iluko.com - website a magustoan a pagpalpallailangan dagiti pada a nangisit ti sikona.

Kulding ti kalman ita ken inton bigat

 

Skip Navigation LinksHome > Blogs >



Pattapatta,Pagarup,Arapaap nga napasamak ken kayat nga mapasamakto
9/12/2010 5:07:54 PM

Pampanunot,Pagarup nga tumaod iti rikna no aniaman dagiti mapaspasamak. No adda pasamak adda latta gapuna no apay nga napasamak. Dakes man wenno nasayaat.saan kadi.? Saan nga kayat a sawen nga pudno amin nga pagarup. Pagarup metla gayam. Adda met dagiti pagarup nga pumudno.adda met saan.

Kas maysa nga pangngarigan. Iti hostage taking nga naaramid kadagiti taga Hongkong nga turista.Kuna di maysa nga katrabahuak . Amangan no agibales dagitt mangisaksakit ken ni congressman Ronald Singson. Daydiay iti immapay nga pagarupna ket kasta met ti ti timmaud itipanunotko. Ngem gayam saan met. Saan nga pimmudno ti timmaud kadakam nga panunot.

Dakes kadi kakabsat ti agipagarup wenno agatap? Mabalin siguro nga dakes. Ngem malapdantayo kadi dayta.nga banag?

Ti rikna saantayo nga malapdan. nga agipagarup. Kaririknak laeng. Ngem kaaduanna nga maigawid tay ti dila nga mangisawang, ta amangan no saan nga pudno iti pagarup tayo.


Sakbay nga ruggyan tay ti agipaskil,dawatek man kadagiti makabalin a mamatigmaan no saan nga pakabasulan daytoy nga maaramid. Dagitay man makaammo ti paglintegan appo. Agyamanak iti urorayek nga patigmaan yo.




Comments



bom bom
9/14/2010 4:32:20 PM

Kek kek kek! idta koma dap-ayan palkitam diytoy apo CResencio.

IPagarupko mit a nabayagin nga ara-aramidin ni ROnald SIngson diyta nga inaramidna, ita laing a matiliwan! Uray ni amana kit napiklan mit a mannannakaw! agsubli-subli iti turay uray no awan mit napintas a magap-gapuananna ti turpi! Di la kit mabmabsog ti kinnana!




Cresencio Yagin
9/18/2010 8:38:33 AM

Dita koma sango ti kayatko nga pangipanan, ngem madi met nga agparang.Agpili met.



Ken H. Oagayen
9/24/2010 8:25:56 AM

Agyamanak kakang Cris iti kumentmo iti articleko.Saankon a masaungbatan idiay ta saanen a mabalin.Adda iti liderato no kasano a masolbar dagita a problema.No ti liderato kuna dagitay lalakay nga awan ti lategna, awan met laeng ti dumana ken GMA.

Ni Bishop retired Cruz iti Daupan City, iti exposena a nangangato nga opisyal wenno kabinete ni Pnoy iti umaw umawat ti milyones a kuwarta manipud Jueteng. Ti sungbat ni Pnoy, paimbistigana ken kinaritna ni Bsihop Cruz nga inagannanna ida. And now the good Bishop has spoken and named the names of the cabinet members involved.Maysa ni best friendna nga deputy Interior Sect. a ni Puno.Ania ti kuna ni Pnoy? Ni payen Bishop Cruz iti makabasol!!su nga Friend is sticker than good leadership!! Pwi pwi pwi pwi, a kas kuna ni kakang sutil.




Cresencio Yagin
12/2/2010 10:19:25 PM

Dagitoy nga paspasamak narigat nga maawatan. Maawatan nga saan koma nga mabalin nga kastoy. Kas koma ti pasamak idiay Maguindanao. Daydi daydi kaso dagiti Ampatwan. Siputantayo no annianto ti pagbanaganna. Masapul nga madusa dagiti nakabasol.Napalabasen ti maysa nga tawen.Awan pay ti nalawag nga akinaramid.

