iluko.com - website a magustoan a pagpalpallailangan dagiti pada a nangisit ti sikona.

Kulding ti kalman ita ken inton bigat

 

Skip Navigation LinksHome > Blogs >



Annia Ngata No Kastoy Koma ti Mapasamak
9/18/2008 9:34:33 PM

Mabalin nga seryuso nga saritaan. Mabalin met ti angangao


Kasla koma di nabasak. Nga ti koma panagasawa ket maysa nga mapirmaan nga contrata. No ti kabayag ti kontrata ti panagdennayo ket limala nga tawen. Lima laeng nga tawen ti panagdennayo. Mabalin met nga renewable ti contrata. No agkatunosan kayo mabalin yo manen nga pabarwen. Annia ti makunayo kadaytoy nga pagsasaritaan. Uray ania, nga topiko,mabalin lata.





Comments



Alexander Reyes Barut
9/19/2008 7:10:50 AM

Mayat man daytoy ta kasla renewable energy sources! Napintas nukua ta kada lima a tawen nga adda nukua selebrasyon no la ketdi agkatunosan dagiti agassawa. No dida agkatunosanen a ket an-anuem pay ngarud! Madmadi met ngarud a no kanayon a tumayab ta pinggan, paryok, kaldero, kutsara, tinidor! No saanda nga agkaabutan este agkatunosan kunak koma a ket sina lattan a nga awan gurgura! Ket no dumtengto pay ti maminsan a panawen a malagipda ti maysa ken maysa a ket di kantaenda nukua tay "Together again! Yaplagmo ta ikamen. Yadayom ta ubing, yasidegmo ta _______!" Ayna makapalagip!



Cresencio Yagin
9/19/2008 7:24:32 PM

Ti ammok a pagdaksanna daytoy,ket no makaaramigd kay ti ubingen a ket dagitay annak ti nakkaasi.

Pagtulaganyo pay ngarud nga dikayo pay agmulmola. Timplaenyo tay kauneg ti arado.Inton sigurado kayon nga mayat ti urnos. You have the ootion to renew.




Marvin Acosta
9/20/2008 2:10:14 AM

mayat man manongski, saan nga agnanayon a puor ti kararrua ni miss wenno ni mr diay partnerna no nagmawmawen ti sam-it ti ayan-ayatda. ania ngata manongski no ti kangrunaan a naguneg ti kontrata ket sa laeng mapalubosan dagiti agpartner nga agaramid ti sagibo iti maikaddua a kuntratada.

sabali met problemko manongski. tay ar-armek, aglisilisi kadagiti idugalko nga unnoy.




Cresencio Yagin
9/20/2008 10:17:00 PM

Mano koma nga tawen, ti kaababaan nga contrata.Tallo nga tawen,umanay met siguron. Wenno ababa pay unay ta naimasto payla dagiti tubbog, alnaab dagiti agsiglot nga innageg.

No adda pamalpalatpatam nga medyo amilenna dagiti idugkalmo nga unnoy. Saanmo nga alayayan. Inebnebmo nga nalaing. he! he! he!.

Despensar nagadu gayam tay irrado ti insuratko dita ngato.




Marvin Acosta
9/22/2008 2:36:31 AM

dayta'tan! ammo payen manongski...

huz! likiglikigda met laeng dagitay nanumo nga unnoy a padamgisko, manongski. shi teyk advanteydz ta kulpi ngmin toy dilak nga umabla, awan man la asida aya manongki...




Johnnyric Domingo
9/24/2008 6:50:07 PM

Manong Cris, agkatkatawaak ditoy! Apo ket marigatanak sa ta pag-reniew. Kaniak ngamin ket kanayon no kuan ti panangirenniok ti kuntratami ken Kumander. Diak ngamin kayat nga isukat, ta nasam-it a lagipen dagiti aldawmi a di agkupas.



Johnnyric Domingo
9/24/2008 6:53:14 PM

WAHAHAHAHAHA! sori Gayyem Marvin! nalipatanka metten. Apay awan latta ta pipiaanna dagitay ibalbalonmo nga unnoy dita bangir? SUSMARYA! Katawaannaka ni Kumarengmo a Marizen no kastaka. AHAMMMM!



Cresencio Yagin
9/26/2008 10:46:17 PM

Padasek manen ti sumirip. Idi kalman pinadasko mangidasar ti sangkabasit ngem dina inawat isu nga adda medyo pauyok.
Ita padasek manen. Naimbag nga orasyo Jric, Marvin ken Alex. Yamanek iti inkay idadanon toy abong.
ala,diak unay agbayag ta pamadasak laeng no mayat.




Marvin Acosta
9/29/2008 2:21:33 AM

manongski cris, adda sabali a sungbatko diay saludsodmo... opinyon laeng manongski ken dakayo a makbasa. biresponsibol; no ni agngayangay a makipartner ket awan stable a trabaho, wenno awan bukabyulario nga a kumaraykay ti pagbiag plus ar-arem lat' ammona equals awan as-asawa! no agpilit da lang ket mamultada! makaponda nga agpadpada dagiti partner.



Marvin Acosta
9/29/2008 2:23:27 AM

an-anusak latta manongski jerico, 'danto latta ipaay ni gasat.



Cresencio Yagin
9/30/2008 10:29:53 PM

No ti makuna nga makapon,saan kadin nga maisubli? No mareppetla koma, ay ket napalalo nga sayaatna. Ken ti rigatna manen a ket diayman pagbayadan.Nangruna no rigatla ti biag ti adda.

Marvin. No naibus ti taga Cabugao en ,Agpaamianan kat bassit iti Sinait. Agkakailyan tayon nokua.




Johnnyric Domingo
10/1/2008 8:17:42 PM

Agpa-Cagayan sa ti turturungen ti angin Manong Cris. Ngem ti dakesna ket nasikapdan sa met! HAHAHAHAHAHAHA! Ania Gayyem, Marvs?



