iluko.com - website a magustoan a pagpalpallailangan dagiti pada a nangisit ti sikona.

Ladyheart

 

Skip Navigation LinksHome > Blogs >



Pakulo VI--Refrigerator Test
2/8/2006 1:10:54 AM

Hmmn, nakalutoak manen kailian! Naisal-salumina daytoy ipadigok ita. Uppat laeng a saludsod ti damagek. Usaren ti ‘common sense’ (sentido komon) tapno masungbatan nga husto daytoy a pakulo. Siguraduek nga agwerret ta ukel este bukel-bokel ti matayo saan a gapu't imas no di ket gapu't nanam toy iparaman ko ita kadakayo!:-)

Ammoyo kadi a babaen iti panangisayangkat ti Andersen Consulting Worldwide iti daytoy a pakulo, agarup 90 porsiento a di adal ti saan a pulos nakasungbat kadagiti amin a salusod ngem kaaduan kadagiti pre-school nga ub-ubbing ti nakasungbat? Gapu iti daytoy a duktal ti Andersen Consulting, kuna ti grupo a saanna a kanunongan ti teorya a kaaduan kadagiti amin a di adal ket agpam-panunot a kasla uppat ti tawenna.

1. Kasanom nga ipan ti giraffe iti uneg ti refrigerator? (Daytoy a kita ti saluosod ti mang-testing no mapagsu-surot mo met lang dagiti simple a bambanag nga aramidem.)

2. Kasanom nga ipan ti elepante iti uneg ti refrigerator? (Itden daytoy a saludsod no ammom met la nga amirisen dagiti mabalin nga ibunga dagiti ar-aramidem.)

3. Nangayab ti naindaklan a taripnong ni Lion nga ari dagiti amin a klase ti ayop. Maysa lang nga ayop ti saan a nakapan. Asino? (Testingen daytoy a saludsod ti memoriam.)

Ala, no bilang awan pay timmama a sungbatmo kadagiti adda iti ngato a saludsod, ikkanka ti maysa pay a gundaway a mangipakita kadagiti abilidad mo.

4. Adda maysa a karayan a ballasiwem ngem adu ti aggi-gian a buaya. Kasano’t pamay-am tapno makalasat ka? (Testingen na daytoy a salusod no alisto ka met lang a makasursuro kadagiti maaramidam a kamali.)

Have fun folks! This part is truly exciting. Sapay la koma ta saanna a kul-kolen dagiti uloyo! :-)



Comments



Ninong
2/8/2006 1:49:05 AM

Lukatam ta freezer compartment ta refrigerator balasangko ket adda dita 'tay pusok!

Hehehehehe!




Jack
2/8/2006 6:20:12 AM

Mayat dayta mangkibur ti panunot a, kasla naarimadmadak idi daytan ken apongko a pinong; payman ta lagipek.

Sinungbatan met ni Ninongmo dayta maysa, sungbatak ti maikadua. Ikkatem dayta ele ket pante la ti mabati, isu ti iselselmon diay pregirator ay este refrigerator.

Asinno iti saan a nakataripnong nga ayop? He he he! Asinno ket it refers ti tao saan nga ayop! Siak daydiay saan a nakataripnong! Lion ti naganko!

Bumalassiwak latta ta saandak met nga ananuen dagitay padak a buaya!




nalasbang
2/8/2006 7:54:39 AM

1 & 2 ti sungbatko ket gumatangak iti dakkel nga ref uraymano basta buo nga iserrekko.

3. ugsa
4. aramidek ida nga pagtalantayan wenno ikkat nga umana iti kanenna tapno inton mabsog ket pumanawton.




Ammok
2/8/2006 8:21:08 AM


Ammok amin ti sungbat na ngem pagwerretek pay laen ta bukel ti utek yo... agsubliak to no bigat.




