iluko.com - website a magustoan a pagpalpallailangan dagiti pada a nangisit ti sikona.

Burburtya dagiti ilokano.

 

Skip Navigation LinksHome > Blogs >



OK!
2/17/2006 8:19:10 AM

Adtoy manen ti sumarono nga burburtya ken pakpakatawa.

1. Adda adu nga agtaytayab nga kallapati ket nakasabetda ti maysa nga kali ket dinamag tay kali. No mano dagiti kallapati nga gataytayab. simmongbat tay pangulo ti kallapati ket kunana. Mangitiponka ti kas iti kagudwa mi saka mainayon kali sangagasut tay amin.
"salusod mano amin dagidiay kallapati nga agtaytayab?

2: Todokek tay digo tumaray ni tinono?
3: Goyodek tay boto ni amam agikkis ni inam?

4: Ania ti umona nga mabasa no agballasiw ka ti karayan?

Pakpakatawa!!!

Adda maya nga padi nga adda tarakenna nga billit wenno loro, martinez whatever basta agsao nga billit. Ket sinorsurwan dayto padi nga agkararag ken aglowalo. Ket nangibitin ti sinan tiangle diay batog ti altar nga pabatayan daytoy billit sa na inikkan ti lubid ti agsumbangir nga saka daytoy billit ket no guyoden tay padi tay akinkannawan nga lubid aglowalo toy billit ti "ave maria" ket no met goyodenna tay akinkannigid nga lubid agkararag ti "our Father in Heaven" Tatta naka siksikaten daytoy nga billit ken padin ket nadamag ni Apo Obispo ket napan diay ili nga ayan tay Padi ket dinamag no ayan tay Billit.

Obispo: Father ayan tay billit nga taraken mo ket nalaing kano met nga aglowalo?
Padi: Wen Apo adda dita uneg ti simbaan. Inkay latta kitaenen.

Ket napan ngarud tay Obispo ket nakitana tay billit nga nakabatay diay sinan triangle.

Obispo: Alaman no agpayso met laeng nga nalaingka nga agkararag?

Ket ginoyod na tay Akinnawan nga lubid ket rinugian tay billit ti naglowalo ti " Ave Maria " apo ti sidaaw daytoy Obispo ket pinadasna manen tay akin kannegid ket nagkararag manen tay billit ti " our father in heaven" tatta lallalo ti siddaaw daytoy obispon. Ket kunana ti bagina ania ngata ti kararagen toy billit no goyodek dagitoy lubid nga paggiddanen? Ket ginoyod na ngaruden. Imkis met tay billiten " ISARDENG MO GAGO MATTINAGAKON!!!!!!



Comments



Josie Herrema
2/19/2006 3:45:45 AM

Hello manong,

kaskasdi nga diak masungbatan toy burburtiam ngem napintas toy pakatawam toy billitmo nga nalaing nga aglowalo, nakaayyo ka met. hahaha.

naimbag nga orasmo manong.




Nestor
2/19/2006 6:27:37 AM

Hello Jo,

Komustan, naimbag nga uras mo ading ko.Diay profile mo ket addaka dita Holland asideg ka ditoy Swedenen sigoro nalam-ek med dita a kas ditoy. Nakaadadu pay la nga snow ditoy, maka uma met no daddoma.


Ala komusta ka laengen ken naimbag nga aldaw mo.




Josie Herrema
2/19/2006 9:25:31 AM

Manong,

wen addaak ditoy Holland saan unay nga nalamiis saan unay nga agssnow ditoy ngem para kaniak ket nalamiis pay laeng. Kumosta kayo dita manong nakitak tay profile mo ket putotmo dadiay balasitang manong?

sorry manong wen damagek laeng. Adda sangailik ita manong toy maysa kada gitoy siomanko iso nga saanko nga nasungbatan itay.

sige manong inton maminsan manen ken naimbag met nga orasmo, thanks.




Johnnyric Domingo
2/19/2006 10:33:01 AM

Gayyem Nestor, Naimbag nga oras mo. Thank You! Ti isasarungkar mo idiay abong mi.

