iluko.com - website a magustoan a pagpalpallailangan dagiti pada a nangisit ti sikona.

Balitok nga aldaw

 

Skip Navigation LinksHome > Blogs >



Dagidi aldaw a di agkupas_eighteen.1
2/24/2008 2:47:53 PM

Febrero 25, 1977

Aldaw ti Biernes. Agngalayen ti bulan ti Febrero ngem makakakursing pay laeng ti lamiis ti pamigsaen nga angin nga agpabagatan. Kalkalpasmi laeng a nangaldaw kadagiti kaeskuelaanmi iti high school itay libasanmi ida ken Herman Juan a kasingedan a gayyemko iti pagad-adalanmi nga eskuela. Sinurotmi ti agpalaud a sidewalk nga amianan nga igid ti Rizal Street a sango ti Ilocos Norte Capitol, simrekkami iti nalawa nga arruangan ti Capitol itay mabatuganmi, ket intuloymi ti nagpalaud iti uneg ti inaladan a likudan ti nalawa nga stage agingga a nakadanon kami kadagiti pagtutugawan iti sirok dagiti akasia.

Kas met laeng iti daya ti opisial a pasdek ti probinsia a makaay-ayo ti pannaka landscape ti sirok dagiti kayo agingga iti laud ken abagatan a sidiran ti pasdek, mayat ti pannakkaiyasmang ti maris berde a lawn iti maris kiaw-nalabbaga a diak mainagannan a napipintas a mula, ti laeng dumada ditoy bandana iti laud ket adda sumagmamano a kalkalainganna iti kalawa a fishpond nga aginggat’ barukong ti kaadalem ti danum a kargana. Adda saggaysa a tilapia a makilauklauk kadagiti napipintas-nadumaduma ti kitana nga ikan nga agpaay a mangpangayed ti ruar ti pasdek.

Nagsublikami met laeng iti tugaw a nangiparabawanmi kadagiti knapsackmi kalpasan a natan-awanmi dagiti ikan. Bayat ti panangsaklot ni Herman ti knapsackna- ta iyaunna ti masapsapulmi nga agbanniit, wina-nawanak ti aglawlaw, napnekak itay diak matalawatawan tay lakay a janitor ti capitol nga inggat’ ungetna. Iti pangadaywen iti ayanmi, mayat ti arabna ti ugsa a nagsanga-sanga ti sarana a pataraken ni Governor iti lakay. Adda ugali ti ugsa nga agsangdo kadagiti lumabas a pakagaw-atan ti agtallopulo ngata a kadapan a waywayna.

Naraboy ti isem ni Herman a nangyawat kaniak ti nagarugad-napunas ti simana a banniit nga addaan iti sangadangan a linas, a, ti maysa a pungto ti linas ket naigalut iti kas ngata iti kalukmeg ti tangan-saka, ken agtallo-pulgada ti kaatiddugna nga styrofoam nga agpaay a patapaw ti banniit. Pinunasmi ti sima ti banniit tapno alisto nga ikkatenmi iti mabanniitan nga ikan. Naraboy ti isem ti gayyemko ta mangnamnama manen nga atiwennak iti pinnalumbaan ti ikan a mabanniitan iti uneg ti fishpond. Inatiwnak ngamin idi kalman iti score a 3 – 1.

Inlibasko nga inpamurdong iti patapaw ti nakaigalutan ti linas, ta mamatiak ngamin a nalaklaka nga itaray ti ikan ti patapaw no iti murdongna ti pakaigalutan ti linas; saan ket nga iti katengaanna. Kinautko ti plastic a pagbalunak iti uneg ti knapsackko, linukatak ti pagbalunak ket nagayamuom ti kaay-ayok nga angot-naprito a saba a pinangaldawko. Piniritko ti inparantak nga inbati a sangkabassit nga inapuy, ket inapanak ti banniit. Tay natangken a parte ti bread ti inyapan ni Herman iti baniitna.

(adda tuloyna iti baba) --->>>




Comments



Alexander Barut
3/1/2008 7:39:54 PM

Ala ket mangibingay kayonto ta mabanniitanyo kabsat! Tila dakes matiliwannakayo ta lakay dita.



JRIC
3/6/2008 5:10:33 PM

HAHAHAHAHAHAHA!

Naimbag a malemyo, Sir Alex! la ket di ah! Ngem nakumpiskar met dagitay banniitmin. Karwas wenno sagap to laengen ti itugotmi no maminsan.




medz
3/7/2008 1:48:55 AM

ading jric musta kan? ni mamang mo medz daytoy.



Arlane Manzano
3/7/2008 9:28:16 PM

Nalang-abko man dayta pinirito nga saba Manong Jric, umayko man isakada daytoy pingganko... BAgikton ti Coke nga pangpaanud tayo.

Sir Alex, tulunganka nga agiwa iti pagrekado iti isangpetdanto nga ikan, mayatka? Ninto Manang Imee ti agluto.

wehehhe..




Alex
3/8/2008 3:32:48 AM

Arlane, tulungannak man ngarud. Isaganam pay tay pagtunuan a ket naim-imas ta tinuno santo isawsaw inta Sukang Iluko nga adda sairo a silina. Nagimas ketdin kabsat. Tapos adda bassit ilidok-lidok nga emprador brandy wenno matador! An-anusan latta dagitoy a mainumen a ta nalaklaka ti bayadna!

Ni Manang Imee? Aysus agen-enjoy nga agkilkilaw ti karne ti ugsa itan! Adu kano unay ti kainniliwna isu a dina pay la masango ti umay ita.

JRIC, malagipko idi high school kami. Nagbasaak ngamin dita barangay high school ti Vintar ket uso tay mapan agsilaw iti rabii dita karayan. Husto met idi nga adda ti curfew hours ta adu ngarud idi ti KAKADUA. No mapankami agsilaw gapu ta puro kami met lallaki ken ub-ubbingkami met isu ikkatenmi amin a badomi karaman kalsonsilyo ta agbatok-batok kami ngarud. Nagadu ti naalami iti dayta a rabii. Ti ayanna a pagdaksan dimi napupuotan a nalabsanmi ti curfew hours. Ana pay no di natiliwkami a silalabus ta adayo met ti nangidissoanmi dagitay badomi! Ket ne inpupok dakami met diay monkey cage dan. Innalada pay tay nakalapanmi. Dandani aglawag idin ta palubosandakami a nagawid. Nagtataraykami a inta kalsada a silalabus! THIS IS TRUE AND NOTHING BUT THE TRUTH!




KUPIDO
3/9/2008 4:21:08 AM

Napanka gayam nagbaniit barok, insaganakon toy palanggana nga pagibukbukam iti maitakdangyo.



fred
3/15/2008 2:00:13 AM

jric, addansa met planoyo nga agbakasion ken ni mang Cres ton Paskua? sabagay karagsana no kua..mustan?



Ruth Tactacan
3/15/2008 7:40:16 AM

knock knock awan tay bumalay'



JRIC
3/16/2008 6:29:30 PM

Komusta Manang Medz? Dikayo met la nagimbitaren idi agkasarkaaaayoooo! Ahammm! Nasayaat man ta nakapassiarkayo.

AHAmmm! Arlane, ak! ipakastoymo ngarud dayta pingganmon ta pusekek ti ayamuom! kumosta met tay inudom?

HAHAHAHAHAHA! Sir Alex, adu met malaglagipko ita kadaytoy labus nga estoriam, nga umanay a ray-awko agingga ita no malagipko.

Adu dagiti diak malipatan a kas iti naminsan a leppas-pangaldawmi nga agad-adal iti elementaria, napankami nagdidigos iti waig nga asideg laeng ti eskuela elementaria: apagluganmi laeng kadaydi rakit a pakairamanan mi ken di Joyce*(Dagidi aldaw a di agkupas_3,5,8...) no ararigen idi umayen dagidi lallakay a sutil nga umay mangpattug di rakit, kapilitan a nagtatappuak dagidi kakaduami ta ipatengada met indi adalem di rakit- dakami laeng ken joyce* ti natda, ay apo! URAYAK LA A NALAB-LABUSAN ta siak met ti pagpatawan di Joyce ta dina met ngamin ammo ti aglangoy- Ay! ket rimuaren a di tillayon! SUS Apo, Aya! Naimbag laeng ta saanen a nag-helmet idi!

Apong, long time no look! napnapananyo aya? Damagko man a napanyo kano inyasawa ni Gayyem Marvin, husto met laeng ti damagko Apong? (sorry Gayyem Marvs, angaw laeng wen.)

Manong Fred! Komust' Filipinas? Wen Manong, inkami koma ribbuoten diay balay da Arlane, kababain met ti saan a mapan ta inyimbitarna met. Uray ni apong Kups ket umay met. Wen Manong, inkami bumakassion ken itarapnusminto ti maki-iluko.com gathering. saan kano a masapulan ni Manong Cris daytay pupokna a a kurita, manong.

AYSUSMARYA! Wen, Miss Ruth, nabayag a diak nakaum-umay ta na virus-nagpanateng daytoy PC'k ngamin. Komustakayo met?




Alex
3/17/2008 3:46:31 PM

Adda malagipko nga istoryaen. Idi ubbingkami uso daytay sul-oyem diay liberty a gatas idiay latana. Kanayon nga agririkami ken manongko ta dandani awan mabati ti pamayanna no makauna. Iti naminsan, nagtartarayak a napan mangsul-oy diay gatas. Itangguapko koma idin ngem bigla met nga inagaw ni manongko. Kasta unay sangitko. Idi itedna kaniak, diak kinayaten a ta adda met rumrumuar nga alutiit diay abut diay latan! Limmugsot pay ket diay matanan gapu iti napigsa a panangsul-oy ni manongko!



Alex
3/17/2008 3:49:45 PM

Uso pay daytay pulipol a tagapulot a karudkodem diay lata! Gapu ta awan silaw idi, ikarkarawami lattan diay kutsara a pangkarudkodmi diay pulipol a tagapulot. Inkaadok ti innalak ta no diak kaaduen baka awan man ti mabagikon. Kasta unay a panangngetngetko ta medyo nakulbet ta pulipol ngarud. Idi mabayag, saan met a nasam-it ti maramramanakon no di ket medyo pumait. Idi kitaek diay galgalgalek, ne ket permi met a lumaslastiko diay alutiit ti kagagalgalkon!



JRIC
3/17/2008 6:54:38 PM

HAHAHAHAHAHA!

Sir Alex, saanko napadasan dayta gatas a sul-oyen.

Dayta pulipol (pulutipot kunami) ti agpadatayo ti padas. Kastoy man ti panakaligpko: Naglingta ni nanangmi iti akin ruar a kusinami iti adu a bagas ti kamuteng kahoy (balingkoy), inpatugawna daydi banga (tayab) iti sagapa iti rabaw ti lamisaan nga asideg daydi lattat' buiskuit a naglaun iti tagapulot, ket basta mangalakami di nalingta a kahoy ket idaw-asmi nga ipilkat iti tagapulot nga adda iti uneg di latta saminto isakmol, kasdiay-a-kasdiay.... idi awanen ti nalingta ket nagbibisinanmin a, a lekkaben dagidi natnatda naipiltak iti tagapulot. Ti Imasnan Aya! ngen gapu iti panagbaybay-ami; ta dimi met idin ipermis ti kalub di latta ket simrek ti aluti-it, Nimas Sir, ti maikalti nga aluti-it! HAHAHAHAHA! manen.

Adda pay diak napupuotan nga inar-aramid dagiti nagannak kaniak, idi ubingak kano pay a bassit ket pagtunnuendak iti tekka, inton matunok ket ilibasda nga ilauk iti Coca Cola sa ipainum kaniak, isu kano ti nakaagas di angkitko, kunada man! Ahihihi!




Alex
3/18/2008 9:25:29 PM

Padasem man ita a ramanan ta tinuno a tekka JRIC hehe



Dianna Miguel
3/19/2008 11:56:43 AM

Uncle JRIC, pimmusay met ni Lola Dianang ngen...permit kigtot ko itay agsapa...intext ni Auntie Malou. Dawatek tay kararag mo, Uncle ko. Sika nga naanus nga mapan mangidanun ti kumustak kenkuana idi...diak met ammo nga mapan na gayam danunen tay asawa ken inaunanan. Thank you.
Holy Week ditoy Pinas, Uncle. Huwebes Santo nu bigat. Kumusta danto latta manen nu agkikita kay amin. Regards and take care!




