kayo pay manongski?

ni marengski lj ket diak masapulan simmuksokanna a siled diay balayna. subliakto damdama manongski...




Marvin Acosta
9/22/2008 2:37:00 AM

dayta'tan! ammo payen manongski...

huz! likiglikigda met laeng dagitay nanumo nga unnoy a padamgisko, manongski. shi teyk advanteydz ta kulpi ngmin toy dilak nga umabla, awan man la asida aya manongki...




Marvin Acosta
9/22/2008 2:38:38 AM

huz! madi dayta inpaskilko ditoy manongski jerico! diay koma ni manong cris yagin!

ala an-anusandak wen... makaan-anus kukuan apo dios, kunada met.




Marvin Acosta
9/22/2008 2:39:36 AM

arado laeng manongski? alwadam mabungdulanka ha?

hakhakhak!




Marvin Acosta
9/24/2008 3:06:11 AM

awanen ni manongski... nabungdulansan!



MN Cabotaje
9/24/2008 6:49:30 PM

Kumusta kayo amin a nadanunko... Anat madamagen?



Johnnyric Domingo
9/24/2008 7:18:45 PM

Nakasapulak ti Smoke Signal, Maricar, ngem diak kayat nga ibaga ti ayanna! Sayang ta diak met makadar-ay.

Awanen maarado Gayyem Marvs. Panaggagapasen ditoy ayanmi. Komusta tay Balasang ti iluko.com, Gayyem?

Panawankayo man pay ket makset dayta lutlutuen ni Apong Kupido kaldo.... pinanawanna met latta itayen ta mapanna kano tan-awan ni LJ dita karruba.




Leofina Jane Galleta
9/25/2008 4:01:07 AM

Present! Present! Hehe!

Manongski, ibusentayon ta kaldo ni apongski!

Manangski Maricar, musta kan ngay? Grounded datao, ania met.

Heyyo parengski marvin!

Busyn ni Manzano, sigurado,hehe!




MN Cabotaje
9/25/2008 10:00:23 PM

Manong JRIC iyarasaas mo met ah? Hehehe... Diay Cagayan nabagyo da manen, isu a dagitay pagay baka natumba tumbadan...

LJ, kumustan, ana dita metten nagkita, sika met... Ur-urayenka dika met immay, addansa met sabali kinadate mo hehehe... Ok met dataon ngem adda latta no kua sumken a ladingit mariknak. Apay anat ubra ni Arlane ta busy manen?

Oist Marvin anat madamag? Adda kadin nasiluam?

Have a nice weekend to everyone!




Marvin Acosta
9/29/2008 2:31:30 AM

manongski! 'wan arado tatta? hakhakhak!

huz! sa'nda met kayat pasilluan marengski maricar. lumabas ang matapang kunada met marengski... papetpetko koma toy ramayko ta decodenna toy iniin toy pusok.

hay, marengski lj, 'daka gayam ditoy ha? wan bagbagak a dakes wen?mustakan? nagtsilap pantuk agong ni kumarengskim arlane! uray pingping ket nakatsiltsilap! makapurar marengski!




Monica Smith
9/29/2008 1:44:14 PM

Donya Marie, komustakan? Adda nasarakak nga pagshoppingan ti designers ken brands name nga nalalaka... diay naggapuak (ammoyo lattan no naggapuak). Tay paboritota nga Coach Bag, naglalaka idiay kunam.

Marvin, no awan ni Lj, ket birbirokem. No adda ket dika met agtagtagari. Dika matarusan...

Maricar, komustakan? Ania ti madamag?

Lj, komustaka metten?




Marie Domingo
9/29/2008 10:54:54 PM

Kaasi ti Apo napia kami met la amin. Mangibingay ka man
ngarud. Nalipatak met ngamin ti nagbilin sakbay a napan ka.

Marvin, ania a brand kadi tay energy bar mo

Maricar, tay gammet para December to lattan.

LJ, musta ka met

Arlane, inananum aya ta agongmo a natsilap a kuna ni Marvin


Dispensar Apo saanna kaya ti Question mark toy pagipaskilan.




Monica Smith
9/30/2008 6:52:13 AM

No kayatmo ti awan tagna, ta inikkatko metten; kukuamto diay maysa. Iyawid no December ngarud. Mangalaka ti bakasyonmo ta apanta sadiay. Kayatko ti agsubli ta kurang met ti time ko ngamin. Adda pay ti Burberry'da. Eemailko kenka ti address.

Ibagam ken Don Jric, ta agurnong, isunto ti ishoppingta. HEHEHEHE!!




rei
10/1/2008 8:32:17 PM

Igatangko laengen a ti pagpapigsak nga agtrabaho dayta igatangyo ti bag a nangingina. AHAMMMM!

Maricar, komustakan? Saan unay a panpanunoten tay pinasinayo.... ad-adda laeng a maparigatkayo no kua. Addaytan tay agsapul ti gamet'en!

Ayna ket nalpasen a ti panagaarado Gayyem Marvs. Panaggaapiten ket....

HAHAHAHAHAHAHA! la ketdi a, LJ, permi la ket ti busy na. Damagko man ken Gayyem Marvs a nakasilsilap kano ti agongna ni Arlane ita. AHIHIHI.




Marvin Acosta
10/2/2008 1:55:01 AM

manongski 'daka ita? 'mayak man makipag-ani ngarud. uray awan tandan basta kuyugennakto a mapan agpassiar dayag, alan kayatmon manongski ta sikantot' abay... alan ah.

huz! miss m, lemlemmengannak ngamin ni marengski lj. 'su a sapsapulek man. 'mustakayon? malaglagipkayo met nokua, lalo no malagipko diay oahu.

agyamanak unay, unay, unay, unay, manangski marie! magusgustoak diay sweet en salty a sangapakete [saan nga energy bar] a paw-it ni manangko elsie nga ipagko nga asawa ni manong elvis a kabsatko manangski, no makalasmutak ti tallo ket mayat ti dadaniwak kunam manangski. costco kano ti pakagatangan... tingkyo manangski ha! paw-itankanto ti kalding a sibibiag, kayatmo manangski?




Arlane Manzano
10/2/2008 9:29:01 AM

Parengski... nanta kalding a sibibiag ta ngurongorento ni Manangski MArie. Ninto Manongski Jric ti agparti ken dakami met kenni Manangski M ti para raman. NInto Manang Maricar ti agtimpla iti papaitan! Ket ni Marengski ti aginnaw iti lunglungan.... Opsiiii, tay aklo dimo ikamkamat, wen?


Manong Jric... apay a kunam a nasileng ti agongko Manong? Hmmm... saan met ti kunak. Agsubliakton Sabado idiay Everett ta mapankonto sirigen dagiti bag a kunkunada. Permi ti panangilabas-labas kaniak idiay ket ni Jay-Ar. Naminsannak la a simrek ta saan a maib-ibusan iti tao idiay. Kanayon a napusek. NArigat ti umanges (masapul nga umangeska iti nauneg ta uray 50% sale a kunada ket nangina latta!)

Manangskis.. no kayatyo ket ipatulodyo kaniak dagita picture ti bag a kayatyo agraman tay tseke na ta siakton ti mangiyawid (nga itedko kadakayo, kunak!). Nangingina nga agpayso dagita bag ngem no apay nga pumilaak a kanayon basta kayatko ti sumrek. Iti daytoy to masungad nga THANKSGIVING ti US ti ka-salena. Idi last year ket nagparbangon kami a simrek (midnight sale), nangaton diay init idi rimmuar dagitay kinagiddanmi. Saankami met a nagbayag ta atiddog ti pila a sumrek, at-atiddog pay ti pila iti pagbayadan! Dagitay man padak a singkit ti naruay nga agbitbit iti adu, sabali diay nakapila, sabali diay adda diay uneg ken sabali met diay adda iti pagbayadan... NAsirib da ania?