Cresencio Yagin
10/17/2008 7:18:39 PM

Makakatawaak kadaytay sao tay maysa nga katrahuak. Kunana ket, no dadduma adda tiempo nga no mabalin kayatnan ti agbalin nga aso. Tano makakita kano nalibnos makagari nga pammagi. Daytan ti kanito nga no mabalbalin kano laeng ket agbalinen nga aso.
"Apay kunak" Wen a ta tano mabalinna kano nga mapan anguten wenno dilpatan. Napia no aso, saanna nga mabalin nga idarum ta maysa met nga aso.
Kunak met nga no mabalin koma ta kasla koma manok ti tao. No tay kawitan ket makursunadaanna tay upa ket mapannala sarigsiganen. No mayat diay upan ket sippitenna diay teltelnan sana kayyetan. No dimet kayat diay upa itarayanna met.No kasdiay koma ti tao.
Kunada met nga no madama kano nga sumallabay ket makita tay manador. Siplaganna nga danugen. Malasna!! ituredna diay sakit ti madanug. Addanto manen sabali nga gundaway. He! he!! Anniat makunayo Marvin,Jric ken Alex?




Johnnyric Domingo
10/22/2008 6:37:54 PM

Hmmm... Manong, paunaek man pay ni Gayyem Marvin no ania ti makunana. Ti man marikriknak ket: Itammengko la ket diay Upa nga idaddadumak. HAHAHAHAHAHA!



Marie Domingo
11/11/2008 5:14:47 PM

Thank you Manong kadaytay sukdal. Umay minto daw-asen no adda ka.



Cresencio Yagin
2/8/2009 10:08:10 AM

Nadamag iti naudi a panagbakasyonko. Iti kabangibang nga Barrio. Maysa nga rabii,adda ma ngmangekgo nga agtuktukar. Kasla maysa nga pagfiestaan no tiempo ti Pifiesta.
"annia diay agtuktokar?"
"Adda Minatayda" Tuktokarandan ti minatay. Live Combo kunadaman.
No panunoten nga agpayso,nasayaat met daydiay nga mapanunotda. No liday ti sumangbay
masapul nga liwliwaen dagiti malidliday.Abusmanpay ta nagminatay nayunam pay naliliday nga
aramid. Ngem no panunotem iti sabali nga kaipapanan. Kas metla naragsakankan nga isu ket pimmusay. No siak nga maysa adda met sayaatna ta malinglingay dagiti nagpasina. Ken no adda mabalin nga pagbayad.
Annia met ti makunayokakadua?




Alexander Reyes Barut
2/11/2009 3:34:54 PM

Cres, mayat no matokaran diay natay tapno malinglingay ti pinanawanna a kunam. Ngem iti naminsan diay karrubami, inuborda dagitay agtoktokar ta Delilah, Bulaklak ken otso-otso met ti tinokarda! Ket idi nalpas ti pananguborda, sinabalianda ti tinokarda....ARAY, ARAY NAKU....BAKIT GANITO ANG GINAWA MO....AYOKO NANG UMARAY!



Cresencio Yagin
2/20/2009 7:27:31 PM

Alex, uray a no saanda metla a naguboren idi binaliwandan dagiti tinukarda.

Ditoy Maui,adda met dagitay agkankanta no kasta nga adda minatay, Ngem idiay la simbaan wenno iti murtuary. Kantaenda met no dadduma tay "Dikan Agsangsangit" ken sabsabali pay nga kankanta.
Saan ketdi otso otso.




Alexander Reyes Barut
2/23/2009 5:48:27 PM

Saanen a ta uso met daydiay a kanta idi. Nakipag-aray da met aminen!



ullong
3/28/2009 9:43:15 AM

kumusta? bayagen a saanak a pimmasiar...di nagsaritaanta, palubos ni Apo ket matuloy..ikumustakanto la



ullong
3/28/2009 10:02:41 AM

Sabado,naladawen a bigat, pinalagapg ni inangko ti iddak, natukay ket ngarud ti tagtagainepko, nagpintas pay met garud gyem, kasarsaritak kampay idi ti nameetko iti Iluko.com a kasinsinnurat iti email...damomi iti agsarak, idiay kampay idi Shakeys ti San NIcolas, Ilocos NOrte...

nakatataerak iti baro a limmangit marisna a polo shirtko, tumarnaw ti mata ti makaangot ti apagapaman nga ayamuom ti imported a bangbanglok a linibasko ken ni manongko.

dimi pay napudotan ti tugawmi, kasla tekka a dimket ti panagkitak kadagiti makipennerreng met a matana, ti rupana a saan a pulos makauma a matmatan ket ti karkulok kasla met adda pamuyaanna kaniak.

ngem uray la a nakigtotak iti birakak ni inang a naitubong iti lapayagko, nagdekket kanon ti kulay-ong ni Sikkubeng ken ton makapstorak, agtarusakto kano idiay ayan da ikit Ciana, iti karrubami a barrio, ta innak kan alaen tay diket ken pamusian ta agroskaldokam kano no rabii, pangrambak iti kasangay ni adingko, bag pay ta rambakanmi, no siak ti agbertdey, ray koma no liningta a dippig, dida pay malagip.

bimmangonak, diak impadlaw ti sakit nakemko a nariing ta dinto manen agsasaruno a kwitis ti ipalakapak ni inang kaniak, sarimaddengak nga immulog, nagtarusak iti ungto ti arubayan, intutokko ti nabiag a pusilko iti puon ti agkukutel a silag, di met la dumakkelen kuna ni tatang inton sardengak a bambanangbangen kada makariingak iti bigat, isunto kano ti panagrangpayana, ket idiayko nga inbulos ti urnong ti magazineko iti nagpatnag....whammmm! uray pay a naglayas!!!





ullong
3/28/2009 10:03:36 AM

sabali gayamen ti ay.com!!mayat man!!



Tim McKee T. Borish
3/29/2009 6:16:31 PM

Ullong, dimo nadlaw idi nagpalayaska adda tay balasang iti tagtagainepmo a nakalinged idiay muyong iti sanguanam!



ullong
3/30/2009 11:30:37 PM

(maka-adik toy blog mo ka Cresing!)
nabwasan ti babantotko a nagpanabraang iti puon ti silag! ngem idi itag-ayko koma ti agpupudot pay laeng a pusilko..nalagipko a tinamdagan. ay ket kasdi pay laeng ti taer ti kabaliok, guapo a kunam la no kanayon nga ipagpanpanakkelna ti kinalalakina, ikarkaritna ti pigsa ken kabaelanna..sisasagana a makirinnupak mangiluges no bilang ta adda agginlalaing nga agkayang-kayang a manglapped ti dalanna.

sabagay nabayagen nga ibagbaga ni Mang Bantor, masapul kanon nga agpabuniagak. idi impatugawdak iti maysa a dakkel a bato, idiay igid ti karayan ket tinippagawan ti labahas ti nagmisuot a tapingarko...kuna ni Mang Bantor idi: daytoy ti umuna a buniagmo!! makalawas a nagpakkapakkangak!!