Ninong
2/8/2006 9:15:03 AM

No siak ti pagsaludsodam balasangko ket kastoy no ibasarko iti ayat:

1. Linukatak toy pusok ket impanko idi ti kas kadakkel-iti-giraffe nga AYAT kalpasanna ket rinikepak met laeng iti napudno nga ayat!
2. Gapu ta saannan a kayat daydi ‘giraffe-kadakkel-na’ nga ayat ket pinalubosak a pimmanaw ditoy pusok sako pastreken manen ti (siguro dak-dakkel manen) ni ‘elepante-kadakkelna’ nga ayat sakonto rikepan iti napudpudno ngem dati nga ayat!
3. Ay balasangko ket ni “ninangmonton” a ti di makaumay ta talaga a paguardia-ak ton diay pusok a nangipupokak!
4. Awanton ti pagbutngak nga agdaliasat balasangko ta bisi danton dagitay buaya idiay pamiting dagiti managpasakit iti puso!


Ania ti makunam balasangko!




Ninang
2/8/2006 4:09:50 PM


Manong Ninong bakas sabali dayta nga ayat ibagbagam kenni balasangmo ah! Rimitek ta bukel bukel mo! la agalluadka.




jun pagimasan
2/8/2006 8:01:00 PM

ninang,saan mo arameden dayta,sikan to met laeng ti agrigat ti kamaudianan na nga aldaw.



Leilanie Adriano
2/8/2006 10:51:58 PM

Jack sori, ana nga ayop ti saan a nakadar-ay kunak koma!hehe!

Ala, pagwerretenyo pay laeng dagita matayo saak to i-post no pudno a talaga dagiti sungbatyo! :-)




FrozenHeart
2/12/2006 1:03:25 PM

Nagbayag met tay sungbatmon LadyLei... matu-okanen unay toy puso!



Jack
2/12/2006 6:36:23 PM

Ti animal a saan a nakimiting awan sabali no saan a datay aso, ta beri bise a sapapaulenda no ania kadaauad iti immuttot idi panagmimitingda met. Isu nga uray no ania a lugar no agsisinarakda ket agiinnangutda iti ubet!



Johnnyric Domingo
2/12/2006 6:53:14 PM

Jack, uray dagiti kalding kastada met, umlekak latta no makitak diay turo, itungiibna nga ipangato diay subsubna. "marigatan la ngaruden angutenna pay laeng" Hahaha!!!

Lei, ti sungbatko diay ayop a saan a nakadar-ay ket 'Sea Lion'




glenn
2/12/2006 7:03:00 PM

padasek man met ti agsungbat. nu kasano nga iserret mo diay giraffe iti refrigerator? siguro daytoy giraffe ket saan nga agpaypayso,baka ay-ayam laeng wenno picture.husto kadi ti sungbat ko ading lei?

agyamak ti panang-akseptar mo kaniak as a friend iti friendster.nakitak daguiti pictures yo ket napan kay pay gayam diay nanumo nga ili mi.naimbag nga oras tay amin apo




Leilanie Adriano
2/12/2006 7:52:43 PM

Wen manong Glenn napan kam bimmisita diay Badoc resort idi. Magustuan a pag-surfing-an dagitay Australyano sadiay isuna laeng ta pinaltoganda met tay resort manager nga Australyano sadiay imbag ta saan a natay isu diay kina-grupo mi no nakitam diay pix.

FrozenHeart, pay kinnua ta pusom? Nudtoy ta paluknengek a kasla bulalo!hehe! Agsungbat ka pay sakto ipan ket innak man pay agkaraykay.

I-post kon ton ti umno a sungbat apaman a makasubliak.




Eduardo Padaoan
2/12/2006 8:04:57 PM

February itan, Happy birthday Leilani!

Advance Happy Valentines' Day to everybody!




Josie Herrema
2/12/2006 11:11:58 PM

Manong Eddie,

Happy Valentine's Day to you & everybody.

Sana happy ang inyong day, not like me.




FrozenHeart
2/13/2006 9:11:22 AM

Ket no simmungbatak metten balasangko!



John Cachola Jr.
2/13/2006 9:55:19 AM

Hi, ading Lei, ita la a sumrekak ditoy baro a blogmo! Kumustakan, ading?

Manang Josie, apay met nga saan nga happy ti aldawmo? Umayka latta ditoy blog ni ading Lei ta pagisemannaka.





