iluko.com - website a magustoan a pagpalpallailangan dagiti pada a nangisit ti sikona.

Balitok nga aldaw

 

Skip Navigation LinksHome > Blogs >



Dagidi aldaw a di agkupas_four
11/12/2005 12:49:57 PM

April, SUMMER 1970 Bakasion manen!

Kaadu ti Kayo nga agbunga ti makan, kas iti Salamagi, Lumboy,(Longboy)
Damurtis (kamantiris) ken daddu ma pay... Adda pay nabat-bati nga unas nga alunan.

Idi rabii adu ti sinukaan mi a damortis iti abon-abong nga asideg met laeng ti pagtaengan mi, a pagtur-turoganmi kadagiti padak nga ubing a puro lallaki iti rabii.

Madama nga umul-uli dagiti kakaduami iti kayo ti Lumboy a pagburasanmi iti bungana. Talloda iti ngato uppat kami met ditoy baba wenno sirok ti kayo

Gapu ta bassit met ti magaw-atda kadagiti sanga, indawatko a wag-wagenda laengen ta agpidutkami ditoy baba.

Mayat ti panagtennag dagiti bunga, pasaray madisuannakami pay bunga iti kaadu ti matnag. Agsisinublat dagiti adda ti ngato nga agwag-wag.

May-ayatan kami nga agpidut, intugaw ni Cora* ti agpidut iti sangok a mismo, pagiso met nga agrukobak ta agpidutak kadagiti bunga... nakitak ti panty na! inbaw-ingko't daras toy rupak iti masikigak, ngem naladawen ta nagsabat dagiti matami sakbay a maarmidko koma. Kunana: "sir-siripenak, ah, bastos!!!"

Kinitanak iti nasakit a kusilat, a kinagiddan ti panangalikum-kumna iti paldana, timmakder ket kinitanak manen...

"Uleg!!!" inyiryakna ket timaray a kasla napabutngan. Kinageddan ti nadagsen a banag a nagdisso iti bukotko ti irurukubko, ket urayak la a naparintumeng, tinaliawko no ania ti natnag iti daga- iti malikudan a sikigak, Apo aya ti kigtutko! uleg a nagkuyotukot, madamdama aguyasen nga umadayo kadakami a napabutngan, uray dagiti kakaduami iti ngato ket nagka-karuskusdan nga immulog iti butbutengdan!

Nakamattiderak a nakamuttaleng, kasla maulawak! imaydak ginuyod dagiti kakaduak, ket arigna nga agigidandandan a mangkuddot ti ima, saka ken toy bukotko. Kalpasanna, guy-guyodendakon nga yawid, inikat da payen ti t-shirt ko.

Rimmuar ni Nana manipud ti uneg ti balay a madandanagan, ket nakipagsapul ti nakagat iti partes ti bagik, ngem awan ti masapulanda. Ngem uray no kasta nangipapudut iti bato ta isu ti yunurna nga idapadap iti bukotko ta daytoy kano ti pangpanut-nutna iti gita ti uleg.

Kasla maulawak latta ken kasla diak marnek nga umanges, sapay la awan sarday ti kuddut dagiti kapatadak nga ubbing iti bagik, pati selang makudduten, nakasaksakiten ti bag-bagik!

Adda asideg a nalaing nga agsuma iti kinagat ti uleg iti kabangibangmi a barrio a kabagyan pay laeng ni nanang. Inapat- apatmin dagiti taltalon, adu ti simmurot a padak nga ubbing. Alisto kami met a nakadanun iti balay ti mannuma.

Timan-aw ti lalaki iti tawada, ket kunana, "Manang, saan a nakagat ti uleg ta baroyo." Nagkikinnitakami, "apay nga ammona?" kuna ni Cora*.

"Kitam pay maminsan adi, amangan laeng!" kuna ni nanang.

Inamirisnak ti lalaki ket talaga kano a saanak a nakagat.

Iti dalan mi nga agawid, kumudut-kuddut pay laeng dagiti kapatadak nga ubbing,
baka ket no nagmintis ni uncle kunada, no kasta nga agriri-ak ta nakasaksakiten dagiti nagkuddutanda! Saanakon nga maulaw. Adda mad-madlawko ken ni Cora*, kasla agibalbales, naminduanan nga kineddel dagiti bulong ti lapayag ko.

Iti balay mi; "Kumosta barok?" kuna tay nang-Adopt ken ni Cora*.

