iluko.com - website a magustoan a pagpalpallailangan dagiti pada a nangisit ti sikona.

Kulding ti kalman ita ken inton bigat

 

Skip Navigation LinksHome > Blogs >



Ugali Dagiti Ilokano
5/23/2006 4:15:02 PM


Annia dagiti ugali tayo nga Ilukano, nga rebbengtay nga usaren iti nakaipalladawan tayo a lugar,.a kas ditoy America. Ibaga tayo no annia, ken apay..

Sampel, Kinamanagsalimetmet. Ngamin ta ado ti mapalpaliiwko. No nakasueldodan dagitoy napaliiwko. ,Saan nga kadaraan. Napalalo nga gagardan nga agsueldo manen.
ta awan kanon ti kuartada. Dagitoy nga tao ket agpapadakami met ti sueldo. No adda man deperencia, bassit laeng. Diak met ibaga nga diak madanagan, ngem adda met payla sangkabassit nga danunen tay sueldo nga sumaruno nokua.Ilokano nalaing sa ket nga agirimedio. Kunada. “Nga ,no sueldo ti pakaatiwam, panagsalimetmet ti pagkamakam.”



Comments



fred
6/3/2006 1:17:37 PM

wan dey milioneyr kunam man! agsakbayto pay ngamin diay kuton..tao ketdin? ngem sabali lang tay kaaduan nga ilocano..nia manong?

kumustakay ta maui?




Cresencio Yagin
6/3/2006 3:33:45 PM

Nalpas ti barrio Fiestan.Tallo nga aldao dakayo. Awan ti ganas ti Fiesta,
nangruna no bassit ti tumulong.Naglako ti Sinait ti Lumpia, Bibingka,Puto ken Liningta nga mais.
Naimbag nga orasyo amin. Awan kasla barrio fiesta idiay ayantayo.No idiay ayantayo ket sala nga kasta unay koma manen.




Severino Pader
6/4/2006 9:24:28 AM

Kilabban... kayatan ti Ilokano ti mangilabban isu nga makaurnong, saan kadi? Imbes nga agmacdo wenno agjollibee ket mangilabban laengen...

Mang Cres, Gyem Fred, napanak nakifiesta diay iliyo a Sinait ngem awan kayo met...




JRIC
6/4/2006 11:39:54 AM

Tagnawa, Timpuyog, Amoyo, ugali a pagtalinaeden tayo koma. Kas diay pampamayan tayo diay Barrio Fiesta Manong Cris, tumolong tayo a sipupuso nga awan sueldo. Dayawek ti ili ti Sinait ta naanep ti miembrona saan kas ti sabali nga ili.
Daytay tuloy dayta istoriam Manong, ket ur-urayenmi.

Labasan kayo man met Ka Sev ken Manong Fred.




Cresencio Yagin
6/5/2006 11:59:37 PM

Sever,immayak ta Sinait idi laeng naminsan nga rabii ngem saanta a nagsarak.Kinarawanak ti maysa nga tagagainep, sayang ,gapu laeng iti maysa nga tagtagainep.
Diak ammo no apay.Adadun nga amang ti kaaddak ti sabali nga lugar ngem ti kaaddak ta pinas, ngem no karawaennak ti tagtagainep ket dita pay laeng pinas kabsat.


Tagnawa kunam Jric, wen nga agpayso nasayaat dayta.Kasla suminged ti relasyon ti agkakarruba wenno agkakailyan.Adda paymetla sagpaminsan ditoy tay tagnawa nga kunam.Kasitay napalabas a Barrio Fiesta, awan ti namnamaem nga bayadna ngem aduda met nga immay timmulong.
Saanko nga ituloyen ta dadakayo metla ti nangsursurot.Kuna ngamin dagiti dadduma ket sabali kano met ti topiko.Isu nga isardengkon.
Ala isardengkon ta addanto manen dawasen ti tagtagainep.






Arlane Manzano
6/6/2006 9:07:22 AM

simmiripak laeng apo.... agpanunotak pay iti answerko ta imbaga met aminen ni Manong JRIC ti pampanunotek.

Tsk.




Rudy Rumbaoa
6/8/2006 12:23:42 PM

Nabara a kablaawko Mg Cres, Kailian!

Agsubliakto...




Cresencio Yagin
6/8/2006 11:43:28 PM


Wen, relasyon ti agikit. Ngannganin agngudo iti nakapulsutanna. Ngem no kayat yo nga maammwan iti nagnummwanda nga awaten, iyarasaas konto laengen kadakayo nga
sumagmamano nga nangsurot iti storya.




Cresencio Yagin
6/8/2006 11:48:05 PM

Urayekti panagsublim Rudy.Bareng makapagsasaraktayto manen. Bassit ti Maui,ngem dimanla makapagsasabat ti dalan tayo, wenno agsisinnilyasigla koma.



Rudy Rumbaoa
6/9/2006 11:56:30 AM

'su ngarud ti problema, mg cres. bassit nga agpayso ti maui ngem di tay' met makapagsisinnarak. nagasaten no agdadanontay' iti maysa a punsionan. siguro, satanto man la makapagsaritan no umay da mg linda, mg cles, congresman pitong wenno diony bulong ditoy maui kas nakunada kaniak...

ala, saantan nga iyuray ida...




Rudy Rumbaoa
6/12/2006 12:24:52 PM

mg cres, nabasam siguro ti june issue ti fil-am news...maysa daytoy nga ehemplo ti kunam nga ugali. no am-ammom dagitoy, dimo ibagbaga, wen?

ala, ituloymo latta ti agestoria...




Cresencio Yagin
6/12/2006 4:56:19 PM

Siguro ammok ti kungkuna tay parasiimmo nga marabutit. Makauma met nga agpayso, ngem dinakmet masagsagid.Isu nga diak met unay agrirriri.Ngem no addala koma pagipisukan ti sggestion kadagiti kayat ken kayat nga mapasayaat ket maysaak koma kadagiti adu ti kiddawenna.



Cresencio Yagin
6/12/2006 5:10:47 PM

Ay wen gayam,nabasak tay daniw ni kabsat Edmun Salvador,nga pinaulwanna ti Busbusilak. Nangnangegko ti Busbosilak ngem diaksa malagip ti langana no bilang nakakitaakon wenno saan pay.

Ket kunayo ngarud ket nalagipmi nga nagsasaritaan dagiti kayo nga medyo maaoawanen iti lugartayo. Kas iti kayo nag awawaganda ti Sabblut.Ti kuna diay nakalagip ket adda kano paset daytoy nga kayo, nga idi unonana ket aramatenda kano nga paglaok iti simentwen (Congkreto)Diak ammo no kasano ti langana daytoy nga kayo ngem nangnangegko laeng a nagan ti kayo daytoy.Tulongandak man no bilang adda makaammo kadagiti usarna iti kayo nga Sabblot.




Rudy Rumbaoa
6/14/2006 12:50:14 PM

mg cres, good morning! napuyatankan sa ta dika metten makapuoten...

baliwakto ti agsubli...




JRIC
6/15/2006 12:49:36 AM

Lumabasak Manong Cris

Ka Rudy maud-udika bassiten...




Edmund Salvador
6/15/2006 9:25:14 AM

Kabsat Cres, ti sablot (Litsea glutinosa)tree ket matadtad ti bulong a malaokan iti tagapulot nasamay a paglaok iti semento a barat tapnon nalagda ti semento.Daytoy a barat ket mina.semento a puraw ti marisna. Mapuuran babaen iti takki ti nuang ket agpekka daytoy no mapataruytuyan iti danum babaen iti ragadera.Kasla agbulbulong nga abokado daytoy a kayo.Sapay ta malagipmon Kabsat!Ti met Busbusilak ket ti sabali pay nga Ilocanona daytoy ket Kuribetbet(Tabernaemontana pandacaqui Poir)
Tagalogna ket Pandakaki-puti




Rudy Rumbaoa
6/15/2006 12:13:50 PM

ne, din sa pay nakamurmuray ni mg cres... ala, baliwakto ngarud ti agsubli.

hi jric, mg edmund!




Edmund Salvador
6/16/2006 11:17:32 AM

Isu ngarud. Dumagasto nokua!Innak man pay dita, ne.See ya!