Ti di maawatan no kasano nga nagtungpal dagitoy nakaadadu nga armas iti ikutda.




tabbed
12/3/2010 9:23:36 AM

Manongko a Cres, dagiti paliiwmo ket natadem ket tumutop dagiti kapanunotam. Padasek a sungbatan ti maudi a binnatog ti paskilmo iti mismo a ngatuek.

Ammok nga addaka dita Hawai'i ngem nalabit a nabasbasam metten dagidi pannakasaed ken pannakaala dagiti igam dagiti bangkayen a soldado iti pagilian diay Mindanao. Dagita a buyot, gapu ti ginagaraw dayta a paset ti pagilian ket addaan kadagiti agkakapigsa nga igam ken ramramit iti gubat. Idin a narippuog dagiti Ampatuan, adda kadi pay madamag a pannakasaed ken pannakadis-armas dagiti buyot ti Pilipinas? No awanen, daytan ti sungbat ti "no kasano nga nagtungpal dagitoy nakaadadu nga armas iti ikutda." Ket ti agdama, napudasdasan a dagiti agkakapigsa a kalibre iti armas dagiti Ampatuan ket adda pagilasinan a kukua ti gobierno.

Iti sabali a suli, mabalin (mabalin kunak appo) a ti napalabas a turay ket inarmasanna dagiti Ampatuan gapu iti maysa wenno sabali pay a rason a minansan ti narugit a pulitika.

Panunot la ti tabbed dagita appo ket padaanantay koma ti iyaay ti Mesias a saan ket a ti iyaay dagiti nainlubongan iti daytoy a Paskua ken ti patinayon. Kastan.





Cresencio Yagin
12/14/2010 10:40:32 PM

No pumaysonto man dagitoy nga pagarup,sapay ta dagitnto nagbasul ket maikkanto koma iti maitutop a dusa.Dagitoy nga banag, masapul nga kitaen iti agdama nga turay,no pudno nga adda panangilala iti sangkailyan.

Maysa daytoy nga sanga iti kurrap,kinaagum.No awan ti agagum awan tumaod nga sakit ti nakem.

Kas idi kalman. Naipadamag nga naabsuelto dagiti maatap nga akinaramid kadaydi Bisconde masaker.Annia ti makunayo kadaytoy. Naipakat ngata iti umiso nga hustisya?

Dakayo nga nangsursurot kadaytoy nga pasamak,annia met ti makunayo.







Rodrigo Rosado
12/15/2010 1:37:52 AM

dispensa apo! naipaskil yo gayamen ditoy maipanggep iti pannakaruk-at ni Hubert Webb. diak nakita nga dagos ket nangipostenak idiay sango maipanggep ata.

Kasla ko metten sinapawan ti sarsaritaenyo ditoy. Ulitek manen, dispensa. Diak ammo nga immuna kayo.




Johnnyric Domingo
12/25/2010 6:44:46 PM

Naimbag a paskuayo Manong Cris. Kasta met kadakyo a nadanunko ditoy.

Kastay nagsarsaritaanta itay bigat, Manong. Di mapukaw namnamak nga addanto latta nalinteg a mangituray ti Pilipinas.




Cresencio Yagin
7/14/2011 2:10:58 PM

No mercedez ti lugan nga luganmo, mangipakita kadin nga baknang ti tao nga agmamaneho?