"Saanakon a maulaw, auntie" kunak met.

Kunana manen, "Agawidkan sika Cora*, itay pay a sap-sapulen ni manang mo tay panty na a pink."

"Ania ti color na auntie, pink?" kunak met ta adda malagipko.

"Apay may-maysa ti panty a pink, ha!" makaunget ni Cora*, kinuddotna ti pidit-piditko sa nagdardarasen nga agawid "ni Auntie met, mangibabain!"

Auntie ti tawagna iti nang-Adopt kenkuana.

Di agressat ti panag-yam-yaman ni Nanangmi ken Apo Dios.
Uray siak, Saan nga mabusbos ti panagyamanko iti Namarsua.

Iti abongmi, adu ti isturya ken kat-katawami kadayta a rabii uray bassit ti naburas a bunga ti lumboy ket naragsak kami latta, nang-nagruna kaniak.

* Natay idi 13 ti tawenna



Comments



Monica Smith
11/13/2005 5:15:27 PM

I don't get this * kayat mo nga sawen ket natay ni Cora idi 13 ti tawen, kas met kent Joyce ken dadduma pay. Ilaw-ilawag mo man bassit Manong Jric.



Monica Smith
11/13/2005 5:28:46 PM

Aguray ka ta adda ti korekek ni lang gayam Cora ken Joyce ti natay.



Johnnyric Domingo
11/13/2005 8:59:02 PM

Ni Cora, ket napan nag-bakasion diay Cagayan nga isu ti lugar ti nagannak kenkuana. Na-palipal (TAMAY)kano, natayen idiay... Isu nga 'Piman' kunam naminsan dita Blogs ni mang Richie, ket nagsidukerak idi ta malagipko isuna, isu ti kanayonko a sutilen idi ipaturay ko ti uray langa ag-sangsagit... ngem ammok ti agpakawan isu nga aggayem kaminto manen.
Ni Joyce, ket natay nga kinagat ti Uleg yanti pag-pagnaanda nga agawid, adda met nasayaat nga dalanda ngem nang-short cut da ti taltalon...
Naalamon? Innak biit mangan aya?




Monica Smith
11/13/2005 9:07:33 PM

Data kadi ti kayat mo nga sawen nga namindua ka nga naitublak?




Johnnyric Domingo
11/13/2005 9:13:24 PM

Saan, "namin aduak nga naitublak" (more than two) Ni laeng Joyce ti Puppy love ko kadakuada...nalipatam nga ited tay tawen mon ne... Rumurak manen, innak agwat-wat... agsubliakto no dikan to pay nakaturog.



Monica Smith
11/13/2005 9:31:14 PM

Siak ti im-muna nga nagdamag wen, sungbatam pay la. Sa kon to met ibaga ti sungbat dayta saludsud mo.

Sorry to hear about Joyce. Nagubing nga natay.




Johnnyric Domingo
11/13/2005 10:33:35 PM

Wen, adda dita ti sungbatnan... maturogkan ket agtrbahu ka pay no bigat. Good night...



Monica Smith
11/13/2005 10:36:11 PM

I'm working on a poem "The Phantom of the Opera".

Good nite.




Monica Smith
11/13/2005 10:39:33 PM

I'm done, good nite manen.



Johnnyric Domingo
11/13/2005 10:42:06 PM

Ipabasamto wen!



Monica Smith
11/13/2005 10:44:54 PM

Sorry I don't keep copies. Basaem ton no iposte ni Manong Andy.

Good nite nga mamin-ado.




Johnnyric Domingo
11/13/2005 10:50:47 PM

Nagawa-aw manen tay tawen mo!



Monica Smith
11/13/2005 10:52:28 PM

You haven't really told me no mano ti tawen mo. It is guessing game....



Johnnyric Domingo
11/13/2005 11:02:09 PM

Mabalin ngarud nga mangtedka ti number... ta patangak met... just to make it fair!... inta maturogen.



Monica Smith
11/13/2005 11:54:00 PM

Inaunaak ngem ni Josie, ub-ubingak ngem sika..



Johnnyric Domingo
11/14/2005 12:04:12 AM

Hm!... ang labu ano?... Maturogkan, talaga nga inak met maturogen.



Monica Smith
11/14/2005 12:07:22 AM

Kakaasi ka met ni adtoyen, ni Josie ket 35__ 43 ka. Fill in the blanks daytan.

