iluko.com - website a magustoan a pagpalpallailangan dagiti pada a nangisit ti sikona.

Ladyheart

 

Skip Navigation LinksHome > Blogs >



PAKULO V -- Part 1
1/10/2006 10:22:38 PM

Adtoy manen ti tagtagi-urayenyo a pakulo ni Ladyheart! Itoy a bilang, mabalin nga ammuek ti panirigam ken ayat (ta bareng data't agkagasat? hehe!)Sungbatam ngarud dagitoy a saludsod (a naadaw kadagiti pagteng ken pasamak) ta tingitingenta kalpasanna no umiso met laeng ti kaipapananna iti pudno a biagmo. Uray naasawaan, balo, baro, balasang, ubing wenno nabaakan mabalin latta. Ala itiramon kabsat adda kenka ti waya-waya! Pinadas ko met a sinungbatan ket napnekak kadagiti impasimudaagna.

Napagdesisyonak a guduaen daytoy a Pakulo bilang ta baka masapul ni 'nong Andy ken 'nong Cliff ti antiparra no sumungbat ken agbasada gapu iti kinaatiddogna!hehe

1. No kas pangarigan umadanin ti panungpalan wenno ukom a kas kuna ti Biblia ket maaddaan ka ti gundaway a mangisalakan iti maysa a kita ti ayop ania kadagitoy adda iti baba ti piliem?
A. Rabbit
B. Karnero
C. Ugsa
D. Kabalyo

2. Kas pagarigan napan ka’t Africa. Adda binisitam a tribu ket ipapilitda a mangiyawidka ti animal a kas souvenir wenno pakalaglagipan, ania ti piliem?
A. Songgo
B. Lion
C. Uleg wenno karasaen
D. Giraffe

3. Adda naaramid mo a madi. Imbes nga agbalin ka a tao, dinusa naka ni Apo ket pagbalinennaka nga ayop. Ania’t kayatmo a pagbalinan?

A. Aso
B. Pusa
C. Kabalyo
D. Uleg

4. No adda pannakabalinmo a mangpaawan iti maysa a kita ti sibibiag iti agnanayon, ania kadagitoy a sumaganad ti piliem?
A. Lion
B. Uleg
C. Buaya
D. Pating



Comments



cP
1/10/2006 11:15:06 PM

'papaudiak bassit he he he! amangan no ania man daytoyen!





Lei
1/11/2006 12:10:24 AM

Ana ka met cP! kasano a makatukma ka't pamusian no kasta nga agpapaudi ka met? :-)



Alvin Suguitan
1/11/2006 12:55:19 AM

sumarsarunuakto kenkan cP.agpayso ta kunam tingitingen pay ta nalaing



nalasbang
1/11/2006 12:58:04 AM

Mareng Lei, dayta tay makuna nga nakapoy tay tadi nga nakabidbib diay sakana. hihihi.

Siak man ti umana "Kirat-kirat".

1) karnero
2) giraffe
3) kabalyo
4) pating




Alvin Suguitan
1/11/2006 2:54:49 AM

anya met ni nalasbang, kapuy kunana metten...alaman laengen.

1 rabbit
2 giraffe
3 aso
4 buwaya




'nong
1/11/2006 10:09:59 AM

no malpas tay karibalko siakto metten ti sumaruno he he he....



John Cachola Jr.
1/11/2006 10:40:40 AM

Dagitoy ti sungbatko, ading Lei.

1. Kabalyo
2. Songgo
3. Aso
4. Uleg

Agpilika man met ti sungbat kadagitoy saludsosko, ading Lei?

1. Ania kadagiti naparsua nga adda payakna ti magusgutuam?
a. Manok
b. Manok
c. Manok wenno
d. Manok

2. Kadagiti manok, ania ti magusgustuam a taraknen?
a. Kawitan
b. Kawitan
c. Kawitan wenno
d. Kawitan

3. No adda kawitan a tarakenmo, ania ti ipanaganmo kaniana?
a. John Cachola Jr.
b. John Cachola Jr.
c. John Cachola Jr. wenno
d. John Cachola Jr.