Marilyn Lagazo
3/19/2008 12:53:15 PM

Hi Jric & Marie,
Kumusta kayon dita Kihei?. Saan nga ang-angaw diay tinuno nga tekka nga agas ti angkit. Kunak daytoy ta isu iti nakaikkat ti angkit ti bayaw ko idi ubing pay. Manipud idin nalaingen tdi angkit na:)

Naimbag nga aldaw yo amin gagayyem.

Manang Marilyn




JRIC
3/19/2008 6:44:08 PM

Padpadasen no kua ti panunotko ti agtuno ti tekka sa kanen ngem kasla madi metten akseptren toy riknak, malaksid no agubli pay di angkitko, a, ket ipapelko pay laeng! Ahammmm! (an-anusan ti di agkatawa pay laeng ta semana santa.)

Hayna Basangko ket inpannakano met latta ni Auntie ngaminen! Dida met la naibagbagan da Uncle ken Auntie'mon. Di ta pay laeng Filipinas, ni Uncle Elmer mo iti nakaamuanmi idi kalman. Nagsarsritakami ken Kasin Jojo, kasta met ken Manang Edith idi malem di kalman. Ala, wen Dianne, bareng makapan kami no rabii idiay balayda. Saan unay ta ladingit, ta saan a nansayaat a para iti salun-at.

KOMUSTA Manang?
Kaasin Apo Dios Manang ket napia kami met laeng.

Wen, agpayson sa Manang, a makaagas ti karnet' tekka, ta isu met la kano ti im-impatumarda kaniak idi ket kaasin Apo dios ket naagasanna di super angkitko.




Dianna Miguel
3/19/2008 8:47:17 PM

Ala man ngarud, Uncle ko, paki-idanun monto man tay regards ko kaniada amin. Isu mammet ti kasangit ko ta dida met la imbagbaga kaniak regarding tay pannaka-stroke na. Ta nu malagip mo, Uncle, daydi bilin ko idi kenka nga pagunniam to manla bassit ni Lolak nga Dianang ket nadardarepdep ko (idik laeng ngamin nga nadarepdep) isu nga dinanag ko a sigud ti sitwasyon na dita Maui. Ayna, Uncle, thank you tay anus mo ah, nga napan nangidandanun idi. Saan na bale, ta adda met isunan iti sidong ti Namarsua.
Uncle, mabalin pay ti humirit? Angawem to man la ni Uncle Jojo, apay nga awan ti sarabok idiay simmangpet nga package na? Ket adda amin dagitoy tao ditoy balay? Neh, nalipatan nak sa met kunak man. Agpapauyo ni Dianne kunam to Uncle ah?
Ala, isun...nangina ti agbilin iti kas kaniam aya, Uncle? Angaw ko lang, Uncle, wen?
Regards to one and all!




Ruth Tactacan
3/21/2008 8:42:24 AM

zwani.com myspace graphic comments
Myspace Easter Graphics




JRIC
3/23/2008 8:05:39 PM

Miss Ruth, komusta? Awan napidutko nga itlog ita. Kinurimmes amin dagitay ub-ubbing sakbay a masapulak ida.



JRIC
3/23/2008 8:11:00 PM

Dianne, Napankami bimmisita idiay balay da Kasin Edith idi rabii. Ur-urayem da uncle ken Auntie'm ta sumangpetda kano. Inbagak ken Uncle Jojo'm nga agpapauyuka, mayat met latta ti isemna! baka laeng magmagustuamto ti itedna kenka no umay bumakasion.



Leofina Jane Galleta
3/24/2008 6:53:39 PM

Heppps! Ania ti meryenda ita manongski? Halo halo koma ket nagdagaangen ditoy 'pinas! Beso beso kakabsat ko ida, :-)






Ernest Coloma
3/24/2008 7:36:48 PM

Condolence lattan JRIC for the passing of your Aunt dita Maui. Masansan nga umay bumis-bisita ni Dianna(kananakam) sadiay BBQ'an panait nga pagdidinnamagan. My family's prayers are with you and all your family tree Adingko.




Maricar Cabotaje
3/25/2008 4:38:45 PM

Kasangsangpetko ngem kasla madi ti damaga ah!!! Manong JRIC our deepest sympathy...

Kumusta kayon kakabsat! Permi nga umanangsabak ta nagadayo metten ti pinagnak, kunak no nayaw-awanakon huhuhu....

Ala kasta pay ngarud, balyanakto iti umay makisinnutil...




JRIC
3/25/2008 7:23:30 PM

Agyamanak iti adu iti pinakipagladingityo, Manong Ernie. Wen, napanen ni Auntie mi nga inaunaan, napanna dinanun di Auntie mi a buridek a kabsatda ken nanang, danunen na pay gayam di asawana, di inauna nga anakna, di manugangna; a nagannak ken ni Dianne.

Bareng makaum-umayakto met dita panai nga ayanyo, Manong.

Agyamanak met iti adu, Maricar. Apay napnapanam aya? Napintas a pangiliwliwagan ti pagna-a-pagna, alwadam la ket no mataw-tawka wen.

Adda halo-halo dita Ref, LJ. Linaukak ti morod, a peburitko a mailauk, mayat pay ti naluom a papaya. Mangalaka lattan ha? Kiwarem, ket umun-uneg-umim-imas no saan a makiwar.




Maricar
3/31/2008 9:36:38 PM

Manong JRIC tila adda naturturong ko ngarud hehehe... Imbag kunam ta diak met nataw-taw... Daytan a halo-halo, mayat a pagpalamiis lalo no ta napudot sa ti gobyerno kada tiyempo tatta hehehe...

Ala innak manen Manong JRIC, kumustaam to lattan da Manang ah? Kasta met kadagiti amin nga adda ditoy, ala kumusta kayo..




Leofina Jane Galleta
4/4/2008 5:11:40 AM


Hoppsla, mailiw ti taraddek isu nga pumanasiar datao ita. Manongski, my codolences.. sowi ta itak laeng nga nasiim a nagpasina kayo gayam..

Manangski MAricar, ibusentan toy halo halo dita reg ni manongski. Ta ibingayanta ni angkel Ernz..:-)




JRIC
4/4/2008 6:35:34 PM

Ahammm! AGYAMANAK Unay ti Kaaddayoooo! addaak met ita! kakaisuna a masapar ti umay agpassiar, kunam man.

Maricar, mabuybuyami met ditoy dagiti maar-aramid dita a saan a nasayaat a pagwadan. Sapay ta masimpa dagiti saan a pagkikinnawatan, tapno ditayo met nakababain.... Idanonko no madamdam ti pakumostam ken Kumander.

Ellow LJ! komusta? Apay ta awan met a masirpaten tay balaymo? Narpuog? nadagsen siguro dagiti pumaspassiar a babbaro ania? HAHAHAHAHAHAHA!
Agyamanak LJ. Wen nagpasinakami, nakadanonen idiay Laoag tay ikitmi.

Adda pay laeng di inpatulattid ni LJ dita Dalton Pass a kalog a niog. Kinaruy ko nga inlauk ti halo-halo, nagimas! umaykayon la.




fred
4/11/2008 9:17:03 PM

kumusta kay ta maui, nay Jric? assideg sa met panagkitayo ken mang Cris?



fred
4/11/2008 9:17:04 PM

kumusta kay ta maui, nay Jric? assideg sa met panagkitayo ken mang Cris?



Imelda Alibuyog
4/12/2008 11:28:04 PM

hi ading addakon!kumusta ka kano kuna ni Pres.Arroyo! idanonkon ta kaprespreskoan na pay laeng...Layaw ti kayatmo a sarabo tapno maikkat ta angkit mo! agas na ket tinuno nga pusit ken danggit ,no diket di kumaro.

Naimbag nga oras yo amin apo!




JRIC
4/14/2008 6:29:49 PM

Yahoooo!

Addaak manen!
Kaasin Apo, napia kami met, Manong. Kasanukayo met idta? Wen, Manong, no dadduma ket tintarek uray no adda nasken a papananna koma ket tungtungak! [daytay tungtung-balatong] HAHAHAHAHAHA! Malabsak ngamin a pagtaraytarayan tay palasiona no sumro ti panagattuangko. Ngem makumikomda, ita, nga agsagana para iti Barrio Fiesta itoy umay a bulan.

Hi, Mrs Imee! Komustat' Filipinas Mrs? Immakar kano met! Ni Madam Aroyo? Bay-am latta.... sabali man a gulo ti nakaisawsawan tay madaydayaw a nagandansan.

Naikkat a namnaminsan di angkitko idi damok ti makaagek ti balasitang!
HAHAHAHAHAHAHAHA! Amman, Mrs! agpaypayso ti kunak.




Imelda Alibuyog
4/15/2008 12:48:32 AM

ayna!! kabsat! ket no inyakarda koma ket ditoy koma abayko tapno madiakon aggastos iti adu nga agawid kada tawen!Ni Aroyo!nakapaskil met idi sumangpetak iti kastoy"AROYO UNANO BUMABABA KA NA SA IYONG TRONO..."waaaah,nagulat pa ako...madama iti demonstrasyon dagiti estudyente ken papadi idi idiay sango ti malacayang....dagitoy met a papadi biangot da metten,di koma biblia latta iti iggem tapno masalakan pay dagiti nangisit ti kararuana a Politiko dita Pilipinas bareng rumang-ay pay ti pagilian...awan met ket bibiangko ah kabsat!

Naikkat ta angkit ta naiyakarmo kadaydi balasitang nga binisungmo hahaha!


Ala ket naimbag latta nga aldaw ken rabii yon a sangapada kakabsat!




Marvin Acosta
4/16/2008 1:22:48 AM

ka jerico, 'mustakayo dita maui?

'mustakayo met misis aymi? misis, maymayat koma no agangkitda a dua; mayat bitog-bitog bakrukongda no madamat kepkep, kasla tay agar-aramiddat' ayat! ngak! hakhakhak!




JRIC
4/17/2008 7:19:51 PM

Naimbag a malemyo, Gagayyem!

Apo aya ti pintasnan buyaen dayta init nga agpakpakadan....

Adda met pagmadianna no inniakarda dita asideg ti ayanyo Mrs. Maakarankayo ti kinagulo! HAHAHAHAHAHA!

Gayyem Marvs, Pipia met ti karadkad, sapay koma ta di kumaro ti rigat.
Komusta? Ammmom Gayyem, no agsiripka met laeng, ipapatim! ta no kusilapandaka ti makatublak wenno suyatandaka ti isbo a naangseg di adda tangdanmo, AHAMMMM!

OH, sabong nga apagukrad dilpatak petalium no dika agan-annad.... Sanabagan! AHIHIHI! (Gayyem angaw laeng wen.)




Marvin Acosta
4/25/2008 1:48:16 AM

hakhakhak! uray kayat' agsirip no awan met masirip ka jerico, di awan latta met. makalibreak pay no kua ti angot ti isbo nga angseg, hem hem hem!



Imelda Alibuyog
4/25/2008 1:12:38 PM

Naidagasak man ta nakaangutak iti napas-eng
Ni gayam kabsat Marvin a nakalibre iti isbo a naangseg hahaha

naimbag nga oras yo apo!




JRIC
4/27/2008 1:00:57 PM

HAHAHAHAHAHA!

Gayyem Marvs, ammok bassit ti agsakay ti nuang! saan ko ammo ti ag-bake ti puto...... Apounay met, mairaman amin a nuang no tiempo ti panangpasiar ti ar-armen ania?

Mrs Imee, ni Gayyem Marvin sa dayta naangseg, baka ket nasuyatan dagitay babbalasang a White Leghorn iti isbo! HAHAHAHAHAHA!

Angaw laeng Apo!




Leofina Jane Galleta
4/28/2008 6:18:11 PM

Manongskii!!! Umaykayo man ikkan ti halo halo con diket and murod.. iyawatamon dagitoy ka-berks a nadanonko.. Unaemon ni angkel fred dita nangato a ngato,hehe.Pila ngaruden kakabsat ket ket permi't bara na ditoy 'pinas!

Agkarkarpinteraak diay abong ko manongski isu a lumned tumpaw. Uso ngamin ti anay manen ket baka ketdin totally marippuog no diak agawaan nga i-exorcised dagitay anay nga immapon a diak makitkita,hehehe. Musta manongski Jric dita batogyo a langit?

Parengski Marvin, umaynak tulungan laengen ta pia la nga adda agmartilyo ket baka mataltal 'gitoy ramramayko,hehe!