MAnangski Maricar... matmaturog ti karkarmakon idi nagYM ka Manang. Agingga ita ket agikarkaroak pay la iti bannog ken puyatko. Nxt time manen.

Marengski... rummuarkan ala!




MN Cabotaje
10/5/2008 5:12:39 PM

Manang Marie wen, ta ad adunto payen...

Manang Monica madamag ditoy? Madamat giyera diay Mindanao. Nagkita kami ken LJ last Thursday.

Arlane ahuuu kitaem a baka ketdi dika makatakder sige ka hehehe...

Ni LJ adda diay Baguio, madama lampong na hehehe... Diak la ammo no bimaban, umayka ditoy Manang kunana a ngem addaak met Pangasinan idi, spending time with my kids.

Ala kumusta kayo amin, lattan...




rei
10/6/2008 6:44:27 PM

WAHAHAHAHAHAHAHAHAHAHA!

Arlane! Sorry Adingmi, makakatawaak laeng diay insurat ni Maricar ngamin. Ni Gayyem Marvs ti agkuna dayta sumileng... nakitanaka siguro, apay immatendar kadi met? Bay-am ta siak ti mangkulekta tay maigatang iti bag, fifty-fifty ti bingayta wen?

Maricar, baam latta ni Manangmo Marie, igatangakto ti ilado nga ipon. Di makatakder ni Arlane gaput' kapsut, wenno puyat? AHIHIHIHI!


Gayyem Marvs, adda kadi met sweet and salty a chocolate bar. Diak man pay nakaraman.




Arlane Manzano
10/6/2008 9:37:08 PM

Aglinnumba ta pay a Manang MAricar, wehehehe!

Manong JRIC, nakakolektakan Manong? Ikaramanmo iti kwentam tay taxna tapno saantayo nga makabasol kenni Angkel Sam. Diak man ammo no adda idi ni PArengski MArvs Manong. Dakayo met la kenni Manang Marie ken Apongski Leo ti awan nga ammok. NI Apong Kupido, uray saan a nagpakita, ammok nga isu ti nagtegteg iti litson.

Ala man ta paramananda kami Parengski idta sweet and salty choco bar mo... TINGKYU!




Marvin Acosta
10/7/2008 1:27:39 AM

adda manongski, sweet and salty ti nakasurat yantay kyute-kiaw a bungonna, naimas! kaaduem mangipaw-it manangski ha? ta paramakto ni marengski lj, arlane ken marengski maricar ken miss m pa gayam.

huz! diak nakaumay ta awan met partnerko ngamin marengski. umayak koma latta ket, uray awan inbitasyonmo itoy numo. kayatko lang ngamin a makita ni apong kupski.

naks! nakapsut ngarud a ni marengski arlane, no saan a makatakder marengki maricar. parintumeng posisyon ngarud a no kasta laeng.




Marvin Acosta
10/8/2008 2:41:48 AM

'wan ka manen manongski?



Monica Smith
10/12/2008 4:24:10 AM

Hapi hapi birthday, Kumander, adda pay kadi nabati nga kaldo? Mabisinak ket...



Monica Smith
10/12/2008 4:55:42 AM

Arlane, idi napanak diay Talalip ket 5 nga Coach ti ginatangko. Mangalaak pay koma ngem baka agbayadak dita Custom, isu inton maminsan manen.

Donya, agpaSeattle'ta? Apanta rauten tay Coach Store'da! Eshopping amin nga kuarta ni, Don, total ket arado nga arado. Hehehehee!!

Maricar, dua la nga bulanen, adda kaminton ditan nga paspasalapon!

Marvin, ney addaka met nga paspasalapon ditoy. Aginbibirok ka manen. Hehehehe!




Arlane Manzano
10/13/2008 10:33:44 AM

Adda kano met ag-Beerday ditoy Manongski??? Agpateg man ngarud iti binting ta kaldo la.

Manangski Marie, hAPPY BIRTHDAY to you. More candles to blow and more coach bag to buy eheste.. good health and happy life...

wehehehe.

PArengski, nakakitakan iti lalaki a naibartay iti nagango a kamantiris? hmmm... kayatmo ta mapadasam met??? Ngak! kasla true.. kunkunak laeng. Ninto Marengski ti mangisalapay kenka siakto met ti mangubor kenka.

Manangski, inikkatmo koma dagiti tagna. Ammodanto pay no dinno gimmatangam? Inton Thanskgiving ti US, intanto maki-Black Friday? MIdnight to midnight sale da ket!




Leofina Jane Galleta
10/13/2008 10:27:22 PM

Manang Marie, naladaw a kablaawen itak la a naangot hehehe! Wish you the best of health manangski, blated Happy Birthday!

Manong Jric, so sweet man tay sagutmo dita sango ken Manangski, kiligers hehehe! Dayta a ti Manong mi, pagwadan a husband, bow!

Manangski M, para bitbit, masapulmo kadi? Hehehe! Mayak man rumakep aya, miz ya!

Marengski, don't worry, imbad-ayko man ni parengski diay arubayak. Pangur urayanna ken apong kupido. Isu man ti ipasangok dita chessboard,hehehe!

Manang maricar, mayka sumurot manangski?




Marvin Acosta
10/14/2008 3:03:38 AM

yahuuu! manongski, dakaa?

diay horse ti peburitko ti ahedres marengski. baka saannak makamatan ni apong kupski no siak agsakay...ditoykan sarrat nga agbawit marengski... sadiwa ti aglawlaw... ken ti angin. agur-uray daytoy abongko a para kenka.

wawawawa! inpalagnak ni apong kupski marengski arlane!saannak makita tattan ni marengski lj gapu't kinangisitko...

ninang-to-be. musta met ni ninongski-to-be... sapsapulek ngamin marengski lj.




Johnnyric Domingo
10/14/2008 6:42:45 PM

AYSUSMARYA! nabayag la di yuumaykon....

Pagyamanan Gagayyem ti an-anusyo a dumawdaw-as ditoy abong a kanayon a mapanpanawan.

Arlane, narigat agkulekta no kirmet singiren. HAHAHAHAHAHA!
bay-am ta sikwatekto daytay salsalingdanda ta pagbingayanta. Adda nagBirthday, uray da la nga inimurotan tay kakaisuna a salsalingdak a para koma gathering, sabagan!

LJ, Komostakayo? madama kano met bakwit. AHAMMMM!
AYSUS! ket inturturedko manen a ti nagsirangdaniw... uray ta maminsan laeng iti unos ti maysa a tawen. APo ti isem ni Kumander kunam sa! dina la ammo nga adu a rigatko a pinirata dagitay pinagsisilpuk a linlinnia..!!!

Monica, saanmo nga aw-awisen ni Kumanderko ta dinto ket sumurot, ket awan para lutok, namuna ket kapades ti panagtalonko. Idtoyto lattan dagita igatangyo iti nangingina a bag ta dakami ken Arlane ti mapan mangigatang no Thanksgiving.

Gayyem Marvin, diak pay nakakita ti Chocolate Bar a nagtipon ti nasamit ken naapgad. Malaksid a no asinam! Hmmm...awan lattan sa met aya.... Ala tulllongam a, ni Marengkim LJ, AHIHIHIHI!

