iluko.com - website a magustoan a pagpalpallailangan dagiti pada a nangisit ti sikona.

Biag nga kasla takiag

 

Skip Navigation LinksHome > Blogs >



Kablaaw
10/14/2005 1:08:32 AM

Kayat ko lang ti kumablaaw kadagiti nangirugi ken mangtamtaming kadaytoy iluko.com. Manipud pay idi naduktalak daytoy nga panid, nagbalinen nga default page ko. Magustuanak la unay dagiti saniweng ti pul-oy ti amianan. Maipalagip dayti bassit nga transistor mi nga ipalpalag mi ti baterya na no kasta nga kumapsot. Wenno is isbuan mi ti puon ti antenna na nga barut nga naikulokol ti daga tapno laeng pumigsa ti reception na. Kasta met nga paspasungadak dagiti burburtia nga mangpaisem bassit kaniak aglalo no kasta nga adu ti trabaho ditoy opisina. Ken ne, naglalaing gayam dagitoy kakailiak, ta pudno nga maipagpannakel dagitoy adda iti ladladawan. Makapabang-ar pay kunam nangnangruna dagidiay naala iday awaway.

Ala kastan, dumagasak to manen no maminsan. Pagyamanan laengen ti ananus ni apo nga webmaster ken administrators.



Comments



Andy Barroga
10/16/2005 2:10:06 AM

taga ano ka gayyem? adu ti dumapay diay lugarmi.



Reynold Dumapay
10/16/2005 10:52:00 PM

Dimakkel nak idiay ili ti Luna, Apayao barrio ti Zumigui manong. Ngem ita agnaednakon ditoy Quezon City.



Andy Barroga
10/17/2005 12:04:36 PM

Wen, taga Lunaak met ket adu't gagayyemko a taga Zumigui. Kapin-anom ngarun ni Iniong Dumapay a kabsat ni Cesar? Ni Tomas? Dakami ti agbabarkada idi, Iniong, Sinti, Tomas, idi high school kami.



Reynold Dumapay
10/17/2005 5:57:28 PM

Ne kitam ngad laeng...kasinsin ko ni Iniong Jr., uliteg ko met ni Tomas. Batam manong ta isaritak to no agawid kami kadaytoy nga undas. Adu met ti amammok nga Barroga ta mamaestrak idi ket Barroga. Ngem ditayo siguro nagdadanonen..

I admire your passion in keeping and improving this site..keep it up!




Andy Barroga
10/17/2005 6:24:29 PM

Wen man... nabayag daydin naudi a pannakakakitak kaniada. Ni Tomas ti naudi ta immaynak kinarit ti Chess idi diay Amianan (Poblacion Norte). Aduda a taga Zumigui a simmurot kaniana ngem inabakko amin kuartada.

Nanangko ti maysa a Barroga a nangisursuro diay Elementary.




Joven Ballesteros
11/14/2005 2:18:16 PM

Kayatkoman a maamuan ti title daytay GAGUIP A NAPALABAS a kanta tapno
innak patokaren a kanayon.

Agyamanak unay,
Joven




Lyne Ab
3/18/2006 8:46:42 PM

do u know glocelyn dumapay? we were classmates in hi-school there in luna.



Reynold Dumapay
3/20/2006 5:27:51 PM

Hi Lyne,

Wen, kasinsin ko ni Glocelyn Dumapay Razalan...Edra isuna itattan, diak ammo no isu ti naka klasem. Adda ngamin kabsat ko ngem Glodelyn isuna.






Ed
1/4/2008 10:43:43 PM

Hello pare Andy,
Fisrt time in this site. Edmar Ibana ti naganko from San Jose Ca.
Adda met am-ammok nga taga Luna, Ceasar Duamapay, working in San Francisco, baka am-am-ammom isuna.





Agposte

Ag-Loginka pay nga umuna Kailian sakbay nga agposteka.