Ngem itay laeng nabiit nga inriingna manen a masapul kanon a mabuniaganak, ta amangan no agkuriteng dagiti bin-ik iti kamalig wenno agpagunggan toy kabaliok ket gumura..amangan no isunto kano ti dadagsenko kadagiti sardam ket panawannak ti anghelko a mangkadkadua kaniak iti iddak.

Pulos a diak maawatan idi damo ngem kadagiti napalabas a parbangon, natiliwko kadagiti salemsem ti kayatna a sawen. Assidegen ti panaggaraigi ken panagsinta toy kabaliok no madanon ti tengnga ti rabii ket urayna la a kugtaran toy pus-ongko, paturayak nga agil-ilus. Kanayonna nga iriing kaniak a kayatma kano a bulusan ti gitana ken naminsan iti tag-tagainepko...inyarasaasna a bumirokak kano iti sabong...tay maysa a naatap a sabong a masarakan idiay tuktok ti Bantay Tapao, iti maysa nga naulimek nga inaladan, sadiay bugbugtong a masetas..sabong nga addaan iti nakalablabbasit a petalo..di kano pay nasippayot ken nasirpat dagiti uyukan a dayo.




Johnnyric Domingo
4/6/2009 6:31:44 PM

HAHAHAHAHAHAHA!

Kunak man no ambuboyog, uyukan ken kulibangbang laeng ti umagek kadagiti tukot ti sabong? Uray gayam kabalio!




Cresencio Yagin
4/13/2009 12:05:13 AM

Tay kabalyo nga agidda no maturog,ti kunana nga umagep iti sabong.



managpaliiw
4/15/2009 11:48:50 PM

Annia ngata koma no dagiti tattao ket kasla manok. Tay kawitan no kursunadana nga sallabayan tay upa ket sarigsiganna. No saan nga kayat tay upa tay kawitan, itarayanna met. Ngem no kayatna met ti makayyetan ikul obnan sana ukkraden diay ipusna.Pagparangenna diay kimmutna nga itaya.
Pagdaksanna no madama nga kumayyet tay kawitan. Tarayen met tay manador nga mapan danugen.




ullong
4/23/2009 7:43:37 PM

asidegen ti piesta ti ilimi isu nga doble-doble ti gagetko nga aggatud ken agluto iti bulong dagiti mulami a tabako ta bareng addanto bassit gastuen idiay peria-an, numuna ta uray la nga agaruyot ti katayko no kasdiay a malang-abko ti angot dagiti kalluto nga empanada.

idi semana adu ti dayo nga immay ditoy ilimi ket nagasatak unay ta adda naam-ammok a kataebko a bumalasitang a taga umabagatan, napintas kunam manong ket no bilang agbalikas daytoy a gandatko...bay-akon tay kursunadak ditoy Iluko.com!

idi laeng naminsan nga aldaw, saan pay a panagpaparubrob ditoy urno ti tabako su a nakalibasak, nagsarak kami idiay Cabugao, nabulodko tay motorsiklo ni manongko a Polon, impakapetko amin nga ammok a boladas ket naawisko a limmubbon kaniak...napan kami idiay Badoc sakam nagdiretso idiay Currimao. nabayag kami a nagtungtong idiay igid ti baybay ti Currimao bayat ti panagmerienda mi iti kalluto a bibingka a dinagasmi idiay Gaang.

Bayat panangkittabko ti bibingka, mulmulenglengak ti napintas a rupana ket nagay-ayam ditoy panunotko, ania ngata no diay agpayso a bibingkana ti ngalngalngalek? napaisemak ket idi nakadlaw dinamagna no ania ti is-isemak...impambarko laengen a kaslaak makidik-kidik iti rimat dagiti matana!




ullong
5/10/2009 8:46:07 AM

Nalpas semana santa nga inaldaw a nakarungiitak. Napasungbatkon ni Donnalyn ti taga Cabugao a bumalasitang, in-inaudi bassit ngem siak, nobiakon! Idi napankam Currimao, bimmagsak ti Bataan, immuna nga inniggamak dagiti dakulapna. Nagdumog ngem saan a nagkitakit. Inirutak idi agangay sako inin-inayad nga inyasideg iti barukongko. Inulit-ulitko ti panangibagak nga ipat-pategko iti maratigerger a timek. Awan sungbatna idi damo. Saanko a rinuk-atan dagiti imana, idi umangad, indumudomko ti napigket a panagkitak kadagiti matana agingga nga isuda ti simmuko ket nupay awan ti rimmuar a balikas kadagiti bibigna, inibbatan dagiti matana ti nakaaawat a tung-ed, kasko la nakita ti panagungap ti barukongna ket kinuna ti nalukasan a pusona: "kukuanakon Ullong...sapay koma ti ayan-ayatta' inggana...inggana"

Iti linged ti puon ti niog, binuyanakami ti sumimsimsim nga init iti taaw...ti panangimulak ti umuna nga bisito kadagiti bibigna, apagilagid ngem simmuknor iti kauunegan a paset ti pusok, simriam ti barukongko sa nagkarayam ti pudot agingga iti pus-ongko a simmuknor iti nagbaetan dagiti luppok. Kasla nasippit ti pidit-pidit ti teksas a tarakenko!

Sumsumyag ti panagpatarayko iti binulodko a motorsiklo ni manongko a Polon idi itulodko ni Donna idiay Cabugao gapu iti ragsakko, tulagmi a saanko nga idanon idiay balayda ta secret pay laeng ti relasionmi... masapul a dahan dahan ta amangan no agunget dagiti nagannak kaniana.

Ngem idi makadanon kami iti kanto a pangidissaagak koma kaniana, bigla a rimmuar ni tatangna nga adu ti kaduana, nakaasut dagiti sumilsilap a talunasan, adda napan iti sikigak, adda nagsullat iti sanguanan ti motorsiklo, tinengngel ti maysa ti manibela...nakitak ti rumrummuar nga apuy kadagiti abut ti agong ni amangna...ken dagiti kumilaw a matana!





