iluko.com - website a magustoan a pagpalpallailangan dagiti pada a nangisit ti sikona.

Gapu ken ni arapaap

 

Skip Navigation LinksHome > Blogs >



GAPU KEN NI ARAPAAP
7/13/2008 9:56:09 AM

Ti ayat a sumayaat ti pinagbiag,adu a kakailian ti bimmalasiw taaw tapno inda biruken ti nasaysayaat a gasat.GAPU KEN NI ARAPAAP nga umasenso,maysaak kadagiti di mabilang a kakailian a nangpanaw ken ni ina a PILIPINAS tapno agtrabaho iti sabali a pagilian.Wen, nawatiwat man ti dana nga innak dinaliasat,agingga kadagitoy nga aldaw.Subliek man a lagipen daydi umuna a pinangpanaw ko ken ni ina a PILIPINAS.Taw-en 1982 bulan ti mayo,idi damok a mabaddekan ti disyerto ti pagilian ti SAUDI ARABIA syudad ti RIYADH.Nagtrabaho nak a kas maysa nga BUILDING ELECTRICIAN iti NATIONAL GUARD HOUSING PROJECT [PHASE-1]RIYADH under DUMEZ COMPANY.Kadagidi a taw-en narigat ti trabaho,saan laeng a ti klase ti trabaho no di ket ti tiempo,no tiempo ti pudot subra,no tienpo met ti lamiis subra.Gapu ti tulong ni apo a nailangitan,naibturak man amin a rigat iti uneg ti tallo a taw-en.Taw-en 1987 idi mapadpad nak iti maysa a pagilian ti EUROPA,maysa a best tourist spot ti EUROPA,pagilian ti GREECE.Ditoy a pagilian ti nakapadasak ti adu a klase ti trabaho.Iti pannakaruros ti binulong ti kalendaryo ken pinaglabas ti mano a taw-en.Taw-en 1998 idi mayetnag ti legalization iti amin a foreigner ditoy,naikkan kami man ti pagrebbengan nga agtrabaho ken makipagnaed nga legal.GAPU KEN NI ARAPAAP para iti pamilia ti nangted kaniak ti kired nga agingga kadagitoy nga aldaw ket addaak pay laeng nga agtatrabaho ditoy,gapu iti tulong ken kaasi ni apo a nailangitan.Taw-en 2004 idi manglukat ti HARD ROCK CAFE INTERNATIONAL ti sanga na ditoy ATHENS.Maysaak kadagiti nagtraining iti uneg ti dua a bulan maipanggep ti pinaglutoan.Maysaak kadagiti napagasatan a kas OPENING STAFF ti HARD ROCK CAFE ATHENS,maysaak a tagaluto agingga kadagitoy nga aldaw.


Comments



Alexander Barut
7/13/2008 8:41:03 PM

Welcome to Iluko.com Nilo.

Kasta a talaga ti biag. No adda ti nasged nga arapaap, nasken ti panagsakripisyo. Idi addak pay laeng diay Pilipinas, saan met a makuna a narigat unay ti panagbiag ta napintas met ti trabahok idi. Ngem kas tay nakunamon, gapu't arapaap para iti pamilya, ken saan laeng nga iti bukod a pamilya no di pay ket kadagiti kakabagian ken dagiti makasapul iti tulong ket isu met ti nagturedan ti nakemko nga immay makigasang-gasat ditoy abroad.

Sapay koma ta babaen iti tulong ti Namarsua ket magun-odtayo dagiti arapaap tayo iti biag.




Francis Barbero
7/13/2008 9:30:50 PM

Naimbag ken nagasat nga oras mo gayyem Nilo. Napia nga isasangbay mo ditoy Iluko.com. Kasta ti biag ditoy lubong nga intayo paggargarawan. Napnuan tayo kadagiti adu nga arapaap para kadagiti inay-ayat tayo, ngem ketdi danggayan met ti adu nga sakripisyo ken panangitured ti iliw.

Ala gayyem, saan tayo nga pukawen ni namnama, adda latta ni Apo nga Namarsua nga mangtartarabay kadatayo nga padapada.

Pare alex, pudno unay ta kunam dita ngato, umanamongak kenka. Komusta ka metten?