Marybelle
7/19/2011 12:42:50 PM

Kumusta kayo amin nga nadanon ko ditoy, naimbag nga oras yo!
Daytoy man ti bukod ko nga opinion ken kapanunutak iti saludsod mo dita ngato kabsat. Depende no ania ti pangrukudan ( individual standard) iti tao iti kinabaknang. Kas kuma dagiti dadduma, no addan urnong da a kuarta iti bangko nga ribribo , makuna dan nga baknang da, ngem chicken feed laeng no iyarig mo kadagiti tattao nga addaan iti milyones na. Kasta met iti balay, no addan balay ti maysa nga tao, makunanan nga baknang daytoy, ngem ordinaryo laeng kadagiti tattao nga addaan iti "mansion". No ti tao, nagaget nga agbanyaga ta nalawlaw nan iti entero nga lubong, maibaga nan nga baknang daytoy.
No adda iti Mercedes Benz ti maysa nga tao-kayat na nga sawen nga kinaya na ti gimmatang wenno immutang. Mabalin addaan iti mabalin ta saan met ngata nga gumatang wenno umutang no awan iti kuarta na wenno saan nga ma-qualify nga umutang. Kas pali-iw ko ditoy batog ko nga disso, saanen nga karkarna no adda man MB ti maysa nga tao. Kasla regular laengen nga lugan daytoy. adda metten magatang nga aggatad iti 40+K, depende no aniya nga modelo ti MB. Saan nga kas idi sangsangpet ko ditoy Amerika, nga man mano iti makita nga addaan iti MB.
Ngem no maminsan met adda dagiti tattao, nga utang amin nga nginabras ti dutdot da, makalugan da la ket ti MB, uray no butbot ti bulsa da wenno anusan da iti agdilpat iti asin, wenno tawtawagan dagiti collection agencies ti kaado iti utang da. Adda met dagiti tattao, nga saan nga agun-uni wenno awan iti maipakita da, wenno saan da pay naadaywan iti batog ti agong da ngem adu iti kupkupikupan da nga kinabaknang. Individual differences nga kuna ti Ingles. Depende no ania ti pakaragsakan ti maysa nga tao.
Kas kunakon, opinion ko laeng daytoy! Sapay ta awan ti natupakan iti bunga ti kaimito:)




Cresencio Yagin
7/22/2011 2:45:21 PM

Yamanek Marybelle,iti impaaymo nga kapanunotan.

Ket no kastoy ngarud. Adda mercdes benz.Adda pay dwa nga balayna.ngem na-forclosen diay maysa.
Ibagatay lattan nga naawanan iti sagana. Wenno kunatayon nga naawanan iti trabaho. Wenno adda pay sabali a gapuna.




Marybelle
7/25/2011 11:20:50 AM

Naimbag nga oras mo kabsat!
Makaay-ayo man dagitoy indasar mo mga pampanunot ken pagarup.
Pasible nga adu iti makaigapu no apay nga mapukaw, ti maysa nga tao iti balay na wenno lugan na: Dagitoy ket paliiw ko iti adda iti arubayan ko.

1) mis-management of funds-gasto ditoy, gasto sadiay, un-unaen da iti entertainment,shopping, wenno pinagpabuya iti pada na nga tao(medyo napigsa iti angin wenno bagyo (umatiberber? Umatiberret?)
"Output is higher than input"

2)Mabisyo ti tao-"ABS"-alak, babae, sugal wenno "ALS"?

3)Naka-disability diay tao (nagsakit wenno ania man)

4)Rental property- bakante, awan iti agrenta, ta naawanan iti trabaho diay tenant...(malaksid no paid off diay rental property)

5)Primary residence-Naawanan iti trabaho diay homeowner

Iti economiya nga agdama ita, nakabutbuteng iti maawanan iti trabaho aglalo no adu iti responsibilities nga baybayadan. Ta uray, no makasarak to manen diay tao iti trabaho, mabalin, nga kunaen nga saanton nga pareho iti sueldo na. Narigat iti makitinnawar. Makunak daytoy, ta adu iti nakapasamakan nan nga gagayyem ko. Ket, diay tao piman, akseptaren na lattan ah ta nasaysayaat nga "adda bassit ngem ta awan nga pulos" Ket no awan ti pundo wenno naibusen, ket kapilitan nga mapukaw iti balay wenno lugan,uray no kasano koma iti ayat ti tao nga mangigawid ti sanikua na.
Saan nga mapakpakadaan nga pasamak daytoy. Awan ti makuna na "job security". Unaen da dagidiay , daddakkel iti sueldo na nag ikkaten, sadanto ag hire iti entry level ket bayadan da iti nababbaba,uray no agpadanto met laeng ti ipatrabaho da.Daytoy ti strategy dagiti compania tapno maka save da iti kuarta.