Ala kasta manen. balballiakto ti mangarruba ket kamkamatennak manen ti oras.....




Cresencio Yagin
10/17/2008 7:41:11 PM

Wen nga agpayso. Nangegko ti naibasa nga daniw iti radio KPMW a sagut ni Jric ken ni komanderna.. Nagallangugan iti intero nga Hawaii iti agsuysuyaab nga parbangon... Mayat!!!!
Kabblaawak met koma idi ngem awanen ti tiansak.
Naimbag nga oras ken adadu pay nga balituc a kanito a sumangbay iti biagyo.




Leofina Jane Galleta
10/19/2008 12:51:58 AM

Manongski and Manangski, angkel Cres, Marengski, PArengski, Manangski, HAPPY WEEK-END!! :-)



Marvin Acosta
10/20/2008 1:07:33 AM

nei, arado manen ala manongski.

ayswis! manong cris. kasla makitkitak ta pimmulutipot-sam-it nga isem ni manang marie kadaytay daniw ni manongski jerico a inpatangatang ti radio iti maui.

marenngski, 'mustakan...?




Yssa
10/21/2008 2:40:44 PM




Naimbag nga aldaw you amin kailian. Lumabasak pay Jric & Marie








Marie Domingo
10/22/2008 7:00:19 PM

Tink yo ta kablaaw yo kakabsat, diak met daras makapagyaman ta agperdi-perdi met toy computer ni Jric. Isu a napan gimmatang ti laptop na tapno adda laeng usaren na. Ti dakes na, diak met masublat ta kanayon met a nakasaklut kenkuana..

MS, uray awan tag na mayat lattan. Urayek nga addu't maarado ni jric satanto tumaray nga mapan kumita ken pakita.

Ala ngarud ,tink yo kadakay amin nga um-umay ditoy abong2 ni Jric.




Johnnyric Domingo
10/22/2008 7:26:10 PM

AHAMMM! bay-am ta saklutenkanto met tapno awan selselos...Ok?

Naimbag a malemyo amin Gagayyem! Kaasin Apo, addaak manen nga umay makiinnniliw kadakayo.

Gayyem Yssa, intugawmo koma ta adda met ni Gayyem Marvin a sumapsapul kasarsaritana.... balbaliamto ngarud ti dumaw-as wen?

Komustaka dita LJ? As-asideg pangpassiaranda kenka ita, ha? No maituredda, kunam man. AHAMMMM!

Kakaasiak a nagpirata kadagitay termino dagiti dumadaniw ditoy. Immisem man ti nakalawlaw Manong idi mabasana; adda pay babawi aya ket naipaskilon! HAHAHAHAHAHA! Dati-dati ngamin ket saannak kayat nga agpaskil, ta kababain kano kadakayo a Mannaniw [Cris Yagin, LJ, Arlane, Monica, da Gagayyem Sherwin, Marvin, Rasi, ken Manong Amado.





Johnnyric Domingo
10/29/2008 6:16:03 PM

Komustakayon Gagayyem?



Cresencio Yagin
11/2/2008 8:23:37 AM

Dagitoy man ti mayat ta makapaisem nga dandaniw ken sarsarita.Ray- ao ngem adda kinapudnona.
Bayantay man ket nga ikaskaso dagiti aginkukona.Kablaawan kayo amin ti umisisem nga agsapayo nga adda a masangsangaili ni Jric.Saan kayon nga mainaganan. Padasek man ti mapan man idiay kapilyan.




Monica Smith
11/3/2008 6:32:18 AM

Donya, nabasam kadin tay daniw ni Don? Hehehehe! No nabasamon ket ania, naoutside de kulambo?

Okay, no magustuan diay Coach Bag nga awan tagna ket iyawidko ngarud, ited konto ken Manong Jric, inton Gathering.

Dan, nabasak diay postem ket um-umlekak. HAHAHAHA, HEHEHE!!

Manong Cres, komusta? Mabiitin ti Gathering tayon palubos Apo ket agkikita tayo met laengen...




Marie Domingo
11/3/2008 6:46:04 PM

Nabasakon ket permi ti unget ko kenkuana. Pun-punnuan yo la bassiten ta dina met la ngamin binaduanen ta daniw nan. HIHIHI!!

Uray awan tag na mayat lattan, Ala ngarud, thank yo..

Manong Cris, mangibingay ka man ta kawayan mo a mabalin a pag sukdal.

Dan musta ka met? Ken amin-amin a nadanun ko.




Cresencio Yagin
11/9/2008 2:27:18 PM

Marie, nalipatak di kawayan nga aramidem a sukdal. Di met impalagip ni Jric idi agsisinakami idi rabii.
Agyamanak ta nayanusyo met la ti immay kadaydi awismi kadakayo.


Wen nga agpayso ngannganin. Sapay ta nakadanun metla di e-mailko kadakayo ading.





Johnnyric Domingo
11/10/2008 6:04:13 PM

Thank You! Manong. Ala man ket kakaasi a manggaw-at kadagita bunga ti atis, chico ken sunkistmi. Kasla aginaw a minalem a mapan pumuros no kua. Addan sa ket darundon ni BUgbugtong, kunkunak man no kua... HAHAHAHAHAHAHA!

HEHEHEHEHE!
Ilakok pay dayta a bag ita no awan pagyananna dita maletak! AHAMMM!




Cresencio Yagin
11/11/2008 7:37:46 AM

No awanak ditoy paraangan no lumabaska, pukkawanakon. Wenno saan gumaw-at ka lattan, addada dita sirok ti niog.Adu agpilika ta kayatmo nga kaatiddog.

Hehehe!. Anusam nga agpayso baka adda drundon.




MS
11/12/2008 6:36:13 AM

Donya, apay manginawka? Siakto ti godmother ah...HEHEHE!!

Manong Jric, apay met ta ilakom? Nagluko datoyen! Sige ilakom, ta no sumangpetka ket ungtang naka ni Kumander!

Manong Cres, wen nakadanon tay emailmo, sinungbatak payen.




Yssa
11/12/2008 1:08:49 PM

JRIC & Marie-Naimbag ngA ALDAW YO.Ania ti sida yo?
Lumabasak pay.




Marie Domingo
11/12/2008 6:11:35 PM

Bareng agbukel nga agpayso ta sikanto kadin ti godmother na!
Nagsayaat koman aya? HIHIHI!!

Manong Cres, agyamanak unay ti addu!

Yssa, thank you ta nakadaw-as ka manen. Ti sida mi ita ket bunga ti marunggay ken adda sagpaw na nga araman. Umay ka agnateng no adda wayam ta kaadu na ita.





MS
11/18/2008 6:14:43 AM

Iyaramidam rinabii ah, tapno agbukel ta siakto ti paraaw-awir. Hehehehe!!



Leilanie Gaspar Adriano
11/20/2008 9:41:49 PM

HO! HO! HO! Kumpad Jric, agpadlawak man ket maang-angotko nga addansa mapaspasangasangan a dakkel a parambak!hehe! Uray ni apo Webby ket makabubuatitensan nga agawid!:-)

Pagpaspasensiaanyon iti medyo naunday a tiempo a diak pannakabisita kadakayo kakabsat ken gagayyem napalaluaksa ti naglang-ay ket itak man laengen a mairapin ti umaribayan bareng malagipyo pay toy numo!hehe




Johnnyric Domingo
11/22/2008 5:57:27 PM

Agyamanak unay ta nakapassiarkayo. Ala man, kannayunenyo man ti umay ket mail-iliwak met a makigarampang.