Naimbag nga orasmo, ading Lei!




Marilyn Lagazo
1/11/2006 12:25:03 PM

Lei Adingko,
Daytoy met ti choices ko:
1-Rabbit
2-Sonngo
3-Pusa
4-Uleg




Mitirrr
1/11/2006 2:25:58 PM

Lei Ading Biagko
1 Karnero
2 Songgo
3 Kabalyo
4 Pating




Andy
1/11/2006 6:36:19 PM

amirisek pay a naimbag amangan no isut pakaitublakak, hehehe.



Leilanie Adriano
1/11/2006 6:39:23 PM

Hehe! John Cachola Jr. awan met mapilik kadagita ibagbagam. Niwei, agyamanak ti isusungbat mo.

Urayen tay pay ni Apo Andy a sumungbat sakonto ibaga dagiti kaipapanan dagiti sungbatyo.




Ninong
1/11/2006 8:48:35 PM

...iturturedkon ta ibagada met a daytoy kano ti gapu a diak makatiliw ti pamusian:

1- D. Kabalyo -they are sweet and loyal.
2- B. Lion -imbag laeng nga ipasango 'tay German shepherdda!
3- B. Pusa -nalambing kas itay pusak ngem kayatko a ni Lei ti amok!
4- C. Buaya -crocs...imbag pay a mapukaw baka no sidaenna tay kunkunak!

....bari, bari. Iyad-adayom apo! 'nia man ngata daytoyen!




Leilanie Adriano
1/11/2006 8:51:22 PM

Apo met apay ngata a no maipanggep ken ayat ti pagsasaritaan ket atras-abante dagiti kawitan mareng Jo ken Marilyn? Ngem no bumigat ket nalaing da met nga agtaraok kadagiti pamusian? Hmmnn...kasla makaawat dagiti upa, mabutengda a malukaisan dagiti ilemlemmengda!



Josie Herrema
1/12/2006 4:34:13 AM

Ne, maka padanagkan sa metten marengko apay mapasya amin daguitoy kawitanen?.



John Cachola Jr.
1/12/2006 5:30:09 AM

Adda met pagpiliam dagita saludsodko, ading Lei. a, b, c wenno d! Maysa laeng ti piliem.

Kumustakan, ading. Uyekak nga uyek ta daytoy mammallot a mangtartaraken kaniak ket mapanna met payubyoban ti ulok iti asok ti tabakona.




Leilanie Adriano
1/12/2006 9:33:38 PM

Hehe! ABCD nga agpayso a ngem isu met la nga isu. Kas tay nagsasanga a dalan nga isunto met laeng ti tugmukenna a papanan a disso. John Cachola Jr. met ngarud diay maudi a pagpilian ket diak met ngarud mapagpiaran! hehe

Ala sige bay-am nga uyekandaka diskarte kan dagiti mammallot dayta no adda met la siglat ti tarakenda. No madugtalanna a saan ka a pangtadi, ay agsaganakan, umasideg tay paryok iyadobo daka! har har!

Ur-urayek nga agsungbat ni Apo Andy ngem busy sa met unay? Hmmnn, gurka man ta ikkak ti pakaikapisanna! hehe




Leilanie Adriano
1/12/2006 9:37:10 PM

One.two..ready...cue in:
Intay ngarud bukitkitan ken lukaisan a saggaysaen dagiti kaipapanan iti pudno a biag dagiti nagsungbat. No intay burayrayan, kasla nakakatkatawa ngem no intay anagen, agbalin daytoy a pagsarmingan iti tunggal maysa.