Sherma Benosa
6/16/2006 9:17:29 PM

hello, Manong Cres. Happy Father's Day! Have a good weekend...



Cresencio Yagin
6/17/2006 12:43:46 AM

Wen gayam , tallo nga aldawsan nga diak nanglukat ti tawa. Adu kay gayam nga limmabasen.Awanak iti uneg ti abong. Pinanawak bassit. Maililiwak met, ngem uray no kasano ti ayat nga sumirip ket medio maladao metten no sumangpetak.Rudy, unaek nga iwaras ti panagkitak iti ruangan nga pakaidataran dagiti dandaniwyo.
jric,notalyawen dagidi karigat idi datao pay ti ubbing ket adda kabulona nga isem ken panangayay ti nariingan a kasasaad.
Tank U Sherma.Nabayag nga dika immay simmarungkar,ket tank u again.




Cresencio Yagin
6/17/2006 12:56:02 AM

Sika gayam ti mabalin nga pagdamagan kadagitoy. Ammom pay dagiti naganda nga sabsabali. Yamanek, ta addanto isublik nga sungbat kadagiti saludsod maipanggep iti kayo nga Sablot.
Busbusilak. No malagipyo, isu daytoy ti mula nga inadal daytay maysa nga studante iti Sinait Natinal High School, nga ti maala nga tubbog daytoy nga mula ket maaramat nga pagpasuyot kadagiti naganus pay nga dawa ti pagay tapno saan unay nga aduti agippes.Agyamanak manen Edmund.




Johnnyric Domingo
6/17/2006 1:25:49 AM

Happy Masitas Day Manong Cris! Agmulaka no rabii?



Edmund Salvador
6/17/2006 7:05:44 AM

Awan aniamanna Ading Cres, Ading kunak ta ammok nga ininaunaak ngem sika.Adda bassit ammok maipanggep iti kaykayo ta medio inadalko met dagiti kaykayo idi agkabannuag pay ti tao.Ken adu pay laeng a makita dagitoy a kaykayo idi saan a kas itan ket manmanon a makitam ida.Mabaybay-anen ti kabakirantayo ket amkek ta mapukawton dagitoy no saanda a mapreserba.



Edmund Salvador
6/17/2006 10:52:10 AM

Nasamay pay daytoy busbusilak a pangpasardeng iti sakit ti ngipen patayenna ti mikrobiona. Pasarunson la daytoy Cres, Ala innakon!



Rudy Rumbaoa
6/17/2006 12:25:20 PM

jric, umisemak man iti dayta a kablaawmo ken ni mg cres...siempre, adda hardin ni mg cres ket masapul a pagsisinnublatenna ida malaksid no adda manen baro nga imulana... iti nalawa a pagmasetasanna (hehehe).

kablaawanka mg cres iti happy father's day! kasta met kadakayo mg edmund ken jric...




Cresencio Yagin
6/17/2006 5:25:24 PM

Wen nga agpayso,panagmumola ti masitas ngem natikag unayen.Isu nga dakay nga mediyo ububbing pay, agmasitas kayon ita ta dipay matikagan.
Dagitay katrabahuak ket agbaloda kanon ita ta addapay damegna.Didanto ket kas kanniak a medyo kamakamek ti kunak ngem awanen umadayo lattan ti panawen.

Naimbag nga panagbabalo. Hahay!! biag...

Rudy isungata diay puntiryak tay masisiim tay marabutit a para siimmmo?




Monica Smith
6/18/2006 9:06:58 AM

Happy Father's Day Manong Cres!



marie domingo
6/18/2006 8:02:44 PM



Manong Cresencio, Happy Father's day!





Severino Pader
6/19/2006 1:19:52 AM

Mang Cres, Mang Edmund, Insan, agawaanyo ti agmula ta umay ti pinagtutudon... Pare Jric, apay rabii ti pinagmulam? hehehe

Addadatoy met gayam da Monica ken Marie... helo helo helo




Rudy Rumbaoa
6/20/2006 11:45:49 AM

hi ading Monica ken Marie!

Insan, isu ngarud ta agpasuroak nga agmula (agitugkel kunak koma) ken ni Mg Cres tapno addanto met apitek... ngem kuna ni Pareng Jric, napinpintas kano nga amang iti agmula ti rabii (hehehe).

agbatika pay laeng, Insan...




Rudy Rumbaoa
6/22/2006 12:55:57 PM

ne, bisikansa unay Mg Cres... agsubliakto ngarud.



Severino Pader
6/23/2006 4:33:17 AM

ne, awan sa ti Apo a bumalay...

Mang CresY, napanamon? Pumasiarka man ketdi diay abong ni Sherma ta adda napintas a pagsasaritaantayo idiay...




Rudy Rumbaoa
6/26/2006 12:04:42 PM

ay Apo, aya! Dika pay nakamula kadagita masetasmo, Mg Cres? Agmurmuraykan ket ur-urayendak diay abong ni Sherma... sika la't kurangen. Adda importante a pagsasaritaantayo. Ala kasta, yuraydaka ne...



Rudy Rumbaoa
6/26/2006 1:50:55 PM

koreksion: "ur-urayendaka," kunak koma.

kastan...




fred
7/1/2006 12:37:40 AM

nia manong, nakapagsim-simpakay met la aminen, sapay koma ta talinaay ti sumaruno a dumteng..ni Apo ti mannarabay....

kumusta la kadagiti dadduma a kalugarantayon..nasayaat koma a panagkikitayo iti maysa ken maysa no awan ti kasdiay a pasamak...




Edmund Salvador
7/1/2006 7:43:40 AM

Manong Cres, umayak manen ta umayko warwaren di naisawangko idi nga ininaunaak ngem sika ngem nagriroak gayam ta adayo nga ininaunaka ngem siak, ta naitaoka gayam idi tiempo't liberasion.Dispensa kabsat,kanayonko ngamin a saluduan dagiti natataengan ngem siak ta isuda ti napnuan padpadas iti biag ken natubayda kadagiti pasamak ti naglabas a panawen.Ala wen Manong adda la panagriro't tao.Thank you !



Cresencio Yagin
7/2/2006 11:25:32 AM

Agyamanak kakabsat kadakay amin nga immay simmarungkar itoy abong.Diak nakasapar iti simmango kadakayo. Namnamaek a kalpasan iti daytoy nga aldao mapalubusanminton dagiti kakabagyan nga immay nakipangandingay kadagiti narigat koma nga maawat nga pasamak,nangruna kadaytoy kabinnulig ti biag. Adu met dagiti kakabagyan nga immay a naggappo iti sabali nga Isla a kas iti Kauai, Oahu ken ti naggappo iti mainland.
Dawatek ti despensar ta diak man makatutoren. Agsubbliakto.

Toy kabsatyo,




JRIC
7/2/2006 4:03:05 PM

Nagpaskenka Manong Cris? Apay ngarud a dika nagimbitar! hahahahaha.
(angaw laeng)




fred
7/4/2006 12:24:40 AM

wen gayam manong..immayda Tony manipud Kauai? kabsat kad ni ama Felix nga amada daydi katuganganyo? uray ni Ka Ciano, saan aya a kasin-sinda?

la sapay koma ta talinaay ti sumangbay a sumaruno kadakayo.




Cresencio Yagin
7/4/2006 10:03:36 AM

Aduda nga immay nga taga Kauai.Immayda Tony ken ni Linda nga Misisna.
Tata ni Tony ken tata ni Siano ket agkabsatda.

Jric,adu ti malipatan no dgitoy ti pasken.Nasayaat koma nga agpayso ta nayamammoka koma kadagiti kakabagyan.Adda met dagiti makaamammo kenka nga immay nakiandingay.Pagsayaatanna no adu dagiti makipagandingay ta ado dagiti makapakatawa nga malaglagip ken mapataud ket kasla makerrasan ti liday nangnangruna kadagiti annak di pimmanao nga katugangak. Adda ti maysa nga naangaw met a naggapu iti Kauai.,nga kunana nga nagbalin kanon nga "Siga ken Maton" nanipud idi simmangpet ni baketna. Sigagaluten ken no dadduma ket Matuntunton. Naimbag ken naragsak nga July Fort yo amin.