Manangski Imee, husto koma tay palasyom diay boracay a pagpaingan ita ania,hehehe! Missed you manangski, hmmmwuah! :-)




mang fred
4/29/2008 4:30:28 PM

aggaradugod met ti tianko kadakayo...lalo ta halo-halo...doble takal para ken angkelyo! la kakaanakan nga Imelda/ Jane/ Marvin ken dakay aminen, bagik para kaan, numuna ta kasla buttaw a kuribot ti tianko!

hey Jric...inka kano kaduaen ni Mang CRes nga apan agsilaw ti dariway, 'mok pay no ammom ti dariway, amangan no kappi/kippi kunayo idiay Laoag...kasla tay i Vintar a gayyemko..kippi a kippi, unnatem ta dilam kunak kaniana a kanayon, awan ta kippi latta, idiay tangrib ti Barrio Uno..este tangrib ti Sinait gayam!





Arlane Manzano
4/29/2008 9:28:24 PM

KUrsonadak man dayta maadobo nga kippi Angkel.

Opsi! MAnong Jric, umayak man MAnong. Agsibogak kadagitoy matitasmo tapno dinak ung-ungtan a walay a walay wen?

Agpasar man iti dos ti halo-halok MArengski. Kairut ti bulsa ita ditoy ayanmi ta ngimmina metten a namimpinsan ti gasolina (naks! awan met luganko). Sapay krisis kano iti bagas ket saan met unay nga agin-innapuy dagitoy pupuraw mi ditoy.

PArengski ken MAnang Imee, asino kadakayo ti bayyuot? hahaha. NAsobraanyo siguro ti nangan iti halo-halo.

Naimbag nga orasyo amin kakadua.




Marvin Acosta
4/30/2008 2:10:10 AM

manongski jerico, mustaka? 'wan ka manen! baamon dayta angseg... aniwaas daydi tyke dayta wenno daydi dyan hulms ngata, dagidi turo a kaldingko ti kunkunak ditoy ha?

mrs aymi, wen naigasatak met kunam....

kumarengski lj, insab-itko amin 'tay picturemon.... siak laengen ti agimartilio ha? kaasi met dagita kimmandela a ramramaymo no mapiting.

manonsgki freddie, awan danagmo ta siak kano ti para takal ti halo halo; kuna man ni 'marengski?

hem hem hem! kaddigusko la unay, marengski arlane. ni manongski jerico siguro ta maangotmo. (sowwiii, manongski ha?) 'marengski, 'musta ti kepkepyo ken jay-r? ayyyy, klima dita batugyo a langit ken jay-ar, kunak koma! hak hak hak! sanabagan! kuna man ket ni apong kupski itan nay...




Leofina Jane Galleta
5/1/2008 9:03:18 AM


Naa, awanka latta met manongski Jric! la, nalaingakon (manen!) isu met ti kaawanmo. Uray no kasta ket 'mayak latta paspasali,hehehe. Musta manongski, ahm, ita ket inruarkon tay sangkabassit nga kalkalapawko manongski, ngem saantan nga agkaarruba ta nayakarak metten dita down under,hehehe. Di bale ammok a madanonmo latta.

Angkel fred, parengski, naimbag nga orasyo. Sakbay ti turog ket nagpasyadorak biit. :-)




JRIC
5/1/2008 9:07:38 PM

KAH...KAH...KAH...KAH...KAAAAH! Nakasangpetak met lang KARRRUBAAAA!!! Uray no medio malemen ket ikarigatan ti umay umiliw...

*LJ, Ading, adda pay natda tay halo halo? No bassiten ket tumirsiaak ken Gayyem Marvin. Saan unay makaad-adu ta mabain la ket a makitkitam nga agisakmul ti agpasuol ta kutsaritana...... AHAMMMM!!! Damagko man nga adda kano immay timmulong a nagkarpintiritir idiay abongmo. Dimmanaiw la ket di ala? Ahammm! ti la adda a madamdamag manen..... HAHAHAHAHAHA!

Ay, ket wen a. Pagyamanak ta adda kayo latta a kasinsinnutil. Kaniak a biang ket nalaklaka ti agpababa ngem tay agpangato. Kunak daytoy, saan a gapu ta Diver'ak idi un-unana nga aldaw, ngem isu ngamin ti paliiwko. Ania a gapu no apay? Narigrigat ngamin nga itumpongko toy kuriteg a panunotko kadagiti addaan iti nangato akalidad nga utek, HAHAHAHAHAHA!

*HAHAHAHAHAHA! Kasta ti taga Laoag Manong. Kippi kunami diay kappi, no apay a kasta ti tawagmi ket naggapu kano dayta a balikas kadagitay makipkippit. Karaho! kunadanto la ngata kada tao.

Ammok dayta dariway Manong, adu ti maala kadagiti puon ti pagay no maangsetanen ti danum-waig a simmalpa kadagiti kataltalunan. Innak met idi makipagkamkammel, Manong, uray nasakit ti ipitenda ket naganas met no maramasmo diay kalkalainganna ti kadakkel, ngem idi bumarbaro met ti tao'n ket naanus met ti ipit dagidi lokona a kippi'n! Ahammm ammo pay no ania ti nagbaliwan ti lubong.

*Arlane, komuta Ading? Nalamiis sa pay met dita ayanyo aya! HAHAHAHAHA!
Ala man ngarud, sumibogta man ta pangur-urayan daytay arasaas ni Gayyem Marvin ke ni.... no ngata ipaslungta ida ditoy uneg ti abong, adda ngata met la pmaprnuay a saritaan-manakman? Ahammm! bareng maituredna kunam ah! Sanabagan.....

*Gayyem Marvin, Komusta? Dimo met la tinaltal ta tangan ta imam, idi nagkarpinteruka idiay abong ni LJ? Baka met ngamin no daytay la isem ni LJ ti ayan dagita matam? Ahammm! puro met saludsud dagitoy isursuratkon kenka.

Ania diay istoriam itayen? "Ammo bake puto ar-armem? Ammo agsakay nuang ar-armem? ammo agpatayab eruplano ar-armem? HAHAHAHAHAHAHA! Umlekak latta met kenka!





Imelda Alibuyog
5/3/2008 4:20:38 PM

Present! umayak man biit kakabsat sakbay nga innak dumaw-as dita baba.Jast drap bay,mangumusta laeng kadakayo kakabsat.


Have blessed sunday morning to all.




LJ, :-)
5/3/2008 4:53:06 PM

Hopsla, beso beso man manangski imee, musta kan ngay? umayko man iyarog toy buko pie a ginatangko itay diay aritao ditoy ayanda manongski. Mayka manangski, agfiestada kano ditoy lugarmi,:-) manongski jric, happy Sunday!



JRIC
5/3/2008 6:32:10 PM

Yahooo! Addaak met!

Nasayaat met la ti bagbagi, napia kami met kaasin Apo Dios, Mrs Imee. Sapay ta kasta kayo met.

AYSUSMARYA! LJ, naimas dayta buko pie. Saanko itedteddaan ni Gayyem Marvs, tapno mabisinan ket bareng umayto idiay balaymo. HAHAHAHAHAHA!
(Angaw laeng wen.)




JRIC
5/3/2008 6:33:17 PM

HAAA! nalipatak!

Happy Sunday, LJ. Napudot a Sabado ditoy ayanmi.




Alex
5/4/2008 3:39:21 AM

Umayak man met paan-anawa ditoy. Happy Sunday met kadakayo amin..



hmmm
5/4/2008 5:22:00 PM

Hi Sherma, thanks for the Info. Accurate met ta na-trace ko ti gunay da Jric kenni Imelda! Sumagmamano nga Blogs ti napnapananda. Daydiay adda diay calgary , dimmagas mannen diay Blogmo Naminsan ita (namitlo itay malem) ken namindua ita diay kenni LJ. No saan nga isu, apay nga dina ma-deny; uray ibagana koma nga "saan nga siak gagayyem!" Saanna nga ibaga nga dina tayo mabasbasa ta nalawag met nga active daytoy Blogko ken Blogmo - inaldawda a Ma-update!
Tito Nisperos Jr.
5/3/2008 9:06:20 PM

=============

Ipostek man datoy Jric, ta sisiimin da met amin nga dumap-ay ditoy iluko.com'en. Paunay met ti turaydan, agparbengda koma.




JRIC
5/4/2008 6:18:28 PM

Kasta met kadakayo, Sir Alex. Naimbag a malem ti Domingo yo!

Hmm, Masapul a kumpirmarek daytoy, ta saan a napintas a damag daytoy indatengyo ditoy nanumo nga inlatang ni Apo Webby a dissok. Naimbag met a malem ti Domingo yo.




Leofina Jane Galleta
5/4/2008 6:55:14 PM

Hola manongski Jric, Manong alex, ken kadakayo aminen nga adda ditoy gagayyem ken kakabsat, :-)

Sirip laeng mamanongski, naimbag nga aldaw!




Tito Nisperos Jr.
5/4/2008 8:05:02 PM

To Whom it May Concern (posted also in my Blog),

Sorry no napasaktak ta riknayo iti panangikabilko ti monitoring device ditoy Blogko. Tinulad ko la da Sherma ken LJ nga adda Feed Jit da. Kayatko ngamin nga agsardeng ti riri-riri no maipakita nga ma-trace no sadino't pagap-gappuan dagiti ti aramidda ket ag-insulto, Napadasak metten ti adda immay naginsulto ti bisitak diay Abong ko nga naka-abbungot. Bareng no agsardengdan.

Ikkatek daydiay feed Jit ko ngem ti ipak-pakaasik laeng, no awan ti nasayaat nga ibaga ti maysa, saan nga um-umay diay ayanko nga aginsulto kadagiti bis-bisitak. Awan ti time ko nga maki-apa. kayatko koma nga amin nga mannurat, i-concentrate da ti agsurat a saan nga agpipinnadakes ti aramidda. We should all Build, not destroy!

Sorry jric, nadakamat ta nagan mo a kas Challenge kenni Maseknan ta imbagana nga kabaelanna nga usaren ti IP address ti siasinuman. In-challenge ko ngarud nga padasen naman nga usaren ta bagim nga IP wenno kenni Imelda wenno sabali nga kayatna ta kitaen ngarud no agpayso ti ibagbagana. AMMOK nga saanmo masango ti agluko-luko ta busy ka a kanayon. Dakkel ti panagraemko kenka, maysa ka nga nagayyem nga tao. Sa saan met a sekreto dayta papanmo iti nadumaduma a Blog ta nalaka met nga makita no ania nga Blog ti na-update wenno maa-update a kanayon! Uray awan diay Feed jit, makitak dagita pappapanam nga Blogs ta mapmapanak met kadagita a luglugar.




Leofina Jane Galleta
5/4/2008 8:15:27 PM

Manong Tito, abrasa kenka. Nagsubliak ta kas kenka, ket concern nak itoy a banag.

Manong Jric, nakitak diay postem idiay sango ti aykom ita laeng... Nagsubliak ta nabasak itay immayak nagposte itay, daytoy poste ni Hmmmm..

Allow me please to join you iti daytoy a patangan.

Pinudot ko man daytoy a datos dita sango ti aycom..

ILOCANO DIRECTORY

Bilang dagiti nagrehistro: 10322

Bilang dagiti nairaman iti Directory*: 6523

Dagiti 10 a naudi iti Directory:


* Dagiti dadduma a nagrehistro ket pinilida nga ilinged ti naganda iti directory.



Daytoy man ti saludsodko..ITI DAGUP TI 10,322 A NAKAREHISTRO ITI AYCOM, PWERA DAGITI UNREGISTERED VISITS FROM OTHER LINKS...

....... IS IT BEING IMPLIED NGA MAYMAYSA NGATA A TAO ITI NAKAREHISTRO WITH THE TIME ZONE AND PLACE NGA CALGARY, ALBERTA? And, WHO IS THAT PARTICULAR PERSON?


I think masapul nga ammuentayo no ania nga usar dagitoy a banbanag..


I.P ADDRESS


= Does it pinpoint the EXACT PERSON a nagusar iti kumpyuter with a particular I.P. address ngata?

What if that I.P address is under the domain of a multinational corporation wherein hundreds of computer terminals are being used, and the I.P ADDRESSES are shared and BEING RANDOMIZED....???

Let me share this data from YAHOO ANSWERS:

Resolved Question
Ip address tracker / tracer?


HI,

I have the email of someone who scammed me with paying for diamond earrings with a fake check. He now has my earrings and I have the IP address that he sent the email through.

I know that each computer can be traced with an Ip address so I wanted to know if I can find his address so I can send the police to him.