Nalasbang, gapu ta sika’t addaan tured nga immuna a simmungbat, sika’t umuna a lukaisak ti paldana este abungotna kunak koma hehe

Ti umuna a saludsod, iparangarangna no Ania a kita ti kinatao ti pakaawisan ti imatangmo iti pudno a biag? Karnero ti insungbatmo, kayat na a sawen, agsapsapul ka iti natudyo ken nabara nga agayat kenka. Maikadua a saludsod,kastoy man ti ipasimudaagna. Kabayatan ti panaginnarem, ania nga estilo ti tumalab kenka? Gapu ta Giraffe ti insungbat mo, bulls eye dita pusom tay makauray nga agay-ayat kenka ket saan nanto pulos isuko ti ayatna para kenka uray ania’t mapaspasamak. Maikatlo, masungbatan daytoy a saludsod: Ania ti kayatmo nga imula iti kapanunotan ni ay-ayatem maipapan kenka? Kabalyo ti insungbat mo. Kayat mo nga ipamatmat kenkuana a sika ket saan a maaw-awanan iti namnama nga iti agnanayon dakayonto latta. Maikapat, Ania ti mabalin a mamagsina kadakayo iti ay-ayatem/ ania nga abilidad ti kaguram iti maysa a tao? Pating kunam, ngarud kaguram ti manangimon ken insecure tay tao nga awan panagtalekna iti bagina.

Sika met Alvin James Oswald Suguitan (kitam ket naikitikit ka ditoy panunot ko hehe). Paggugustom ti tao nga addaan “split personality.” Kayat na sawen, kas kalamiis ti yelo ti ipakpakitana kenka ngem kas kabara ti maysa nga alipaga ti pusona ti birbirokem. Maikadua, Giraffe. Agpada kayo ken nalasbang, kayat mo tay tao a makauray ken saan nanto pulos isuko ti ayatna para kenka. Maikatlo, Aso. Kayat na sawen, kayat mo nga ipakita iti ay-ayatem a dimonto pulos isukat isuna, a sika ket mapagtalkan ken saan monto isuna a guliban. Maudi iti daytoy a paset, Buaya kinunam. Kayat na sawen, dimo kayat ti kuspag, awan panangilala ken managinkukuna a parsua. Napnek ka met laeng? Hehe

Sika met John a taraok a taraok, palubusannak a mangkulapot ita ab-abbongam a kalson silyo este mata kunak koma. Kabalyo, pagga-ayom dagitay tao a napigsa’t pakinakemna ken napnuan waya-waya kadagiti amin a kayatna nga aramiden ken ragpaten (Hmmn, siak sa dayta ah!hehe). Songgo, makaay-ayo kenka dagitay tao a creative wenno saan nga agtutulad ti estilo kas iti dadduma ken tay nalaing a pumakatawa. Maikatlo, aso. Padam ni Alvin, napudno kano nga agayat. Maudi iti part 1 ti Pakulo V, uleg. Karurod mo ti naarte tay dimo ammo nga ay-aywen no kasta nga agpasugnod wenno mapaguram. Hustoak met laeng?

Manang Marilyn, daytoy met ti para kenka. Agpada kayo ken Alvin a Rabbit. Kayatmo tay addaan “split personality” a kunada. Songgo, padam ni John ken Mitir. Magustuam ti tao a creative wenno saan nga agtutulad ti estilo ken tay nalaing nga agpakatawa. Maikatlo, agpada kayo ken ninong ta pusa ti insungbatmo. Paggugustom tay tao a naestilo iti amin a banag. Uleg, padam ni John a kagurana ti naarte ken narigat a pakibagayan a tao.

Biag ko ta rupam mitir a peke hehe! Ituyok mo bassit ta labusanka! Hakhak. Karnero ti umuna a sungbat mo. Agpada kayo ken nalasbang, (diak la ammo no balasang wenno nalasangen hehe) paggaayat mo tay natudyo a kasla Karnero ken tay nabara nga agayat (Opps alwadam no masinit ka!) Songgo, kapadam da John ken mg Marilyn. Alisto ka a mainlab ken tay balasang nga adda sar-sarampiting na ta nalaing a pumakatawa ken addaan iti naidumduma a talento tay creative a kunada. Kabalyo, agpada kayo iti kapanunotan ken nalasbang kayat mo nga ipamatmat iti ay-ayatem a sika ket napnuan namnama. Pating ti naudi nga insungbat mo padam manen ti sungbat ni nalasbang (makadlawak bagay kayon sa ketdi ah!) numero uno a karurod mo tay manangimon ken awan panagtalekna iti bagina a tao. (Ala, ag-sapinkan.)