Sungbatko ti burburtiam: 1- 66 kalapati, 2- balsa, rakit 3- kampana 4- namaga. - JRIC




Edwin Gagarin-Disono
2/19/2006 11:23:40 AM

kaillian Nestor,naimbag nga oras mo,padasek mammet umay makipadigo ken mangpadas nga mangted t sungbat kadagitoy burburtiam.
Dagitoy ti sungbat ko.
1. 66
2. agbalsa
3. kampana
4. karatula-no adda rangtay diay karayan,




Nestor Dupo
2/19/2006 12:50:19 PM

Ading Jo,
Wen iso ti maikadwa nga balasangko ket tallo ti babbalasang ko maysa ti 17, 10, ken 8. Nayanakda amin ditoy Sweden. Ala agyamanak manen ti isasarunkarmo.

Pareng Jnric,

Husto amin dagiti sungbat mo nalaingka nga talaga.

Pareng Edwin,

Agyamanak ti isasarungkar mo ditoy nanomo nga abong ko, 1-3 ket husto ti sungbat mo ngem tay mikapat tay sungbat ni Pare Jhonny ti husto nga sunbatna.

Pasinsya kayon no diak nasungbatan nga dagus ta ni monmonitorek man tay News diay CNN ta ni adda man met didigra diay Pilipinasen. Kakaasi latta ti pagilyan tayo, irurumen langaruden ti agtuturay kasta pay lat mapaspasamak. Isu tay kona ti kaadwan asi kapay Pilipinas nga mailupit lupit.
Naimbag amin nga oras yo.




Josie Herrema
2/19/2006 4:42:31 PM

manong,

agpada ta met gayam nga aburoy a konada hehehe. ni lakay ket adda dua diay immona dua nga babbai sa dua met laeng kaniak puros a babbai kas tay adda dita ladawan. Tay inaunak ket 8 na inton June ipalobos ti apo 4 na met toy maykadwa.

sige manong naimbag nga orasmo.




Nestor Dupo
2/19/2006 10:09:17 PM

Ding,

Mabalin nga agsuratak la diay e-mail mon?




Josie Herrema
2/20/2006 3:52:52 AM

Manong anian ta Ding,

kasla met la naglambing hehehe, sorry manong wen, ala ket kasta laeng ti biag, mabalin latta manong any time. saan ka nga agmaymaysa kas maysa a gayyem mabalin latta nga agsuratka ta no ania ti maitolongko basta laketdi kayak tumolongak. have a nice day manong.




Nestor
2/20/2006 4:29:35 AM

Kaskala ngamin nga ni ading ko isu nga ding kunak lattan. Adda ading ko diay pilipinas isu ti buridek mi. Ket kasla siak ti papang nan ah ta siak met ngamin ti nangpabpabasa kaniana idi ket kaasi ti apo ket nangato met ti saad na diay TESDA diay Abran.

Nu dimo kayat nga awagan ka Ding, manang ngaruden! ha ha!




Josie Herrema
2/20/2006 6:41:31 AM

Manong,

saan kadi a manang ti awagmo tapno looking young latta, hehehe. malagipko lang gamin no tawagan dagitay daddoma dagitay darlingda ket ling konada iso nga natarosak man itay diay emailmo nga Ding, hehehe.

ditoy met ti dutch tay (nagimasen a banag) "lekker ding" konada hehehe. sige manong ta innak met agtrabaho. no makita ka inton madamdama maki patangakto manen.




Nestor Dupo
2/20/2006 6:56:42 AM

OK ngarud,

Nagimas wenno naimbag? ala ka sabalinsa ti kayatna a sawen ti naimas. Ditoy ket no tawanganda dagitay sweethearda ket "älskling" no met naimbag " gått" naimas "gätte gått" No met komusta ka "Hur mår du" wenno "hur står det till?"

Awan ti ading wenno manong ta uray ama wenno inada ket tay melat naganda ti itawagda.