He did this to a few people already so he should be behind bars. I wanted to know if there is a website that will tell you the exact location and address.

Thanks alot, Ethan

• 1 year ago

= = = = = = = =

Best Answer - Chosen by Voters

This web site allows you to look up an IP address. It reveals the name of the ISP that the address is linked to. Just type the IP address in the box.

http://wwwwwwwwwwwxxxxxx

What it doesn't do is give you the name and street address of a computer user. It does give the name and street address of the ISP that a computer used. Be aware that some computer users use proxy servers.

• 1 year ago

= = = = = = =

ANOTHER THING TO LOOK INTO:

WHAT DOES PROXY SERVERS DO? AND HOW DOES IT AFFECT THE ACCURACY OF TRACKING IP ADDRESSES?

Panawan kayo pay gagayyem.




Valentino Rebuldela
5/5/2008 12:15:32 AM

Diak ammo no ditoy ti rumbeng a pagidasarak met kadagiti umap-apay iti sangkatipping a panunotko. Ngem gapu ta rinugianda ket mismo a nagan ti akin-nag-nagan ti madakdakamaten, siak man met ti agdamag.

Nagadu man ti mitir nga agimpu-pulis patola? No dagiti riri a nagkauna, adda kadi nasakit a bakrang a napatanor tapno mairaman dagiti agdadamo ditoy I.com?

Riri idi, riri kadi pay la ita? No saan tayo ketdi a mitir a.

Were there crimes committed? Were there instances that led to physical, emotional distress of persons concerned? If there were, there is a proper way to do it.

Narigat ti agitudtudo. Narigat ti aginagan aglalo iti pagsisinnutilan tayo nga virtual world. Asino ngamin ti agpipinnadakes? No adda man, should we dignify it by participating? Much worse pin-point someone who's busy doing his/her REAL LIFE stuff?

Daytoy kadi panangmon-monitor tayo iti tunggal maysa, do you think it will lead to reconcillation or will just ignite the flame of misunderstanding?

PARANOID tayo la unayen.

Don't we trust Andy to look after us on his website?

If the answer is NO. Then, we should leave the site and make our own.

Nagasat ga aldaw tayo amin kakabsat aglalo kenka Jric.




KUPIDO
5/5/2008 12:22:31 AM

Karaho, nagasat nga aldaw tayo amin kakakbsat nangnangruna kenka Jric barok. Dayawek ti itatakder mo a mangiproponir iti karbengam.

Adda amin nakemtayon. SImrek tayo ditoy aycom tapno makisinnutil saan a mangirugi iti riri wenno makiraman iti riri. No ammotayon nga napudot diay tagaang, iggamantayo pay la kadi?

No pudno nga ammotayo dagiti prayoridad tayo, saan kadi nga inuubing nga aramid ti makikinkinnirit kadagiti al-alia wenno tattao nga itudtudotayo? How sure are we nga maymaysa, dud-du-dua laeng ti tao a saan a mangayat/manggusto kaniatayo?

Sanabagan! ikkatemto latta dagitoyen nga postek barok. Kayatko laeng nga iruar man ti sangkanayon nga paset ti nabatbati pay nga utekko.




JRIC
5/5/2008 12:40:03 AM

Nagasat a rabiitayo amin Gagayyem...

Pamakpakawanan ta saanak pay laeng a nakasagana a makisango kadakayo.

Immayak laeng ditoy ta diak metten makaturog, agalas dies to ditoy batugmin. Ken umayko metten ipakaammo nga awan mapunpunas kadagitoy ipaskilyo.

Isu a no bilang adda ipaskilyo, desiderenyo nga umuna no isu met la ti kayatyo nga ipaskil.

Agyamanak iti kaaddayo......




Click
5/5/2008 12:48:04 AM


Live traffic feed
Brussels, Brussels Hoofdstedelijk Gewest arrived from *.com on "ILUKO"

San Lorenzo, California arrived from iluko.com on "ILUKO"

Lîne, Al Hudud ash Shamaliyah arrived on "Ilocano Profiles"

South San Francisco, California arrived on "ILUKO"

Dallas, Texas left via *.com

Dallas, Texas left via iluko.com

Dallas, Texas left via iluko.com

Dearborn, Michigan arrived on "ILUKO"

Dallas, Texas left via drippingmind.wordpress.com

Dallas, Texas left via iluko.com

Options>>


Click to get *






Imelda Alibuyog
5/5/2008 2:33:37 AM

umuna kablaawan kayo man pan iti natalinaay a panpanunot iti tumunggal maysa.

ayana kakabsatko iti pluma! agraragsak tayo kadi latta!

Addanto met ngamin dagitay nakamaskara a sutil uray koma no agsutilda no dida pay ket manginsulo iti personalidad padada a tao,isu nga adda met latta mapikon ah ta addaan tayo met amin iti puso.Uray kunaen tayo Virtual laeng toy paggargarawan tayo a lubong ket adda koma met limitation iti angaw aglalo no makapasakit.Nagrigat iti adda mapasaktanna iti rikna,aglalo no diay tao a maseknan ket madi pay naruam a kas kaniak iti galad dagitoy adda datoy a lubong.

Makunak lang met kakabsat...kayatko ket ragragsak latta nga awan pinnasaktan.Didak manen daldalapusen wen? diak kayat iti masikkaruden makuldiapanak ket narigat maimbag hahaha...

..katawa kadi latta Kabsat JRIC tapno maikkat ta daduma nga Stress ken bannog mo nga agarado...patpatiem dagita masisikuran kada masusuyudot...ikkam man ida iti saggaysada a badang ta kitaenta! pidutenta ah diay madissaag nga ulo ti mabadang hehehe.

Apong Kups seryoso ka la unay met umayka man ketdi ta sindiak ta rungrungmo la! Weo intan idiay abongko adu iti puso didiay nga aggiinnayat, rosas da pay.

innak mettn dita baba bareng adda madanonko a napintas managayat iti pusona.




Dan Corpuz
5/5/2008 4:10:35 PM

Upananana! sikayo koma a nataengan ti manisungsong ti nasayaat nga aramid. ngem sikayo met ti salawasaw!

Innan ta siak man ti agunget!

"NO AGPULIPOLIS KAYO MET LANG DITOY, SAAN KAYO MAKIKOMPLOT TI URAY ASINO A PARTIDO DIGITI AGGAAPA, TAPNO NASAYAAT KAYO>>>>> SALAWSAW>>>>> SULPENG>>>>>KARAHO!"

hal-ha-lak-hak!

hel-he-lek-hek!




Johnnyric Domingo
5/5/2008 7:31:59 PM

Naimbag a malemyo, Manong Tito! Tata Tito, ti tawagko kenka idi kalman, ngem ita ket mapanunotko a saan a mayattaday ti kasta a tawagko kadakayo. Ammok a saan nga agaddayo ti tawtawentayo.

Manong, nalpasen. Ikupin tayo koma ngaruden ti napasamak nga awan ti saksakit ti nakem iti tumunggal maysa kadatayo.

Naimbag a malemyo amin, Gagayyem.
Johnnyric Domingo
5/5/2008 7:23:35 PM




JRIC
5/5/2008 7:44:04 PM

Kadakayo amin Gagayyem, pangngaasiyo ta pampaminsanen kayo laengen a subalitan kadgitoy imaayo indasar ditoy.

Manong Tito,
LJ,
Apong Valentino,
Apong Kups,
Mrs Imee
ken Gayyem Dan.....................

Nalinglingayak a nakabasa kadagiti paskilyo......... maymaysa laeng ti idawdawatko iti Apo, sapay koma ngarud ta asidegen ti kappia kadagiti agkakasumpanget, maymaysatayo a pamilia, balck siko a kuna dita sango, datayo koma ti agsisinnakit- saan ket nga agpipinalsiit ta di pay isu nga obra ni Apo Webby ti mangan-anawa kadatayo.




JRIC
5/5/2008 7:50:08 PM

Gayyem Dan, diay nasayaat ken makatulong ti panagkakammayet tayo manen a kas maymaysa, naragsak a pamilia ti idasarmo ditoy. Komustakan? Adda met ti panagtupa ti saritata idi, iti nakabaybayagen a tiempo iti email, ngem saan a ditoy; ngem ditoy ket ti nangrugiana. Saankon a sinubsubalitan di email mo ta nakapaglinnawagta met idin.



Monica Smith
5/5/2008 9:43:38 PM

Apong Kups ken Apong Valentino, ta puso yo ket awansa ti ambulansiya ditoy...!



Monica Smith
5/5/2008 9:45:09 PM

Bari bari nalipatak metten nga kinablaawan toy bumalay. Nabara a kablaaw kadakayo amin nga nadanonko.



Leofina Jane Galleta
5/5/2008 11:29:39 PM


Manongski Jric, addaak met! Dadtoy kayo met la gayam amin! Hussss, apo aya Apong Kupido, isursurotko kenka daytoy pinataltalmo a bawang nga adda gaas na. Agpailutak kunam ket addaka gayam ditoy, hayna. Ala, come to apo ngaruden apongski ta iluten nakan ni Manong Jric,wehehe.

Manangski Monica, naka, agsabat sabatta man ditoy ita, hehehehe~ Nakaruk-at kan sa ketdi dita ginabsuon nga ar-aramidem aya? :-) Umaliwaksayka met ngamin ah ket manmanoka a makitkita ita.

Manang Imee!!!! Maykan manangski ta agabayta man ditoy ket adu't ipadamagko kenka.hehehe!

Heyyo parengski Dan, musta dagitay singin-kalogyo ngay? Nasalawan ka man ita.

Hey Click, dayta kadi remote control ni Adam Sandler dayta? :-)




Arlane Manzano
5/6/2008 8:44:05 PM

Kumpleto gayam ti tallaong ita. Buo manen ti pamilya. Manongski Jric, dinno ti pangi-date-am kenni Manang Marie?

Manongski Jric, adda inyegko nga matitas ney. TULIPS. Tulips festival idiay ayanda Jay-ar inton maikatlo a domingo. Umayka?

hehehe... adda am-ammok nga mahilig iti tulips. Diakon ibagbaga ta agnga-ngawto lattan.

Ania ti makunam Galleta?

Manang Imee ken Manangski, ania met ti requestyo for Mothers Day? hehehe... damagek laeng ah ta bareng mabasa dagiti boyprenyo wahahaa...

Manongski Dan, kumusta dagiti Inginmo? dida met la ti pagkalbuen ta ubanmo?

Angkel Tito ken Apong Kups, Click ken Hmmm... PEACE kadakayo amin hehehe.





Marvin Acosta
5/7/2008 1:33:24 AM

adda sanga basket abut-abot a bungat' chicok ditoy kayatyo, kakabsatski, ta mangibatiak?



Imelda
5/7/2008 2:23:20 AM

ala ikkannak man alud ket mabisinak ading Marvin.Napalikudanka a naggapo idiay ayan ni manong Tito.Ngem dinak met inbatian binitbitmo met nga inpakastoy isu a sinurotka.

Ading arlin,ti laeng kalikagom ket adu nga ayat ken pannakaawat,paggaayatko ngamin dagitay madi mabungon a regalo adingko.Mabalin a makitanto tay sabsabungekon hehehe.

Ading LJ,ala ibagam ngaruden diay iyarasaasmo a kunam la! ket diak agbayag innak manen agmula iti vitsin idiay gardenko.Arakupennakon ta mapanakon,dim liplipatan ta imbulsam a nasam-it nga agek,itedmon ney! 1,2,...ah!kitam ket urayem pay lang ta bilangko... tenkyo ading nagsam-it ketdin.

Goodbye my loving folks,peace for all!




Arlane Manzano
5/8/2008 10:32:18 PM

Manong Jric, naudikan. Daytoy man ti naadal ko ita nga aldaw ney hehehe

HAPPY MOTHER's DAY kadakayo amin nga Inna ken kadagiti Inna tayo!




Leofina Jane Galleta
5/9/2008 2:16:17 AM


Addaakkk!!! Naladawak manen, kas gagangay ti walay,hehehehe!!! Numanpay kasta ket adda PASALUBONG KO.. Manongski Jric, dadtoy man tay gakka a para ditoy ayanmo..:-)

photo-0056_054.jpg



Manzano, Ayos Ah! Hehehe!!!

Manangski Aymee, maykadtoyen ne ta iyarasaaskon.. buzzz...buzzz... buz..... ayos Manangski, saanka metla nasilod? Kaslaak metla uyukan ngaminen a nangarasaas kenkan! Beso beso ngaruden Manangko..