Tim McKee T. Borish
5/17/2009 4:48:58 AM

Delikado kan ngarud ita ullong. Kitaem baka taltalenda ta lekolekom!



Cresencio Yagin
5/17/2009 11:40:50 PM

Donnalyn kunam tay nobyam? Taga Cabugao. Baka kalugaran tay sinursurot ni Marvin idi. Taga Cacugao met
.
Idi naggappukay idiay Curimao. Dimo kadi napan indagas idiay panganan,dita ammianan ti rangtay,daya ti kalsada.No dika pay ammo kukuada Fred dayta nga panganan, ken panaderia. Kusina ti naganna.
Naimas ti lutoda nga tinapay.

Ammok nga idi rumuarkay dita bagatan ti ili,rangtay ti abagatan,Sumangat sa sumalog. Lasonglasongpay.Dipay nasemento.

Kasano ti panagtugao ni Donnalyn nga naglugan tay binulodmo nga motorsiklo.Nagpiapi wenno sinakayanna.?




Marvin Acosta
5/18/2009 1:37:22 AM

imbag nga orasyo mamanongski!

hakhakhak!
manongski cris, sadiay quezon ti pappapanak idi ta isu ti lugar da lily. nasalsalideg ti panagkalubbon iti motorsiklo no agsakay ti makikalubbon, naganas pay ti duayya dagiti umagep a singin a turod iti bukot a puon ti ragsak. ooopsi, kaslaak la idi agdengdengeg iti kanta dagiti kundidit [riar] iti apagsipnget a rabii.

mapan a kasta ti mapasamak kabsatski tim mackee, no agkapuykapoy ni donnalyn nga agdrama. saan laeng a diay lekoleko ni manongski ullong ti taltalenda, pati turturosona ipungetda a pingasan!

manongski ullong, agingga nga adda ni donnalyn iti sibaymo ket saandaka a basta sagiden a dangran ni tatang ken dagiti kakadduana ti kunak.




ullong
5/18/2009 6:31:02 AM

Apo met..saandak kadi a manmanongen appok ida ta disisietek laeng, adda pay sumagmamano a bulan saakto agkasangay...inggana ita ket agtigtigergerak pay laeng ta dakkel ti problemak iti napasamak..diak ngarud ammo no ania ti aramidek, kayatko pay ketdin nga irakurak ditoy aydat.com ta bareng adda makatulong wenno makaibaga ti solosyon.

diak makaturturog ken awan ti masnok a turong ti panunotko, idi kalman nadlaw sa ketdi ni inang ket dinamagna ngem kunak nga adda trangkasok...su a saanen a nagunton.

ngem ni manongko a Polon, nalaing ti angotna, siguro gapu ta addan padasna ket narigat nga iyalis ti alipusposna, imbagana a tulongannak no ibagak ti pudno, naglibakak ngem ammok nga kadagiti ngirsina a kasla nakaangot iti ginelgel a baraniw, adda pamalpalatpatanna ti mapaspasamak.

ti asina kaniak, inikkannak iti singkuenta pesos: inka agmerienda idiay A and F Kusina and bakery ta di kaslaka naulila a sunggo" kinunana "ta ton malawlawagan ta ulom ibagam to ti problemam"

imbes a napanak nangan iti pansit ken Spanish bread, inawisko ketdi ni Siokong, ti gayyemko a maysa met laeng a parirawek ket imbagak a kayatko ti makaraman iti marka demonio. Impambarko a cguro naimas ta apay a kasta a kanayon ti pagsasangnguan dagiti tambay idiay kanto, su a padasenmi koma met.

agsakit pay laeng ti ulok, su a diak maibaga no ania ti problemak ken no ania ti napasamak ngem daydi anag ti gin kasla ketdi dinegdeganna ti dagsen ti problemak ken ni Donnalyn. No dadduma kayatkon iti agpa Manila, agpakni bassit idiay ayan da ikitko a Selma ngem igaw-gawidnak met toy pusok...ania ngata ti aramidek????




Cresencio Yagin
5/18/2009 11:36:57 PM

Marvin, agpayso nga agdenna ti Cabugao ken Sinait ngem awan ti adu nga ammok nga nagan ti luglugar dita. Tila ammok nga lugar dita Cabugao ket Nagsantaan ken iti Pugos Cabugao.

Marvin, imbag nodi nakalwa di tarakenmo idi mairasras dagiti singin a turod dita bukutmo.




Marvin Acosta
5/21/2009 3:42:35 AM

sowi iti adu adingski ullong... nakaur-urnos ngamin dagiti nginabras ti liniayo ket nakapagkamaliankayo metten nga agtawen 55- 58.

manongski cris, 33 [29 iti rural areas ket 4 iti poblacion] ti barangay ti cabugao... brgy baclig, brgy bonifacio, brgy quezon ken brgy rizal ket addada iti poblacion. brgy nagsantaan ket adda iti ruar ti ili, kasta met ti brgy salomague.

hakhakhak! amman! madi agsuitsuitik manongski! adu ngarud a rigatko idi ta adayo met nwu to baay, batac, diak met ngarud kaya ti multitasking... tay agkararag kabayatan ti timam-timam dagiti singin a turod!




ullong
5/21/2009 5:40:00 AM

ayna kitam man laeng, adda man met gayam madanonkodtoyen...su nga assideg ti yumayko ditoy ta asidegen a diak kabaelan toy parikutko...ammok ngamin a sabali laeng no dagiti adda padasna a kas kadakayo mamanongko ti pagsakduan iti sirib, lalo no kastoy a problema ti saritaan...tay kunadan a saan a makigtot uray pay nagngipen iti kimat a saritaan dagiti toro a bulanglangan!

Aglalo kenka Manong Marvin, kayatko a tawiden koma dagitay galing-galingmo iti sinnaltaan, ta panagkitak, no dakayo ti simmakay, saankay a matnag ta agkiet a dagus ti bukot ni pangganakan...uray cguro ni Mang Jric ngem nabayagen a diak nakita ti alipusposna, amangan ketdin no natiliw nga agkemkemmeg iti pugo idiay asideg ti karayan, dyay barangay Uno kunadan sa, ta nalawa kano dayta a kapanagan, adu dagiti pugo a naimas a pulutan!