Nestor Dupo
2/13/2006 12:03:25 PM

Hello Ading Lei,

Diak ammo no husto toy sung-bat ko ngem no saan nga husto ay ket better luck next time kunak lattan ah. No kasa nom nga iyoneg dagitay Giraffe ken Elefante ti uneg ti Refrigerator? kopiaem tay giraffe ken Elefante saka gudwaen tay refrigerator ket agbalin nga kastoy.Refri-giraffe-elefante-rator. Ha ha!
Tay met saan nga naka dar-ay tay pameeting ni Leon Nga kas kaniak ket dagitay daytay ayop nga agpaspasikal wenno agananak--He he!!

Nu tay met kunam nga adda bwaya na nga karayan no kasanot panang ballasiw mo ket. Gapo ta diay Abra ket puted puted met ti danum no ti kurisma uraye kon ah nga agkurisman saak to magna diay awan danum nan.

Ala ket "HAPPY2 B-Day kenka Ading Lei ken "Happy Valentines day Kanyayo Amin nga awan labasnan......




Ladyheart
2/13/2006 7:49:45 PM

Hakhakhak! Makikaysaak iti findings ti Andersen Consulting, kaaduan kadakayo ti di nakasungbat! hehe

1. Kasanom nga ipan ti giraffe iti uneg ti refrigerator? Sungbat: Ilukat mo nga umuna ta ridaw ti ref samo ipan ta giraffe kalpasanna, irikep mo met lang. Simple saan kadi? kadagiti di nakasungbat (except my ninong)makasurot kayo met lang? hehe

2. Kasanom nga ipan ti elepante iti uneg ti refrigerator? Sungbat: Irruar nga umuna diay giraffe iti uneg ti ref samo ikabil ti elepante. Irikep mo met lang tapno di makaruar!hakhak!

3. Nangayab ti naindaklan a taripnong ni Lion nga ari dagiti amin a klase ti ayop. Maysa lang nga ayop ti saan a nakapan. Ania nga ayop ti di nakapan? Sungbat: Elepante a ta napupok diay uneg ti ref! Husto pay laeng ta memoriam ninong? hehe!

4. Adda maysa a karayan a ballasiwem ngem adu ti aggi-gian a buaya. Kasano’t pamay-am tapno makalasat ka? Sungbat: Ket bumallasiw ka latta a ta saan ka met a maan-ano ta simmagpat met dagitay buaya ta napanda met naki-miting! hi hi!

Sapay la koma ta nakaisem kayo amin ita nga aldaw dagiti puso!






Lei
2/13/2006 7:52:23 PM

Opppsss, tenk yu gayam kadagiti greetings yo. Pudtuan yo man tawen ko? hehe!



Kulas
2/13/2006 8:05:00 PM

Happy 24th birthday.



Gentleheart
2/13/2006 9:10:07 PM


Ladyheart Thanks for coming into my life!!!!! You are the best thing that ever happened to me!!! LUSM




GENTLEHEART
2/13/2006 9:31:38 PM


HAPPY VALENTINES SWEETHEART




Glenn Rodriguez
2/14/2006 3:52:19 AM

IM SURE YOUR 24 YRS OLD THIS COMING THURSDAY.AM I RIGHT? WISHING YOU A HAPPY VALENTINE'S DAY AND A HAPPY B-DAY TO YOU ADING.AND MAY YOU HAVE MORE B-DAYS TO COME.ENJOY


HAPPY VALENTINE'S DAY TO ALL!!!




John Cachola Jr.
2/14/2006 4:36:02 AM

Happy Valentine to you, ading Lei, ken kaday amin ditoy a blog nga adda kaayan-ayatna.

Adtoy man met ti maysa a saludsod para kaniayo nga intresado nga mangsungbat. Mayanutop daytoy a saludsod daytoy nga aldaw ta daytoy nga aldaw ket aldaw para kadagiti agayan-ayat.

Adda tallo nga tao nga agur-uray iti bus iti bus shed ti igid ti kalsada. Agtudtudo ti napigsa. Dagiti tallo nga tao ket dagitoy:

1. Baket a masaksakit ket masapulna ti mapan diay ospital

2. Ti gayyemmo a lalaki nga nangsalbar iti biagmo idi napankayo nagdigos diay baybay maysa nga aldaw. No saan nga gapu isuna, nagastayanka nalmes. Masapul nga makaawid a dagus ta masapul isuna iti asawana.