La, ta innakpay dumagas dita sabsabali man a disdisso mga ka-berks. :-)




JRIC
5/13/2008 6:17:25 PM

LJ, Nagimasen! Ngem kurang sa met, awan lat' nayonnan, Ading? Mayat daytoy pamay-anyo a, Chiko ken Gayyem Marvs; Gakka met kenka. AHIHIHI!

Agyamanak Arlane, uray sika ket umadanika metten... Madamdama, Happy Mother's Day, kuna mi metten kenka. AHAMMMM! awan papanannan no saan a kasta met ketdi, ania? Mapadasam to metten ti makitarubak nga agrungaab no agsangit tay tsikitingmo, HAHAHAHAHAHAHA!

Hi Ms Imee, pasensia, saan kayo a naasikaso.... naawanak iti nabayag bassit. Uray ta addaak ita, umaykayon ta agtutungtong balatong tayo agingga ti agsipnget...

Teddaam ni Lj kadayta chiko, sika Gayyem Marvs, AHAMMMM!. HU! awan met inbatim a para kaniak, isursurmo met ngamin ita, di alisto a maibus.




JRIC
5/13/2008 6:20:47 PM

UPPPS! Nalipatak ni Monica! Napnapanamon, Komustaaaa? Adu pay Snow dita? Paw-itannak man ti gadgadek a paglauk ti halo-halo. Ibagam ken Arlane ta mangted met sanga garapon. Sanabagan!



Mareng Jo
5/30/2008 3:28:00 AM

Pareng Jric, umayko man idanon daytoy naladawen nga kablaawko kenka...Belated Happy Birthday!



marie domingo
5/30/2008 11:19:36 AM


Jo,thank yo ta kablaaw mo ken Jric! Nasapa nga napan nagarado itay bigat innak to met balunan ti kanenna no madamdama. Kumusta ka metten?

LJ,Arlane,Monica, agyamanak ti kablaaw yo idi Mother's Day...diak nabasa nga sigud.

Kasta met ken Maricar, kadagupanna amin nga um-umay ditoy awan labas na.




Jo Herrema
5/31/2008 5:20:42 AM

Manang Marie, awan yamanna ket 'mosta kayo ditan ken kasta met a pakidanonmo kada apong Narda Dalit ken Auntie Zoraida daytoy pakomostak kaniadan? Nabayag daydi panagkikita min idi pay Feb. 2001 fiesta ti ili a Burgos... Nagaget la unay gamin ni pare Jric isu a kanayon iti panagararado na..





Imelda Alibuyog
6/1/2008 8:46:49 AM

hello ading Jric!baliwakto iti umay ading ket nabannogka a nagarado idi rabii hehehe.

Hi ading Marie naimbag nga oras mo ading kumusta?nagpaaradoka gayam,umayakto man makiraep no mabalin?

Karruba Jo,intanto makiraep no malpas nga agarado ni ading Jric kayatmo?wen kunamon ta rugiak iti agirubuaten iti alikamek.

Naimbag nga oras yo amin nga adda ditoy apo!




JRIC
6/1/2008 5:51:18 PM

Naimbag a malemyo, Gagayyem!

Ney! nakastrek met ni Kumander! HAHAHAHAHAHA! ammonak latta met nga ibain iti kaawanko ditoy nanumo nga abong toy Girlfriendko. AHAMMMM!

Thanks Honey! masahiekto dagita butoy ta gurongmo no adda wayak wen?

Mareng Jo, Agyamanak ti kablaawmo. Komustaka? Naibayag di panaglumenmo a.

Idanunkonto toy pakumostam kadagitay kakabagiam ditoy. Apuraek ti agarado ita, ta kadam-egna. Siakto met laeng ti marigatan ita no araduek nga awan pulos basana. Mabungdol pay arado no kua. Sanabagan!

Miss Imee, makabannog nga agpayso ngem makapaganas met iti rikna no adu ti maarado. Makita ngamin ket ti mairingpas no kua. Yildu-yildogkonto manen no kakurang ti obra. Kas tay kanayon a kuna tay nanumo, ing-ingungutenmi nga ina:

Saan nga itungtungkua ti aramid, ta ti tiempo nga agdama saanton nga agsubli pay.




JRIC
6/1/2008 5:57:42 PM

Pumassiarakto dita ayanyo no maminsan Gagayyem.





Marvin Acosta
6/5/2008 2:36:01 AM

umayak man met makiarado manongski jerico, uray awan tangdanko adda la ket ni 'marengski lj a para luto, wenno no 'marengski arlane, ken miss sienna... 'n kumarengski maricar a apra templa ti kapet' kinurog a bagas.
hak! hak! hak!




Marvin Acosta
6/7/2008 1:56:08 AM

madama sa ti arado, manongski jerico? kakelnetna la ketdi... hak hak hak!



JRIC
6/7/2008 6:30:31 PM

AYSUSMARYA! Gayyem Marvin, adda ka gayam. Wen sangsangpetko laeng tinawagandak a napan nagarado, kastoy ti biag ditoy Hawaii, Gayyem, uray no aldaw koma iti panaginana ket disturbarendak latta met ti pakiar-araduan. Ania ti madamag Gayyem? ni LJ, kasano na metten? Ala itugawko man ta agsarsaritata man.



Arlane Manzano
6/9/2008 8:57:54 PM

Ahammm... naudiak sa man iti pannaka-angot ko iti smoke signal? uray a no adda indulin ni Manang MArie Manong Jric a pangramanan dagitay padak nga nakapuy ti damag na?

Parengski, Manang Imee, MAnang Jo... umabayak man bassit uray no Tubig Juice lattan ti maramanak ok lattan.

Belated Manong Jric. Mano ngarud ti tawenmon? Pip-- wenno Siks--?

hahaha. kunkunak laeng wen?




marie
6/15/2008 10:29:12 PM

Hello to everyone
Arlane, dumanon ka adda pay nabati, nakapsut ka met ti damag ngamin?

Marvin, umay ka latta wen... agin-b-b-c met ni pareng Jric mo.

Kasta met kenka Manang Imee, Manang Jo agyamanak ta nakapasiar kayo ti abong ni Jric.




Maricar Cabotaje
6/16/2008 11:46:27 PM

Manang JRICCCCCCCCCCC, Manang Marieeeeeeeeeee panagkunak ket mas nakapkapsutak ti damag hehehe, awan pulos naangutak... Naladawen ngem ikamakam ko latta met ti kablaaw ko kenka Manong JRIC, happy father's day ah?

Arlane kumusta ka metten? Ni LJ ket madi metten ti rikriknaenna... Piman met daydiay nga ubing, ginamudan dansa metten hehehe, joke laeng...

Ala kumusta kayo amin.




Marvin Acosta
6/17/2008 3:10:19 AM

hus! adda agbertdey di pay agimbitar... 'mayak koma met makihamham...

'mustakayon kakabsatski?




marie domingo
6/18/2008 8:33:00 PM


Marvin, umay ka latta makihamham, addu tay impadigo ni Manong Cris nga allukong.

Maricar, thank yo ta kablaaw mo.




JRIC
6/23/2008 6:36:30 PM

HAHAHAHAHA! Arlane ka! baka mamatida kenka dayta ibagbagam dita, a. as-asig pay laeng a pagsubliak ti titti! AHAMMMMM! Uray damagem ken Kumander dita ney!

Maricar, komusta tay punganmo? Dakes no nakabgbagnet ti pampamay-an dagiti matnag a luluam. Siak idi ket kanayonak nga agbakasion iti Desember dita. Malammin kano ngamin ni Kumander idi no awanak a kaiddana, Amman! uray damagen kenkuana. HAHAHAHAHAHAHA!

AHAMMMM! Rigatek a kuriruenka ta no madama met panagitukitmo ti Bin-i, Gayyem Marvs. ammo met laengen ni Jennifer ti aguggor ti nuang? SUSMARYA! Isurom ngamin a. No agpakannawan ket lulukam diay talina, no agpakannigid ket guyudem ti uray a dandani marsing ti tali diay agongna!

Kas kuna ni kumanderko: Imayka latta koma no adda wayam ta bareng mapasublatannak tay ginginamulmo.




JRIC
6/23/2008 6:41:50 PM

YAHOOOO! nagsubliak ta adda nalibtawak. Mirs Imee, komustakayo! Komusta diay Boracay? Husto kadi dagiti madamdamagko a napinpintas kano Dagiti Beach ti Ilocos ngem ti Beach ti Boracay?



Arlane Manzano
6/25/2008 7:38:05 PM

Manongskiiiiii!!! Agpada kayo met gayam kenni Jay-Ar nga in-denial hahaha... Nabagyo ti Boracay ita Manong. Nakakaskas-ang ti damag ita idiay ayan tayo. Asi pay dagiti biktima ti Sulpicio eheste, bagyo!


Manangski Marie, riendaam ni Manong Jric ket kasta unay san ti bartek na iti Tubig Juice. NAkepuy datao iti damag Manang ta adu met ti pakimulaan.

PArengski, aguni ka latta no adda pamulaam ket ka-gagetko ita. Uray sa ni Manang Imee kenni Manang Maricar ket medyo agag-agawa da a padak.

Kumusta kayo aminen nga awan labas na.




Maricar
6/25/2008 9:10:05 PM

Ana met dayta ibagbagam Manong JRIC! Diay ules ngarud ti permi a mabasa no makalagipak lalo no makariing da tao ti tengnga rabii nyahaha...

Ay permi agpayso namsaakan ti bagyo diay Visayas, awanen ah tay Boracay dan... Ipadas da ngata mapan diay Cagayan lalo diay ili mi Claveria ta dida ketdin mamulagat ngata ti kapintas ti beach didiay hehehe...

Arlane ana ngaruden kumusta metten? Long time no talk... Daytay maysa ket papaimbag met pay laeng...




Marvin Acosta
7/3/2008 2:47:00 AM

manongski jerico! madama manen aradoyo? alwadam matukkol tangbawna ha!

hem hem hem! 'marengski arlane, kapades ti panagmulak ita ti ti bukel ti utong ken kabatiti. umaynak man ngarud tulungan la.

marengski maricar, maymayat ta panio a pagpunasmo kadagita luam, mangalaka ti malukong a pangpespesam-pangpaaruyotan. [apo aya! narigat man met no panawannakat' ay-ayatem...]




Alexander Barut
7/3/2008 2:08:49 PM

JRIC, kabarangayam met gayam daytoy friendmi a taga Apaya...ni Ms. Imelda Najorda.



Marvin Acosta
7/6/2008 4:04:54 AM

nabungdul sa met tay aradumon kuya jerico. awan ka man ngaminen ket.

imbag a rabiitayo kuya jerico! kasta met kenka sir alex!




JRIC
7/6/2008 12:03:54 PM

Yahooo! Nakawayaak ita. Adda obra ngem mailiwak met unayen nga aglakwatsa!

Naimbag a bigat ti Domingo yo Gagayyem!

Arlane, ha! Amman! as-asideg pay laeng ti titti ngem ta pipti a pangiparkingan toy agdama a tawenko. AHAMMM! uray man no saludsudem ken Apong Kups.

Maricar, naulimek ngamin ti rabii, ket adu ti ipalagipna no kua. Uray laeng dagitay nauuneg nga anges ket adu ti pagsangasangaanna iti panunot, HAHAHAHAHAHA! Uray ta assideg itan ti inniliw, Saan a kas idi un-unana a maparigatanka a manguray ti air mail a sumangpet.

Gayyem Marvs, awan ti pannakatukkol ti tangbawna toy aradok, simmagat kunam man, mabungdol ketdin! AHAMMMM! Komusta tay balasang dita bangir ngaruden, gayyem?

Sir Alex, wen maymaysa a Barangay ti ayanmi kada Imelda Najorda. Adda pay kaanakanna a basketbalista ti PBA (in-inaudi ni Imelda). Taga sadiay pay ayanmi ni Jeanet Gawat-Dial, maysa kadagiti nangidaulo iti bunggoy ti eskuela iti Laoag a napan nakisalisal ti debate dita Estadu ti Oregon itay laeng nabiit. Nangatiwda kano, kunana man idi immay dimaw-as ditoy Hawaii.




Jing Doman
7/14/2008 1:36:09 AM

Kumusta Mr Engineer? di ka koma mapan met dita ruar agiposte dagitay makapakatawa nga story ti biagmo, sayang la ti kaadu da ditoy ta awan met umay mangbasa.