Komusta Kumari? Saanka a nagkamali. Barbarengli ta masaparak met ti umay makitabuno, kapades ngamin ti panagabunok kadagiti mulak nga unas, tatta, ket baka makuretda no agtalumpuagitak lattan nga agbakasion a ti laeng karkardayo a sumangbay a tudo ti namnamaen a pangsibog kadagiti sangasilong a mulak.

MS, napudpudaw kano ti maaramid iti aldaw, ngem diak met masaparan. Apay a kayatmo ti napudaw kunam ngata? Wen, ta di ket kas manen kaniak a napugot, ken isu pay a di paggastaran ti bateria ti flashlight no silsilawakto ketdi a sapulen iti tengga ti aldaw.

Hi! Manang Yssa. Madama ti pirito ni Kumander iti inapuy, ken madama ti pinagpakbetna iti tarong, sili ken kamatis. Ken agluto kano ti sangkabassit a pansit. Awan 911 dish ita Manang.

Manong Cris, agyamankami itay sukdal nga inpadawatyo. Mayat, natalgeden ti riknak iti panagburas ni Kumander kadagiti natnatda a bunga ti chico ken atis, saan a kas idi a yaw-awak lang a matnag iti agdan ket maalisan!






Arlane Manzano
11/24/2008 8:19:00 PM

Wehehehe.. Manong JRIC, adda met laengen kaanakak? hapo... ipaspasmo, double time-manyo man ketdi kenni Manang Marie tapno adda met liwliwa na no kasdiay nga tumalaw ka manen. MAnang MArie, Black Friday da ditoy Washington inton 28... intayon maki-midnight shopping iti COACH BAG.

Manangski... umayka metten ta dika la kumkumter dita AB. Nag-snow-n ania? Ditoy ket nabasa pay laeng.

No kano rabii nga aramidenyo ni Dayunyor ket lukatanyo dagiti silaw tapno saan a nalidem a rummuar. Kasta man ti inyarasaas ni Apong Kupido kaniak idi sanga-aldaw.

Padak sa metten da MArengski ken SIster Lei nga lumned-tumpaw.

Angkel Cres, makitakanto met laengen yong! Ni Manong Webby siguro ti katartarakim.

Yssa, kumusta ka met gayyem? dimo la nasagang ni PArengski MArvin?

NAGASAT NGA ALDAWYO amin a bisita da Manong Jric ken Manang MArie.




Leilanie Gaspar Adriano
11/25/2008 12:31:59 AM

Sis Arlane! apay pagsangsangladam met ta lumned-tumpaw ka met a padak? Sumirip-siripak laeng met nukua ngem kurang ti orasko no makibabadak ditoy. Hayna, adu't na-missko nga blah blah ditoy dap-ayanen! wejeje!

Aha, madama gayam ti pabukelyo kumpad!hakhak! alwadam lang no masaneng dayta bin-im ti kasisibog!waaahhhh!!!

Nalamiis ti palayupoy ti angin ditoy amiananen karruba, abotenyo ti kaadu ti ipon!hehe




Johnnyric Domingo
11/25/2008 6:20:33 PM

Bareng ta makalibasak met laeng iti trabaho, ken bareng addanto pay ipon, Kumari, ta ipapaskonto man ketdi a ramanan. Awan panakasanengna, basta saanmi la ketdi palpalalluan. AHAMMM!

HU!ket no paiddep met ni Kumander ti silaw, Arlane! saanna kano maikansentreyt no nalawag... Sanabagan!

Apong Kups, komusta?




MN Cabotaje
11/26/2008 11:53:57 PM

Manong JRIC dayta ibagam a dakayo ti bahala tay kaldin ken Marvin ket siguraduem ta damagko ket dikayonsa met matuloy hehehe... Kasano tay gamet ni manang Marie agur uray?

Ala kumusta kayo amin dita... HAPPY HAPPY THANKSGIVING!!!




Arlane Manzano
12/2/2008 7:29:53 PM

Sistah Lei, werwer met datao a padam hehehe. No dinno ti paka-amitan iti atab isu ti sumangladan hahaha. Adda pay ngata maabutak nga ipon sister?

Manong Jric, awan a ngarud no maiddep met la ta silaw. Diay ngarud kurtina ti ibistrad mo nu kua uray apagbingngi laeng. Agbunganto lattan ta mata ni Apong Kupido nga sumirip.

Manang MAricar... update kano man idiay listaam kuna ni Manangski Monica idiay email na. Please i-cc-m bassit kadakamin. TINGKYU.

MAnang MArie, napnek ka met la nga nag-shopping idi Black Friday Manang? Siak ket maysa la nga sapatos ti impalubos ni Jay-Ar nga binag-uyko. Tsktsktsk.




Yssa
12/8/2008 12:18:29 PM

Jric-
Naimbag naga ldaw yo ken ni Marie.
Naladaw met iti idadagas ko ta umayak koma makisida ti pinakbet ni Kumander in Chief. Ngem saan nga bale, agsubliak to manen ta bareng no marana-ak to manen ti pangaldaw yo.
Mapan ka gayam diay Pinas...ala ngarud ta agisangpet kanto ti ipon. Nagimas diay nalengta nga nabungon iti bulong ti saba. Mangipalladaw kanto ditoy Orange County-CA.

Manang Yssa




Johnnyric Domingo
12/10/2008 5:47:16 PM

SUSMARYA! Siak met man ti naudin! itaak la manen a makaumay ditoy blog. Karigat ti biag ngamin.

Maricar, Yhank You ita gamet. Adda met laengen nayon a paginawan ni Kumander. Addanto mangisuno kaniak no bilang saanak a makadar-ay ti gathering... idanunnato kadakami. Awanen diak masirsirpat ditoy Blog City ni Gayyem Marvin'en, intaraydan sa metten!

HAHAHAHAHAHA! apay ammo ni Apong Kups ti agsirip aya, Arlane? Bay-am ta no agbunga ti matana ket adda nayon tay rayuma a sakitna. Sanabagan, AHIHIHIHI! Naimasan ni Manangmo Marie ti naturog ket lumtaken ti sara tay bulding ayz a nuangko idi makariing. Inpenpennekko ngamin nga inatag ket mayat met tuturogannan!

Kasta met kenka Manang, naimbag met nga orasyo dita! Awan serrekko iti trabaho manipud pay idi Lunes isu a diak makatungtong-balatong idiay obra. Pinablad a bukel ti balatong ti ti linuto ni Kumander in Chief a pinangaldawmi idi kalman, salad met a repolyo ita ken tartaraudi a naluom a bunga ti chico.

Padasento ti mangpakastoy Manang, bareng ta saan a mabangles a.


Agyamanak Gagayyem iti kanayonyo latta a nga idadaw-as ditoy nanumo a pakarsotayo.