3. Ti kaayan-ayatmo.

Idi nakitam isuda, insardengmo ti kotsem. Ti kotsem ket makakarga laeng iti dua a tao. Iti sabali a pannao, ti laeng makarga ti kotse ket ti driver ken ti maysa laeng a pasahero.

Daytoy ti saludsod: Sino kadagiti tallo ti ikargam?





Jack
2/14/2006 5:58:11 AM

No siak john alaek ikargak amin ida.Ania ti pamay ak? Saklotek ni dallingko, ket tay baket sakluten tay lalaki, ayos! per by per a kunada!



Ninong
2/14/2006 10:34:53 AM

Padasek man a sungbatan dayta a saludsodmo g'yem John... ngem kayatko a duakayo kenni balasangko a LadyLei ti mangibaga no husto wenno saan ti sungbatko...

"Ipa-driveko ti kotsek kenni Gayyemko sana idagas ni Apong idiay ospital sakbay a mapan 'agpa-undres' kenni Kommanderna. No dakami kenni 'Morning Starko' ket iyaramidakton iti kalkalapaw idiay bangkag ni Atanud Fred sakonto papudoten iti bara toy ayatko"

Ania ti makunam balasangko a Lei?




J.M.
2/14/2006 1:13:46 PM

In behalf of the lady of the house, I would like to thank you for the wonderful bouquet of flowers and chocolates. Unfortunately the lady of the house is out of the country. She will contact you upon her return.




Leilanie Adriano
2/14/2006 10:23:32 PM

Am back!!! Thanks J.M. for taking the cudgels! hi hi!

Manong John, no siak ket kayat ko ta inaramid ni ninong. Paunaem lattan dagiti 2 a makasapul unay ti pagluganan uray mabatiakon basta kaduak tay puon ti biag ko! hehe

Manong Glenn,kasano pay makalibakak ita no imbutaktak mo metten! hehe! Thanks for the greetings!

Hi Gentleheart! Naiyaw-awan kan sa met? :-)





Josie Herrema
2/14/2006 11:06:38 PM

Manong Andy kindly delete my name pls.



glenn
2/15/2006 5:40:02 AM

ading lei am-ammom met gayam ni carol laeda.nakitak diay frienster mo ket gayyem mo met isu na.by the way she's my sister in law.

happy 24th b-day to you ading.and may you have more b-days to come




Charito Chavez
2/15/2006 5:49:17 AM

Ading Josie, inikkatko ti naganmo iti paulo ti daniwko ta kasla saanmo a kayaten a maykabil dagiti naganmo ditoy blog.

Kumustakan, ading?




John Cachola Jr.
2/15/2006 6:07:31 AM

Hmm, nabasam gayam daytoy met iti Reader's Digest, Ninong. Husto ta sungbatmo.

Naammok nga naladawen ngem para kenka daytoy, ading Lei!






John Cachola Jr.
2/15/2006 6:09:07 AM

Sorry, ading Lei, saan a kayaten ni Apo Webmaster ti agipost ti pictures ditoy!



Ninong
2/15/2006 10:36:10 AM

g'yem John...ti naudi a pannakabasak ti RD ket idi G6-sak... impabulod daydi principalmi idi pinalsiitak daydi maestromi a taga-Laoag gapu ta pinabainannak gapu ta inigges dagidi mulak a petsay! Minitirko ngamin daydi RD-na idiay lamisaan-na idi nai-office-sak!

Sinungbatak ti saludsodmo according to what came out the very day I saw your post.... same as the way I answered LadyLei...

Hmmm.... can we be friends? Please read my blog/entries in "between the lines" and you will find out that there is something a mabalin a paggayyemanta!

Hello Balasangko! Sigen a, tulongannak metten a sumapul iti Ninangmo!




Leilanie Adriano
2/16/2006 6:33:32 PM

Ay ninong ko aya no talaga a kayatmo't mangsapul ninang ko dimo bay-bayagenen! Kurang ka la't diskarte ngata isu dimo mapasuko tay agbalin a ninang ko! hehe

Okay lang manong John, ana kadi daydiay i-post mo koma?