Alex
7/14/2008 1:52:15 PM

Ket nasikat a dayta kaanakan ni Imelda a PBA ta taga Brgy 14 San Nicolas.

Gayyemmi ni Jeanette. Co-teacherko isuna idiay St Nicolas Academy ken idi nangisuroak ta MMSU. Isuda ta MMSU Laoag ket dakami met ta MMSU-Batac. Kaaduanna a mangab-abakda ti debate nukua idi ket dakami met ti Science ken Math ta Batac.

Hi Jing and Marvin.




JRIC
7/16/2008 7:06:16 PM

Naimbag a malemyo Gagayyem!

Dumaw-asakto man idiay abong ket nabayagak a saan a napanen, kunkunak itay addaak dita tallonko a pagsuyodan ti bakbaka; mayat ti tarakitik ti tudona ket sapay ta adda umanay a mangtaraken kadagiti mairaepto.

Komustakayo dita ayanyon, Miss Jing? Nabayag a dika limmung-aw, a! Makapailiwkayo met. Mayat sa ket di ti riknam a makiinnangaw, ha? Kasano diay Filipinas; kaano ti naudi a bakasionmo? Makapailiw met! Bareng makabakbakasionakto met laeng......

Sir Alex, saankon a nabuybuya ti aya-ayamna tay kaanakan ni Imelda. Ti nakakasdaaw ket awan kadagiti uncle ken auntiena iti ama ti agduyos ti ay-ayam a basketball, volleyball ken dadduma pay nga ay-ayam a mainaig iti bola. Mamatiak nga iti dara ti mother side ngarud a talaga ti nakaalaanna iti sagudayna.

O, kasta! dakayo gayam ti nagkakatiempuan dita MMSU kada Jeanette(sorry, ta nalipatak payen ti spelling ti naganna). Saanmi a naipapas ti naginniliw idi immay dimaw-as ditoy. Nakaem-emma latta a kas idi balasitang pay...




JRIC
7/16/2008 7:10:30 PM

AYSUSMARYA! Jing, nalipatak diay kiddawmo. Daytranto ket ta tawagtawagannak ti saan a maiparbeng. Wenno kayatmo kadi makisinnutil, daytay adda agrungaab, a kas idi pay? HAHAHAHAHAHAHA!

Thanks ti kiddawmo, ngem mabainak a mapan mangiparada dita sango dagiti lebbenko ditoy a sinsinan sarita. Anusam laengen nga umay duklawitan a basen no adda wayam...




Maricar
7/23/2008 12:10:52 AM

Lumabasak man pay Manong JRIC... Kumusta da laengen da Manang marie ah, pakibagam kepkepkepak met pay laeng tay gamet na...



Marvin Acosta
7/23/2008 2:12:17 AM

lumabask pay manongski!

panawanka pay, marengski maricar.




Leilanie Adriano
7/23/2008 7:51:07 AM

Kumpad Jric! addaakonnnnnn!!!!hehehe! Ulnas ngamin toy nagluganak ket itaak la manen a makalung-aw!hehe

Hi ebriwan! miss you all!




Alex
7/23/2008 8:41:42 AM

Lei, addaka met gayam nga agpayson! Kitaem ta likudam ket ne pitak-pitak. Apay nailumlom dayta ulnas aya?

Marvin, Maricar n JRIC, kumusta. Lumabasak pay




JRIC
7/23/2008 7:54:18 PM

Elowwww...!

Kasanokayon karruba?!!!

Maricar, uray la a nga agaruyot daytoy katayko a kasla nakakittab ti murodong ti bungat pias kadayta kunam a gamet. Ala wen, bay-am ta idanunkonto no madamdama. Ay wen gayam, diakon nasubalitan di emailmo, ammom metten Ading ti rigrigatmi ditoy; napai laengen ta maksakay kami pay sagpaminsan tay byutipol a nuangko. Tinawagak ni Mr. Sandy kadaydi met la nga oras a panakaawatko di dua nga email mo. Nagsaruno kami kano ken Gayyem Rudy a timmawag kenkuana. Awan ti danag ditoy, kunana man idi...

Gayyem Marvs, agderetsukan diay ayan ni LJ ta umayakto dumanon. Innak laeng biit sidawen tay lebben ni Manong Fred a basi, pamabaran mangtalawataw ken Prinsesa dita yan ni Manong Cris. Sumarunuakto.

Komusta Lei? HAHAHAHAHAHAHA! pustaan ti bulding a nuang- manmano ti makaammo ti ulnas. Natnagkan sa ta pitak pitak kano ta likudmo, kuna ni Sir Alex. Bareng makadunankto dita balaymo no madamdma, ta dumallutak to man! (Apo kasla siguro ni siak!) agsipnge-sipnget ngaminen ditoy nbatuganmi a langit gaput' kapuskol ti ulep.

Sir Alex, kastoy latta! sapay ta saan a kumaro ti rigat!




Lei
7/25/2008 2:04:59 AM

Wejejejeje! namet ta natnagen nalaingak sa sumakay nuang ya! Hing! ho, ho ho! Kitanyo ket siak pay nag-drive!hehe

Hala bira latta karruba! harhar




Leofina Jane Galleta
7/28/2008 8:11:08 AM

Apoo!!! Manong Jric, Manang Marie, umayak man dumagas kadi a mangumusta,
:-).

Kasta metten kadakayo amin kakabsat a nadanonko, naimbag nga oras! :-)




Imelda Alibuyog
7/28/2008 2:00:06 PM

lumabsak pay apo!

Naimbag nga oras yo amin!




JRIC
7/29/2008 6:38:44 PM

Ellowww! addaak manen ney......!

Agyamanak ti kaaddayo Gagayyem! umayak man met pumassiar ta mail-iliwakon kadakayo.

AHAMMMM! Lei, Komusta? No tay bulding-ayz a nuangko ti pagsakayam ket naam-amo, pulos nga awan panakatnagmo, uray maturogka't bukotna. HAHAHAHAHAHA!

LJ, naggasaten ta nakapassiarka. Komusta? Karintarem ti agpasalun-at ket adu kami a mail-iliwen kenka! AHIHIHI!

Kastoy latta, Miss Imee. Karigatna latta. Sapay koma ta saan a kumaro ti rigatko.




Joherrema
8/1/2008 7:46:58 AM

Hello pareng Jric, kumosta kayo amin ditan, ken dagita kakabagianmi nga ag-Dalit family paki danonmo laengen pare wen?

Pasensyakan no diak unay pumaspasyar ditoy ayanmo, hehehe. Ammom metten!

Naimbag nga orasyo amin apo nga awan labasanna.




Imelda Alibuyog
8/1/2008 12:53:59 PM

hello ading Jric kumusta ka adingko?Diak agbayag ta diak kayat a makita ta panagrigatmo hahaha.Innakon ket makaturugakon innak iyuldag madamdama...God bless you ading agraman familiam.

kasta met kenka ading Jo ken dakayo amin awan labas.God bless you all.




Cresencio Yagin
8/3/2008 12:43:17 AM

Nadrimusmosak tay ilalabas ni Jric itay agwatwat itay bigat. Darasek koma nga mapan kitaen , ngem inatipanak toy kadduak. Taktakek kanoman diay
panag exersaysnan.

Isu nga diak met intuloyen.


Melda, ,mayat siguro ti turog ni Jric ita ta nagbannog itay bigat
a nagtaraytaray.




Alex
8/3/2008 6:16:37 AM

Nabannog ni JRIC a nag-exercise haha! Kasano a di kanayon nga ag-exercise ket kanayonna met a mapan sirsirigen ni prinsesa. Labas-labasanna no mapan ag-jogging.



JRIC
8/11/2008 6:54:46 PM

Komustakayon Karrubaaaa!Saankayo a maarakup ita, ta kalkalpasko laeng a nagsakit. Baka maakarangkayo no agpilitkayo.HAHAHAHAHA!

Nasayaat met la bassit ti salun-aten, Mareng Jo... wen, maawatanka uray dakami ditoy ket busy latta met, agtrabahokami uray no madama ti samuyeng....

SUSMARYA! inpadpadengmo koma bassit Mrs Imee, ta ramanam koma dagitoy mais a liningta ken tinunok.

HAHAHAHAHAHA! saanak pay a makaturog, Manong, sangsangpet unay manipud talon... tiempo man ti raep ken sekka ngaminen.... diak nakaum-umay ta ipagel latta tay Doctor ko nga agtaraytarayak, awan kano itdenna kaniak a pagsayaatan ti salun-at ti taray. Ngem no met diak aramiden ngamin ti agtaray ket kasla maep-eppelan ti barukongko Manong.

AHAMMMM! Sir Alex, pimmassiar met la ni Mrs Prinsesa'n dita abong ni Manong Cris'en? Sorry diak met nakaum-umay idin ta sinarungkarannak met ti panateng, ngem itan ket nalainganak bassiten, mabalinko a mapan pasagaden tay lebben a basi ni Manong Fred itan a pagsasangnguantayo no umay pumassiar ni Mrs Prinsesa.




Josie Herrema
8/12/2008 12:05:18 AM

Ahaayy, napalalloam man ngata ti nagaradon pareng Jric, isu nga agpanatengen, hahaha. Napinpintas nga iyaw-awan ti sakit no trabaho iti pangipapasam pare kaniak ket mailiwliwagko tay nasakitko no addaak idiay trabahok ngem inton sumangpetak ditoy balay, ayna apo agsubliman tay sakitnan. hehehe. Kastoy met ti kona ni bossko no dadduma: "ay, aginsasakitka laeng Jo tapno adda pambarmo kitam inton madama ti trabahom mapukaw dayta sakitmo." konana pare, ngem agpayso met apay ngata, ahamm!

Karruba Imee, komosta met dita batogmo tatta?

Bantayam ngamin a nasayaat ni prinsesayo sir Alex?..Narigaten no adda mangitaray kaniana, mapmapanak met suripsirip dita ayan ni Manong Cres'ing no dadduma, umis-isemak ti nalimed ta napintas dagita istoria ni ayat, hehehe.

Nasalun-at nga aldaw ken orasyo amin gagayyem nga awan ti labasna.




Amaranth
8/19/2008 1:31:46 AM

manongski! arado manen? hakhakhak!

lumabasak pay kakabsatski... wan met ngamin tay bumalay...


Marvin Acosta




balasang
8/19/2008 9:02:02 AM

MAnongski...Agpampambar ka manen? DIka unay agtaul-taul ta dinto madugsak ti grasya. MUsta ni Vavi ken MAnang MArie?

Hello SIr Alex, MAnang Jo ken PArengski ken aminen awan labas na. SUmsumreken ti Fall ditoy batogmi. MAngrugin nga lumamiis ti aglawlaw ket saanen nga agpakatutor nga tumallikod ti summer. HApo aya! AGbasa manen dagiti ubbing. NAsayaat met ket ney papaanawa da a kanayon.

Hehehe.

ARLANE MANZANO




rei
8/19/2008 8:40:13 PM

Sangsangpetko manipud talon Karrubaaaa!

Mareng Jo, saan ta kalkalainganna met laeng ti kalawa ti ar-araduek ditoy. Kurang siguro.

Wen Gayyem Marvs, sansangpetko laeng a nagarado. Uray no narigat ket makaliwliwa met ti agarudo Gayyeem. Komusta nabayagka man a di nasalsalaw ditoy dalan ti Blog City.

AYSUSMARYAKA Arlane ka! saan, ura no umaynak dapadapen. Nakapudpudot pay laeng toy pingpingko ney..... Agawaam ngarud ti mangiparikar tay salladaymo a naimeng. AHAMMMM!

Wen, Arlane, panagseserrek manen ti agbasa. Adda manen tay baromi diay Prescott, Arizona, nagrubuat laeng idi Sabado. Dudua kami manen ken Kumanderko ditoy uneg ti balay, ket ti la malaglagip no kua....




MS
8/19/2008 9:21:04 PM


Don Domingo, nabasam datoy nga poste ni Arlane?

"MAnong Jric... ahemmmm. NO adda iyar-arasaas kenka ni MAnangko, WEN a dakkel ti sungbat na ah?"

Itawag ko laengen tapno makapagtsismis kami ken Kumander. Naputed tay patanganmi idi weekend ta addaka met nga paspasalapon...!
HEHEHEHEHEHE!!!

Serioso dayta ibagbaga ni Arlane. Umayen ti tawag...!




liway-way
8/19/2008 9:51:31 PM

MS, mayat tay saritaanta.... ibisong nakto lattan ken Arlane. Busy kami ngamin ket diak makawaya nga umay. Addanto sabali nga tiempo a panagkitami palubos ni Apo, ket pupugekto ti adu a bisong.