Yssa
12/12/2008 1:09:36 PM

JRIC-
Nakabakasyon ka gayam. Enjoy your R & R nga kunada.
Gapu ta mapan ka met la diay Pinas, kaadduem to ngarud ti agisangpet iti tupig.I-freezer mo ta umayak to dumawat.
Malagip ko pay laeng idi ubingak (elementary years), mapanak idi iddiay Calayab tapno mapan ko tulungan daydi Ikit ko nga Glory (dios ti agaluad ti kararrua na)
nga aramid iti tupig. Narigat kunam sa ta matrabaho (saan pay nga high tech idi) Isagana amin nga masapul-manipud iti diket, niog, bulong ti saba ken karaang nga pagtunnuan:) Siguro saan kon nga maaramid ita. Al-alisto ti mapan gumatangen, di met?
Balatong met ti sinidak idi rabii nga nasagpawan iti frozen nga bulong ti marunggay ken naigisa iti chicharon (911 manen, kunam sa)
Sige ngaruden ta mapanak pay mangaldaw.KFC ti balon ko ita ken
brown rice...
Manang Yssa




Narica Cadelina
12/12/2008 2:00:59 PM

Lumabasak man Jric. Ton ano ti pinagawid mo diay Pinas? If you have time, mapan kanto bumisita diay ili mi a Vintar. Nagawid met tay inaudi nga kabsat mi a babai (Gemma) idi kalman. Diak la impagarup nga adu gayam ti sunkist ken chico ko yo dita. Hello to Marie and your son. Maliplipatak daytoy site mo. Hello'n to pay kenni Andy Barroga. Ingat.



Johnnyric Domingo
12/13/2008 12:24:04 PM

Komustaskayoooon, Gayyem?

Hi! Miss Narica, Agyamanak unay iti adu ta nasapulam ken naan-anusam ti dimmaw-as ditoy nanumo nga abong. Komusta?

Karigatna kadakami ditoy Maui, adu ti nagsardeng nga agobra iti kompania a pakitatrabahoan ket adu a rigatmi. Sika koma man ti agbakasion idiay Vintar ta agsinnapulatayo idiay Laoag. Paassiarenkanto no umaka manen ditoy Hawaii, palubos ti Apo. Saannak ngamin nga ilemlemmengan, a,tapno agkikitayo met iti personal.

Hi Manang, kunak to pay a dakayo tay katungtung-balatongko nokua iti obra! Di pay sigurado Manang no makatuloyak met laeng... kurang ti aldaw nga ipalubosda a kaawanko ditoy ti gapuna. Kunayo ket kail-iliwko met dagiti nga aldaw,(Aldaw A Dinto Aakupas!)a, no aggamay ni nanumo nga inami idi iti bellaay nga aramidenna a tupig ket addaak la a paspasalapon, libasek a dilakuten ti agpasuol ti dakulapko sako isakmol ket uray la a kumarabukob ti panakapusekna ti ngiwat... il-iliwek dagiti panakatipaw dagitoy imak... panakaaripuyot ti kili-kili no masalamaanak iti itatakawko iti magamay iti tagapulot a bellaay. Uray no saantayo a Hi-Tech idi Manang, ket sabali ti ragsakna; saan a naatap ti kappia idi- saan a kas ita.

Bay-am ta no matuloyak nga agbakasion, Manang, ta mangyawidakto ti adu a tupig




Yssa
12/17/2008 1:45:58 PM

JRIC-
Nalaing ka met gayam nga mammadto Wen, siak diay katungtungtong mo
no madama iti break time iti trabaho. Makatulong nga makaikkat iti stress kunam sa. Mapaisemak ken makatiltilmonak no maammuak nga naimas iti inpabalon ni Kumander mo.

Ala ngarud-ta agkayodak man pay. SAPAY TA MATULOY MET LAENG TI PANGGEP MO NGA AGBAKASION IDDIAY PINAS. Naimbag nga biahem KET TARABAYEN NA KA KUMA NI APO DIOS.

MERRY CHRISTMAS TO YOU AND YOUR FAMILY

Manang Yssa (Orchidladi)




Leilanie Gaspar Adriano
12/23/2008 2:12:27 PM

Kumpad Jric!!!!!!!!!!!!!!! kasla nakitaka itay a mayat ti wirawirna ditoy Laoag!hakhakhak! Pukpukawanka ngem dika met tumaliaw!hehe! Naragsak a paskua ken baro a tawenmo iti pamilyam.



Monica Smith
12/23/2008 8:51:11 PM

Donya, merry merry christmas happy new year! Tay x'masko..nge.



Marie Domingo
12/23/2008 9:31:27 PM

Manang Yssa, merry chrismas met kenca!! musta ka metten!

Lei, husto ta kunam, adda idiayen nga agpasia-pasiaren.

MS, kasta met kenca!! alamto ken Jric ta isunton ti agibunon.




Johnnyric Domingo
12/26/2008 3:22:56 AM

HAHAHAHAHAHA! Kumareng Lei, saan siak daydiay... agkukkukutak pay lang ditoy paglemlemmengak!

Manang Yssa! addaakon ditoy... agsapsapulak ita ti ipon a bugguongek koma.

Hon, passiarem daytoy blog ket saanak unay makaum-umay.

Hi, Miss M. Addaakon ditoy da Arlane.




Monica Smith
12/26/2008 3:58:08 AM

HAHAHAHAHAHA!
HEHEHEHEHEHE

Ania met ti lawlawatem, ket no kalkalpas tayo nga nangan? Lj, tingkokam man ni Manongmo.

Donya, tank you ken tay X'masko. Kalkalpasmi nga nangan, ay nagimas ti pinangrabii mi.

Adda agsuyaab suyaab dita igid...........ni LJ.




Marie Domingo
12/26/2008 8:29:32 AM

MS,mangted kayo man ngarud ta sida yo ket diak pay nangan,ipalladaw yo lattan ta pidutek no bummangonak.

Hon,gumatang ka ti masida dita no adda ta addanto yawid mo met,tay gammet ko ken Maricar dimo lip-lipatan nga alaen.

Arlane,LJ merry christmas lattan ta didak met pinalubusan diay pagubraak ta ngamin by seniority no agi-file ka ti vacation.

Awan pay ni Marvin? Kitan yo bassit ah no mayaw-awan ta pagsardengan na.




Leilanie Gaspar Adriano
12/28/2008 3:40:31 AM

Mareng Marie! kumusta!??hahaha! Affuuu ta naikapista ti padaya diay URSA!hehe! Padasek koma met a kamakamen idi ngem adu met nakaigalotak diak makaruk-at daras!hehe! Ala, sapay ta dimmanon dagitay souvenir para kadagitay nagtuloy a napan naki-gathering.

Kumpad Jric, sika la ketdi diay nakitak a makiar-aribongbong paggatangan ipon diay Laoag supermarket!Kalsa kutonen ti ipon bumugguongank koma met! :-)

Hi, Ms. M! Makapaapalman dagita pre-gathering pixyo! hehe




Johnnyric Domingo
12/28/2008 8:32:43 PM

Yaahuooo!

saanak a makapaskil iti adu...

MS, Matingkukandak ngarud no nagpipigsa met urokyo idi, AHAMMM!

HAHAHAHAHA! Wen sda ketdi Kumareng Lei... pinulutanko di ginatangko a sanga ungot, Nagimas man!!!

Hon, kalkalpasmi unay a nagsarsarita ken Maricar. Nagpintas ken nagguapo dagitay annakna! Immalada ngamin ket ken ni Maricar.




Ernie
12/28/2008 9:59:03 PM

Jric, Happy New Year Ading. Ur-urayek dagitay letrato nga ipaskil, hehehe. Naka-aapal met ti itsurayo yorz, hehehe. Have a safe trip back to Maui.



Imelda Batara Alibuyog
12/29/2008 2:59:11 AM

DIOS APO! UMAYAK MAN MET MAKISARABO TAY SOBRA YO IDI GATHERING.AWAN LAT ARED-EDEN ADING,TAY BASI KOMA NGA INBULSAM? TA LUMIDOK TA MAN ALA!