JRIC
7/4/2006 11:34:32 AM

Manong Cris, agassiddegta ngem diak man laeng nadamag di nagpanes a pasamak. Ladingitek unay Manong, iti saanmi a pannakadamag a nasapsapa. Namindua iti agsabali a rabii a nagsarita kami ken ni Kumpad Romeo dita Palanehe St ngem dinaman nasagsagid ti nagpasaranyo.

Ni Apo Dios Koma Ti Manglinglingay Kadakayo a Napanawan.




Dan Corpuz
7/18/2006 9:12:28 PM

Nabayagka nga awanen pagayam JRIC. napnapanamon?

lumabasak manon Cris




Ray Miguel
7/23/2006 10:36:12 AM

hehe, uray ayanna a disso ditoy blog ket adda kayo latta.

umayak met sumirip manong cris, nabayagen a diak timmamidaw ditoy iluko.com isu nga diako ammo ti mapaspasamak.




Cresencio Yagin
7/23/2006 4:25:04 PM

Ray,nasaysaysayaat tay agpaspasyar ti abong ti makinabong ta saan nga sika ti agsangaili.Narigat ngamin ti asgsagana ti pagsangaili no sika a kanayon ti agsangaili.No agpasyarka lattan ket sika ti ilutuanda wenno idasaranda ti mainom, mairamanka lattan kadgitay idasarda.

Nagdengngegak tay lagip ti napalabas."BIAG TI MANNIRIP"Mayat! Ta imbagana dgitay kinapudno siguro a mabalin nga napasamak iti biagna,Pinanagananna ti bagina ti TQ tay nagsurat.




Rudy Rumbaoa
7/24/2006 11:29:29 AM

Husto ta kunam Mg Cres! Sigurado nga adu ti pagpasiarak no kasta. Iti kinaadu a mapasiar, angtabenka a dina oras...hehehe!!!

Ne, naimbag nga aldawyo amin Kailian! Tuloyyo kad latta...




JRIC
7/24/2006 9:46:56 PM

Sayang! Manong Cris, diak nangngeg ta madama met ti panagraep.

Dika pay pumampanaw Ka Rudy, agisturia kaman ketdi ti mapsapasamak ditoy Maui.

Addaka met Gayyem Ray, nabagyo kyo kano dita Vintar: kuna ni Ading Lei.

Dayta gayyem dita ngato ket nabayag nga awanen. ania ti makunam G'yem Dan? Hehehehehehe!




Dan Corpuz
8/7/2006 10:46:36 PM

Apay Ka Cris, dimo met sarsarungkaran daytoy pakarsumon?

hay pagayam JRIC, 'musta?

'nia't obram dita uneg pagayam Rudy?




Rudy Rumbaoa
8/8/2006 12:19:08 PM

Naimbag nga orasyo amin, Kailian, a nadanonko a bisita ni Mg Cres...awan labasna wen!

P'reng Jric, kanayonka met la nga agraraepen wenno sabali dayta raraepam hehehe!! Ala, yuraymonto latta a rummuar tay pagiwarnaktayo ditoy Maui ta idiaymonto a basaenen dagiti kabaroanan a damdamag...

Ne adda met gayam da P'reng Ray ken Dan ditoy...komusta gagayyem?

Mg Cres, ala mangsangailika bassit ket umad-adukamin...




JRIC
8/8/2006 11:28:57 PM

Sarungkaram toy pakarsom Manong Cris ket anayen.

Gayyem Rudy Gayyem Dan umonaak pay......




Cresencio Yagin
8/13/2006 5:24:04 PM

No kaslaakla koma kadakayo nga nalaing nga agluto ti ipasangok Rudy,uray kankanayon nga sangailyenkayo. Ngem ala uray no kasta,ikarkarigatak ti mangitugkel ti pagkiwar kadaytoy lulotwek. Tawayakto manen. No nakurang ti asinna,nayunak manen.Kastoy ti kasasaad ti saan nga nakasursuropay
nga agluto ti ipasango. Lakayakon, ngem naladao a nakasursuro.Congrat
kadakayo nga top 3 Ilukano a mannurat.Ituloyyo ta adda pakairamanan tay malutoyo.Naimas ngamin dagiti luto nga inkay idasdasar.
kadakayo amin nga umay sumarsarungkar ti abong,agyamanak.Ket tapno saan nga anayen, akuna ni Jric ket umayko metla pampagen ti basarna.




Rudy Rumbaoa
8/14/2006 12:15:07 PM

tengkyo, Mg Cres!

ne lumabasak pay! no makalutokanton, agsubliakto...




Cresencio Yagin
8/20/2006 12:22:11 PM


Ugali nga makaited ulidanan. Wenno leksyon

Adda nadamagko idi kalman. Dagiti ugali tayo nga pabalunan dagiti minatay,
kadagiti magusgostwanda idi addada pay nga aggaraogarao iti rabao ti daga.
No siak a maysa,dagitoy nga ugali ket rebbengna a lipatenen,nangruna no dagitay banag nga napapateg ti ipabalunmo. Kasla koma kadagitay celphone,alahas ken kwarta.Dytoy ket napasamak iti Sinait. Napabalunan ti minatay kadagitay napapateg.
Intanemda ti minatayda iti pantiong.Narikepan ti pantion. Inalitanda nga sinemento ti rikep tapno maserraan.
Kuna ti damag. Siguro adda met dagiti nakadamag nga ti minatayda ket napabalunan kadagiti napapateg a bambanag. Iti rabii napanda tinubutob ti rikep ti pantion.Inrwarda ti natay,sada tinakawan. Impagarup dagiti mannanakao gapu ta addu dagiti kakabagyan ti natay a naggappu iti Hawaii a napan nangatindar ti pannakaidulin ti kabagyanda, ket siguro adu met ti naipabalon a dolliar. Ngem kunada nga adda kano naipabalon a kwarta ngem saan unay met nga adu. Ngem ti nadamagko ket Celphone,Kwarta ken alahas ti naipabalon.
No siakla a maysa,dagitoy nga ugali ket rebbengna koman nga lipaten.Ngem no bilang aramiden tayo ,nalimed koma ti wagas a pannakaaramidna. Tapno saanda nga mapan dudoten nga irwar tay minataytayo.

Ay wen pammati ! Ugali a natawid. Leksyon, saanto koman nga maulit.





Edmund Salvador
8/20/2006 4:59:04 PM

Saan a siksika Manong Cres umabuloyak sangagasut a porsiento kaniak dayta.Masapulen a lipatentayon dagiti kannawidan a di met isu ti pagsayaatan no di ketdi pagdaksan no ti pantion inda lukatan. Saan kadi?
Delikado dayta kunayon sa>




JRIC
8/22/2006 12:16:18 AM

Manong Cris, sigud a diak mamati kadagiti pabpabalon kadagiti minatay tayo. No bilang adda kayat tayo nga ipabalon; gesdan tayo koma aglalo no napateg ti kayat tayo nga ipabalon.

Naimbag a rabiim Manong Edmund.




Fred Ilac, Jr.
8/25/2006 12:36:44 AM

mang cres...ania panawenen iti kurita? saanmo unay bayagen ti agawis no addan ta kankanayonko a tag-tagainepen



Fred Ilac, Jr.
8/25/2006 12:39:22 AM

makapasidduker met ta kunam manong..kitam la ti rigat



Johnnyric Domingo
8/26/2006 12:35:54 AM

Manong Cris, kumostan?

Manong Fred, wen, talaga a makapasidduker daytoy a damag. Ad-adu ti nakaadal ita no idilig/ikompera idi, ngem nasaysayaat ti ugali ken kababalin ti pada a tao idi.




Cresencio Yagin
8/26/2006 9:30:21 AM

Nagtarusak ti nagtugao kadaytoy waiting Shade tayo. Gapappuk idiay Airport. Napanko intulod dagitay kabbalay. Napanda idiay Kauaita napanda nakipabunniag ken panbaranda kano metten nga mapan agpassyar.
Fred, nganngani siguron panakukoritan, ta mangrugi met nga agluom dagitay bunga dagiti Keawe-n (keave) Dagitay medio kalanlanga ti kandaruma isuna laeng dalpig tay bungana.Baliwamto ti pumasyar ti Hawaii ta isubblat munto ditoy Maui. Johnnyric,nabayag bassit a dikay nasabat ditoy Palanehen.Naginanakay saket bassit aya.Ala panawan kay manen.Isublat tayto dita waiting shade dita Sta. Cruz nga pagdadanunan no maminsan.