Manong Glenn, nalaing ka talaga nga agsawar aya? hehe! Adu't gagayyemko a taga-Badoc. Idi kapigsak nga aglampong, nakadan-danunak pay diay kasusulinekan a Brgy. Ar-arusip ken Val-valdez! hehe




John Cachola Jr.
2/17/2006 5:45:17 AM

Retrato ti sinanpuso nga kahon ti tsokolate ken rosrosas, ading Lei!



secret
2/17/2006 6:20:16 AM

Sabong a rosrosas
idatonko kenka
napintas a dayag
ta toy pusok

inka napagpitik
iti nabayag a panawen
sikat innak nasarak
a naka riknaak

naisangsangangayan
nga ayat nga iti
siaasinno man
diak pay napadas.

Happy Birthday To You!




Lei
2/18/2006 11:02:37 PM

Uyyyyy...secret apay secret pay laeng met maymayat no ikkatem ta abungot mo tapno ammok met! hehe

Thanks manong John, uray diak nakita a ket maayatanak man ta uray kaskasano ket sinagutannak gayam! Whew! :-)




cal
2/18/2006 11:24:17 PM

Kablaawnka balasangko ti naindaklan unay pannakadanon ti kasangaymo
Naragsak a panag24thmo. Kabulanam dagitoy dua a kasinmo feb.1 ni arinkawitan ket feb. 4 met ni dumanin agbalin nga upa.


Uncle Calanasan




Leilanie Adriano
2/19/2006 5:56:29 PM

Whew! kasta aya uncle?!! hehe! Apay diak na-psycho idi nagkikita kami ta na-testing ko koma no talaga a kabulanak ida! hakhak! Siguro ket saan da pay a full-blown uncle isu nasisingpetda! hehe! Kumusta met ngay ni auntie uncle? hehe ta 'feel' ko met aya! :-)



Aboyo / Sweden
2/20/2006 7:10:48 AM

Mayat ta adu ti kabagyam ditoy ading lei, adda ninong ken ninang mo, tatta adda pay uncle mon. Madamdama andanto Auntie mon. Komusta tay handam nakatiliw ka met la ti Aboyo an kas kaniak? Addansa rigrigat na nga tiliwen ta di met makurkuran nga kunam. Pangatiam ta bareng agkasinnialan kayo dita pangngatim ta ti pangati ket dimet umasideg tay aboyo no dimo kasinialan tay manok mo. Saan a balen ta uray naka parparya ket masida met latta.




Leilanie Adriano
2/21/2006 5:36:30 PM

Hakhakhak! nagbalin a tinuno a tilapia manong ta awan met napangngatiak a nalungpo nga aboyo a kas kenka! hehe! Nalaklaka ti agbanniit ti ikan ta dagitay aboyo a kaay-ayok ket naatapda! hi hi!



uncle cal
2/22/2006 12:48:33 AM

Hi Lei,
Nagsayaaten ta adda namarmaris a dttalye kadgitoy artikulom a pakaseknan ti pannatungday ti biaje ti PAL. Ala sapay koma ta ti Asian Spirit ket saan a ma bad spirit a kas ti napasamak iti PAL. Napanak pay iti Manila times ket nabasak pay daytoy articlemo ditoy. Thank you kadagita update a padamagmo.
Ni antie napan naturogen, ni arinkawitan adda dita banir a PC history sa ti oborana ta taliawek ket world War 1 diay adda ti screenna malaksid no intalmegna itay tumaliawak, ammom adda sabali a siglaten dagiti Febrero...




Ramon
2/22/2006 7:33:33 PM


Umadadu ti kabagian ni Ading Lei. Ading Lei di la mabalin ti makikabagian no adda pannakaikarkarina?




Ninong
2/24/2006 7:22:48 AM

Lumabasak laeng kakabsat ta adu ti trabaho...

Balasangko kumusta, dimo la nakita ni Ninangmo?




Eddie P.
2/24/2006 3:49:11 PM

Lumabasak pay apo ta panak pay maturog.



Josie Herrema
2/25/2006 6:39:31 AM

Kumosta itan toy napintas a dayag? bisi ka nga kanayon mareng ta awan ka met nga makitan, ala ket anosam bassit mareng ta napia laeng nga adda paka damagan ti paspasamak dita pagilian.

Have a nice weekend mareng Lei.