I'm almost done, saak to maturog.




Monica Smith
11/14/2005 12:57:59 AM

Wen Tatang mapanak maturugen ni alas dos ti parbangonen.



Josie Herrema
11/14/2005 5:53:55 AM

Good afternoon kunak kailian ta 14.55 mi ditoyen. Nan ta umayak man met maki pinnogto kadakayo ngem no madi para kunayo ngem no mayat sege kunayo wen kailian? ti panagkunak ket mapan nga 38 ni Ms. M ket ni Mr. DJ met nga 41 ni datoy ket pugto laeng aya, nagmayat met toy topic yo itan.



Josie Herrema
11/14/2005 6:03:40 AM

No daddoma no malagip ti imuna nga nakay tublakan ket nasakit aglalo no saan nga nalawag ti pinagtapos na, imbag laengen ta awan inlimedko ken puraw dayta met ti dayawek ken purawko ta mannakaawat la unay.



Johnnyric Domingo
11/14/2005 6:42:56 AM

Ms., 39? naglawa met ngamin ta pagpilian

Husto diay namay-am... kailian




Monica Smith
11/14/2005 8:03:22 PM

Apay napananyon? Kasangsangpet ko, rabiim and I'm pooch and I'm gonna hit the sack. It's been a long day.

Good nite Manong Jric and Josie.




Johnnyric Domingo
11/14/2005 8:13:20 PM

Napanak dita Lagip Ti Napalabas... madi diak kayat ti istoryana...
Good night...




Josie Herrema
11/15/2005 11:23:29 AM

Sege manong sika man met ti mangipatolod ti lagip ti napalabas mo? ta adda manen denggen ken pagtuladan dagiti pada nga agdengdengeg.



Johnnyric Domingo
11/15/2005 6:26:32 PM

Diak pay naaramid... narigat ta makapasangit met amin...



Monica Smith
11/15/2005 8:12:14 PM

Diak kayat ti agsangit, datay man koma napintas met ti ending na a.



Johnnyric Domingo
11/15/2005 8:57:57 PM

Napintas a ti ending na ngem nagrigat met nga aramiden sika. Bareng maaramid konto no biernes.



Monica Smith
11/15/2005 9:03:45 PM

Ala inka nga irugin tapno mabait mo nga malpas.



Johnnyric Domingo
11/15/2005 9:12:41 PM

Into laengen biernes, adda ngamin ubraek nga sabali.
an-anusanyo latta ti umay nokua. Agmadi-madi toy connection ko latta.
Kumostakan?




Monica Smith
11/15/2005 9:17:20 PM

Ket isu a ngarud. Kastoy latta trabaho nga kanayon, awan met sabali nga aramiden no di trabaho.



Johnnyric Domingo
11/15/2005 9:26:46 PM

No awan trabahu problema latta met di ngamin? Adda malagipko, high schoo-ak pay laeng idi 197? adda t-shirt ko kastoy ti naisurat: No school, No job, No problem! Good night! innak bassit agwat-wat, maturog kanton ket trabahu no bigat manen...




Monica Smith
11/15/2005 9:28:45 PM

Good nite.



Josie Herrema
11/16/2005 6:24:28 AM

Kailian kitaenyo ado nga talaga ti nakangngeg ti lagip ti napalabas ni Lovely kasla makitkitak ti kasasaadna



Monica Smith
11/16/2005 6:32:55 AM

Inbag nga oras mo Josie.



Josie Herrema
11/16/2005 6:46:26 AM

Uray sika ma ay Monica kumusta



Monica Smith
11/16/2005 6:59:10 AM

Sorry, addaak pay lang ditoy, adda ti immay nakipatang man bassit.



Johnnyric Domingo
11/16/2005 7:15:18 AM

Malawdaw kayon ne, uray siak ket innak metten... bye...



Monica Smith
11/16/2005 7:26:30 AM

Enjoy your day Jric and you too Josie.



Jing Doman
12/3/2005 3:43:53 PM

Manong, maipalagipda latta ti napalabas. Di met dayta Cora ket isu met laeng diay Corazon?



Jing Doman
12/4/2005 3:44:57 PM

Ni, Mabutengdansa ket nga mabaut isu nga didakayat ti rumuar!




Agposte

Ag-Loginka pay nga umuna Kailian sakbay nga agposteka.