Fred Ilac, Jr.
8/27/2006 8:19:40 PM

tay opihi, wenno madi ti naganna a malagipko, nagssm-it man! adu kad met dita aynyo? adda impabalonda kadakami. narigat siguro nga alaen ta dum-dumket kano iti bato, kunada man. nagimas ketdin a maperresan, kalamansi!

dakayo, dikay kad agawid ita a tawen? wenno mapankayto man makipiestan?




JRIC
9/25/2006 8:17:04 PM

Manong Cris, awan masapulanda a miembro ti Gumil Maui, isu nga dakami a saan a miembro ti nagpadlaw kadakuada. Apay ta dika met immay ngamin Manong?

Kumosta Manong Fred? Nabayagen di naudi nga ipa-passiarko ditoy ngamin.




Arlane Manzano
9/26/2006 8:15:38 PM

hello kakadua...

Hey, KA CREs, ayanmon?




Rudy Rumbaoa
9/27/2006 12:27:37 PM

hi mg cres! komustan manong?



Cresencio Yagin
9/29/2006 11:32:03 PM

Agpayso nga siak ti nangikissim ken ni Fred. nga nagsublin ti iluko.comen, ngem kalpasanna,pimmanawak biit ket nalipatak met t nagsubblin.
Husto tay naganna nga upihi.Adda met no mapandatao dita kababtuan
nga igid ti baybay. Naimimas pay kannyak no linikyatmo iti kinaptanna nga bato,dagus met nga darusdusem tay bagasnanan.Samo bugwan ta danum baybay,isamolmo. Timplado ti apgadna.Awan ti langesna.Kasla raman tay balligut idiay Sinait no kilawem.




Cresencio Yagin
9/29/2006 11:53:02 PM

Jric,nasayaat man ta nakapankayo ta adda ket pakadamagan ti napaspasamak.

Wen nagmembroaksa met ti GUMIL maui idi.Nagannala a membro.Diak pay ket ammo dagiti annuruten ti gunglo.Ken sa awan met ti miting na maanangay.Sametla adda miting no adda umay nga taga pilipinas nga mannurat.

Arlane, addaak ditoy ngem paspasarayakla ngamin umay sumirip.No adda sangailik a ket maragsakanak met a mangsabat kadakayo. ngem papgpasisyaanyo laeng ta awan met ti makaayayo nga ipasangok.

Nasyaat laeng Rudy,agururay kadagiti ipadigom nga damag,sarita ken daniw.
Ituloymo latta ta adda basaen.




Dan Corpuz
9/30/2006 2:48:47 AM

umayak koma agildug bassit ditoy pakarsum manong cris, ngem addaka met!

hal-ha-lak-hak! sapay met manongko, a sa laeng adda meeting no adda umay a taga 'pinas?

baka maymayat no gumil ilukodotcom chapter koma ti pagmiembruam! no adda ah?




Arlane Manzano
9/30/2006 10:53:17 AM

irugim nga bangonen ti Gumil I.com Manong Dan umayakto makigamulo met heheeh.

adda insangpetko nga pumpkin pie dita kusinam Ka Cres.




Rudy Rumbaoa
9/30/2006 12:06:41 PM

Hello amin kadakayo papagayam!

Agpayso ti kunam, Mg Cres, nagan laeng ti itakderantayo ditoy Maui. Ngem no kitaentayo ti kinapudno, saan koma pay ketdi a rumbeng a maikamang ti Maui iti Gumil ta nalawag met nga awan ti pagannurotan a sursurotentayo. Inactive. Adu koma pay ti masaok ngem agprenoak ta ammok a saan a ditoy ti mayataday a pakabukkaan daytoy a problema ti gunglo. Adda dagiti opisiales a rumbeng a mangidaulo...

Wen ngarud, Mg Cres, ipagarupko no makadar-ayka sadiay...

Siguro P'reng Dan, umanamongak iti dayta a kunam. Iluko.com chapter...

Ala, agparamanka man ngarud ti dayta pumpkin pie nga insangpetmo. Mabisinak ke'




Cresencio Yagin
9/30/2006 3:45:49 PM

Naimas ngaruda no pumpkin.Iwaemon ta pagbibingayan.Awan sabali nga tabasna ta pumpkin no ilgailgatem.Agimmus ta kalukmeganna ken kaimasanna.Dungdongwem nga tapayaen ta tatapayaanna, samo bingayen kadayta nakaiwaanna tapno saan nga mapigis.Siputam nga nalaing ta murdongna ta amangan no matukkol.Ngangaem ta ngiwat ta siguradwem nga ammalan. medyo ememan ta murdongna, ay apo ta nagsamiten.Aramatem lata ta panagarapaap nga mangmanganka ti nalingta,naluom a karabasa.



JRIC
10/9/2006 7:58:09 PM

Siak man met ti umay mangyuldag ditoy abongmo Manon Cris. Nabayag sa nga awankan. Uray ti rabii ket awan ka manong, tiempo kadi manen ti panagmamasitas? Hahahahaha! hahahahaha!



Arlane
10/14/2006 8:48:06 PM

Ka Cres... Manong JRIC tingkyu.. ammoyon no ania daydiay. hehehe. Agkakabagiantayon sa?

hello Manong Rudy, ayanmon?




Cresencio Yagin
10/15/2006 4:20:40 PM

Arlane,nagsarak kam ken ni Jric itay sgsapa.Naipatpatang nga rummuarak ditoy driveway itay apaggisu nga lumabas ni Jric.Medyo taray ti pagnana,ngem inimbirnak. Dinamagko no nadlaona tay Ginggined.Saanna kano unay a narikna.
Nagsarsarita kami ket maysaka met iti tungtongan. Ti laeng dakesna ket awanka iti sangomi. Imbaglaeng no dimo nakagat ta dilam.
Diak unay maawatan no apay nga nairamanak nga nagyamanam. Ngem medyo adda pamalpalatpatak iti panagisalaysay ni Jric.




Sherma Benosa
10/16/2006 8:28:30 AM

Hello, MAnong Cres! Sent you an email re: BAR project



Arlane Manzano
10/16/2006 11:59:28 AM

apay a saan unay a narikna ni Manongko, Ka Cres? (panunot...) Nagistayannak nataladtad idi malem-kalman yong! Dakayo siguro ti gapuna. Ania met ti tsismisyo kaniak Manong? hehehe.

NApigsa kadi ti ginggined dita?





Cresencio Yagin
10/16/2006 7:05:41 PM

Napigsa ti pannakadayyegmi.Iti kaaddak iti Hawaii daytoy pala ti kapigsaan a naddlaoko nga ginggined ditoy. Wen saan kano nga nadlao ni manongmo Jric ta agtartaray kano idi.Ti nakaammuannaket gapu kadagiti tao nga agruar kadagiti taengda. Sabagay nodiak nakita isuna nga agdardaras nga magmagna a,ket ibagak koma nga madama siguro nga aglanglangoy iti rabao ti rakitna, isu nga dina nadlao ta naibuyog kadagiti panaggaudna. Diak agkatkatawa tapno diyo maawatan diay kayatko nga sawen.

Arlane, napintas ti tiesmi, gapu kenka. No addaka koma iti sangomi ket inalamanoka koma saka rinakep ti nakairirut. heheheheh.




Arlane Manzano
10/17/2006 12:19:58 PM

ket paraburanka met a iti nairut nga arakup Manong hehehe. Sika la ti maymayaten?

Ayna, naimbag laeng ta addakayo a kadangdanggol ditoy.




Rudy Rumbaoa
10/18/2006 12:16:10 PM

Komusta, Mg Cres? Wan met la't narba dita Kehei? Ala, sapay ta awan. Uray ditoy Central Maui, kaasi ti Apo, napintas ti kasasaad ken awan nadangran.

Ne diak pay la agbayag ita. Agsubliakto no makapagsimpa 'toy komputertayo. Agpapauyo ngamin...

Arlane, yahoooo!!!