Naimbag a rabiiyo amin Apo a nadanunko ditoy.




liway-way
8/19/2008 9:57:21 PM

MS,Matmaturogen tay akin blog ditoy. Nabannog siguro a nagarado!
HEHEHE!




LJ-
8/23/2008 9:17:22 AM

Presentt!!! hehehe! Beso beso kadakayo aminen kakabsat a nadanonko ditoy, :-)

Nabaringkuasak man ta adda naangotko, hehehe. Manongski Jric and Manang Marie, kasta met kadakayo amimen appo, naimbag nga orasyo, :-)




Amaranth
8/24/2008 3:00:29 AM

manongski! arado latta?

hmmm... agpaliiwak pay, narigatko espelingen ti saritaanyo.





MN Cabotaje
8/25/2008 4:55:23 PM

Kasla diak ammo turungekon hehehe, sabali metten ti makitkitak ditoy, napabaro gayamen daytoy Iluko.com... Sapsapulek dagitay kaberks ko, ayanyo kadin?

Manong JRIC kumusta kayo ditan?




Marvin Acosta
8/29/2008 1:20:13 AM

lumabasak manen manong jerico. ipappapasmon sa ti agarado manongski?

awan a nadanunko ni marengski lj diay abongna...

musta marengski maricar?




Johnnyric Domingo
8/29/2008 6:41:03 PM

Gayyem Marvs, naimas ti maturog ita ta long week-end. Inton martes pay laeng nga agsublokami anga agtrabaho. NO adda ngamin ni LJ ket sika met ti awan, sakanto agsapulsapol no addaka, AHAMMMM! Padasem nga emailan Gayyem.

Maricar, sumalsalun-atak met laengen. Nagsakitak ket agpapaungarak a madama. Komustakayo met? Mailiwliwagmo met itan ania?

HAHAHAHAHAHA! Daytay la ket malutluto diay... dayata maangotmo, LJ. Ading, awan pay inbitasionmo? Siak ket addan! Innak sa ket sumukrot, naimas la ketdi ti ayamuomna tay Smoke Signal idiay. Adda ni Gayyem Marvs dita ney, sapsapulennaka. HERM! HERM! HERMMMM!




Leofina Jane Galleta
11/8/2009 2:20:18 AM

hepppssss!

Manongski! Umayak man dumawat ti killabban yo! hehehe.




Johnnyric Domingo
11/10/2009 5:54:17 PM

AYSUS Maria! nabayagen a diak nakapassiar ditoy abong, ta di met masangsangon iti kaadu a sanguenen.

Ay ket kaaduna ita a, LJ. Adda ngamin di napakpakadaan a pasamak ket agadu-adu kami ditoy nanumo a pagtaengan, ket ita, ket adu ti killabban. Nagimas ket ngatan no masaparan a mapirito a malaukan ti bukel ti bawang.

Komustaka ditan Adingmi? Uray ta saanka unay a lamminen itan ti kunak! Napintas a salipengpengan daydi adda iti abaymo dita sango. HERM, HERM, HERMMN! HAHAHAHAHA!




Leofina Jane Galleta
11/11/2009 5:36:10 AM

Manongski, porget da salipengpengan- agjacket nak paylaeng, hak!.:-)
Eii, Manongski adda ipadamagko koma ngem maymayat no sika ti makadamagto kaniada Manong hhehehe!!!

Nakarungiitak man a mangpanpanunot kenni Apong Kupido, :-) Demoted manen ti istatus na ita, hak!! Piman, nataltalna la ngaruden tay ramayna ta pinagukisko ti bawang, inunaan paylaeng ti pusa piman kadaytay imbatik a pannakabagina koma dita kinirog. Hania pay, nagtilmo-tilmon lattan a. heheh.

Musta kayo ditan Manong? Mayat ti tawatawko ita ta awan pay klasek.

Regards to Manang and everyone- adu kayo met a kunam Manong. Ton maminsan manen!




Uncle Jim
12/30/2009 11:24:38 PM

Awanen ti kaipapanan ti masungad a Baro Tawen no saanko a lagipen dagiti naisangsangayan a tattao a kas kadakayo.

Immapaykayo iti lagipko ken dagiti a pammateg nga impapaayyo a nangpangpangayed iti biagko.

Sapay koma ta aglaplapusanan ti Baro A Tawenyo iti parabur, ayat ken talinaay a kaimudinganyo nga itden ti Dios Apo.

Naragsak a Baro Tawenyo!


Año nuevo no sería sin pensar en especial gente como tú.

Recordando con amor todas las formas en que ha sido maravilloso.

Con la esperanza de su año nuevo está lleno de bendiciones de Dios, el amor y alegría que te lo mereces.

¡Feliz año nuevo!


It wouldn’t be New Year without thinking of special people like you.

Remembering you with love all the ways you have been wonderful.

Hoping your New Year is filled with God’s blessings, love and contentment you so deserve.

Happy New Year!




Eduardo Padaoan
12/31/2009 9:25:41 AM

HAPPY NEW YEAR Jric ken kasta met ti sibubukel a familiam.



Monica Smith
2/6/2010 7:11:13 AM

Alla napnapananyon? Marmarpuog datoy mansion mon, Don Domingo! Ibaon mo bassit dagitay taom ta umayda agdalus...hehehehehe!

Donya, ania ti madamag?




Johnnyric Domingo
2/7/2010 4:30:02 PM

AYSUSMARYA! nailibayak gayam iti nabayag.

Ladingitek unay LJ, Uncle Jim, Manong Eddie ken Miss Monica ta itaak man laengen a makasapar nga umamminaw ditoy abong tayo.

Hallaka LJ, sabali ti pudot ti arakup ti ipatpateg iti jacket. Padasemto ket agpayso ti kunak.

HAHAHAHAHA! LJ, inbagam koma, a, nga agasannat' silit' sairo diay nataltalna ramay, bareng ta ad-adda musiigna! Sanabagan, Apong Kups, awan ngamin aya tay anteparam?

Kasta koma met kadakayo Manong Ed. Paspasublienmi pay lang ti dati a kinatalinaay iti panunot, kunak daytoy ta nagpasinakami idi November iti napalabas a tawen, Manong. Wen, Manaong, napanen di katugangak a babai iti tawenna a 71.

Hello, Miss M, komustan? Agyaman kami kadagidi naisakibutko nga indiayam a parabor idi Iluko.Com Gathering, diak sa ket nakapagyaman kenka idi ta inkurimedko ngarud ti nagisupot, HAHAHAHAHAHAHA! Ipadamagkonto ken Kumander nga addaka.....




Eduardo Padaoan
2/8/2010 7:58:56 AM

Condolence Jric!

Monica, long time no hear your sweet voice. Manangmo Glo and I miss you. Kumustan ading?




Johnnyric Domingo
2/13/2010 1:27:05 PM

Agyamankami Manong.

Agsamsamuyeng toy PC'k, saana kayat ti agbayag a naka-online...




Marvin Acosta
3/17/2010 2:08:28 AM

daak hawaii! mabalin sublaten ta eruplanom, manongski jerico...?





Leofina Jane Galleta
3/17/2010 11:43:54 AM

Manongski, agmusmusiig ngata itan ni Apong Kups- padpadaanan na ngamin tay aw-awirennanto courtesy of Marengski, ahihi!!!

Manangski! Paspasungadankan!

Heller Manong Ed, kumusta manong? :-)

Ei PArengski MArvs, nakawalayka man ti adayo? Wehehe, alwadam no matiliw daka ti pulis no bulodem ta erpleyn ni Manongski- beating the red light to ketdi ti kasom- dayta kan!




Eduardo Padaoan
3/17/2010 10:38:38 PM

Hi Jane! Hello Marvin? Marvin sadino kadi ti lugaryo idiay Filipinas?



Marvin Acosta
3/21/2010 1:48:24 AM

daak manen, wan latta tay bumalay! manongski, angawko laeng dayta wen.

hakhakhak! marengski lj, ita kunam nga agmusmusiig ni marengski arlane ket malagipko ita ni manang elsie idi isu ti agpasikal, kagurana ni manongko nga elvis uray diay panagisemna laeng, sana kuna; "no saan a sikat' gapuna, diak koma agrigrigat ita!"

marengski, bay-am ta siblukak ta erpleyn ni manongski ta pagsirkue-sirkuek dita ngatuen ti balayna!

hi manongski ed! mustakayo met? no alaen ti linteg-pinas ket taga laoag'ak, ta ti kadakkelan a parte tay nanumo a balayko ket nagsaad iti laoag city ngem gapu ta tay dalan a sumrek ken tay paraanganna ket sarrat; isu a taga san lorenzo, sarrat ilocos norte'ak.




Leofina Jane Galleta
3/28/2010 9:37:09 AM

Wen ngarud, busy'n sa da Manong ken Manang ah... Agkallongak man ngarud lattan, hehe.

Shhhh... dim ibagbaga parengski ah.

Elow, Manong Ed!




Johnnyric Domingo
4/2/2010 11:09:08 AM

Hello, Manong Ed! Komusta? Holiday mi ita ket masangok ti umay agpai-present sakbay a ma drop out tak.

Marvin ken LJ, Addaak laeng ditoy, masangok ita ti makiarutittit. Diak met makaskastrek no kua ta kurang met tiempo ngamin. Marvin, eruplano ti Civil Air Patrol dayta kunkunam nga eruplanok. Adda tawag tay baromi- ita ta saan kano a makumikom iti obra-eskuela ket adda panawenna nga agpatayab no bigat.




Ken H. Oagayen
5/24/2010 11:18:28 AM

Kumosta John John!Agayamanak iti kumentom idiay articleko a Rinnupak a maikadua. kasta met nasagidmo datay Bataan Nuclear Power Plant. Ammok a nalawlawa iti pannakaawatmo iti Nuclear Power ngem ti siak. Nasagidko dayta Bataan nuclear Power Plant a project daydi macoy iti Salaysayko a :Ti natakaw a namnama.Cgruo masdaawka no saan a natuloy. Ngem no natuloy koma, maysa dayta nakasksadaaw ta isu ti sungbat dagiti adu a brown-out. No nabasamon agyamanak, ket no saan ken no adda wayam a mangbasa basaem no ania ti kapanunotam.

Wen, saanak loyalista, ngem iti bukodko a kapanunotan, daydi pay laeng macoy iti kasasayaatn a nagpresidente iti pagiliantayo, ngem saan nga aminen dagiti mangurgura kenkuana, uray koma met no adda maipakitada nga inaramidenda a nasaysayaat ngem daydi macoy.




Johnnyric Domingo
6/5/2010 11:01:25 PM

Naimbag nga orasyo, Mr. Ken!

Wen man, Mr. Ken, nasayaat koma no adda kasdiay a power plant a pangsupusop ti kurkurang a supply ti kuriente iti pagilian. Kunada a narisgo kano ngamin ti kasta ti kitana a power plant, ngem no amirisen dagiti nadudur-as a pagilian ket nabayagen nga addaanda iti kasta a power plant- ti man kapanunotak, saan met ngata nga inpatugawda lattan a saan a naamiris nga immuna no ania ti pagpeggadan ti umili.

Saan kano pay met gayam a nag-operate dayta proyektoda idi presidente pay di FM. Nasaysayaat met ketdi no kasta ti mapatuloy, ta no matultuloy ket kasla kinalkagantayon ti bukudtayo a lulunan.

Ita, adda proyekto ni Bong Bong a Wind Turbine-Generator idiay Ilocos Norte, ket mayat, uray no bassit laeng ti mapataud dagiti generator ket addan masagrap dagiti umili kadaytoy a probinsia, a saan laeng a kinakurakot a kas kadagiti maipadpadamag.

Kasta pay nga ipakaammok kadakayo, ken amin a makabasa kadaytoy paskilko: ladingitek ta saanko a napupuotan ti transition ti diktador (no agpasyo nga adda) iti demokrasia a gobierno. Ita no palpaliiwek kabibiagtayo dita Ilocos ket kas met la awan namalbaliwanna umili, iti baet ti kaadun ti OFW ket kasla kimmarun sa pay ket ti rigat.