NAIMBAG A BARO TAWEN YOU AMIN KAKABSAT!




Yssa
12/29/2008 1:40:45 PM

Jric-
Agawaam ngarud iti agtiliw ti ipon nga buggoungem ta umayak to makidigo no umaykamto sumarungkar dita maui. Uray ta saan nga maperdi dayta.

Leilanie-naimbag nga malem mo met adingko.




Ruth B. Tactacan
12/30/2008 7:22:56 AM

Jric kumusta tay gadering yo? nakaap-apal met diay picture yo dita sango. Happy New Year.



Sutil
12/30/2008 4:55:15 PM

Jric, agpakuyog ka kenni Torney ta ipan naka idiay Air Force One tapno makakita/makaraman ka met ti kasla inukisan nga bawang. Pagkakataon mo daytoyen kaka ta awan gayam ti ....



Marie Domingo
1/1/2009 12:05:35 PM

"Happy New Year to everyone"

Ruth,awan pay ni Jric diak pay ammo ti sangpet na!

Manang Yssa,aguni kanto lattan no umay ka ditoy Maui,ta iteddaan kanto ti ipon nga pangramanam.

Hi Imelda,bareng adda isangpet na nga ared-ed da ah ta pagraramanan tayonto.

Sutil,nagsayaat koma ngarud aya no kinuyog ni Torney ni Jric!!!Ngamin,dina ammo ti tur-turungen na,problemak pay no mayaw-awan.




Johnnyric Domingo
1/6/2009 6:06:45 PM

Yaahuooo! addaakoooon!

Happy New Year To All!!!

Manong Ernie, sumagmamano dagiti adda kaniak a pix... padasekto nga ibusn kadakayo. Apo aya! ti imasnan di kilawen a kaldingyo ken ni Ka Pitts.

Hi Mrs Imee! inkisapmi kada atty di dua prasko a basi. Agurkayo ta mangipapudutak tay pindang a kurita a pagsasangnguantayo.

Manang Yssa, nakisang ti ipon a maitakdang... awan sa ket ipon, wenno dagiti mangngalap ti kurang.

Mareng Ruth, Hapuaya! awan pangipadaak ti kinaragsakna di gathering... kasla reunion ti dakkel a familia ti panangipagarupko man. Nasinged ti panagkikinnumostami uray no idi kami laeng a nagkikita. Naragragsakak koma manen no nakaalupak ti kapet-kapet.

Gayyem Sutil, saanane nasken a sumurutak pay ken ni Atty, adu ti napupungga ken nalalapana a maisala ti kapet-kapet kadaydi a kaaldawan ken karabiian di party. Apo aya! ti ar-aruyot ti kataykon ta malagipko la ketdin ni Kumander!

Kasta a Hon, rummuaraka met sagpaminsan... kababain kadagiti bisita no lettadam ida iti agdan.







Ernie
1/9/2009 8:20:20 PM

Nukkuan ukagek manen dagiti naipatulod nga Kodaks ngem kasla awansa met nga nagparang ni Marvin? Baka naiyaw-awan dita Barrio Uno ta San Nicolas, hehehe.

Mangaramidto ni Andy ti sabali kano a panait ta mainaganan amin dagiti adda kadagiti Kodak. Dayta inaramidko ket sneak preview laeng ta adu dagiti padak nga saan nga nakaumay nga agur-uray kadagiti nakaaapal nga padamagyo Adingko.

Ipatulodmo ken Andy dagita sa CC kaniak no adda pannakabalinna. Tinkio.




Johnnyric Domingo
1/11/2009 5:17:57 PM

HAHAHAHAHAHAHA!
Baka sadiay Barrio Uno ti Laoag nakayaw-awananna Manong. Uray siak ket saanko a nakita idiay iluko.com gathering ni Gayyem Marvin. Ngem kuna ni LJ nga immay kano nangidaw-as ti candy iti sumipnget.

Dagiti adda a picture kaniak Manong ket kasla kapadpada met laeng dagitay ala tay kodak ni Miss Monica, makitak ken mapaliiwko man dagitay inpatulodna kadakayo ket isu met laeng a buya toy adda kaniak. Napia pay diay kuana, Manong (diay kodakna, kunak koma, hindi ko kayat matsismis, HAHAHAHAHA!) ta addaak idiay, ngem toy kodakko ket saanko a makita tay ladawak.




Marie Domingo
1/17/2009 5:54:02 PM

MS,tay impalladaw mo ket naawat kon. Palalo manen ti isem ko ta adda manen nayon dagitay ibit-bitinkon. Kinaagpayso na, ket insibrukon itay bigat. Ag-emailakto kenka no madamdama ket madama ti pinaglabak. Thank you ti kinasayaat mo kadakami.



MS
1/18/2009 1:40:03 AM

Enjoy it and thank you met diay inregalom kaniak.

Leilani, apay dika immay idi gathering?




Monica Smith
1/19/2009 6:59:34 AM

Leilani, no adda panawenmo nga mapan Santiago diay ayanda Arlane ket mapankanto ta adda inbatik idiay nga X'mas regalom.

Donya, kaano ti papanta diay Seattle ngarud ta apanta rauten diay Coach Storeda.

Don Jric, Arlene Lj & Manong Pitong, ipatulodko kadakayo gayam dagitay pictures tayo tapno adda met ti kopiayo. Naragsak dagidiay nga aldaw ket sapay koma ta maulit to manen.




Marie Domingo
1/20/2009 7:22:47 PM

MS,intantola bassiten no agsubliak palubos ni Apo.Tallo a lawas ko laeng. Adda latta kenka no umaynak alaen but itugot mo ni Arlene tapno makita na met ti Hawaii..HIHIHI



Monica Smith
1/23/2009 7:10:59 AM

Good morning Donya.
Bisi met ti skeduleko, tawagan kanto lattan. Umayka alaen dita Hawaii...hehehehehe, adayo unay. Agkitata la diay Seattle'n.

Asideg ni Arlane ti Seattle 30 minutes laeng, siak ket 13 hours no drive'n.




Marie Domingo
1/24/2009 6:12:09 PM

MS,agkita tanto latta ngaruden diay tabi-tabi...Intan kunakto lattan no addaakton.



MS
1/26/2009 6:14:19 PM

Donya, no sika koma ti umay ditoy bumisita kaniak sata agpaSeattle, ania ti makunam?



MS
1/26/2009 6:15:23 PM

Donya, no sika koma ti umay ditoy bumisita kaniak sata agpaSeattle, ania ti makunam?



Leilanie Gaspar Adriano
1/27/2009 4:04:03 AM

Hayy afoohh met naikapisak manen yordzzz! Napalalo nga ayatko nga umay koma met di gathering Ms. Monica ngem paunayen aya ta adu met ti kumikomko idi dumteng dayta a tiempo. Ayanko laengen ti agtiltilmon idi ta mamulagatak dagita ladawanyo ta sango!hehe! Sigudyo met gayam nga insibro dagitay T-shirt a courtesy ni apo Webby idi gathering suna lang ta ad-adu koma't XL aya! hakhak! Next time i-requesttayonto ken apo Webby (no adda pay pannakabalinna) ta American sizes latta aminen aya! :-)

Wow as in wow! Diak man la ninamnama a malagipdak idi gathering Ms. MS. Ala ket ag-tenkyuak lattan a diay inbatim gayyem uray diak ammo't laud ken daya a mapan diay ayanda sis Arlane! :-)

Kumpad Jric, mareng Marie, nakariingkayon??? Ibatik latta ditoy aruangayon toy padigok a baguong nga ipon!hehe!