Agyamanak ken ni Apo Dios ta adda pay laeng iti trabahok, ket sapay koma ta nasalun-atak laeng tapno makabayadak pay laeng iti monthly mortgage ko. Ay wen awan iti MB nga lugan ko..hehehe..bareng no mangabakak iti lotto..."ngem kasano ngarud nga mangabak ka kuna ni Lakay ko, ta diak met gumatgatang iti ticket". Sabagay, libre ti agarapaap.




Ken H. Oagayen
7/26/2011 9:17:03 AM

Wen, sursruen ngamin ti agbiag a saan a nalablabes ngem iti mabirokam(income).Maikadua, agurnongka iti amin kabalinam (save as much as you can) dakkel man ken bassit ti birokmo(income). Agbiag a simpli wennno nametmet( simple and thrifty). Maikatlo. Mapnekka iti adda kenka ken kabaelam(there is contenment).Maikapat. Agyamanka ti adda kenka a Bendisyon manipud Langit.(be thankful of what you have_it is a blessing from God.

Uray awan ti MB basta adda GM!!saan a General Motors but.. GOD Mercy...!




Cresencio Yagin
9/20/2011 2:59:41 PM

DRAGON FRUIT wenno "Pitaya" Agbalinto siguro daytoy,a kaadwannanto kadagiti balbalay ket addanto mulana nga Dragon Fruit.Kunak daytoy,ta addan sumagmamano nga mulak. Inaldao metten nga adda nasadiwa nga bunga nga kanen iti gada bigat.Nasayaat ta ibagada nga innem nga bulan iti kada tawen iti panagbungana.Mabalin nga kasta,ta ita ket adda pala sabungna nga tumaud. Nangrugi idi June nga nagsabong.



Cresencio Yagin
11/8/2011 3:46:20 PM

Nagsardengen nga agsabong toy Dragon fruitko "Sanniata" a kunada iti Ilocos Norte.

Sumalemsemen iti tiempo.Adda manen dagiti rikna a mangikulding kadagiti lagip.Kada agbaliw ti pul oy ti panawen adda latta lagip nga kailiw nga sumamay iti di ammo nga silid iti kaunggan.Diak maawatan iti kastoy a riknak.




Cresencio Yagin
12/30/2011 11:05:49 AM



Binhi At Ani Community Center

Pannakaawat ko,daytoy nga building,nabangon gapu iti panagtitinnulong dagiti mannakitulong nga tattao iti kumonidad.,Kangrunaan dagiti Filipino.
Adu ti naibubos nga sakripisyo. Ammo tayo nga awan ti sueldo dagiti agtrabaho.Bulontario.Agtrabahoka,tapno makatulongka iti pannakapapintas
ken mapagpanakkel puli ni Filipino, ditoy Maui.No maysaka nga Filipino maysaka met nga makipagtagikua.Tumulong nga mangsalwad mamagtalinaed
kinadayag ladawan ti nabangon a balay.Rupa dagiti Filipino.
Ammok ken madamdamagko dagiti anabaab a makapabang-ar, mamagrag-o ti puso. No kuna ti sabali nga puli. Dayawek man unay ti urnos
dagiti Filipino.....Nagpintas a denggen.
Kas iti naaramid nga recognition banquet kadagiti Filipino Hotel Workers.Mangegam kadagiti sabali nga dara a dimmar-ay, iti inda panagdayao
iti panagtitinnulong. Mangangay kadagitoy nga pasken. Inda dayawen iti nasayaat a timpuyog.Ngem annia ngarud ita ti ladawan ni Filipino kadagiti sabali nga puli, no madamagda dagitoy.Darum darom nga mapaspasamak.
Adda dagiti masisirib. Ammoda ti pasikutsikot,wagas iti panagdarum.Isu dayta ti ammoda nga pangsulbar ti di panagkikinnaawatan.Kayatda nga ipakita iti pannakaammoda iti linteg, nga isuda ket nalaing,masirib.Ngem ti dida marikna,ket dagitoy ti mangtungday iti idadakkel abong ni Filipino.ken rupa tayo.