Arlane Manzano
10/18/2006 12:20:01 PM

yahoo...



Dan Corpuz
10/18/2006 9:47:10 PM

yahooooooooooooooooooooooooooo! adaak manen!!!!!!



fred
10/19/2006 6:09:17 PM

dina met la ginunggon tay mangukop, manong, amangan no agibbong!

la sapay koma ta awan met la perdisionyo dita




Rudy Rumbaoa
10/20/2006 1:28:30 PM

Ka Fred, saan met laeng. Dandani ketdin agpessa, hahaha!!!

shhh...Arlane, addaytan ni Dan. Taray!!!

Mg Cres, lumabasak pay.




JRIC
10/25/2006 7:18:14 PM

Yuldagko manen Manong Cris, pangur-urayak kenka, bareng umayka sumarungkar a.

Gayyem Rudy, Dan, Arlane - iturogko bassit gagayyem, saandak saksakayan wen, kababain! no adda makakita kadatayo.




Arlane
11/5/2006 2:26:13 PM

ssshhh, MAnong Rudy adda balonko a sanga-timba a danum. Digosentan daytoy submarine ditoy ngatuek a mayat ti danarudorna?

hmmm...1.... 2..... 3....4.... and still counting (baka ta ag-protesta ngamin!)




JRIC
11/5/2006 7:49:37 PM

Hahahahahahaha! dakayo met! agintuturogak laeng, pangur-urayan ken Manong Cris. Natutudo ket, madama siguro ti masitasna manen!

Ka Fred, Gayyem Rudy, Arlane, awan tay bumalay! naimasanna ngata ti namasitas. Innak san....




fred
11/8/2006 9:35:55 PM

apay napananna ngata ni kalugaran, amangan no nagawid idiay Tapao!



Arlane Manzano
11/9/2006 1:12:19 PM

opsla!



Cresencio Yagin
11/12/2006 12:47:35 PM

Adda nangegko nga agsarita ngem diak masinunuo no sadinno ti paggapwanna. Simmiripak, dakayo met gayam.
uray ni Jric ket saansa met nga rumromuaren. limmabas kam ken ni
hardinko ket awan pay arimemek idiay balayda.Tay kunana nga matutudo, ket naigaednansa met ti nagmasetasen.Ala saankay nga babalawen, ita ta nadameg pay laeng ti daga apuraenyo ti agbubuga.Datao ket manggapu marpeken.
Addaakla ditoy Fred.Umay nga tawen payla ti urorayen.Mapantayto idiay convention Pilipinas. Adda ngamin sayangguseng, nga idiaysa kano Curimao ti pakaangayanna, di asidegtayo no kaspangarigan.
Arlane. Ti ammok ket saanmo nga nasibugan tay adda dita ngato. Ngem uray no sibugam no nakapagpatenga tay turog wenno panagmulana saanmo nga maakkalen.Hehe...




fred
11/16/2006 3:03:13 AM

bilibak kadakayon manong! nagpigsa ket radaryon! nia idiay kan CURRIMAO ti GUMIL? mayat ta no makapan datao, agbisikletaakto laengen!



Cresencio Yagin
11/16/2006 8:07:43 PM

Wen Fred,mabalin nga besekletaan ta saan met unay nga adayo. Nagsayaat ngatan aya no makapagsasarak tay idiay.
Rudy ken Jric, No Curimao nga agpayso ti pakaangayanna, aggappo kay idiay Laoag ket aggappo kami idiay Sinait,agigiddantay nga agrubuat ket apaggisunto met nga agkaksangpetan tayo idiay. Annia ti makunayo kakaddua? Agplano tayon !!.





JRIC
11/17/2006 10:16:50 PM

Narigat kaniak Manong, ta kurang ti mateggedan. Ngem kitaento manong bareng amangan no makaumayak met laeng, pambaran bumakasion met.

Kanayon kami latta manong nga agwat-wat ti rabii, uray agtudo.... rumuar kami-agpayong kami a magna! Hahahahahaha!

Napigsa ti radar-min sa ditoy uray dagiti sursuratenyo a sarita ket saanda kami a malibasan! Hehehehehe!

Awan man ni Arlane ita aya? bisi siguro nga agbeybisit ken Senyorito! Ah-hahaha!




JRIC
11/17/2006 10:19:45 PM

bareng amangan! doble-doble, "aysusmariaapoaya" hahahahahaha!



fred
11/20/2006 2:40:49 AM

no matuloytayo ket mabalin met nga ipakatkonto tay bum-bumaro ta agkarisontayton!
niat damag diay Sinait, manong? asideg man ti panagdadapilen, tay koma katsaron! wenno kinalti a saba.
nabayag a saanak a nairana iti kalgaw idiay ayantayon, kada makaawid datao, aglay-layus.
uray siak Jric, kinaagpaysona, arkos lang ti sar-sarita, narigat siguro a makaawidak, di met mabalin a langoyen adi...




Arlane Manzano
11/20/2006 2:23:58 PM

SUmurotak met!



Cresencio Yagin
11/23/2006 3:04:26 PM

Nakabuboteng ti damag Fred.Idi naminsan nga agsapa ket adda naipadamag. Adda man pinaltugandan idiay ili tayo. Rosendo Corpuz kano a taga Barikir ti napaltugan.
Sigun ti panagdengngeg dagiti kaddua a nakangeg iti damag, ket ti pimmaltug ket isu man metla nga taon daydi nangpatay kadaydi taga Tapao en.
Nakaamamaksa met ti ili tayon.




Gerry Riguera
11/30/2006 1:16:21 PM

Manong Cencio agyamanak kadagiti inbingaymo a kapanunotan kadagiti sinuratko. Immayak la dimmagas ditoy manong ket saanka koma maum-uma. nabayagkan a binirbirok ditoy Iluko.com ngem ditoy gayam ti ayanmo. Agsubliakto manen. Dios ti agngina!



Cresencio Yagin
12/3/2006 9:56:35 AM

Awan a pulos ti pannakaumak Gerry. Yamanek unay ti idadagasmo. Ituloymo ti agsurat kadagiti napnuan adal a kapnunotam.Umaykanto manen.



lala
12/5/2006 11:44:48 PM

andiak maawatan!!!!!!!!



Arlane Manzano
12/6/2006 12:43:53 PM

knock! knock!



Cresencio Yagin
12/6/2006 10:09:07 PM

Lapigusem ta lulokatanna Arlane! uray ket sumrek ta mayat.Agpadigo kayo kadagitay ululesanyo nga balbalikas. Dagitay daniwyo.



JRIC
12/9/2006 1:13:36 PM

Hahahahaha! umayak man met lumapihus ti luluktan Manong Cris! Kumostan?
Dika met makitkitan manong.

lala, Arlane, awan ni Manong Cris isu nga agawidakon.




Arlane Manzano
12/20/2006 1:22:34 PM

Awan pay?



Cresencio Yagin
12/23/2006 7:09:16 PM

Medyo nasalemsem a bigat itay nadmadungparmi koma tay desdes ni Jric nga agpagnapagna iti diak ammo no kanayon nga agmurdong ti lawas. Itay makitak ket naggaramiden ti mapa tay lingetna iti kamisitana. Madi kami nagimbirna a nagsarita ta medyo maladao kamin kadaytay inyawis ni kabagis a panagpartimi ti baboy.
Arlane umayak man makipaskua.Ngem nailingedsa met dagitay nabunton nga sagsagut tay inabaymo nga krismas tree.
Umayminto siruken no rabii no medyo makaturogka.Bukod minton ti masirip.Awanton ti paramananmi tay tinupig no isu ti maalami.
Naimbag a Paskuayo amin kakailyan !!






JRIC
12/24/2006 11:34:53 AM

Hahahahahaha! ipagarupko no saan a sika Manong diay adda ti likudko di kalman. Medio nagpasugnodak bassit ta naka-12 rounds-akon (1-hour) nga agtar-taray ngem nagbassit pay ti ling-etko! Hu! isu nga inpagna-pagnakon a! 'Mele Kalikimaka! Manong"

Hehehehehe! sika ti awan ita Arlane, umaymi pulotanen ken Manong Cris dagiti masapulanmi a kendi ta sirok ta krismas trim no saanna kami a madapunan! Naimbag a Paskuam Ading.