Ka-Ernie, taga-San Nicolas ka kadi met? Taga-Catuguingnak!hehe




MS
1/27/2009 11:19:38 AM

Yuuhoooooo, Donya! Ayanmo?

Leilani, inkanto latta alaenen no adda ti timemo. Datoy man ti addressda Nalasin, Santiago agdamag kanto lattan, saanka met a mapukaw. La ket you're very welcome ngarud and enjoy...




LJ-
1/28/2009 4:11:14 AM

Sa wakas!!! Hehehehe! Manang Marie, Manong Jric!!! Mayak man met agpapresent, kakaisuna a masango (kano ti five minutes, hehehe!) Manang Marie, nagmayat koman manangko no adda ka met idi!!!

Manong Jric, HEHEHEHEHE!!! Mustan manongski? Adda manen koma! Hehehehe!!!

Hello Lei! Kumustaka met, girl? :-) Sayang, addaka koma nga agpayso idi.

Manangskiii!!!! Tay beso-besok ngay??? HEHEHEHE!!!

Manang Ruth! Hapo aya, next time koma ket addakanto metten, hehehe.
Angkel Ernz! Manong Suts! Hallerski!




Marie Domingo
1/28/2009 7:48:20 PM

MS,agkita tanto latta sadiayen siguro?

Lei,nagimas ta umay mo ipadigon!Catuguing met gayam ti ayan mo? Dita San Nicolas met ti ayan ko?

LJ,musta ka met! Wen ngarud umap-apalak ta diak met nakaumay.




Leilanie Gaspar Adriano
1/31/2009 9:39:54 PM

aawiskayo amin nga umay maki-PAMULINAWEN fiesta ditoy LAOAG karruba. Mangrugi ita nga aldaw ti parada! :-)

Mareng Marie!!! Nudtoy San Nicolas ayanmo? baka agkarrubata lang hihi!

Ms. LJ, MS palalo ayatko nga umay ngem naigalotak idi December! waahhhh!!! From Apayao to Santiago, I. S. a ket kasla metla Manila't kaadayonan! Awan met ngarud pasagadko ta ipasayagsagko koma lattan! hehe




Marie Domingo
2/3/2009 6:03:57 PM

Lei, diay #7 ti ayan mi,asideg dita planta ti Coca-Cola. Siguro kabagiam ni Toribio Gaspar aya?



Ernie
2/3/2009 11:26:21 PM

Marie, nayanakak dita #6 ngem idi nalpas ni Tatang diay binangonna a balay dita nueve, napuotak idi immaliskami idi 1958. Agkakarrubatayo met gayam aya? Ngem kuna met ni lakaymo a taga Laoag ken saanna a kabagian dagita adu nga ag Dominggo dita nueve.

No am-ammom ni Lakay Cinti a tenyente ti nueve, daytay latta dayaen tay balayna ti balay ni Tatang.




Ernie
2/3/2009 11:30:01 PM

Ne naiyaw-awanakon, hehehe. Abagatanen tay balayna kunak koma Ading. Sowie.



Marie Domingo
2/4/2009 6:07:58 PM

Manong,ammok ni Cinti Daoang ta popular met isuna,ken kanayon ko a makitkita dita Munisipio no um-umay idi! Ngamin dita met ti nanumo nga pagar-araduak idi diak pay immay ditoy Hawaii.(Idi tiempo ni Apo Mayor Benny Madamba)Nasayaat Manong ta agkakalugaran tayo met gayam.



Ernie
2/4/2009 8:56:11 PM

Lanai met ti simmangladanmi nga isla. Nagraduarkami iti High school ngem saankamin a nagsubli ta narigat met ti agtrabaho iti kapinyaan. Inyupreserannak ti US Gov't ti trabaho ditoy Kauai, isun ti immayanmi nanipud pay idi 1974. Maybe someday, kayatko ti agsbli dita Lanai ta natalna a pagretirean siguro. Adu ti makalapan, maanupan sa natalna ta awan unay traffic.

Uray nu kasta, kasla agkakaarubatayo latta a ta minutos met laeng a tayaben ti aeroplano from island to island. Agaw-awis ni Atorni Leo Beligan a mapan ranaen ni Andy dita Honolulu in two weeks ket kunana nga ayabak kano ni Jerico a kaduami, hehehe. Talaga a naparagsakan a napan diay Gadering diay Santiago....




Leo Beligan
2/5/2009 1:13:05 PM

ADDA GAYYEMKO NGA TAGA San Nicolas : Mario Raval. am-ammoyo kadi ?



Leo Beligan
2/5/2009 1:17:09 PM

naibagak kenkan kabsat nga nakapanakon idiay Lanai. awan pay laeng ti hotel dita idi 1976 nga ipapanko.



Johnnyric Domingo
2/5/2009 9:15:29 PM

SUSMARYA! nabayag laengen daydi naudi nga yuumayko Gagayyem. Makasiripak ita, ta pangal-alaan ti turog. Komustakayon....?

Miss M, ipaw-itmo la a kuartan dayta yalayo iti bag, pia a silpo ti biag ta karigatmi ditoy Maui ita.

Kumare Lei, toy riknak, kasla man makipaspasetakon ti Pamulinawen piesta dita Laoag, maipalagip latta ngamin ti panagubing, panagbaro no umadanin ti piesta ti Laoag.

LJ, wen koma...! nagbiit tayo met ngamin a naglalanglang, ala bareng addanto manen sabali.

Manong Ernie, adda barkadak idiay nuebe a kaip-peliedomi; Jose Domingo, am-ammoyo ket ngata?

Atty, saan kano am-ammo ni Kumanderko ni Apo Mario Raval, ngem adda ag-Raval iti Siudad ti Laoag, puro dan sa ketdi nga abogado.

Manong Ernie, Atty, ken Apo Webby, palalo nga ayatko nga umatendar tay yaw-awisyo a Goat Together ngem apoaya ta ti pagtrabahoanmi ket saandakami met a palubosan nga agbakasion kadagitoy a tiempo.

Manang Yssa, Komusatakayon dita?




Ernie
2/5/2009 11:50:30 PM

Dagidi kinabaddungalak nga kaapapilliedom ket addada met amin ti kunak dita Honolulu'n, malaksid no in-inaudi ni Jose wenno saan a kabagian isuna ket diak ammon Ading.

Uray siak ket kabusymi met ita ta kagapgapukman dita Molokai'en, baka agsubbliakman no next week'en. Isu ngamin ti iyuumay dagiti taga mainland no kastoy a kumterda ket kasla bakasyondan nukua, hehehe. Isu metten ti kabusymi nga mangasikaso kadakuada. Uray ta weekento met daydiay a Drama ta Dominggo(2/15) kuna ni Andy dita bangir a panait. Saanpay met a sigurado kaniak.




Arlane Manzano
2/6/2009 7:08:07 PM

Mamanongskis, Mamanangskis, Sisters, Apongs ken Angkels..

Umayak laeng agpa-tsek iti attendance ket nakaawatakon iti letter from the Principal...

Manang Marie, 20minutes away kami laeng kenni Jay-Ar idiay Tulalip outlet.




Leilanie Gaspar Adriano
2/6/2009 10:11:31 PM

Halo-halo!! isu koma't kanek ita nagpudot ditoy yordz!!hehe!