No kunatayo nga daytoy nga balay ket kokwa dagiti amin nga Filipino. Napintas dayta nga pannakaawat ti amin.Wen kukua tayo amin.Adda dita ti nagan nga nairaman. Filipino Community Center.
Ngem ti narigat nga maawatan,ket no maysaka nga makipagtagikua ken makinbalay, ngem dika met tumulong nga mangtaripato. Annia ngarud ti awagtayo kadayta? Boss.!
Ti makunak koma met,ket no maysaka nga akinbalay,saanmo koma nga urayenen tay registered mail nga inbitasyon.No maamuam nga adda nasken a pagsasaritaan,isibangmo koma ti umay.No adda eleksion agpasango ka.No adda ammom nga biddut kadagiti maararamid. dagusem nga tungdayen. Saanmo nga urayen nga makapanglaem. Pagtaudan iti di panagkikinnaawatan. No sakantola agpasango no malpasen ti amin narigatton nga baliwan.
No adda election ket nagkalikagom ka nga agtakem ti tinarigagayam nga panagserbi, awananka ti gasat nga napili ti kaadwan. Urayem manen iti sabali nga panagpipili .Saanka koma nga agpauyo gapu ta saandaka nga napili.Umasidegka. Tumulong ka kadagiti mangidadaulo.Kastadanto met no sika ti mabatangan.Masurot koma iti kayat iti kaadwan.Adda met siguro mangayat kenka. Saanla nga siksika.Saantay nga iselsel ti patong iti maymaysa nga pagtugawan.Masapul ti pinagpakumbaba no sika tay awnan gasat.






Johnnyric Domingo
12/30/2011 11:22:53 PM

Amen! Manong. Umayunak ita kunayo a; saan nga agpauyo... Urayen koma ti batang ti umno a tiempo nga ayunannatayo ti kaaduan.

Awan pay la ti nalawag a pamalpalatpatak ti dimteng a parikut. Sapay koma ta maurnos daras.




Cresencio Yagin
1/1/2012 6:37:49 PM

Wen kad koma Apo. Saan kadi paturay iti manulang iti utot ti sagabaen, no siasinonto man ti madusa. Napateg sa unay ngamin ti dayao no daduma.

Uraysa no agbalinkan nga bangkay no addaka laket a nakatugao iti truno. .... Happy new year Johnnyric and your family!




Cresencio Yagin
9/16/2012 10:48:55 PM

Ipangatok man toy naganko. Dimmakkel siguro manen ti lapayag. Nabasak ngamin dita costco connection, daytoy kano lapayag ti saan nga agsardeng nga dumakdakkel.Isu siguro nga kunada nga napaut kano ti tao nga dakkel ti lapayagna. Ngem gayam no atiddog ti biag ti tao dakkelmet ti lapayagna ta di met gayam nga agsardeng nga dumakkel.



Cresencio Yagin
11/18/2012 9:40:22 PM

Ditoy Maui,nalpasen ti election.Uray sabali a puli iti sinopurtaran dagiti dadduma nga kapilipinwan,adaadu metla tay nangayat kadaytay kadaraan. Nangabak.

Congratiolation to Council member Don Guzman.




Cresencio Yagin
2/1/2013 1:23:34 PM

Kayatko koma ti umay manen sumarungkar idta dapayan ngem dinaksa met kayaten. Madi met nga rimmuar ti kayatko koma nga ipaskil wenno (ipalkat). Diak ammo no apay nga madina met awatenen . Awan met ti nagparang.
Agpada kadi ti kaipapananna ti paskil ken palkat?
Palkat wenno pilkat ket agsabali ti kaipapanna.




Cresencio Yagin
2/7/2013 1:24:41 PM

same sex mariage? apay ket nga saan wenno madi. Nanipud addan tandak ken pannakaammok ,adda met bakla ken tomboyen.Ditoy America, adu payla dagiti kumontra nga agasawa ti agpada nga lalaki wenno agpada nga babae ken babae.
Bukodko nga kapanunotan,awan ti problema.Mabalin. Tapno saanda met unay nga maiumdoma nga makaala iti binipisyo nga aggappo iti gobyerno, a kasla sagsagrapen iti saan nga kasla rikna ken kinataoda kadagiti sabali.