Cresencio Yagin
12/24/2006 12:36:21 PM

Baka santola sumarungkar ni Arlane inton baro a tawenen.Dina kayat ti agpapaskua.
No saan nga agparang sakbay ti baro nga tawen,guyoden tanton diay krismas Trin ta uray ket adda exit idiay likud.
Dimo kad nakita tay exit nga naitapkal idiay adayo nga likud ti ladawan?
Uludentanton nga irrwar,pati kawar no kinawaranna diay krismas trina.




Arlane Manzano
12/24/2006 4:11:32 PM

Hehehe... Addaak ditoy Tuktok t Krismas Trik Mamanongko aya. Nalaka pay no itarayyo dagitoy candy canesko. MERRY Merry MERRY CHRISTMAS TO ALL.

P.s. pinagsinnukatko diay EXIT ken ENTRANCE. Alluadanyo hehehe.




JRIC
12/24/2006 4:50:45 PM

Hahahahahaha! palpak koman Manong dayta planom. Ala ket laglagipentanton a, diay ENTRANCE ti ruaranta, kapilitan nga itugotta dayta adda dita ngato, uray ta duata met, nalagan laeng ni Arlane.

MERRY CHRISTMAS! Arlane.




Cresencio Yagin
12/24/2006 5:27:54 PM

Alla!! baka ket no matnag. Nakaililala ta nalamuyot ti kitana.
No ti biangko ket matagikuak diay krismas tri,ibilangko a gameng a napateg unay. Diak kayaten a pumanao nga agsadsad ti sabali nga dakulap.
Umanayen nga ipagtangsitko nga siak ti akinaywan.Diak pay kayat nga sabitan ti silao ta umanayen tay pintas ti krismas tri, bukodna a pannakatubay.
Alwadam no matnagka Arlane!! Basang. Baka maspak ta sanga a pagdiswam.

Naimbag a apaskuayo amin. Agraman dagitay nasinged iti biagmo.






Arlane
12/24/2006 9:43:18 PM

Hehehe.
Anian a nagbagas
insawangmo a balikas
nagistayannak la ket natnag
manipud sanga a nagbatayak.
kendi a mulmolmulak
namimpinsan nga imbabak
ayat ko la a mangngeg
nalailo nga awag.

Manong JRIC, bistok a pagsinnukaten ti ENTRANCE ken EXIT. Alluadam baka sabali manen. hehehe.. Napunggipongen tay umuna a puon tay matitas nga intedmo.





Rudy Rumbaoa
12/25/2006 11:32:08 AM

"Merry Christmas to One and All!"



manong
12/25/2006 1:08:41 PM

Imbag laengen ta adda ti iluko.com, ta agpayso nga bassit ti Maui ngem saan man nga agsasabat dagiti dalantayo. Naiimbag a paskuayo met Rudy.



Manong
12/25/2006 1:26:22 PM

Kumosta manen Arlane.

No makita ti tabas ti krismas tri
ket adda kenkuana ti kawes,saanmon nga masapul ti agpanunot no annia dagiti balikas nga inka iyebkas. Naisuraten kadagiti napino nga binulong
ti pakaisalaysayan ti biag ita ken iti adu pay a masakbayan.




Arlane
12/25/2006 3:46:35 PM

Hmm, nauneg sa unay Manong. PAdasek man a kalien ti bugasda.

Manong Rudy.... papanam manen?




JRIC
12/28/2006 3:42:27 PM

Hmmm... Daniw daytoyen Manong Cris, a?



Cresencio Yagin
12/29/2006 11:25:10 PM

Tay krismas tri nga napintas parnuayenna dagiti daniw, saanen a masapul nga bumatokka pay iti nauneg a mangsapul kadagiti malaga a linabag
Ket kadagiti naikawwes a pakbuklanna addan dagiti tumotop a balikas.

Naragsak koma ti sumangbay a baro nga tawenyo amin.




Arlane Manzano
12/30/2006 8:13:00 AM


HAPPY NEW YEAR kadakayo aminen Ka Cres. Sapay la koma ta salun-at ken nalabon nga apit ti itden kenka ken ti pamiliam ti baro a tawen.

Manong JRIC, waaaaaaa.... mabilbilangen ti orasko ditoy ayan ni Manang, 'gawidakon damdama.




Cresencio Yagin
12/30/2006 12:33:27 PM

Kastamet Arlane. Ananusandakami nga linglingayen. Mabilbilangen ti oras kunak koma ngem baka sabali ti pagturongan ti panangipagaropyo. Sapay koma ta saan pay Apo. Sapay koma ta saan payla a marpuog ti rangtay iti panagbayagaiti daytoy a lubong.
Ditoyko nga kablaawan da Jric ken Hardinna. Nakitak ngamin tay naganda dita Bannawag a nangited iti sagut kadaytay nangabak iti panagbasaan ti Daniw.




Johnnyric Domingo
1/1/2007 1:17:07 PM

Nabayag a dika nagpadlawen manong... bisi ti panagmatitasyo kadi?

Natalingen-ngen koma a Baro A Tawenyo Manong.




Arlane Manzano
1/1/2007 4:39:01 PM

HAPPY 2007 gagayyem!

HelloHELLOhello.




Cresencio Yagin
1/1/2007 6:06:01 PM

Di nakaddidillao nga napintas ti pinagyabblatmo ti sarsarita. Maysaka met gayam kadagiti mabigbigbig nga mannurat (Women). Nakitak tay naganmo dita Dadapilan.com.
Agbiagkayo nga mannurat!!!Itultuloyyo iti daytoy a tawen 2007.




Cresencio Yagin
1/1/2007 6:16:29 PM

Kasta met Jric,diak pay ket sarsarungkaran tay hardinkon.
Nabara nga alingasaw tay kabbukas a baro nga tawen.




Arlane Manzano
1/2/2007 12:08:34 PM

Kunkunada laeng dayta Ka Cres.

Diak pay la nakaramut no ar-arigen.




Rudy Rumbaoa
1/7/2007 12:40:45 PM

Uray no naladawen Mg Cres, kablaawanka latta iti "Nagasat ken Nabungbunga nga isasangbay ti Baro a Tawenyo iti Pamiliam!"

Arlane balasangko, komusta?

Ne panawankayo pay.




JRIC
1/7/2007 9:39:53 PM

Manong Cris, awanka? Nakitak tay masitasmo idi bigat kalman dita pagtartarayak.



Cresencio Yagin
1/21/2007 10:01:36 AM

Johnnny,nagpauyoak bassit nga umay sumiripsirip iti ruangan.
Pagpasyarek koma tay murdong ti panak ngem dimet agkuti nga pulosen.
Ligisek nga iduron kasla laket nuang nga adda kabutengnan.
Madi met lattan.

Umayak koma met agpagnapagna idi ngem saan a nakauray di kaddwak.




Arlane Manzano
1/25/2007 12:28:08 PM

Hey Manong Rudy, MAnong JRIC, Ka Cres... linnumba tayo iti taray?



Cresencio Yagin
1/25/2007 9:35:49 PM

Diak makakamaten. Itulokko a mabatiak a ta agkadapaak metten.Dakayo ket diyo pay ammo ti mabannog.Bumbumaro ken babbalasitang kay pay laeng.
Ngem no umaykayo sumurotakto lattan.Anusaukto lattan tay aglakam ti agallikubeng nga tapok iti likudanyon.




Arlane Manzano
1/26/2007 5:35:26 PM

Hehehe. Kalabaw lang ang tumatanda Manong Cres. Kitaem ket Manong kunkunak laeng kenka.

Unnaten ta ketdi dagitoy nagkukunikon nga ur-urat. Bay-am dayta rayuma ta isu ti agproblema no asinno ti seknanna. 'mayka ketdin ta kadkaduaenka no mabatika.

Opsi... sitan sa ti immuna ket?!




Cresencio Yagin
1/27/2007 5:54:25 PM

Isu nga inawaganka ti basang iti naminsan ngem dimo met inkaskaso.
Kasnakla apirasen ti kattubo nga panawen no mangegko ti manong nga awag ti maysa a balasitang.Ngem ti di mabayag malaylay met laeng ti lumangto nga arapaap.