Mr. Tim Mckee, amerkano kaysa met apo...damagko ken ni lelongko a Hawayano, dadakkel kano ti paltogyo, ngem diak man ammo no agpayso, paputokenyo la kano iti mamitlo, agbalin a lulot, kasla aluminum a mapilko...damagko laeng chief, diak met ketdi mamati...sabagay sabali met siguro nga anggulo no dakayo ti pagkunsultaak iti parikutko, style kano...

Ayna Mang Cresing, diak san kabaelan, no diay Sinait ti nakapasamakan daytoy, sinait-saitdakon ngem amangan no kastanto ti banagko...ngem idi rabii, nagpanunotak, diak kabaelan a mapukaw ni Donnalyn kaniak, ti dakesna kuna ni manongko a Polon, ta kasla maangotna a babai ti pakaburiburak, diak kano pay maamlid ti butegko no ar-arigen, tay to ketdin mangala ti kapunganna ket agpadakami a pataraken...

addadtan ni manongko, baka masalamaannak, ton sumaruno, ibagakon ti problemak...




Cresencio Yagin
5/21/2009 11:58:23 PM

Talaga nga saan nga mapukao ni Lily idi kenka, Marvin. Gayam, ammom met amin nga suli ti Cabugao
.
Medyo maliplipatak pay ket di storyamon maipanggeg ken ni Lily.Umaayamdansa ti Valleyball id
aya.




Cresencio Yagin
5/22/2009 12:04:28 AM

Inton maminsan,nga agsinnarak kay ken Donnalyn.Ikarigatamto laengen nga ibayadan ti pletena nga apacabugaoen.






Cresencio Yagin
5/22/2009 12:18:18 AM

Wen gayam, Mangrugi ti Barro Fiesta ditoy Maui no Malem no bigat. No nalaikay iti ayayam nga sungka,umaykay makiayayam.
Sungka tornament. Diak ammo no kasano. Amangan no dagitay aglalaban ket nalaingda met nga agkirit.Kumimarda uray addapay natidda nga dua wenno tallo iti uneg ti dakulapda. Contes ti,innulyan. Grease pole.Saan nga kawayan.Tubo nga sapsapoanda iti purico. Babassit met ngamin dagitay kawayan ditoy. Saan nga mabalin nga ulyen.

Tallo nga aldao nga celebrasyon kailyan!




Marvin Acosta
5/22/2009 1:52:14 AM

adingski ullong, magustuak ti panakaurnosna ti istoriam adingski. sapsapulek ti parrikutmo iti linabag ti istoriam ngem diak masapulan ti problemam a kunam... adda laeng malagipko, ininspeksionmo met la a nalaing ni donnalyn? baka ket no saan a balasitang; barito ketdi.

manongski cris, wen manong, ni winnie rose, "lily" ti umaayam ti volleyball, outside hitter isuna, idinto a middle blocker toy numo. tennis met ti ay-ayam di wendy arlin, di sabong... kayatko a masursuro ti ay-ayam a tennis uray no masammukulak, hakhakhak!

malagipkon sa pay laeng dayta sungka a kunayo manong, nagsinan bilog... dua a linia a sagpipito nga abut, adda met sangaparis a dadakkel nga abut kadagiti pungto ti sungka nga isu ti nagnagananda iti pakasa- isu a sagpipitokayo ti abut; maikawalo diay dakkel... sagpipito a babassit a bato ti karga ti pito nga abut, agiddankayo a mangipagna- karagaan dagiti kinse nga abut iti saggaysa, awan malibtawan [saanmo a kargaan diay pakasa diay kasangom] agsardengka laeng nga agibunong no maipatang a maibus ti batom iti awan nagyanna nga abut, ngem adda met gungguna diay maudi a batom a maikarga iti awan nagyanna nga abut no adu ti karga ti mabatuganna nga abut a lakun ti kasangom. [ayanmon adingski ullong? diak met maurnos manen ti kayatko nga yisplikar]




ullong
5/22/2009 11:55:18 AM

Kastoy nay mamanongko ti napasamak idi intulodko ni Donnalyn a puon ti amin a parikutko:

Sinambengdakami kunak man laengen ta adda gayam da tatangna idiay kanto a pangidissaagak koma. Ginutad ni amangna ti takiagna a nakaalaan ti panagdissaagna a dagus iti motorsiklo. Lenengngesnak ti maysa kadagiti kaduana. Iniggaman ti maysa pay ti manibela ti motor sa isun ti nangiplstar ti stand tapno tumakder. Ginutadnak ti maraburangen a nakaliksabak iti silieta. ginuyod ni tatang ni Donnalyn isuna iti puwera a lugar. Nabatikami iti ayan ti lugan, nadlawko a napan ti ukel-ukelko iti mugingko. Panagkunak, nagbalinak a kolor mestiso iti butengko!

Siniputak ni Donnalyn a kasla kinaladkad ni amngna. Makasangsangit ta kasla kumilaw dagiti mata a kunam la no mangridis kaniana. Uray la kasla agtarabutab ti ngiwat ni tatangna ngem diak mangeg no ania dagiti sasawenna ta adayudan. Madamdama ginammatannak ti burangen ket impidegnak iti pakni. Nanayunan ti ulawko iti pigsa ti angot ti gin iti sang-awna. Pinunggosna ti kuellok sanak binitibit.

"Dinonsilliam?" uray la a napugsuanna ti rupak iti pinangdamagna.

Saanak a nakasungbat ta idi damo diak maawatan iti DONSILLA ngem bigla a nalagipko daydi istoria ni manongko a Polon iti naminsan a rabii nga agpapatangda iti sirok ti puwera ti kaimito.

Nagsarak kano ni Mang Angkuan ken ti nobiana idiay sirok ti sarguelas iti maysa a rabii. Saanda nga ammo a dumdumngegak iti saritaanda ket imbagana a tinirana kano!

"Nagannay met laeng?" kasta ti saludsod ni Manongko a Polon.

"Annay kinunana ngem nagdirdiretso met nga immuneg," insungbat ti gayyemna.