Adaadvance kam gayam ti oras ditoy ta agalauna tattay nagsuratak ditoy addaak diay trabahok ket ni 4 PM´en. Ala mapanak man agluton ket adda dagitay burias kon. Ket adda pay umay ditoy balay gumatang ti fishing flies.

talk to you again soon.




Monica Smith
2/20/2006 8:25:05 AM

Sorry Manong Nester saan ko nga masungbatan dagita burburtiam. Umayak lang bumisita.




Monica Smith
2/20/2006 8:26:35 AM

Manong Nestor kunak koma, ania metten. Kaririing ko ngamin, guray man ta agkapeak pay, barbareng mamurmurayan nak.



Josie Herrema
2/20/2006 11:08:05 AM

Manong,

naimas a sidaen konak man laengen, (lekker eten) hehehe, ti met tawagda ket "schatje" konada. no ita ta rabiin a ket goede avond.

hello gayyem imbag ta immay ka met. sige naimbag nga orasyo.

naimbag nga oras.






Nestor Dupo
2/20/2006 11:15:39 AM

Ding Jo apay pina delete mo tay profile mon? Awan ka met diadiayen directorin. " schatje " iso ti awag dagitoy ubbing ko ta tay BF ta inaunaak ket taga Austria. "God afton" no rabii ditoy wenno "godkväll" Pasarayak mapan diay abong ni Pareng Jric ta sursurwan dak kano ni Ading Monica nga agarem. Adda gayam diay Canada, adda met kakasinsin ko didiay ngem diak ammo no saddinno ti ayanda.



Monica Smith
2/20/2006 11:29:41 AM

Umay ko man iyawid dayta balasang Manong Nestor.

Josie, agawid kan ta adda immay nga baro (idi kalman, tallo ti buryas na gayam hehehehe) diay balay. Ta umay mo kilatisin, ket agpaisuro ketden no kasano kano ti panagarem hehehehe!




Josie Herrema
2/20/2006 11:39:38 AM

Adda kayoman nga dua ditoyen, nasarakan kayo lang nga dua didiay ket awanen aladak daytoy wen.

apay manong mailiwka aya nga mangkita tay profileko? awanen napunasen uray diay pangir naicloseko payen. thanks for your email. sungbatakto inton adda nawadwadwad nga orasko ta reviewk man nga nalaing hehehe. naglukay ket dagita ramramaymo nga nagitogkelen manong?

wenla mapan tayo ngarod didiayen.




Nestor Dupo
2/20/2006 11:39:56 AM

Aguray kay man bassit apay nga manong kayo nga manong ket naka ububingak pay laeng sumorok nga kumorang ti tawen ko. Ket toy pusok naka ububing isu nga agpaisuroak nga agarem ta nalipatakon no kasanot agarem. No orayek nga ijebkas tay balasang nga umona ti ayat na kaniak wenno siak ti omona mangisawang.



Josie Herrema
2/20/2006 11:48:10 AM

Annay!!



Josie Herrema
2/20/2006 12:03:10 PM

pasensyan manong nakagatnak tay koton ket ditoyko met nga naiposte daytoyen, hahaha sorry innak man pay diay bangir.

sige manong ay Ding gayam, hehehe

godkväll




Marie Domingo
2/24/2006 12:37:21 AM



Manong lumabasak pay ta innak balunan ti kanen ni Pareng Jric mo.
Busy isuna kadaytoy nga lawas,bareng addanto met laeng sapar na nga makisar-sarita kadakayo.




Nestor
2/24/2006 8:57:23 AM

Ala ket no isu ti konamon Mare, keet na ngarud kastay kunada trabaho trbaho tapno ti biag agprogreso. Ammok met ti rigat ti adda ti sabali nga pagilian ta saan met nga kabukbukodan ti tiempo. Pia diay Pilipinas idi ta adda uras nga matorog ti aldaw tattan tay la lunch break ti inanan. See ya mare regards to pare.



OscimbGib
11/9/2007 5:58:08 AM

Where I can find good quality films?
Can anyone help me?





Agposte

Ag-Loginka pay nga umuna Kailian sakbay nga agposteka.