Lei
2/26/2006 5:39:59 PM

Medyo nagumang tayo ngarud idi lawas na mareng Jo! hehe. No ipalubos ni apo makitak to met laengen tay paspasumok ta diay Ilocos Sur ta inkam makikasar idiay ton March 18 mareng.

Hi uncle! kumusta? Ayna agpayso ta kunam uliteg adu't pagsiglatan dagiti adda bubulananna! hehe! Thank you met iti panagbasbasam kadagiti articles ko talaga met nga updated ka aya! :-)

Ninong, apay mapukpukaw tay ninang ko? apo met dimo pay nasiluan aya?

Mg Eddie, uray awanak agyamanak iti umay mo idadagas ditoy abong tayo.




Ninong
2/26/2006 7:09:30 PM

Hello balasangko...



Josie Herrema
2/27/2006 11:05:32 AM

Ket no kasta mareng Lei di nasayaat, inton mapanka ket pakumostaam to amin idan with kiss to my nana, uray ta adda met kaniam tay addressen aya mareng. enjoy ngarod diay papananyonto. salamat!



benzky
3/2/2006 2:37:42 AM

No time to read sister...just droppin' by to say hi! hope all is well with you. take care always...mwah!!!:-)



fred
3/2/2006 4:37:47 PM

la ituloyyo ti sar-sarita karruba...bareng makasubliakto



Ninong
3/3/2006 9:10:14 PM

Napananna man ngatan tay balasangko a pab-paboritokon aya ta di met agparangen???

Siguro napan man nagkaraykay iti damagen ket nalipatannan tay espesyal a kape a kanayon a dawdawatek kenkuana.

Agawaam ngarud balasangko ken iraman mo met ti sumapul ti ninangmo ditan ta talaga a nakapuyak sa a mangtiliw hehehe!




Lei
3/5/2006 8:59:01 PM

Hehehe! agawid ka ditoy ninong ta pasimpalagan ka ti pamusian no awan masapulam dita! hehehe!



Lei
3/5/2006 9:00:48 PM

Hi Ms. Benzky! ayna dita met la agkitan kabsat! Hope to see you this summer!

Hi 'nong Fred! pasensiya kayon diak pay la masango ti agluto :-)




Ninong
3/5/2006 9:05:28 PM

There you are LadyLei...

Nice to see you back!

Ania met ta pasiplaganen! hehehe!

...da'tay nadungngo a ti sapulem... kas kenka hehehe!




Leilanie Adriano
3/6/2006 7:36:44 PM

Hi hi hi! apo met ninong pagkunaam koma a nadungngoak ket no nalaingak a sumiplag??!!! har har!

Just dropping by folks. Good day!




Ninong
3/8/2006 9:37:41 PM

.....esp!


hehehe!




Anabel Gapas
3/10/2006 4:22:24 AM

Heyah sis! Too busy here..pasensiya ka na ha? Ala baam ta bareng makaawidak ton semana..ta intayo man agpipiknik. Kumusta ti luvlyf sis? Naku kapatid masyado kang seryoso sa career mohhhh....makitak ngay diay frontpage panay met nagan mo ti nakaposte...heheehe...Oppss..gotta go sis. Text na lang kita...regards sa mga kaberks!
Hapi weekend 2 u sis!!! miss yah!!!mwahhh.:)




Ninong
3/12/2006 12:17:25 PM

Busy'n sa a talaga tay pab-paboritok a balasangko ania! Di met makita a pumaraanganen?



Leilanie Adriano
3/12/2006 6:01:36 PM

Saan met unay ninong ta nasangok met payla't napan naki-borak ti rama diay Bacarra di kalman! hehe! nagado't naala mi a tilapia,risek, udang kada kappi! Hmmnn imasnan karruba! hehehe!

Hi Ms benzky! imbag man ta nakadap-aw ka ditoy abong tayo? Ala agawid ka ngarud ta intanto mangkibor idiay hehe!




Anabel Gapas
3/13/2006 7:19:28 PM

Mwahhhh sistah! Naimbag ka pay sis ta nakapaglakwatsa ka manen. Ala agparaman ka man ngarud ken dayta tilapia, risek (?), udang ken kappi a naborak yo ta napia la nga idaramudom iti suka nga adda sili na...hmmmm...yum, yum....uray nak la nagkatay kabsat!hahahaha.....

