iluko.com - website a magustoan a pagpalpallailangan dagiti pada a nangisit ti sikona.

Burburtya dagiti ilokano.

 

Skip Navigation LinksHome > Blogs >



Burburtya ken pakatawa ti Ilokano
2/6/2006 6:23:37 AM

Gupo ta nalaing dagitay appo nga nangsunbat kadagitay Burburtyak nga immonona. Adtoy manen ti sumarono.

1: Ania ti Banag nga akinuneg ti ukisna?

2: Nagbulong sililippay, nagsabong sililiday, nagbunga silaladingit timmangad sadi langit.

3: Kabakiran ti nagtaudak, murdong ti root ti kaiyarigak, Amin nga agayat kaniak pasig da amin nga agrigat.

4:Bisukol kam amin nga agkakabsat, igid ti baybay ti naggapwan mi, maysa nga biklat ti amami, gayaman met ti inami. Pugtwamman no ania kami?

5: Sinno ti nang patay ti apagkapat nga papulasyon toy lobung?

Sarsarita laeng Apo saan kayo nga masursuron.

Idi adda pay ni Apo Jesus ditoy Lubong, Adda sangadosena nga apostolesna. Ti maysa ket agnagan ti Juan. Ni Juan adda sadsadotna ken adda agagumna. Maysa nga malem sakbay da nga nagawid kadagiti balbalayda, Kuna ni Apo Jesus kanyada, no Bigat mangitogot kayo ti bato. Ti gabigatanna ni Juan nagngitogot to nagbassit nga bato gapu ta isuna ket sadot. Ket idi mangaldaw dan kona ni Apo Jesus kadakwada, dagitay bato nga intogot yo irwar yon ta iso ti pagbalinek nga tinapay ta isu ti kanen yo. Bassit ngarud ti kinnan ni Juan iti dayta nga aldaw. Ket ti malem kasdiay man ti inbaga ni Apo jesus kanyadan nga mangitogotda manen ti bato. Ket ni Juan kabigatanna nangitogoten daytoy ti nagdakkel nga bato ket uray la nga marigatan nga mangawit. Ket idi agininanadan kona ni Apo jesus kaniada nga dagitay bato nga intogotda ket ibatoda ket ti kaadaywan isu ti kaasitgan kanyana. Syempre ni Juan isu manen ti lugi ta dina met naibato ti adayo tay intogotna. Mumalem kaskasdi nga isu manen ti inbaga ni Apo Jesus kanyada nga mangitogot da ti Bato. Kabigatanna ni Juan nangitogoten ti dowa maysa nga bassit ken mysa nga dakkel.Kunana no pagbalinenna nga tinapay daytoy dakel ti irwar ko ket paibato na manen daytoy met bassit ti ibatok itamtanamitim na iti bagina nga umisisem. Ket ti kabigatanna idi agininana da manen, kuna ni Apo Jesus kaniada Irwar yo dagitay batbato nga intogot yo, ket inwar ngarud ni Juan dagitay dwa nga bato nga intogot na. Ket Kuna ni Apo Jesus kanyada, DAGITA TI PAGBALINEK NGA UKEL UKEL YO. Ket ni Juan nagbalin nga ammitaw nga kunada. Isu nga narigat ti agsadsadot ken agom ta dusaennaka ni Apo Jesus.

Saan yo nga liplipatan nga sungbatan dagitay burburtyak, kakabsat nimbag amin nga Uras yo.



Comments



Atong
2/7/2006 12:07:17 AM

Tay man 'clue' manong...kasla agbatiwerwer ti utek ti burburtiam.



Atang
2/7/2006 2:35:34 AM

Apo Nestor, sika kadi ni Apo Padi diay Dap-ayan?



Nestor
2/7/2006 6:02:32 AM

Atong, agyamanak ti isasangbay mo kabsat.Clue? 1. adda iti amin nga nagdotdot. 2.Matuno wenno malengta. 3.Masida ti uggotna. 4. Kaadwanna nga adda iti igid ti baybay. 4: Tattao ti Biblia.

Agyamanak met atang ngem pasinsyakan ta saanak nga Apo Padi.

