iluko.com - website a magustoan a pagpalpallailangan dagiti pada a nangisit ti sikona.

Ania, rangtay wenno calangtayan?

 

Skip Navigation LinksHome > Blogs >



Pammati ken Ugali tay nga Ilocano
11/14/2006 9:16:46 AM

No iduron mo ni lagip iti nabayagen a napalabas, saan a dica macasickarud cadagiti pammati wenno kinaugalian tay nga Ilocano—nagcupasen dagidiay dadduma—ngem nabiag pay laeng ti sumagmamano wenno mabalin a nagbaliwen ti pangawag tayo.

Cas iti mabugi a babai idi. No dumteng ti canito nga ipasngayna ti ur-urayenna a maladaga, ti malagipco ket “agdalagan” isuna iti agarup macabulan. Agidda iti tingig a balitang a nairanta a nasangal manipud iti cawayan tapno saan nga agalus-os ti agdalagan. Iti sibay ti balitang, iti lugar nga agarup denna ti siket ti agdalagan, nacatugaw met ti dapugan a mangtapaya iti napasgedan a cayo ti sagat a mangparnuay iti nakintal a bara wenno dagaang (uray pay tengnga ti calgaw) a casapulan iti “panangtenneb” iti agdalagan tapno nakirkired a sumaranget cadagiti nadumaduma a paricut ti kinasalun-at. Malagipco pay a mapanda ibitin diay “cadcadua” iti nabiag a cayo ti damortis nga isu met ti pangpaadanda iti sanga nga ipanda iti siroc ti balay diay batog ti agdalagan. Parte pay diay panagtanggad ti agdalagan ti panangusarna iti pangirtengen a bandana diay mugingna ken casta met ti bedbed wenno barikes iti babaen ti siketna a pangsuporta iti matres. Ket no agdigos ti agdalagan, mayangeran iti nadumaduma a bulbulong diay danum nga agarup macasinit ti pudotna ta makitam pay ti sengngaaw daytoy a mangbulnas iti sanga ti damortis diay siroc ti agdalagan. Calpasan diay panagdigos na, supusopanda ti nacabidang wenno nabungon iti ules nga agdalagan babaen ti panangsacawna iti dapugan nga uray la a lumabaga ti darang diay sagat a napasgedan. “Spoiled rotten” sa tay pangawagtay iti casdiay a panangaywan iti agdalagan—isu pay ti caimasan ti sidaenna wenno napudot a digo nga igupenna!

Diac man ammo no dagitay cunada nga “agsipungtuan”—dagitay mapagasatan nga agpasngay manen iti sumaruno a tagibida iti uneg ti siam a bulan manipud diay naudi a panaganacda ket addaanda iti sirib a “creative timing” cabayatan ti panagdalagan wenno panagtanggad da…

Dacayo ngay, ania ti malagipyo a pammati wenno ugali tay nga Ilocano—inuugma man, nagcupasen, wenno taginayonen tayo uray iti agdama?



Comments



Ruby Abad
11/19/2006 1:49:34 AM

Nupay saan unay nga naan-anay dagiti kapanpanunutak kadagiti nakunam Nanang iti ngato, wen man mayat nga agpayso.Nupay datayo nga Ilucano ket Christianismo makita dagiti bambanag nga inu-ugma nga maiyasideg iti naynay nga pinapagano saan kadi Nanangko? Agyamanak unay.



Dino Cruzado
4/23/2008 2:30:02 PM

Iti maysa a malagip ko ket iti kinadalus. Kalpasan iti panakaitabon iti natay, amin ket agtarus idiay likod ti balay ti agpasken ket agdiram-us da iti nagangeran iti nadumduma a bulbulong a nalaukan iti suka tapno kano saan ka a maul-ulaw sada pay sipaten ta muging ken teltel tapno maikkat iti amin a bannog.

makaisemmakman iti kunam a creative timing, wen pudno kunak, ta makaturog met ket tay baket nga agbantay ti agdalagan, wenno tay baket ket napan naglaba iti ubbog, karayan wenno bubon aket iyala daguiti agasawa, ukasen tay lalaki tay patapat ni baket na ngem masukalan lattanto tay baket a mangdalagan agsipud ta sabali metten iti pannakaigalutna. asinu ti maibtur ti makabulan, alaman uray babai iyaring-ingna. ti agasawa addaanda iti naisangsangayan a language of love. agsasabali daytoy iti tunggal agasawa.




Edwin Ermitanio
5/4/2008 10:40:40 PM

kumosta? tulongan dak man a kakabsat no inpangalang ti trivia nga ilokano? or iforwardan dak man i send u diay email ko ta no agprogram nak ikablawan ko metten nga dakayo ti naggapuan na. mangeg ti intero nga ilokandia pangasinan, sn fernado baguio cagayan valley.... mabalin?




Agposte

Ag-Loginka pay nga umuna Kailian sakbay nga agposteka.