Cresencio Yagin
3/27/2013 2:46:32 PM

Kamagaan nga paset ti Maui ti ayanko. Isu nga ita ket mailiwak unayen nga sumiruk iti makuna a nepnep.

Isu nga kunak ti bagik,no ti awan kenka ket isu ti kalikagumam.Kas kuna tay asawa tay manager mi ditoy trabaho. Apalanna kano ti color mi ta she don't have to sunbath anymomre(to tan).




Cresencio Yagin
4/9/2013 12:18:09 PM

Uray no addatayo ditoy lugar nga nalanglangto nga pagaraban a kunkonada,no saantay nga ammo ti umapal kadagiti makitatayo nga nasayaat, awan ti ammok nga lumangto met iti kasasaad.
Awan kadi met ti masintiryo dita ayanyo a kasta.




Ken H. Oagayen
4/10/2013 8:46:30 AM

Ayna kaka, apal a dakes ti agturturay, no apalanda koma dagiti nasayaat a banbang, isu koma ti ipagnada.Binnuklisen ti agturay iti pagiliantayo.Bubokadandan iti turay, agkakabsat, agaama, agpapamilya.Uray no ania ti kunkuna kadakuada..awanen mamaayna...pwe....!



Kane
7/12/2013 6:06:16 PM

Idiay Sànicolas duansa ti myorda(llocos norte),itay napalabas nga election sin no ngata kadkuada it I adadu ti butos nga naipaay we no naala.Madidansa met madisisyonan no sin no to agtugao.Any a met kapanunotanyo kadaytoy? Nosiak kapanunotak laeng, diay adadu ti butosna isu ti agtugao a mayor.



Cresencio Yagin
4/9/2014 2:13:13 PM

Madanagan ti maysa kadagiti tallo nga senador a maatap nga nairaman iti pork barrel scheme. No apay kano nga isisuda ti maitudtudo.Ti ammona ket adda pay sabali nga saanda la nga isisu siguro.Asinoda pay ngata dagiti dadduma? he!he!
Ti met maysa ipalugodna laengen ken Apo Dios dayta pammabasul. Diay maysa awansa payti sauna. annianti panagkunayo kakailyan kadagitoy nga mapaspasamak?




Marvin Acosta
4/26/2014 12:08:00 AM

imbag a malemyo manongski. mustakayo maui?

sursuruen koma dagita a senador ken phil gov officials ti ugali dagiti taga korea ken japan, a no makaaramidda iti pakaibabainanda,kasta mut pamiliada ket agpakamatayda.

ahammmn!




Cresencio Yagin
12/2/2014 10:31:17 PM

No agpaysoman wenno saan dagiti maipabpababasul ken ni Binay,diak ammo, sapay ta rumwarto ti kinapudno.
Ngem addaman maysa nga makapaisem nga pagarup dagiti mangibagbaga nga adda mailemlemmeng nga acienda ti VP. Adda nakitada nga nasemento nga ti panangipagarupda ket maysa nga pakakitaan,wenno mojun(property point).
Ti simento namarkaan ti letra E.B. Kunada nga ti kaipapanan ti naimaldit iti semento,ket Edelita Binay.Mangipakita nga adda panagtagikua dagiti Binay.
Gayam,linuktanda ket electric box gayam!




Cresencio Yagin
6/19/2015 5:37:34 PM

Asinnoda ngata dagiti papili nga agpresidente ti Pilipinas ita umay nga election 2016?





Cresencio Yagin
3/2/2017 9:52:31 PM

Awan kadi ngata nga agpayson ti agdawdawat ti sarabodan idiay air port? Ipadamagyo man dakayo nga nabiit pay nagbakasyon ,no agpayso dagitoy damag wenno saan.
No dadduma narigat a patyen amin dagiti maipadpadamag. Ta uray ngamin ditoy USA ket adda met makunkonada nga fake news.





Agposte

Ag-Loginka pay nga umuna Kailian sakbay nga agposteka.