iluko.com - website a magustoan a pagpalpallailangan dagiti pada a nangisit ti sikona.

aay! saringit

 

Skip Navigation LinksHome > Blogs >



anya manen ngata
9/26/2008 11:09:32 AM

napnuan pingping ko nalailo nga isem
ay-ayuen na amin-amin pati nakem
pumaragsit payen nadangran a tumeng
kalpas nariknak rayum nga agmalem
ngem diyak mabukel no anya aramidek
sumrekak manen ti sumuganad a pasdek

wen nalukag manen naikupin nga ayat
agam-ampayag tay dati nga agpapa-arayat
agrukbos ta natedtedan manen linnaaw
ngem adda biddut mabati nga mawaw
kasla dati awan sapata, makaammo ka
ngem apay biagko agsublisubli ta

tatta agduadua nga rikna rakpennak
ammo kon pagtungpalan no umayak
ipapas mo dagiti unget mo kaniak
idi naan-anusak, tatta adda butengko
ta nagbalbaliwen toy nomo, biagko
ngem uray no kasta, addaak tonto




Comments



manonton dalan
9/26/2008 11:11:16 AM

nasalikawkawan san

pinarpartakak simmangpet
ta nasapa tatta a sumipnget
nadanon ko ni ading ko balasang
masdaaw; ibabaon ko nga gumatang
sabong, tsokolati ken bangbanglo man
makaisem ngem diyak sinungsungbatan

inayabak da manang ta buludek tay lugan
ammok dinak pabainan;siyak tagatarimaan
ni uliteg ko agpada kami lupot, mabalin
ko nga ipadas diay adda buaya nga berdin
nataraki relo ni manong ngem adda siakpad
narigat no awan kuwarta; awanan ka kalidad

di nagbayag nakasaganan, adda pay “aysus”
ungngo-ungoak sabsabong a kapurpuros
apo a rikna agrakutok, uray la kiburen nat ulok
ngem napadas ko toy idin, napuskol pay buok
inayabak ni biagko, makabang-ar nga sungbat
aay! balong … nasalikawkawan ka manen ayat






Agposte

Ag-Loginka pay nga umuna Kailian sakbay nga agposteka.