"Laglag, saan nga isuna ti dinonsiliam..sika ti nadonsilla!" kasta ti kuna ni manongko.

Isu a malagipko met laeng ti kayat a sawen ti donsilla...tay gayam adda annay-annayna!

"Dinonsillam?" inulit ti burangen ti saludsudna, sana inirutan ti panangkuellona kaniak.

"Saan sir..." uray la a nagtigergerak.

"Diak mamati langgong...kaponenka ita!" nagliab dagiti kasla sibeg a panagmatmatana. Naawananak iti puot!




ullong
6/6/2009 9:15:43 AM

ne apayen mamanongko ta kasla kay met la nadon...este, nakukkukan a bisukol...wenno apankay manen agbirokbirok ti maekstrayo...agannadkayo!

Nagrugin ti klase, maragsakanak unay ta idi kaunget ni amang, gapu ti kinaalikutegko, saandak kanon a pagtuloyen nga agbasa ngem naasianda sa met laeng su a pinagenroldak met...su a tuloy ti lakwatsa!

Ituloyko koma nga estoriaen ti napasamak ngem to man no maminsan ta adda malagipko...idi naminsan a rabii, linibasko tay pirated a DVD ni Manongko a Polon, kaduak ni Siokong a gayyemko a nagbuya...tay man SEX VIDEO ni Dr. AYDEN CO kaduana ti nobiana a ni KATRINA AKLILI...kasdiay gayam! Su a malagipko manen di kuna ni manongko a no donsilla, agannay kano...inur-urayko ti panagannay ni Katrina ngem pinasikig, binurang-it, pinadata ni AYDEN, ay ket awan met la ti mauraykon nga annay! Anak ti diaske a SIOKONG, impagarupko no green horn iti kasta nga estoria, beterano gayam ti loko, saan la unay a matagtagari...idi agtilmotilmonak a nangibaga: Ne saan metten nga agannay, kasta ti kunak....insungbatna ketdi: "Saanen a donsilla" Nasdaawak ta Siokong la ni gayyemko a Siokong ngem ammona ti kumilatis!

La ket padasenyo met mamanong a buyaen no kayatyo...ta di ket kanayon nga isu ti pagsasaritaanda...uray idiay telebisyon...su met la gayam ta kasdiay met!




jessiey
6/6/2009 1:23:41 PM

Manong Ulls.... Manong kunak kadi lattan ta disi kuatrok metten itay napalabas a bulan. Kunam ngarud Manong ket sumaksakuntip iti unget ni manongko iti mabuybuyana a panakahuesyo da Dr AYDEN ken KATRINA dita Phil Senate ngem idi nasiblukanmi ken atanudko a Gil a madama ti buyana ti nasao a video dita internet sp..kw..e.com ket apnu-aputanna met diay akinbaba a bibigna, kasla tay langana ti umapal! maisursurot payen nga agareng-eng idi! aglalo manen idi isublatna nga in-search ni Maricar Rayos- appayaunayen aya ti panaggang-angek na daydiay nga artista a balasang!!! arig nga uray kami la mapmapleng ken atanud ti pigsana! ala man ket adayo..... nangato bassit ti immulianmi a kayo gayubano iti lamisaan ti gazebo a nakaiparabawan ti laptop ni manong a paggapuan dagiti naiimas a nga areng-eng a kuldi-kuldingen ni ayat!



ullong
6/11/2009 4:07:35 AM

ne, Jessiey a kataeb, sika met lat' nadanonko...kasla nagpasgar metten dagiti malalaki...cguro kabutengda ti pudno a saritaan a kunam la no kattuno a kamote ti kapudotna! Sabagay, makauma ken adu dagiti pimmudot ti piditpiditna ken ni Doktor "Dilpat" Ayden Co...pay la ngamin nga inwarasna...sinarilina koman...ta man ti kunada.

Wen, gayam...nangrugin ti klase...nagagetak met a sumsumbrek iti eskuela ta kuna ngarud ni amang a no diak agsalukag...adda kaniakon, maburoakto kano iti sidong dagiti tambay...nalipatak koman ti anak ti sal-it a SEX VIDEO ta kaasi met ngarud dagiti babbai a linoko ni "doktor dilpat" ngem idi kalman iti klasemi a LITERATURE...nalagipko manen:...napagsasaritaanmi ti Filipino a RAMON MAGSAYSAY Awardee ken NATIONAL aRTIST : SIONIL F JOSE, dagiti sinurtna ken dagiti sinurat ni GABRIEL GARCIA MARQUEZ a NOBEL awardee...ti Hundred Years of Solitude a nakaalaanna iti NOBEL sa idi kuan ti "MEMORIA DE MIS PUTAS TRISTES"....Memories of My Melancholy Whores...ayna met DONCILLA manen ti usapan...pati gayam dagiti mararaem a tao...kaykayatda nga pagsasaritaan ti annay-annay...suna lang ta disente kano ti pannakayablatna...kasta ti kuna ti diaske a propesormi. Kuna met ti katugawko a gago idi makaruarkami iti klase...uray pay no kasano ti kinadisente ti ablat-ablat no pitatayyekko ti ulok...sunto latta nga isu nga innala ti turong ti estoria....dayta ti kunana...depende....basta siak adda panagraemko kadagiti BABBAI...inkiddayna...ket idi kitaek ti turong dagiti matana....dumdumngeg gayam ti maysa kadagiti nalalapsat a babbai a kaklasemi!




ullong
6/11/2009 4:17:14 AM

dakesna ti agtutuglep...Ramon Magsaysay Awardee F. Sionil Jose....kunak koma, binaliktadko metten ti nagan ni Apo National Artist...pride of Rosales...




managpaliiw
6/12/2009 5:16:34 PM

Jesiey,ken Uls, ipadiguyo man met ta Video nga binuyayo. Nabayag nga sapulsapolek ngem awan met ti masarakak

Kitaek koma met ti tabasda. Barbareng mariingpay ti manglayen nga sardam ti kinaagtutubo.




jessiey
6/12/2009 9:30:50 PM

....Kasta met kaniak atanud Ulls. Narigat no bastosen ti rimmuaran.

Kuna man ni manongko atanud Ulls, ket adu kano dagitay nasissisita pay a sanguen ti senado ngem diay pagproblemaanda unay ken ni Dr Co.

