iluko.com - website a magustoan a pagpalpallailangan dagiti pada a nangisit ti sikona.

Filipina abroad

 

Skip Navigation LinksHome > Blogs >



DIOS TI AGNGINA
2/17/2006 11:46:10 AM

17 Pebrero, 2006

Nalamiis, naangin ita nga aldaw ngem ti pagsayaatan na ket awan iti snow. Ket nu ar-arigem kasla signal number two ti angin na. Ana ngarud ket adda latta trabaho ket iskuela. Adu ti agsal-saludsud nu apay nga adda kami ditoy nga pagilian, nga inggat lamiis na.Adayu nga napinpintas ti panawen tayo. Narigat ngamin ti agsapul ti napintas nga trabaho, kunak lattan nga isungbat. Ket nu agmaymaysa ak, kunak ket agyamanak Apo ta addaak ditoy. Dagiti adu nga parabur mo kadakami di mabilang. Makatulong kami kadagiti ay-ayaten mi tit biag ken gagayyem mi.



Comments



Marie Domingo
2/17/2006 12:50:49 PM



Josie,Naimbag nga aldaw mo.Umay ka mammet komustaen gayyem.




Josephine Ramos
2/17/2006 3:24:00 PM

Hi Marie, Naimbag nga aldaw mo met. Agyamanak ti kinafriendlym.



Jing Doman
2/17/2006 5:26:12 PM

Josie, Pumasiarak man met ditoy abongmo kaili. Maymayat kano ti nalamiis a lugar ngen ti napudot. No nalamiis ket mabalin a pagsusukoten ti jacket, ngem no napudot saan a mabalin ti aglabus! Hihihi! Ania ti makunam manang Marie?




Marie Domingo
2/18/2006 1:34:40 AM


Josie,basta taga San Nicolas frienly kunam sa!Agkailian kami gayam ken ni lakay mo.

Jing, nagawid ka gayam dita PINAS? Komusta met ti fiestat Laoag?Siguro puro enjoy ti inub-ubram aya.Talek mo pay ta nakabakasyon ka manen.




fred
2/18/2006 3:41:54 AM

taga Sinaitak apo, naawis man toy imatangko..addakay gayam dita Iceland! mangipanek-nek a nadakiwastay nga ilokano/pilipino
tay kunayon, agsapul pangsilpo iti anges, la ket naimbag a gasatyo apo.
inton adda panawenyo agipadamagkay man met ti kasasaad dagitay kailiantayo dita lugar a nakaipad-padanyo ken no adda, lad-ladawan ti aglaw-law.
manen, sapay koma ta sumur-surot ti nasayaat a gasat iti inkay panagkatang-katang...




fred
2/18/2006 3:43:29 AM

malagipko adda kaklasek nga Agngarayngay idi a kailianyo ken am-ammok dagiti Acob



Eddie P.
2/18/2006 6:16:38 AM

Umayak man Apo agpasyar, agsagap ti padamag ti Iceland?



Josephine Ramos
2/18/2006 12:11:10 PM

Goðan daginn! Naimbag nga aldaw yo kakailian. Nasayaat man ta nakapasiar kayo ti abong ko. Napintas ti Iceland, fresco ti angin ken saan nga overpopulated. Icelandic ti pagsasao mi, saan amin nga tattao ket agsarita ti ingles aglalo dagiti babbaket ken lallakay. Naimas ti makan, adu ti fresh milk, jogurt, ikkan ken karnero isu ti produkto da. Ania ti makuna yo ti karnero? Kayat yo ti rumaman? Na-imimas ngem kalding.
Adu ti Agngarayngay ken Acob diay Bgy. Sangil, Ganagan.

Marie sadino ta San Nicolas ta ayan yo.




Marie Domingo
2/18/2006 1:06:49 PM



Josie,Taga Barangay#7 San Nicolas,Ilocos Norte'ak.Asideg dita planta ti Coca Cola (agpa Dingras road}Agonoy ti apeliedok idi balasangak pay.No malagip pay laeng ni lakay mo ti (Agonoy's Furniture Shop)dita ti balay mi.Padasen mi man ngarud nga ramanan no naimas met laeng ta dimi pay ammo ti raman na.Okey ngaruden...




Sherma Benosa
2/19/2006 7:48:50 PM

Hello, Josephine. Umayak man met agpasiar ditoy abongmo...

Hi Marie, Jing, Manongs Fred ken Eddie P... Nasiputankayo itay agturongkayo ditoy isu a simmarunoak...




Cliff
2/20/2006 4:58:27 AM

eherm eherm...mabalin taga-Pinili I.Norte ditoy apo?

...dita Iceland ading...mabalin ti mangkuskos ti ice a para halo-halo? hehehe! makitak ket adda amin dagitay napipintas a babbalasang ken naguguapo a babbaro ti ilukodot com ditoy abong ni Ading Jo!

'musta kayo amin apo!




Monica Smith
2/20/2006 8:40:41 AM

Pinanawdak didak pay insurot hehehe!

Imbag nga bigat mo Josie. Umayak man met bumisita ditoy abong mo. Uray ditoy ayan ko ket nalammiis ita, nakuyem pay.




Manang Marilyn
2/21/2006 3:55:53 PM

Marie,
Adda kadi am-ammom nga Marina Agonoy? Adda iti kaeskuela-ak idi high school-ak dita INNHS. Wenno, sika kadi daytoy? Joke only....wen. Ngem no agpayso ania ketdin a sayaat na.




Marie Domingo
2/21/2006 9:09:15 PM



Naimbag nga rabii tayo amin kakabsat!
Manang,saan ko nga am-ammo isuna.Ngem ti puon mi nga Agonoy ket dita Bacarra ken nagbasaak dita Santa Rosa Academy ti high school.
Hi Josie......




Josephine Ramos
2/23/2006 11:37:32 AM

Kablaawang kay amin kakabsat. Puminpintas bassit ti panawen ditoy yen, saan nga frost ken naangin. Umay san ti "spring" a kunada.

M´g Cliff uray dika agkuskusen ti ice nukua akupem lattan nga ikabil ta basom.
Kastan ket naimbag nga aldaw yo amin.




Roger Tolentino
2/27/2006 7:45:01 PM

Josie dimmagasak laeng tapno umay ka kablaawan iti naimbag nga aldaw mo. Nalamiis bassit itatta ditoy Central California aglalo ket nagtudo pay ngem saan a kasla iti lamiis ti lugar yo. Ala ngarud ta agsubli ak to manen no aggapu ak idiay Pasuquin.



Bert Ugalino
3/11/2006 12:39:53 PM

Immayko pinainum diay karnerom ta nabayagkan sa a di nagawiden. Baam ta yawidkon ta isu pay a dimo pakaringgoran. Bisi kan sa unay.

Sige, innakon, sakbay nga tumawag ti polis dagiti kaarrubam...





Agposte

Ag-Loginka pay nga umuna Kailian sakbay nga agposteka.