Happy Sunday!




Nilo Flor Bundoc
7/13/2008 11:25:38 PM

Agyaman nak unay gayyem nga ALEX ti isasangbay mo iti nanumo nga inaladak,silulukat para ti amin a kakailian.



Nilo Flor Bundoc
7/13/2008 11:32:35 PM

Kumosta gayyem nga FRANCIS agyaman nak unay ta naiyanus mo ti kimmatok ditoy nanumo a kalapaw ko.



Francis Barbero
7/17/2008 7:24:35 PM

Gayyem Nilo, komusta ti biagen? Umayak met lumabas biit ditoy nadayaw nga taeng mo. Balbaliwak to manen ti umay kenka sumarungkar. Annad ka latta metten gayyem. Ni Apo Dios ti mangsaranay kenka.

Pare Alex, naimbag nga oras mo. Nalabit ket bisi bisi ka ngata dita skol aya? Kasta ti biag pare, trabaho latta nga awan sarday na. God bless!

Pumakadaak man ngaruden ket ibatik kadakayon ti nagasat nga oras yo ken gayyem Nilo.




Ruby Abad
7/17/2008 11:03:35 PM

Hello Kabagues!
Pls. help me making an iluko script on drama Patudan ni Tatang!




Ruby Abad
7/17/2008 11:05:48 PM

PATUDAN NI TATANG/AMA
7/17/2008 10:43:09 PM

PATUDAN NI AMA ket manarimaan nga irusruswat ko para iti pannakasangal iti DRAMA WENNO SKIT babaen ti tulongyo kakabsat/kakapagayam amangted iti nabuslon nga ayatyo/ supurtayo tapno maaramid a saan nga imposible daytoy a ganwat. Babaen iti Tribal Settlement (SAPIT) napatudan ngarud ti Ama ket nagsubli a pilit pursado ti mismo nga nagannakkanianawenno iti mismo a lugar na. Ngem saanakayatnaasaowen a pinagsina dagiti agassawa.Ti Skit ket agrikos iti storyana iti problema ti pamilya babaen ti ti kinasadut/ irresponsable ti Ama

Maawis kayo ngarud kakapagayam ko amangted ti ti naan-anay akapanunutan yo tapno masangal daytoy a proyekto. Ngamin naipaima daytoy apabuya kanyami ataga Gregorio del Pilar, Ilocos Sur nga iparang min to no kaaldawan ti BEGNAS YLOCOS inton October 28,2008 sadiay Syudad ti Candon.




Nilo Flor Bundoc
7/18/2008 8:50:18 AM

Kaasi ni Apo Dios nasayaat met gayyem nga FRANCIS,kas tay kunam trabaho latta nga awan sarday na.Agyaman nak gayyem,kasta met kenka annad laeng,kumosta met dagiti ipatpateg mo a miembro ti Pamiliam.



Nilo Flor Bundoc
7/18/2008 9:37:10 AM

Agyaman nak unay kabsat a RUBY ti isasangbay mo iti nanumo nga inaladak.Paulo na pay laeng ti drama a putputarem ket makaalukoyen a buyaen,namnamaek nga agballigi ka iti tulong ni Apo A NAMARSUA.GOD BLESS YOU and your family.



Francis Barbero
7/19/2008 3:06:58 PM

Kablaaw ko nga nabara gayyem Nilo. Pia ken karadkad latta ti adda kenka ken kasta metten kadagiti inay-ayat mo ti biag. Ania ti madamag itan? Umay kan ta mangaldaw ta, adda met datay pinapaitan nga karne ti baka. Nagasat nga malem ti Sabado mon gayyem. Agyamanak unay manen ti adu kenka.

Gayyem Ruby, idanon ko met ti nabara nga pakomustak kenka. Hello! Umay kan ta ramanam toy linutok ita.

Pare Alex, ayan mon? Apay bisi ka kadi unay aya ta awan ka met nga nadanon ko pay? Umay kan Pare ta mangaldaw tayo ketdi, maudi nga mangan isu't aginnaw, djoks ko lang.

Pumakadaak man ngaruden kakabsat!





Agposte

Ag-Loginka pay nga umuna Kailian sakbay nga agposteka.