Ala, atanud, ituloymon a tay panangdungsmo ken Donalyn.

Manong Cris, paitalipunom ken atanud Ulls daytay paulo ti DVD a binuyada ken gayyemna a Siokong ta italipunoyonto to met kaniak. Naglaun la ket ti website a pakubayaan daydiay DVD da ti kunak.




Cresencio Yagin
6/16/2009 11:38:03 PM

KENKA TATANG


Pinatibker mo’t nakem
a pimmanao sidong dagiti ayayatem
Addaanka pay ti sagubanit palsi ta salunat
iti daydi nga aldao nga inkayo ipapanao
Pantalan Salumague
Adda panagkedked ti kaunggam
gapu ti agsasallupang ita panunot
a mabalin a mapasamak iti masangwanam

Ti inka panagdalyasat iti nalawa nga taaw
Amangan no dumegdeg ti inka marikrikna a samuyeng
Ket agbunga ti inka pannakapaay

Inkarigatam a kinalayat
Ti kasla mangrurod naalikuteg nga agdan
Natukadan tali, agindayon nga aglisi
Napigsa a nangkatakat ti maibusen a pigsa
Maudin a tukad minata ti tali
Nagkapsut, naibusankan iti pigsa
Ngem adda tao a tinulongan ti Dios
Nangigpil, nangisalpa kenka ti ngarab
Pannakaisalakan,
Nagsagabaka iti gurigor a nakadanon
Naglabes iti nagbedngan
Mukon gagangay a gurigor
Nagtinnag nga ammangao

Kinatawaan ken sabalin ti turong panangipagarup
Dagiti kadduam nga naikulong lungon panagbanniaga
Ti Dios tinarabaynaka ti nakana a samuyeng
Nagitured pannakaikawa
Panakailiw kadagiti napateg kenka

Ita isagut mi ti naimpapusoan a panagyaman
Sika ti bannuar ti imatangmi ken kangrunaan
Ti inkami masakbayan,

Pannakalapsut ti malalais a kinakurapay
Dagitoy a bunga ti panagibtur
Diminto itulok a lagip suminaka kadakami





Johnnyric Domingo
6/17/2009 10:09:21 PM

HALLA kayo! sabalin sa toy istoriaanyo! Gayyem Ulls, ipabulodmo man met ta DVD ta ilibaskonto a buyaen no awan ni Kumander.

Ikkam latta Manong Cris ta bakirek man dagita nauuneg nga ilokanoyo... napia la nga adda isarang ken Gayyem Razi ken kasta met kada Gayyem Sherwin ken Marvin....




Cresencio Yagin
6/21/2009 4:44:42 PM

Sagutko ken Tatang iti daytoy ngaAldao ti Amma..Sinan daniw. Ipanko koma dita sango ngem saanak nga makaiposte. Naisurat nga kasla koma daniw ,ngem saan nga rimuar kas iti kayatko. Nagsisilpo amin.



ullong
6/23/2009 1:43:46 AM

no madanon ti alingasaw ti kalman, agkanta dagiti sallapingaw
uray no tagainep laeng ti kulding nga agpadpadlaw
mapunas dagiti raniad panunot a tumtumpaw
ta ammok addaak iti umok nga saan a parparawpaw

dumteng ti malem umaplag ti rabii
awan dudua umapon ken agkulpa dagiti duayya ken saning-i
ngem kaskasdi nga agkankantanto latta dagiti sallapingaw
ta ammok nga addaanak iti sulbod a kas kenka a taklin ti tugodko a nagalawaaw....

para kenka mang cris.....




ullong
6/23/2009 1:47:56 AM

agpayso ta kunayo mang cris...saanna nga ammo ti agsurat iti sinan daniw ti blog yo...ngem uray ti daniw saan a mapunas ti siludna, uray medio balinsuek baliktad pannakaisuratna...naperdi cguro ti preno...ta uray no kayatmo nga idespasio...agtaraytaray met latta...



ullong
6/23/2009 2:13:16 AM

nalagipko manen ni Donnalyn idi kalman...addakami iti klase...subjectmi literature latta...pinabasa ti diaske a propesor ti Memoria de mis Putas...ni Marquez...ayyy uray gayam lakay tay DONCILLA ti kayatna...nalagipko ni Donnalyn...

nagisem-isemak a nagtangad-tangad, sipsiputannak gayam ti kaabayko a napintas a balasang..cguro masmasdaaw no apay a kaslaak langgong nga agpanpanunot a maymaysa...sinikonak...nakigtotak ket kaslaak nagam-ammangaw no kasdiay nga addaka iti tengnga ti makapaganas a tagtagainep...

'naktisal-it a propesor, nasiputannak gayam! nagkuestion...saankon a malagip dagiti mismo a balikas ti saludsodna ngem maipanggep iti novella a Mis Putas...nabiglaak ngem diak kayat nga awan lattan ti maisungbatko, baka met ibagada nga ibbong ti ulok...uray agpayso met, diak la kayat nga ipadlaw...

sungbatko: no bilang siakto ti lumakay ket adda tiansak a kumaidda pay laeng iti DONCILLA...uminumakto iti VIAGRA tapno saan a masayang ti rabii...aghanemonkamto idiay tuktok ti bantay...idiay tapao ti bantay...tapno awan makangeg kadakami...duayyaenmakaminto dagiti dalluyon ti baybay Tsina ket uray mapasagaakton basta la ketdi malpas ti donci... este hehehe...sako nalagip tay DVD ni Dr. Ayden Co ken Ms Kristina Aklili ken Maricar Rayes...ta uray no napintas ti maasawak no babayadan...saan laengen...naglalaok ti sungbatko!

nagriaw dagiti kaklasek a padak nga uma-areb-eb iti San Miguel...nagwingiwing ti diaske a propesor....ngem saan a napunas iti lagipko ni Donnalyn....




Johnnyric Domingo
7/1/2009 7:26:47 PM

Naimbag a malemyo Gagayyem!