Sika met Ninong ko a batido iti amin a banag hehe, kapadam ni John ti umuna a sungbat. Pagga-ayom dagitay tao a napigsa’t pakinakemna ken napnuan waya-waya iti aramid ken kapanunotanna. Lion, tay agbalinto a ninang ko (no bilang awan pay) ket maayatan ka la unay no isun a mismo ti agarem wenno mangpasimudaag ti ayat na kenka!hehe. Iti ababa a sarita, magustuam dagitay tattao a prangka. Pusa, padam met ni manang Marilyn, kayatmo tay naestilo. Buaya ti napilim iti maudi a saludsod, agpada kayo ken Alvin. Saan mo a kayat ti natangsit a kababalin, awan panangilalana wenno panangisakitna iti padana a pinarsua ken tay tao managinkukuna. Napudtoak met lang ninong!!?





Ninong
1/13/2006 12:49:50 AM

'Nia met tay balasangkon, saanak met a batido iti amin a!

1. -Wen balasangko. Maliwliwaak a mangbasbasa kadagiti sinuratmo.

2. -Wen balasangko. Ti dakesna ket saan met a 'leap year' ita. Malaksid no.... he he he (advance Happy Birthday gayam!)Kunakto met a diak itugot ni ninangmo baka makitana diay pinang-mulmulenglengkonto kenka intono agmartsa ka idiay simbaan..."I went to your wedding ~~~~ Although I was crying! ~~~~" he he he
Narigat ti makeddel ti siketna!

3. -Wen balasangko. 'Naestilo'? Nayonakto iti 'Givenchy' a lipstick tay chocolate a pasarabok kenka ngem siak ti mangpili ti shadena! Burgundy-red maybe? Glossy black?

4. -Wen balasangko. Kas kenka sadiay profilemo, kayatko tay serioso no business tay pagsasaritaan!....'su siguro ti gapuna a sika tay kaykayatko nga anak ti kasar! he he he!

Ni 'nong Andy ket kineddelda siguro idiay UI isu nga awan!




nalasbang
1/13/2006 1:20:10 AM

Agsapsapul ti natudyo ken nabara nga agayat? ni madi daytoyen a, ngem addan ken agikot kaniak no mabaybay-anna adda met laeng kaniana.

Bulls eye? maka uray nga agayat ken saan nanto pulos nga isuko ti ayatna para kaniak uray ania't mapaspasamak? daytoy tay kabutbutingkon, numnomuna na isawang na mismo iti asawana nga no mabaloak ket maki sinoblianto kaniak.

Kayatko nga ipamatmat nga saanak nga maaw-awanan ti namnama nga iti agnanayon? o.k. agpayso dayta ken ammo met toy akin ikot kaniak ta iso ti kanayon mi nga pagrinrinupiran.

Ania ti mabalin nga mangpasina kada kami ken ay-ayatek? hehehe tay agimon nagmayat tay pannakaalanan sika. Insecure hmm medyo ngem tay tao nga awan panagtalekna iti bagina dayta ti diak nga kayat. Ta iso dayta ti diak kinayat kenni Bulls Eye.




Ninong
1/13/2006 1:26:42 AM

Ammom no apay a diak kayat nga itugot ni Ninangmo?

Idi naminsan a rabii, nalagipmi ti nagayayam: (Jo, ta isemmo.. bay-am a ni Lei ti mang-interpret.. he he)

Ninong: Baket, 'agubing-ubing' man ti ay-ayamta ita a rabii.
Ninang: O sige, ngem siak ti umuna.
Ninong: sige ngarud.
Ninang: Ehe ehe ehe... (kasla ubing a nagsaning-i)... papy, kayatko ti nalingta a dua nga itlog ken dakkel a longanisa ... ehe ehe ehe...!