Maimbag nga orasyo amin.




nalasbang
2/8/2006 12:41:01 AM

manong,
naimbag nga orasmo, umayak man met maki tarittat kenka ngem diak ammo ti sungbat toy burburtia ta no siak ket ado nga burburtia iti biagko ngem diak met masungbatan hehehe.

Pudno tay kinonam nga uray adda Pilipino ket iso met latta tay ugalida nga pinnangas nga ugali. "Bato bato sa langit pag matamaan ay huwag magagalit"




Nestor
2/8/2006 6:36:58 AM

Ading Nalasbang,

Agyamanak ti isasangbay mo ditoy nanomo nga kallapaw ko. Sann nga bale no dimo ammo ti sungbat na dagita nga burburtia, ti napatpateg ket ti isasarungkarmo.

Saan mon nga panonoten pay dagita nga sabsabali ti ugalina ta mapirdi laeng ti aldaw mo. Umay ka ket ditoy nga hompage ta malinglingayka ti kina tarawitwit dagiti pada nga tarawitwit.




nalasbang
2/8/2006 12:37:09 PM

Manong,
kumosta met dita ayanmo nalamiis kadi? sige inton maminsan manen ket naimbag nga orasmo.




Nestor
2/8/2006 2:03:45 PM

Ading Nalasbang,

Nakalamlamiis ita nga agdama ta uray la nga pagattumeng ti snowna, 6 months ti winter ket daytoy nga bulan ti kalam-ek na. Ngem Sweden napintas nga lugar aglalo ti summer ken napintas ti patakaran da ditoy. No adda annak mo adda maawat da nga kwarta da ti binulan ken lebre pay school ken doctors da. Ti la rigatna ket nangina ti magatgatang ditoy.

Naimbag met nga uras mo.




nalasbang
2/8/2006 2:12:48 PM

manong,

agyamanak man toy inistoryan, itay binasak tay profile mo ket anat kayatna nga sawen dayta "rusil" tay kadi barusbos nga uggot ti salamagi?

ania nga lamiisnan no siak ti naka asawa ngata ti taga dita ket awanen tinarayakon ta nalamiis unay. "joke lang" hihiihi.




Nestor
2/10/2006 10:41:04 PM

Hello ading Nalasbang,

Pasisya kan ta diak met nasungbatan tay saludsudmo dita ngaton ta ni adda ngamin exam ko daytoy umay nga lawas ket diak pay nakasagana. Rusil ket maysa nga root wenno "bush" nga agtubtubo diay ayan ti laplapog no adda pay lalapog ah tatta nga tiempo ket daydi naudi nga panagawid ko puro met taltalon aminen. Uggot daytoy nga rusil ket isu ti kaimasan nga pagalsem ti lames wenno ania nga maalseman naimimas ngem tay barosbus nga konam.

Sungabatak dagitay burburtiak ta ni awan sa met ti maka sungbat.
1. Battikuleng ti manok.

2. Mais, ta kankanayon nga nakaleppay tay bulong na.

3. Sili ti sairo nga kuna mi diay Abra, ta amin nga agsida tay bunga magasangan.

4. Niog , ta tay poonna ket kasla maysa nga beklat, bisukol ti bungana ket tay bulongna ket kasla gayaman.

5. Narigat daytoy no saan mo nga ammo ti Bibblia. Ni Cain ti sungbat na ta upuppat da laeng nga tattao ditoy lubong idi pinatayna ni Abel nga kabsatna.

Ala umayak to menen mangted ti sabali nga burburtya negm siguro after next week.

Naimbag amin nga uras you ket agyamanak manen ti ingkay isasangbay ditoy kallapaw ko.





Josie Herrema
2/11/2006 2:00:50 AM

Uray no inpalawagmo manong diak latta nga ammo dayta rusil, bayam ta agdamagnakto sadiay ayanmi no adda iti kasta.

Sige manong good luck to your exams, laingem ngarod wen tapno namayat to iti isusublim ditoy. OK inton next week ngaroden.




cindy
6/29/2006 5:52:53 PM

manong mabalin question and answer ti ipan mo



xxx
2/22/2008 11:27:17 PM

pangit ti burburtia yo............................'''''''''''''''''''"""""""





Agposte

Ag-Loginka pay nga umuna Kailian sakbay nga agposteka.