Ne, kitaem ketdi ta likudan. No madamdama addadtan ni Jric. Ni Rudy ket aggappu payla iti Kahului.




Rudy Rumbaoa
1/29/2007 10:59:27 AM

Lumbat' bisikleta ti kayatko, Arlane. Yabam ni P'reng Jric ta rugiantayon.

Sumurotka, Mg Cres?




Arlane Manzano
1/29/2007 12:21:28 PM

BAy-am latta nga apirasek no manglaylay MAnong. Ne, lumba kano iti bisikleta ti kayat ni MAnong Rudy. Nakakondisyon siguro tay BTLna.

Manong JRIC, daytay bisikletam pay laeng ti sakayam. Agkaluganta ditoy mountain bike ko Manong Cres? Dim' lipatan tay helmetmo.




Cresencio Yagin
1/31/2007 11:16:18 PM

Ne kitamla ti alibtak ni Rudy,daniw kada salaysay agkakamakam ti lutwenna nga ipadigo,kumarit pay ti kinnuyatan. Ala sige ngarud ta buyaenkay langen. Karitannak nga ilubbon ni Arlane ket naglapit ti panagkitak.Kagangganusanna. No bayawas kasla karamukom. No unas ket kasla alunan,nalukneng,narasi nga kurabkuraben.
Ala rugyan yon ta mangisaganaak ti miryendayo inton makasubli kayo.Mapanaktopay mangala tay halo halon dita Phil mart,kakaisuna nga asideg met ti panggatangan. Ne saanyo nga ibati ni Arlane wen! pasarayyo talyawen baka mapukao ket agunget ni Sinyoritona. Urayen kayo !!




Rudy Rumbaoa
2/1/2007 12:12:56 PM

He-he! Ala ngarud Mg Cres, agbuyaka lattan! Baka dimo makamatan ti angesmo, nalpas!

Wen, a, Arlane, nakakondision 'toy bisikletak kunam! Sinuktak ti rawisna, ti ligayna, ti silyetana ken pagkuy-atanna isu nga 'ray siak ket nakakondision...mano aya a rikos?

P'reng Jric-paginanaem ta nuangmo, la! 'Mayka ketdin ta intayo man ag-bike bareng makasirigta dita [he-he!].




Arlane Manzano
2/3/2007 9:00:44 AM

MAnong Cres, sanayak nga makibal-balatong iti 'nataengan' a kunkunam ta pasaray isuda ti uggorko hehehe. Ngem sika pay, ows... KALABAW lang ang TUMATANDA. Exercise man la.

BAy-am ta umay sumurot Manong Rudy uray ta ammom met ti mangted iti first - aide. Paipasarunok 'tay ambulansya ditoy bisikletak no isu.

Tallo rikos pagur-urayan kadagitay pada nga bumibisikleta. Ania't makunam?




JRIC
2/4/2007 3:12:17 PM

Hehehehehehehe! Manong Cris, ayanyo? madaman sa ket panagsiripyo aya?
Daydi ginatangko idi kalman ket mayat manong, nagrehistro iti 14 miles ngem ti husto a kaadayona ti tinarayko itay bigat ket 15. Masapul nga adjust'n pay basit ta dinakto man ket kusitennen no umay a Sabado ken Domingo.

Di ngata met la ma-flat tire daytoy bike mo Arlane? nadagsenak kano iti timbangko a 165 lbs kuna ni Dr. Dinamag ko met ti timbangna; 185 lbs kano, panpandek ngem siak, luko a Dr. Hahahahahahahaha!

Mayat man ti arado daytay nuangkon Gayyem Rudy! pasaray laeng agsarinunod.




Cresencio Yagin
2/5/2007 9:51:36 PM

Pinadasko nga sinirip ket pasaray dua ti makitak uray maymaysa. Duling saket di nagatangko.
Ngem idi pinosipusipusko ket nagsimbeng metla di makitana.
Mabalin ti mapan Makena siguron ta mapan ipadas.Adu kano ti mabuya idiay Makena ket.
Wenno idiaysaket ti mapan pagbisekletaan.Sumurotto latta ni Arlane no awan ti kadduana a mabati.
Kitaem Rudy ket mayat kanoman diay arado ni Jric--n. Arado diay Nuangna.




Arlane
2/6/2007 2:24:41 PM

Umayak a. Apay nga siak ti ibatbatiyo manen????



Rudy Rumbaoa
2/7/2007 12:51:50 PM

Mg Cres, itugotnak no mapanka diay Makena. Nabayag la daydin, yos!

P'reng Jric, makadanon ngata iddiay no dayta nuangmo ti pagsakayantayo?

Arlane- sumurotka?




Ranvylle Albano
2/14/2007 2:46:16 AM

Happy Valentines To ALL!!!



Arlane Manzano
2/15/2007 12:16:45 PM

Ayanyon???

Yuhooo.




Cresencio Yagin
2/19/2007 9:14:54 AM

Jric,Rudy,!! imbatiyo met tay adiyon!!. Iyurayyo ta amangan no sippayuten ti Agila!! Imbag laeng no tay agila nga mangsipayut ket nadungngo.
No makitayo ken maipudosanyo nga naranggas tay agila, saanyo nga palubosan nga pulos nga isu ti mangikut.
Ala palagipan kayo manen. Aywananyo a naimbag ta adiyo wen !!!




Arlane Manzano
2/19/2007 12:55:15 PM

Whadyaddo???

Imbatidak metten Angkel... waaaaaaa!

Hehehe. Uray maymaysa ti Angkel Cresko no kastoy ti kina-dungngo! Mayat a gwardia sibil dagitoy Mamanongko Angkel. Jaworski ken Jordan combined kunam man. Ngem maymayat latta met no sagpaminsan ket ngerngeram dagitay alingo a sumikbab aglalo no ti aruatda ket naamo a karnero!

Dayta ket ngatan ta isabikelko manen tay kampilan nga impatawid ni Lilang Gabby.




Maricar Cabotaje
2/19/2007 4:17:15 PM

Aha adda kayo gayam ditoy a, tatta ammokon no dinno ti ayuyang yo Manong JRIC, Manong Rudy, Arlane...

Manong Cresencio mabalin kadi ti sumbrek? Kapapasyar ko ket ne nakadanunak gayamen ditoy arubayam Manong. Mayat man ta napariir ditoy.

Ala innak pay ngarud agsubliakto manen.




Cresencio Yagin
2/19/2007 8:06:02 PM

Nagsayaaten Maricar ta nakadanonka ditoy nanumo nga pakarsomi.Wen nga agpayso napariir ditoy. Damagem latta ken ni Jric. Adu ti mulak nga niog.Idi damona ti agbunga ket agkurnoka nga mangpuros. Umay kanto manen pumasyar ta mangan tayto ti kalog Kagayan wenno kalog Isinait ta adda. Ngem alwadam laeng ta adda pangpaamona daytoy mulak nga niog.

Immayak nagpasyar itay dita abongmo Arlane ngem awnka met. Uyakyto manen!!




Maricar Cabotaje
2/19/2007 8:58:50 PM

Manong Cresencio immalltiwak manen ditoy abong mo ta ne diak met nadanun dagitay napan ko binisita:-) Uray ni Arlane diak nadanun, napan siguro nagbisikleta dita ruar.

Taga Sinait ka gayam Manong? Pagaammok ket adut taga-Claveria a naikamang diay lugar yo.

Dita parte ti Pangasinan (kailokuan), dida ammo no ana dayta "kalog". Naimas agpayso ti kalog Manong aglalo no medyo nadaroy pay laeng.




Arlane
2/20/2007 1:36:10 PM

Angkel Cres, ur-urayenka idiay balay. Immayakon a ditoy. Am-ammom kadi ni Apong Greg Ines, Angkel? Taga-Sinait met.

Naimas dayta kalog Manang Maricar. Paaruyotanta iti evap tapno mayat ti saadna.

Ayan dagitay Mamanongen?




Maricar Cabotaje
2/20/2007 3:58:38 PM

Arlane innak ngarud gumatang ti EVAP apagisunto no sumangpetak ket nakaulin to metten ni Manong Cres kadayta niyog dita sango ti abong na.

Awanda dagitay Mamanong mo, napanda nagwalay.