Sitatalugod ni Ninong a nagserbi kenni ninang. "Batangkonto laeng" kinunana iti bagina. Kabigatanna:

Ninong: Ehe ehe ehe (kasla ubing a nagsaning-i)...
Ninang: (Kinatusanna ni Ninong)HAL-OTKA A LAKAY! BUMANGONKA KETDIN TA INKA AGI-WAYWAY! AGUBING-UBING KETDIN A BIGBIGAT!

he he he! kaasi met ni ninongmo!




nalasbang
1/13/2006 1:30:49 AM

Hello ninong bigbigat umayka man agar-arimen. makita naka ni ninangko a, ipulongka ni.



Ninong
1/13/2006 1:46:38 AM

hello nalasbang. 'bag la a pangisabalian iti panunot no kastoy a diak mai-concentrate ti ar-aramidek. di bale dida met ma-awatan dagitoy kakaduak! he he he.

niat katuloyna ta naganmo ading nalasbang? (saludsod a nadungngo, baka ibagada man a batidoakon! he he he




Alvin Suguitan
1/13/2006 1:54:45 AM

isu met la gayam.......




Lei
1/13/2006 3:00:59 AM

Ana't kayat mo a sawen ta isu met la gayam a sungbat mo gayyem Alvin? hehe! Dila mabalin ilaw-lawag mo kaniak?hehe

Ay ninong ko aya! Hakhak! Dayta ket ti maal-alam ta agpapaudika! hehe! No siak ket kay-kayat ko tay mangbusat! :-)

Nalasbang, ana mayat met laeng daytoy pakulok? kasla pudno enya?hehe

Ala ngarud, ta innak pay lutuen tay part 2.




Lei
1/13/2006 3:11:43 AM

Ay adda nalipatak ninong. Burgundy red? Glossy black? Hump mandik met trip ti kasta a shade 'nong pang-baket tay bakbakellet!! wahhhh!! Diak pay ketdi ag-lip-lipstick ta red lips nak a sig-sigud! hehe! Iyarasaas konto lattan diay kayatko a sarabok kenka ket no agidanon ni nalasbang (anak mo met pay gayam imbag lang ta siak ti paboritom hehe) ken ninang ko baka kuddotennak singit! aruyyyy!!



Ninong
1/13/2006 3:36:57 AM

as long a you wear them with plain black and or white clothes, the colors should go with your high cheek bones!

avoid bright clothes when you wear these shades.and wear lipstick only. not even an earring, except if you find a fancy light black one. never a metallic gold or silver!

apay ammom kunam? I have clinical eyes for smart women. I don't care if they are beautiful or not but i like to go with simple however intelligent women.since you are a working lass, don't carry your bag by its sling. use the short handle to put in your shoulder!

don't mind the age

ala practisem balasangko ta ayabankanto a kaduak no mapanko bisitaen ni GMA!




Alvin Suguitan
1/13/2006 3:53:58 AM

i-email konto la kenka ti sungbat kon lanie. ti kaadu ti tumar-taraok kenka ket baka ipakat da pay dagitay tadi da itoy numo...namak payen no tay iyan-anawak ti mapuntaanda.....ay! pimanen a tay giraffe ditan hehehehe.



Alvin Suguitan
1/13/2006 4:04:12 AM

okay, just an idea! ngamin ket agpayson sa met dagidiay interpretasyon mo kadagidiay aanimal ko hehehe. ket mariknak nga adda maysa nga upa apakai-centro an na la unay dagita nga ablat mo.

iti apagbiit nga kaadak dita laoag, lalo nga nabibiit dita rizal park :-) ket umiso, wen, umiso dagita nga interpretasyon mo. ana't makunam?




nalasbang
1/13/2006 4:43:33 AM

No kaniak nga bilang ket talaga nga ma-am-ammonak nga nalaing gayyem gamin adda ditan tay kayatna nga sawen ken pangilanadak ti mapaspasamak ko iti agdama.

Ala ket darasem ta part 2 na tapno paggidyatek manen no pudno met laeng dayta part 1 na.




John Cachola Jr.
1/13/2006 5:47:40 AM

Ading Lei, simmardeng a dagus ti panagtartaraokko idi nabasak ti interpretasionmo ta naltutanak ti kinapudno amin nga imbagbagam!