Barbareng makaawidak no sembreak. Ta umayak to agpayangpang(ops!) dita Apayao wenno dita Laoag. Wenno sikan sa ketdi ti umay diay Claveria ta intayo agswiswimming...hmmm...feeling ko na nasa Sunset beach tayo...twit!twit..wow, sexy babes!!!hehehehe...Imbag ka pay sis adda ninong mo. Sino siya..hehehe...hi ninong, ngekkkk!!! naki ninong na rin....

Gotta go sis...talk to you more. Take care always!mwahhh....yoh!!!





Lei
3/13/2006 8:08:19 PM

Kayat mo iyam-ammo ka ken ninong ko? Ngem baka no makita naka a naka-swim suit ket pagbalinen naka a ninang ko kayat mo? hehe! Ala wen agpadlaw kanto no makaawid ka ta inta makipayangpang umay kanto pay danunen diay balayyo no kayat mo gamin ket umad-adu't kakabagian ken gagayyemta dita Malilitao ken Luzon! :-)



Isidore(Isko)
3/15/2006 4:44:41 PM

Ni adda gayam da Ms. benzky ekn Ms. Apayao ditoy a! "su met la nga awan kayon idiay bangir. Pinadasko iti nagpost ngem kunana met nga adda kano akinreserve toy nagankon, 'su a nga immayak ditoy. Kumusta kayon baggak sadi daya? 'mayak meta ngarud no adda get togetheryo imbagla nga adda mangkibor ken mangkawkaw diay sabaw iti pinapaitan! He he he!

Pay man ta agseg ammak pay!

Nagsubliak baggak a patpatgen
Ta baludnak ngamin kadagita isem
Dagita kallid a bimulallayaw
Isut' nangted ti rayray aw.

No man immay ti nakaro a liday
saan a napakpakadaan nga immay
gapuanan ti ulpit a panawen
biagkot' inna gamden_dadaelen!

Ngem yamanek ta nagparangka o baggak
manipud tangatang ket siniliwannak
isemmo a marabettak; kinirkirnak
ni liday dagus a pimmanaw kaniak!


Dagita nabiag nga issemmo
isu iti nangbalkot daytoy puso
isu ti kanayon a malaglagipko
uray no nakas ang ti biagko.

Gapu ta Baludnak Kadagita isem
diak maitured a sika ket lipaten
gapu ta sika ti innak ayayaten
manipud damo inggana ken tanem.




Lei
3/16/2006 5:34:50 PM

Apo nagmayat man ta nakaangot ka ditoy abong tayo Isko! Uray la gumanaygay ti rikna no kasta nga adda mabasa a daniw a nagpaiduma!hehe! Hmmn, mahilig ka met gayam ti pinapaitan anya? magustuak met ti karne ti kalding nga adda papaitanna! nyahahahaha!!!



Anabel Gapas
3/21/2006 11:28:19 PM

Hey Isidore inshort Isko, how is u? Nagpintas gayam ti nagan mo kabsat..hehehe! Wel...wel..wel...namis mi man dagita agkakapintas a daniw mo. Nagsuwerte ketdin toy sagsagutan iti danim mo manong isko. Alam ko, hindi ganon kadali magcompose ng tula, ano? So swit talaga..hmmm!!!

Ms. Lei, uray la nagkaradukod toy tiyan ko nakabasa toy papaitan a kalding...ayna, favorite ko rin ata ito sis.




Isidro Lozano
11/21/2007 4:20:36 PM

Sumampitawak man met, ket daytoy ti sunbatko
1. Lukatak ta refrigerator, ikabilko diay giraffe, santo iserra ta refrigerator.
2. Lukatak ta refrigerator, iruarkor diay giraffe, ikabilko diay elepante ta uneg refrigerator, iserrak manen ta refrigerator tapno saan nga rummuar.
3. Ti ammok nga saan nga nakapan ket diay elepante, ngamin adda idiay uneg ti refrigerator.
4. Ala ket paspasak a ti aglangoy tapno saan dak a makamatan no kas pagarigan surotendak.

Happy Thanksgiving Adingko!





Agposte

Ag-Loginka pay nga umuna Kailian sakbay nga agposteka.