Gayyem Ullong,doncilla met ti tawagmi idi agay-ayamkami pay iti volleyball, tay 'KILL'. Isu met la nga agkakatawa dagidi naayat a mangbuybuya ti ay-ayammi no ipukkawni idi iti doncilla! ta sabali-sabali ti kaipapananna aya. HAHAHAHAHA!




ullong
7/5/2009 10:57:32 AM

deyta a kawasnay balballawasyo mister Jric, kasla makitkitak ti nakintal a pannakaipiltak ti bola a tiplakenyo no kasdiay a domoncillakayo idi panawenyo iti baleybol...ket cguradoak ngarud a dagidi pinarparigatyo iti volleyball ket no makitadakayo itan no agaw-awidkayo dtoy ilocos...amangan no saan pay a napunas dagidi ut-ot ti pannakaabak, hehehe.

di la mabalin umayto makisarabo kenka ton agawidka manen...ta ikkannak man ketdi ti tip...no kasano ti napintas a KILL....iti volleyball, este donci....gayam!!!




ullong
7/5/2009 10:59:15 AM

di la mabalin umayakto makisarabo....kunak koma



ullong
7/17/2009 5:35:51 AM

adu ti nalakon ta kunam la no nabtak ti dam idiay langit. adu ti nasayang a mulmula ditoy ilocos, sumanantip tay kaklasek nga intsik ta kimmapsut kano ti benta ni amangna kadagiti negosioda....ngem siak agpipiesta ti utekko ta awan la ngaruden klase, nadenggoy ko pay toy maysa a kaklasek!

---asideg laeng ti kaserana, awan maluganan a traysikel ta nalayus pati kalsada, inyupreserko nga itulodko, amangan kunak no mayanud isuna...kimmagat, nayat...inrantak nga indumudom ti sikok iti takiagna...ken imbagak a no kastoy a layus adu ti uleg ta nalapunos dagiti abutda...dina ammo adda pay uleg iti abayna...hehehe suna lang ta dua ti sakana....kasla malipataakon ni Donnalyn no kastoy a kastoy...tay kunadan, no dinnodtoy ti apuy a pakayasidegam...su kano ti bumara...gil-ayab ti tinnagna inton agangay.

ti ganasna, imbagak nga agpasiarakto idiay kaserana inton malem...nayat...su a panpanunotek ita no ania a boladas ti pangpakagatko kaniana...




Cresencio Yagin
7/18/2009 9:04:40 AM

Wen nga agpayso. Saan nga angangaodaytoy nga naipadamag. Ita laeng. Kangkangeko itay laeng nga padamag iti Radio KPMW. Nomnumona ket inbagada nga Pug os,Jordan,Pacis ken Tapao kano ti nalayus.Tinawagak pay ket diay Radio Station ket agkatawa met diay anouncer.

Nagminar man tay kasla uong ti pagay dita barukongnan.Nabasa,ta nasaprian. Dimaawatan nga agpayso ti rikna. Maidingkal ta siko ket nasakit. Ngem no balasang ket makakuriente,ngem naganas.




Cresencio Yagin
9/1/2009 7:47:55 PM

Umay a tawen. Electionto manen. Di ngata mabalin no makibiang tayo met. Asinno ngata dagiti tumutop nga pilyen dagiti tattao.

Umona . Agapadentay dagiti kaadwan a problema iti pagilyantayo.Isu nga ti masapul ket pilyen, dagitay makabael a mangsulbar ken mangited ti soluttion. Asinnoda ngarud dagitoy? Dayta saludsod.




ullong
2/4/2010 2:30:13 AM

Nagpukawak iti nabayag bassit ta diak intuloy nageskuela. Nadagsen ti dimteng a problemak. Uray sinno ngata met...uray dakayo cguro ket aramidenyo ti inaramidko no dakay ti adda iti saadko.

Malagipyo..daydi kaklasek nga naboladasko idi naglayus, nagangayanna a nagbalin a nobiak. Iti nalawag a pannarita...nayalak idi agbayag. Saan laeng a namnaminsan ta idi napadasak a kasdiay gayam ti aglangoy iti rabaw ti ulep, inulit-ulitko!

Basta mailingedkam bassit..kueenmi manen. Nasipngetan kami, tira manen! Basta makapagwayas kami..tira latta! Anian amang...kankanayonak nga agtigtig-ab..adda pay sagawisiwna!

Ngem makabulan kam laeng sipud rinugianmi...bigla metten a dimmakkel ti pus-ongna! Idi kuan ibagana a siak kano ti amana! Dinamagko ken ni manongko...nak ti sal-itka..saanmo a kukua daydiay kunana...uppat a bulan santo malasin koma ti tianna.

Agpayso! Maikalima laeng a bulan kalpasan di damo mi a kinnua...rimmuaren tay nalapsat a maladaga. Siak latta ti ibagana nga amangna. Nagbuatitakon!




Cresencio Yagin
6/5/2011 1:48:04 PM

Pinadasko manen nga sinublian dagiti adu nga istorya nga naidasar iti daytoy nga Blog.No daduma kayatko manen nga nayunan. Adu dagiti naiburay ken adal nga mabalin nga nasayaat met no maminsan. Adu dagiti ray-aw iti biag kadagiti mabasa.Medyo maliplipatak ngaminen. Makaisisemak ita napabaro iti panunot. Kablaawak Man da ullong ,(parbo a nagan) Alex, Johnniric,Jessiey, Marvin ken kadakay amin nga naanus, anakaiburay kadagiti makapaisem nga storya.



jerico ray
6/15/2011 12:39:25 AM

Manong Cris, Ingalutdan sa ni Gayyem Marvin-en, HAHAHAHAHA! Kasta met ni Manong Ullong, baka adu unay operarenda dita emergency room.



Balasang ti City
6/17/2011 3:09:17 PM

Naimbag nga malem yo amin gagayyem...

Manong Cres, kunak lattan kenka. Madama iti break ko iti trabaho, isu nga immayak limmabas ditoy nadayaw nga balay mo. Iti maysa kadagiti Blogs mo, nabasak nga sinurot mo ti kapisi ti puso yo nga napan ka nakire-union iddiay Honolulu idi September 2007, NLTC Class 1972. Ania kadi ti madaydayaw nga nagan ni Misis yo? Amangan la ketdi no am-ammok isu na ta nagbasaak met iddiay NLTC, Class 1972. Agyamanak unay gayyem.




Balasang ti City
6/17/2011 3:11:45 PM

Happy Father's Day to everyone!




Agposte

Ag-Loginka pay nga umuna Kailian sakbay nga agposteka.