Simgar pay ti dutdotko! Nagadalka kadi met ti astrology? No nagadalka ipatulodko ti xerox copy daytoy kuraykay, a..e.. dakulapko (kunak koma)kenka ket ibagam man, ading, no adda pay la namnamak ta sumardengen ti panagtartaraokkon?

Naimbag nga orasmo, ading Lei!







Marilyn Lagazo
1/13/2006 10:50:27 AM

Lei,
Mayat ngarud amin nga insungbat ko, malaksid iti Rabbit. Diak kayat ti tao nga "split" ti personality na. Unpredictable daytoy, tay kuna da nga adda sumsumrona, wenno adda bulan-bulanen na.hehehe




Lei
1/13/2006 6:49:07 PM

Ehermm kasla naadatanak bassit dayta kinunam manang ko a! hehe. Agdepende met ketdi iti tao dayta.

Ayna John no sumardeng nga agtaraok ni San Pedron ay dakesen ah! hakhak!Kunak met kenka saanak a nagadal ti astrology hilig ko lang ti agbasbasa. Denggem barok, sika met lang nga akinbagi ti mangiturong iti gasat mo saan a ti gasat ti mangiturong kenka.

Alvin pare (hehe), dika ngarud makadanag ditan ket no umay daka siplagan a dina oras makabasolak pay!

Nalasbang, ala iyuray mo la biiten ta ilinay ko pay.




nalasbang
1/14/2006 12:57:27 AM

Yamanan ading Lei,

Linayem nga nalaing tapno ta diak kayat tay nakusel.




Elsie Talania
1/14/2006 7:30:24 PM

Komusta ka Ading Lei nga nalasbang?



Leilanie Adriano
1/15/2006 5:29:16 PM

Elsie, kasla familiar ta nagan mo kaniak batch ka't MMSU?



Alvin Suguitan
1/16/2006 6:13:15 AM

hahahaha apay madanagan ka aya no makidanggayak nga makitaraok :-)



Alvin Suguitan
1/16/2006 6:15:38 AM

correction.....tay rabbit dita kunak koma ket saan giraffe.....naadat kadi?



Leilanie Adriano
1/16/2006 5:30:24 PM

Hehehe! saan met ketdi unay ta naruamakon a maad-adatan! ana koma't pagdanagak karbengan amin a kawitan ti agtaraok kasta met dagiti upa nga agkutak. Tila makadakes ket no agpalting dagitay makintaraken ta mabuak digiti piek kdpy.



Ninong
1/16/2006 7:41:26 PM

...ken agpartengda kunam pay a balasangko!

Kumusta tay paboritok a balasangko?




calanasan
1/16/2006 10:02:12 PM

Kumustakan balasangko malaghlagipdaka unay da nanam ken dagiti dua a gayyemmo./



Marilyn Lagazo
1/17/2006 9:11:58 AM

Lei adingko,
Sorry, no naadatan ka diay posting ko iddiay ngato...baribari..awan ti gumurgura wen..kuna la ti sao...pagdenggan no kasano.....





Leilanie Adriano
1/17/2006 8:56:43 PM

Hehe! Okay lang manang ko awan anyamanna. Ti aginggem uring isu't mauringan! :-)

Calanasan, napalaos ti ragsak ko iti pannakasurot mo toy dasdas ko! hehe! uray met dakayo silalagip kami kanayon kadakayo. Sapay ta agkikita tayonto manen.

Hi Ninong! sika't umuna pangikissiimak no adda kayatko mapartengan ditoy! hakhak!




Ninong
1/17/2006 10:09:25 PM

Alistuam ngarud ti mang-parteng balasangko ta tapno mai-kamakam tay long table into agawidak! Makitak met laengen ti Apayao!

....where is the coffee..?




