iluko.com - website a magustoan a pagpalpallailangan dagiti pada a nangisit ti sikona.

Biag nga kasla takiag

 

Skip Navigation LinksHome > Blogs >



Katang katang
2/22/2006 11:43:04 PM

Back to work...kataptapog ko manipud interbiyu. Daytoyen ti maikadua nga interbiyuk ita nga tawen. No di mabirabid, daytoy ton ti maikalima nga trabahok manipud rinugiak ti mangged. Ngem no maminsan mapanunot ko, makabannog met ti akar nga akar ti kinelleng. Mano man ngata nga igaaw ti mapalabasen sakbay nga kaumaak to manen ti trabahok...no dadduma ket malaglagip ko pay dagidiay tinalawak nga sinilong...di ket ngata nalimlimpio nak koma no inananusak?....agpanunot ka nga nalaing lakay....


Comments



Fred Ilac, Jr.
2/23/2006 4:18:28 PM

kasta lang reynold, biroken ti karaberan a pagaraban, sultopen amin a sabong a malabsan ta pagdidiligen no ania a muyong ti agsabong iti kababangloan ken kasasam-itan iti nektar.
agannadka laeng amangan no iti katutulidmo, awan dumket a lumot a kunada ngem no napigsa ti bato balanim, mabungonkanto latta hehehe.
mustan?




Nanet Estavillo
2/24/2006 7:55:29 AM

Wen nga appayso. Padasem amin nga trabaho. No ania ti kamayatan ken paglalaingam. Maysa pay naimimbag met laeng no naragsak ka kadayta nga trabahum adda supapak ti bannog mo iti inaldaw. Kayat mon to manen ti mapan agubra iti sumuno a bigat.



Eduardo Padaoan
2/24/2006 6:37:41 PM

Iti las-ud ti dua a tawen sangapulo ket tallo a trabaho ti napadasak idi kabarbaroak ditoy ayanmi. Maika-trese ti tarabahok ita, Reynold. Hustokayo Fred ken Nanet.



Reynold Dumapay
2/27/2006 9:28:37 PM

Pudno ta kunam mang Fred. Isu't pagkedkedan toy riknak ta kasla di met lumoten da taon. Agyamanak mang Ed ken Kabsat Nanet ti panang papigsa yo ti nakem...Pannarabay la ti Apo ti pagtaltalkak..



Fred Ilac, Jr.
3/2/2006 4:20:50 PM

urayem ti ikakagatna adi! inton marugianna ti kumpet pati rasa ken buntiek isudanton ti umay umabong



Sherma Benosa
3/17/2006 2:58:13 AM

hey hey hey! Hello Reynold, Manongs Fred ken Ed, ken Ms. Nanet!

Ditoyak gayam a makabirok iti padak a "katang-katang"
"Rolling stone" ti awag ni Tatangko kaniak ta akarak nga akar iti trabaho! Hehehehe

Uray dagiti gagayyemko a saanko unay makitkita ket dida payen ma-track dagiti pagta-trabahuak. Ti ammoda a yanko a madama ket diay pinanawak a trabaho years ago. Hehehe manen...

Kumusta, Reynold?




Reynold Dumapay
3/17/2006 4:55:47 PM

Hi kabsat nga Sherma,

Thanks for dropping by :-)
Wen ngarud, no apay ketdi nga awan sat kapkapnekan da tao...Ngem tay kas nasauk diay kasinsin ko nga nagseryoso nga permi diay nobya na, kolek and kolek, then select...ti la dakes no ti kapipili, makapili tay nga kuna da ti takki.... he he.

Kabsat Nanet, I missed your insightful post...tenks..ala padasek man met ti kumarruba..dumanon kay latta no kua.

God bless






Sherma Benosa
3/26/2006 6:54:08 PM

Wen sa nga agpayso, gayyem.
Kumustakan?





Agposte

Ag-Loginka pay nga umuna Kailian sakbay nga agposteka.