Cresencio Yagin
2/24/2007 2:36:18 PM

Saan nga masapul nga ulyen daytoy tallo kapuon nga niogko. Nababada pay laeng.
Adda sangapulo nga tawendan ngem magawat pala nga purosen ti bungana.
Maricar, aduda nga kailyanmi nga immay nagdappat dita Cagayan. Dagitay Yadao, Rosete ken addansa kano pay kaapapilyedok. Diak pay ngamin nakapaspasyar dita Cagayan. Ti nadanonko ket dita pagudpud. Immaykam nagpasyar kadaytay naudi nga panagbakasyonmi idi 2005 idiay pagudpod.
Umayakto manen kunak koma dita ngato Arlane ,ngem nagkurang. Kastansan nga talaga ti lumakay.Ananusanyolat bassiten.




Maricar Cabotaje
2/25/2007 4:10:12 PM

Manong Cres adut Yadao diay ayanmi agpayso. Ay ket indiretso yo koman ti nagpa Cagayan tapno nakapasyar kayo didiay.

Kasapulan a talaga iti aginana Manong ta di puro trabaho met, mabannog to pay ngarud tay makina.




fred
2/26/2007 7:23:35 AM

hey mang cres!

ama ta naggaget dagitay kalugaram nga agdalus, palalo ti namsaakanda kadidiay agpalaud manipud Sta Cruz. dakesna lang ta napukan met amin dagidi pagkalat-katan ti saguyep-yep idiay ig-igid ti kalsadan, awanto ti pakinat-natengakon, no makaawid datao iti panagtutudo. malagipko nagadu a saguyepyep idi limmabasak naminsan!

nakitak ni mang Lope a kabsat ni Mang Tino idiay crossing, nagsar-sarita kami. nalipatak daydi pagkodak idi limmabasak idiay arubayanyo su nga awan ti maipakitak a retrato kenka.




Rudy Rumbaoa
3/1/2007 12:06:22 PM

Mg Cres ken Manang, agyamanak iti sakripisioyo nga immay dimmanon diay nanumo a lugarko itay nabiit. Immayyo indanon ti nabara a kablaawyo ken ni Baket. Nalpasen ti nabayagen nga innak inur-uray. Nasimbengen ti panunotko. Diakto malipatan daytoy. Sabali a talaga ti pateg ti maysa a gayyem. Ulitek ti agyaman!

Komusta Ka Fred- nabayag la daydin,a?

Hi Maricar, Arlane, Ranvylle ken amin a nadanonko!




Maricar Cabotaje
3/1/2007 11:25:06 PM

Hehehe nasimbeng a talagan ti panunot mo Manong Rudy, awan kaaspingna no kaduam ti sarilim a pamilya aglalo ket adayo met ngarud a lugar iti ayanyo.



Cresencio Yagin
3/4/2007 9:49:25 AM

Agyaman kami Rudy ta nalagipnakami. No adda kailyan nga sumangbay, adda dagiti nasangsangayan a rikna nga mailiw uray saan datao nga nagkikita idi. Idi sangangpetmi, kasla paisalsalakan ni Manangmo ta awan kano ti amammona.Ngem kitaem kad laeng,naamammo ni Manangmo tay ipagmo. Nagsarsaritada. Gayam ket naikamang idiay ayanda, tay maysa nga kasinsin toy kadwak.
Ulitek agyaman kami ti inbitasyonmo kadakami.




Arlane Manzano
3/5/2007 9:43:57 AM

Waa... dumagasak laeng Angkel Cres ta agipak-pakoak iti arbanko...

Morning to all.




Maricar Cabotaje
3/5/2007 3:50:58 PM

Kumusta kayo amin a nadanunko kasta met tay bumalay.



marie domingo
5/5/2007 9:14:13 PM

Manong Cris, kumusta ka metten! Awan lat sabong tay alukong mo? Mailiwak man nga agsida, aglalo no malaukan ti bulong ti marungay. Ala man bassit manong mangibingay ka man no adda kaaduanna.



Cresencio Yagin
5/6/2007 11:32:54 PM

Diak pay ket amon no addapay.Maikadduansa ket a lawas nga diak mapanen.Bayam ta innakto kitaen no adda pay.No addanto, ipukanankanto ti sangana.Imbaga met ngamin ni Johnyric nga adda pagalalaanyo ti alukon.



marie domingo
5/17/2007 10:54:31 PM

Hello Manang/ Manong, Adda immay ko inpan ta mail box yo itay. Yan-anus yunto la bassit ti umayen.

Adda pagal-alaak ti alukon manong ngem naibus metten. Agur-urnongak ngamin ta alaen to diay kabsat ko nga aggaput San Francisco.




Johnnyric Domingo
6/14/2007 2:26:37 PM

Umayak manen makilinong ditoy abongmo Manong Cris. Nabannugak sa a nagtaraytaray ket iyiddak man ditoy datar-basar-kawayan...



Cresencio Yagin
6/15/2007 12:18:16 AM

Nabannogan kansa ket nga agpayso ta dika met mapalabasen. Itata ta kakaisuna nga limmabaska ket awnak met. Ala pasarayka dumagas ta iyiladmo ditoy basar ti abong.
Congratulation manen tay pinagradwaryo nga Magna Comlaude. Ammok ti rikna ti maysa nga nagannak no dagiti annak ket nasisingpet ken nasariritda. Naragsak nga talaga.




JRIC
6/16/2007 11:49:10 AM

Wen Manong, tinaraytaraykoman dagiti dalan ti ulnas ditoy purok tayo. Ayatko laeng matnag koma metten daytoy one-month a buksitko, aysus! ngem awan sa met pamalbaliwana. Dios Ti Agngina ti kablaawyo Manong, wen nakaapiring met iti ngato, Dakkel a pagyamanan ta saan a bimagsak maigapu iti kinaanepna iti pulpolitiko, ti la adda nga aw-aweranna a madama ti panagiskuela.



Rudy Rumbaoa
6/16/2007 2:11:05 PM

Happy Father's Day, Mg Cres!

Talaga a sumursurotak iti tugotmo, P'reng JRIC. Ne, kablaawanka met Gayyem!




Cresencio Yagin
6/16/2007 7:08:53 PM

Kasta met Rudy. Naimbag nga gasgsat tayo koma nga amma. Sursurotek latta dagiti itugtogkel mo nga mula iti iluko.com.




Cresencio Yagin
6/16/2007 7:23:49 PM

Nasayaat nga pangrugyan dayta bareng makapatanor tayonto met ti maysa nga
mangisaksakem kadatayo nga Pilipino.
Naimbag nga aldaomo a kas maysa a naragsak nga ama.Wen inukkoranda iti FOR SALE iti daydi nga rabii iti selibbrasyon. Maibagay di ukkorna. Maymaysana. Ngem saan nga magatadan naitalimeng nga kababalin.




Sherma Benosa
6/16/2007 11:51:21 PM

Happy Father's Day, Manong Cres!
Have a good one.




Arlane Manzano
6/17/2007 1:32:59 AM

HAPPY DADDY DAY Angkel Cres.



marie domingo
6/17/2007 3:53:35 AM

Manong Cris, agyamanak unay ti addu nga an-anus yo ken Manang nga immay timmabuno di pasken mi.



JRIC
6/21/2007 7:02:04 PM

Manong Cris Ayanmon Aya, tapuken toy basarmon ney!



Cresencio Yagin
6/23/2007 12:28:42 AM

Malagipdak pay metla nga sarungkaran dagitay ubbing. Impagarupko no nalipatandakon.Yamanek ta immay kay metla simmarungkar annak.
Umomyak met sumiripsirip ta ababongyo ngem diak agtatagari.Baka diakto manen makapanao.




JRIS
6/24/2007 2:18:29 PM

Tugtugem ta rikep no kua Manong, tapno madlawda ka met. Baka ket no madama ti panagasembol no um-umayka ket dimi madlaw ti danapidipmo gapu't agkakamakam a napigsaa nga anges.



Dick Santos Suguitan
9/20/2010 10:16:14 PM

apu, sir marag rahsakanak a mangbas basa kadagiti blogs yu!!!!! thanks




Agposte

Ag-Loginka pay nga umuna Kailian sakbay nga agposteka.