Daksanggasat Mareng Marie ta diak am-ammo ta Toribio Gaspar nga ibagbagam. Daytoy ti makadakes no saan unay agkikita da tao kadagiti kakabagyan (sakam la maaddaan ti family reunion no adda pasken-kasar,buniag,punpon kunam! :-)) Ngem no ag-Gaspar kada Tolentino ta Catuguing, kabagyak amin ida isu kuna ni lolangko!hehe!

Simmiripak la biit mga friends ta kaapurami ita ditoy nga ag-fiesta.




Eduardo Padaoan
2/7/2009 7:09:19 PM

Happy fiesta Leilanie!

Kumusta metten Arlene?

Hello Ernie?

Yuhoo!!! long time no see, no talk, no communications Johnnyric and Marie lumabasak pay.




Linda Bulong
2/12/2009 1:07:58 AM

Yuhooo, Jric, umayak man makikaarruba!
Mustakayo amin, padak a bisita, pampaminsanek metten, a, ti kumablaaw a kunada.
Jric, tay kadi saritak a napauluan iti "Idi Aggibus ti Kalgaw" ti nabasam? Napimpintas tay impostek a sarita idiay balay ni Apong Leo, idiay Kakitongan a pagarianna. Pinadasko ngamin nga imposte idiay yan ti sarita ngem dida met awaten, yordz! Isu a nakikaarrubaakon, a, ken angkel!
No adda orasmo, tummammidawka idiay ta palabsam.
Musta laengen iti pamiliam.




Linda Bulong
2/12/2009 1:08:24 AM

Yuhooo, Jric, umayak man makikaarruba!
Mustakayo amin, padak a bisita, pampaminsanek metten, a, ti kumablaaw a kunada.
Jric, tay kadi saritak a napauluan iti "Idi Aggibus ti Kalgaw" ti nabasam? Napimpintas tay impostek a sarita idiay balay ni Apong Leo, idiay Kakitongan a pagarianna. Pinadasko ngamin nga imposte idiay yan ti sarita ngem dida met awaten, yordz! Isu a nakikaarrubaakon, a, ken angkel!
No adda orasmo, tummammidawka idiay ta palabsam.
Musta laengen iti pamiliam.




Johnnyric Domingo
3/4/2009 4:27:08 PM

AYSUSMARYA!(manen.) PASENSIA Gagayyem ken Karruba! Indalitnak man met ti puro obran iti trabaho! ita ket masangok ti umay ditoy ta dimmawatak iti pasar-natalingenngen nga yaanges, ta, ney urayak met la nga agtungtunglaben iti pamsaakan ti rigat a gappuanan ti agtingtingig nga ekunomia ti US.

Komustakayon...?

Manong Ernie, katawenak ni Jose, adda metten dita Oahu. Wen, Manong. Isu kanot' gapuna a bassit ti buklenda a familia dagiti Kano ta masulitda kano nga aglabus, ta kumterda ngarud!
HAHAHAHAHA!

Arlane, komustakan? SUSMARYA, saanmo aw-awisen ni Kumanderko ta amangan no yutangnak a nakamulagat, AHIHIHI! SANABAGAN. No makitkitayo man ni Gayyem Marvin Acosta dita ket ibagayo man laeng a balbalianna ti umay pumassiar ditoy Maui.

Kumare Lei, umaykan...! itemplaanka ti halo-halo! one baso of naluom a papaya ken one baso a wid morod. Agpilika Mare no ania ti kayhatmo ta yad-aduk mangtempla, AHAMMM, imasnan aya! An-anusam tay gathering wen, uray ta adda ni Manang Linda nga ayudam dita...

Manong Eddie, addaak ita... wen, man, nabayagen daydi, ipagel ngamin ti deperensiatayo iti oras. Addanto latta manen Manong. Komustakayon dita? Madama ti sung-abmi ditoy ita! sapay ta saanna a degdeganen Apo!

Hello Manang! wen nga agpayso, Idi Aggibus ti Kalgaw, gayam, pasensia Manang... sumursurot kano ket ti kabaw iti itataeng ti tao, mamatiak met ta awan met pay kabawko idi tartisiksko, itan ta 37 ket addan san! AHAMMM! Intampungko nga inlakasa tay paskilyo a sarita idiay thread ni Atty Beligan. Bareng ta isu ket ti makapatured kaniak nga agikur-it a pangrugrugian ti sinsinan sarita. Thanks! Manang.

Kasta manen... umayakto man sumiripen no lumukay ti aangsan.




Marie Domingo
3/24/2009 6:31:14 PM

MS,addaakon ngem sansangpet ko unay a aggaput' trabaho.



Leo Beligan
3/24/2009 7:45:22 PM

Jric, komusta ti Maui. Malagip ko man tay gadering tayo. Anian nga ragsak ti panagkikita tayo.



Johnnyric Domingo
3/30/2009 7:21:23 PM

Agyamanak iti idadaw-asyo Atty.

Kastoy kami latta ditoy Maui. Karigat ti biag.... Wen man Atty, kayatko manen ti mapan bumakasion. Saanko a maipanamnama, ngem bareng ta makaumayakaminto met laeng ken toy Kumanderko. Uray no nasapa pay ti panangi-schedule ti bakasion ket naipakaammomin iti trabaho ti panagbakasionmi.





Leo Beligan
4/3/2009 2:03:03 PM

sayang ta ditay met naipapas ti panagpipinnolapol tayo idi gadering.



Ernie
4/4/2009 12:10:08 PM

J'ric, awisenka nga umay diay LV. Umay met da kabsat Att ken uray ni Apo Webby ket kayatna met ti umay maki Dice. April 22-28.

Naramanak ti ar-arusip diay Pinas, naimas nga masamatisan kasta met ti kaadu ti pokpoklo itay nagawidkami....




Johnnyric Domingo
4/6/2009 6:57:45 PM

Wen man Atty, ta dadyi bigat a pinagsisinatayo idiay Ursa Major Hotel a pinagap-apurak a nagawid Laoag ket saan met gayam nga isu di kamalman ti flight ko a mapan Manila, iti met pay la gayam kabigatanna. Addanto manen Atty ipalpalubos ti Apo.

Manong Ernie, agyamanak iti awisyo ngem narigat a makawayaak kadagitoy a tiempo. Permi ti rigat ti biagmi ditoy ita nga agdama. Sa kasla agtagibi ti sasaadek iti trabaho, saanko a mapanawan, Manong agingga a saan a maileppas dagitay proyektomi a nakaikumitak. Addanto laeng sabali a tiempo Manong, Ha?




Ernie
4/6/2009 7:18:16 PM

Ala wenla, sabalianto ngarud. Agpaso ngamin dagitoy mileage pointsmi iti United Airlines ket usarenmi, sayang a naur-urnong....

Easy lang dita trabaho ta dinaka ketdi paglakayen a dina oras, hehehe.

Happy Easter to you, Marie and the whole family.....




Johnnyric Domingo
7/1/2009 7:36:40 PM

AYSUSMARYA! Ay ket nabayagen daytoy post yo Manong Ernie, pamakpakawananyo ti kinaliwayko. Diak met malagipen nga adda gayam abong a masapul a dagasan no adda saparko nga agpassiar ti iluko.com

Bilbilangek ngarud dagiti puraw a buokko Manong, ket ad-adun sa metten ngem dagiti nangisit, daytoy tay kunadan a saan a malisian ti ag-4wheel drive, [aglakay,] HAHAHAHAHAHA!





Agposte

Ag-Loginka pay nga umuna Kailian sakbay nga agposteka.