Ken H. Oagayen
6/6/2010 1:55:55 PM

Daytoy Nuclear Plant iti matagorda, kagiddanna dayta nuclear Plant Koma idiay Bataan. Ta mismo nga adda nakasaritak nga Ilokana nga agtatarbaho dioty Nuclera Plant ditoy matagorda, a maysa nga gayam naibaon ditoy nga agsanay ta isudanto koma iti agtarbaho dita Bataan Nuclear Plant. Ngem gapu ta saanda nga intuloy, ditoyen Matagorda Nucleasr Plant nga agtatrabaho. Taga Solano, Nueva Vizcaya; Elsie ti naganna, nageskuela idiay UP, Diliman.Kinodakko daytoy Power Plant ditoy Matagorda, padasek nga iposte ditoy aycom, ngem saanna met nga acceptaren ta over size kano. Diak met ammo ti pamay-ak.

Husto dayta kinunam John John, ngem no mabasa dagitay mangurgura ken daydi macoy, madi ti riknada.Ti adatna, ket iramanda pay ti taon uray no ibagbaga laeng ti kapanunotan ken dagiti nakitkita.




Johnnyric Domingo
6/20/2010 9:43:44 PM

Naimbag a malemyo, Mr. Ken. Husto met la ngarud ti damagko idi nga adda naibaon nga agsanay iti ruar ti pagilian tayo a mangtariwidwid koma iti saan a natultuloy a Nuclear Power Plant bayat iti panakaar-aramidna.

Adda napalabasak ditoy iluko.com nga a naidalan iti ang-angaw, a nakapakatawa kaniak iti kasta unay a maipapan iti dictador ken demokrasia. Demo-Crazy, kano, dayta kunkunatayo a demokrasia! 'su met lang a diak napupuotan ti panagbaliw ti kinadiktador (no adda idi) a gobierno tayo iti demokrasia, kunak lattan a iti bukodko a bagi.

Adu ti mapidutko nga adal kadagiti post-yo a salaysay. Sapay ta saankayo a maum-uma.

Panawankayo pay ket sumangukamin iti sangkabassit a sagana ni Kumanderko a pagsasanguanmi a panglagip iti Father's Day.




bom bom
7/1/2010 8:25:10 PM

Napiggad ngamin diyta nuclear power plant APo JErico kin kasta mit kingka APo Ken. AWan pay ti umiso a Pilipino a mangi-operate kadiyta a planta ti elektrisidad isu a napiggad no maituloy diyta a project.



Ken H. Oagayen
7/3/2010 2:31:08 PM

Apo boom boom, nagkitakami a mismo ditoy Matagorda(Bay City) iti maysa nga immay nagsanay ditoy Amerika a manga operate koma dayta nasao a Nuclear Power Plant dita pagiliantayo. Maysa nga Ilokana a UPean, a taga Solano Viscaya, pada a nangisit ti sikona.Madama nga agtatrabaho ditoy Matagorda Nuclear Power Plant, (STP ti naganna tattan,South Texas Plant)a kagiddan koma dayta BNPP.Sigun kenkuana, adda nasurok a 15 da iti batchda nga immay nagsanay ditoy Amerika.(Sapay ta nabasan datay artikulok maipanggep iti daytoy, adda dita sangwanan.)

Iti maysa a driver, sakbay nga agmaneho, masapul nga agsanay ken adda lisinsiyana, kasta met iti mang operate koma dayta BNNP, ngem ti adatna. Ta kineltayda a naggastosan iti Gobyernotayo. Isu a perdi bagas agraman toyo-:)




bom bom
7/3/2010 5:42:37 PM

Dita kunakunam a nasurok a 15 da, APo Ken, kit saan pay laing nga umanay kin saan a safe ti panag-operate koma ti nuclear power plant. Kurang pay a misa a Shift laing dita, 15 winno 20 a katao. Pagaammo tayo mit a 24/7 a ma-cover-an ti operation. ISu a usto mit laing tay kunakunak a napiggad ta kurang mit ti makaammo pay laing ti operation diyta a power plant.

Usto mit ta kunakunam, a tay driver, sakbay nga agmaneho kit masapul nga agsanay kin adda lisinsiyana, ti dakisna ita kit kurang mit ti driver na diyta a power plant, sa saan mit a basta laing driver ti ipasubom iti operation ta napiggad ngarud. Kit no adda residinsiya ti aglawlawna diyta a lugar kit masapul mit a ma-train da. Saan mo kunain a dagitoy a 15 ti mang-train to koma ti kadduada a driver ta hindi mabalin, kek kek kek!




Johnnyric Domingo
7/3/2010 11:29:40 PM

Naimbag nga apagsingetyo, Mr Ken, ken Gayyem Bom-Bom.

Gayyem Bom-Bom, Ti panagawatko iti kasta ti klasena a Planta ket maipamaysa a mataming dagiti kangrunaan nga alagaden ti panakamaniharna, kasanguanan, kabayatan, ken uray payen inton agtartarayen- saan a basta lattan maipatakder nga awan dagita. Yarig koman ti nanumo a pakitatrabahuanmi ditoy nabatugak met a langit ket naipatulod kami idi a napan nagsanay idiay Ohio para iti maysa laeng a makinaria a maysa a ramit iti panagpartuatmi iti Torbinado, (daytay kasla brown sugar ngem nakri-crystal ti kitana nga asukar)a ti paliiwko ket uray saan koman ta saan met a kumplikado ta bassit usit no idilig tayo daytoy a makinaria iti Nuclear Power Plant. Ngem ubligado ti aglako nga ipaawatna, ipakaammona dagiti pagsayaatan ken kasta met iti pagdaksan nangnangruna iti pagpeggadan ti karadkad ken salun-at dayta a makinaria babaen iti panangsanayna kadakami mangtarawidwidto. Ket no Nuclear Power Plant kunatayo a, ket di ad-adda manen a maipamaysa a masanay ti kinatalged dagiti trabahadorto, ken uray payen dagiti nabiag iti aglawlaw dayta a planta.

Gayyem Bom-Bom, kas nasagid ni Mr. Ken, dagita 15 a tattao a naipatulod idi ditoy USA nga agsanay ket mamatiak a dagita dagidi immuna a grupo, a kas nakunana met laeng dita a "batch," mamatiak nga adda koma pay sumarsaruno ngem kasdi metten ti pasamak.




bom bom
7/8/2010 6:39:59 PM

Umadadu ti makapaumlik ditoy aydotcom. Adda manin dua ditoy, kek kek kek!

Kaykayatkon sa payin a basain digiti kisstoriam ngim diyta postim dita ngato mit sika APo Johnnyric. Maan-ano aya ngamin no kunayo latta ngaminin a MArcos loyalista kayo, kek kek kek!




Palsiit
7/10/2010 7:51:14 PM

Sika met buom buom. Annia ngarud met ti naitedda kenka a nagsayaatan iti biagmo idi nasukatan daydi Apo Marcos.
Diak ammo no Ilukanoka.Ti panagkunak saanka nga napudpodno nga Ilukano. Kitaekman no no annia uray sumagmamano laeng, nokas addamet nagbaliwan ti kasasaad iti panagbiagmo ,idi sabalin ti Presidente.




Johnnyric Domingo
7/10/2010 11:47:14 PM

Naimbag a rabiiyo Gayyem Bom Bom ken Gayyem Palsiit, ken kasta met kenka Mr. Ken.

Ladingitek Gagayyem ta diak latta makannayon ti sumarungkar ditoy blog a kas idi ta karigat latta ti biag ditoy ayanmi...

Gayyem Bom Bom, saanak a loyalista di president FM. Uray inka pataladuan kadagitay nalalaing a baglan no dika mamati Gayyem, HAHAHAHAHAHA! Dayta man tuntuntunek Gayyem ket no apay a naisardeng ti nalpasen a naaprobaran a project a Nuclear Power Plant a naggasgastoan a di met naileppas. Nasaysayaat koma la ngaruden no saan a narugrugian ania? No ngay kasta aminen ti aramiden dagiti sumukat a presidente iti project ti sukatanda a presidente, dumur-as ngata pay ti kabibiagtayo dita Pilipinas?




bom bom
7/12/2010 7:50:52 PM

APo PAlsiit, no man pay ditoy US a naiyanakak kit puro nga ILokanoak. Kit awan ah! ta awanak mit dita Pilipinas idi masukatanin ni APoyo a Marcos, Kek kek kek! ti ammok man laing kit adu ti agdadawat ti KUarta dita Ninoy Airport, uray nak-uniform-da a kas mit la Airport POlis kit awan mit lat babainda, kastda amin nga impliyado a COrykut, ay este, KUrakot koma ta kunakunak, KAs mit la idi ni MArcos, nadaldalus laing basik kusit idi ni MArcos!

APo Jhonnyric, Lalawagim man laing ti agipaskil ti ILuko, indiak matarusan ta kunakunam a pataladuan a baglan.




Johnnyric Domingo
7/17/2010 12:50:46 AM

Gayyem Bom Bom, sorry ngem awan ammok a pangsukatko kadayta "pataladuan" no di laeng ti mammadto- papugtuam no loyalistaak wenno saan iti mammadto.



managpaliiw
7/17/2010 6:37:09 PM

Tay agsumar siguro tay kayat a sawen ni JD.

Agpayso,nasaysayaat metlat bassit idi ni Marcos,Bombom.




bom bom
7/23/2010 7:24:48 PM

Kek Kek Kek!
APo Managpaliiw, uray kunam a nasayaat bassit di Macoy kit mannanakaw latta mit. Mannanakaw da mit kit amin a prisprisidinti. Uray di inang ni diyta prisidinti ita kit mannanakaw mit kin gamrud pay kit di ta dina mit pabingay tay gamgamrudinda nga hasyinda.




Johnnyric Domingo
8/8/2010 9:09:07 PM

Gayyem Bom-Bom, mano itayen a billion a kuarta ti tinakawna? Tulongam man ngarud dagiti agdama a gobierno ta isubliyo man ngarud ta bareng isu ti pagsayaatan ti agnguyguyan nga ekunomia ti Filipinas.



Arlane Manzano
8/19/2010 11:23:16 AM

Bari-bari... naimbag a rabii Mamanongski.

Manong Jric, umayak laeng bassit umiliw. Madama patpaturogek 'toy baro tayo. agdua bulannan. Pinadasko nag-upload ti pix na ngem din sa met rimmuar.

Mustan ni Manang Marie?




bom bom
3/20/2011 6:45:34 PM

KEk kek kek! madi mit diyta sao-saom sika APo JHonnyric. DIpay la kitdi sika mangtulong kidigita puro kurakut agturay.

KUmosta mit tay BAtaan nuclear power plant. DI mit la malpasin ta operate mittin a, kapno ipadayo mit igdiay JApan, KEk kek kek!




Palsiit
3/21/2011 11:26:13 PM

Baybay am pala ta nuclear power plant. Adalenda pay a nasayaat tapno maaramidda nga saan nga madadael iti ginggined.

Daytay koma danum nga mapagbalinda nga mangpataray kadagiti lugan ti iyunonada,noadda metla kinapudnona nga mabalinda nga aramiden dayta.Tano mapagbalinda nga agpayso dayta danum nga pangpataray ti lugan ditayon masapul ti gasolina.Awan pangawartaandan idiay middle East.




Johnnyric Domingo
3/25/2011 11:30:12 PM

Ladingitek unay Gagayyemko ida ta itaak laeng manen nga add.

Kumostakan Arlane? Ala, ket an-anus a, uray ta makalinglingay ti agaw-awir iti ubing. Aglaunton no ammonan pagsapul dagiti matana kadagiti adda iti aglawlawna, sa umisem iti angi.

Gayyem BomBom, adu agiti saludsudko iti bukodko a bagi nga agkalkalasawan iti angin. Ngamin ta maburburtianak latta no apay a saan a kas iti kalakana iti mangibaga iti maysa a pulano/pulana a nagtakaw, iti kalakana ti mangpasubli kadagita a tinakawna.

Dayta damdamagem maipapan ti panag-operate ti Bataan Nuclear Power Plant, ket diak ammo no inton ano. Amin a banag, Gayyem, ket adda risgona, uray no kunatayo nga adda kadatayo ti agsakbay.

Manong Palsiit, adda pay maysa a nalaklaka nga aramiden a panaginot iti gasto dagiti bumalay- daytay man maurnong a makubong a rugit ti baboy iti dipusito ket mayat kano man a sulnit tay Esso Gasul, wenno propane. Addan agus-usar iti kastoy iti Ilocos. Dayta laeng, a, ta lima kano met a baboy ti kamayatanna a pangrugian dayta a proyekto.





Agposte

Ag-Loginka pay nga umuna Kailian sakbay nga agposteka.