Josie Herrema
1/18/2006 4:17:32 AM

Adda dita sangom ninong dayta kape'm saan mo unay nga mulenglengan ta anakmo ti boniag or kasar tapno saanto ket di nga masibugan ta .... hihihi.



cP
1/18/2006 5:21:19 AM

Hello Jo..... awan masaok ita ta nagbalinak sa metten a muleng-leng! Addaak ditoy trabahok ngem awan pay nalpasko ta diak nag-kape itay bigat! Diak pay nangan ti pangngaldaw ta awan ganasko a mangan! hehehe!



Leilanie Adriano
1/18/2006 5:30:05 AM

Ninong, here's your coffee! Namet toy ninong kon ya ta agruam, ma-addict sa metla unay daytoy kapekon! hehe! Dina la ammo ik-ikkak ti pag-paamo!hehe

Mareng Jo, dinak ipul-pulong ah! :-)





Ninong
1/18/2006 6:19:34 AM

Ahhhhh. Now I am better!

Mabalin pay ti agpagawiden ta tapno awan ti istorbo!

Mare Jo, asino ti pagipulongam: Siak wenno tay kunkunak? Asino ti ipulongmo: siak wenno ni Lei? hehehe!




Jo
1/18/2006 7:08:40 AM

hehehe, kasla met la ado unay ti ammokon yong! ngem mismo nga da KK ken nalasbang diak nga masiputan ida.

ninong nan ta ipalobos ni apo ket alaen kanto nga ninong ni puraw hihihi annayko ngem no saan na kayat ti agboniag dakayo ay ket dakesnan.




Ninong
1/18/2006 7:40:56 AM

dika agang-angaw ta baka madamdama ket adda-ak ditan! no ma-confirm tay tripko diay Amsterdam ket agtaruskam dita!



Jo
1/18/2006 11:56:50 AM

Saan ka met nga agang-angaw ne, kitaem adayo ditoy ni ditoy ti pagtarusanyo ta no Amsterdam ket 2hours ook in Den Haag 2.30 uurtjes om te rijden. dat is eenbeetje moeilijk.

apay asino ti kadwam nga umay pare.




Nic
1/18/2006 12:17:44 PM

Kasano kaadayo ti Manchester dita ayan mo Jo?



Josie Herrema
1/18/2006 12:23:51 PM

by plain is 1.30 hrs. to amsterdam.



Nic
1/18/2006 12:28:17 PM

Kasano kaadayo Manchester to Almelo, by plane ken ibagam metten by Eurorail?



jo
1/18/2006 12:45:09 PM

Apay umayka aya ditoy almelo? ket awan met ti airpot gamin ditoy almelo isonga via manchester to amsterdam sakanto agpakastoy ditoy amelo.





Nic
1/18/2006 12:54:19 PM

From Amsterdam mano nga oras by Eurorail? Ken mano nga oras no by car?



jo
1/18/2006 1:10:30 PM

by car 2hrs.



Nic
1/18/2006 1:19:16 PM

not bad.



Nic
1/18/2006 1:20:13 PM

How rude of me! Thank you my dear Josie.



jo
1/18/2006 1:24:24 PM

Wen sweetheart mapanak matorogen. madi man ti bagin.



Nic
1/18/2006 1:28:51 PM

Nite dear, sleep well.





jo
1/18/2006 1:29:40 PM

Thanks, you too.



Nic
1/18/2006 1:34:51 PM

You're welcome!



Josie Herrema
1/30/2006 12:35:17 AM

Mareng Lei,

Ditoy mo nga inayon tay Part II na tapno mabasami tay sungbat nan namayat tay pannakalinay na itan ta talaga nga naininnayad tay panang linaymo.

Kumosta kayo ditan ket ni Vice awan pay damag sadiay?.




fred
1/31/2006 5:33:21 AM

jo..saanmo nga isungsong daytoy maysa a balasangtayo idiay kaltaang, wen?.. husto dagitay dua a nayaw-awanen



jo
1/31/2006 5:49:44 AM

hehehe..awan basolko, ngem no kayatda tay maki andingay umay kayo latta gagayyem ta adda kadwak ta mangbadang kaguitoy kalalakyan. hahaha.




Agposte

Ag-Loginka pay nga umuna Kailian sakbay nga agposteka.