iluko.com - website a magustoan a pagpalpallailangan dagiti pada a nangisit ti sikona.

Balitok nga aldaw

 

Skip Navigation LinksHome > Blogs >



Dagidi aldaw a di agkupas_thirteen
12/16/2006 3:46:39 PM

Sardam, Disiemre 24, 1974

Inunormi dagiti balbalay iti Malasin a purokmi a pakipaskuaan, inyudimi daytoy balay da Manang Rose nga asideg ti balaymi. Mang-manganak ti napaskuaanmi a tupig ditoy abay ti karaang a pagtuntunoan ni Manang Rose iti tupig. Kinidag ni Ani ti bakrangko, nakitana kano ti panangpisel ni Manong Eddie ti ramay ni Manang Rose itay yawat ti naud-udi ti tupig kenkuana, imlek itay toy balasang. (Sigun ti inistorria ni atanud kaniak idi, adu kano ti surat ni Manang Rose kenni Manong Eddie, kursunada kano toy balasang ni manongna. Kataeb dagiti mamanongmi ni Manang Rose.) Manipud kadagiti dua a kingki a silaw, apagpaman ti lawag iti lawlaw ti karaang. Kinitak iti direksion nga ayan ni Manong Eddie, am-amilenna ti bibigna, kasla adda nasam-it a nan-nanamenna, inyakarko dagiti matak iti makannigidna-kenni Manong Elmer ngem kasla awan bibiangna a mayat ti kantana iti jingle bells, inpalabasko dagiti matak kenni Atanud Larry, sa ni Manong Eddie iti abayna, insublik met laeng ti imatangko kenni atanud ta maburburtiaanak ti kinaulimekna; kasla adda ipaspasirna iti barukong ni Manang Rose a nakatugaw iti bangkito. Addayta manen ti nailimed a kidag ni Ani, tinaliawko ket inarasaasannak ngem diak maindengan a nalaing ta napigsa ti aweng ti gitarra ken ti panagkanta ti kabsatko, insurotko laengen ti matak kadagiti matana iti sangomi, iti labes ti karaang… iti barukong ni Manang Rose, napamulagatak, narasay ti aruatenna ket agsalagasag ti napusek a barukongna! (daytoy ti umuna a naisangsangayan a kebba ti barukongko.)

Nalpasen tay kanta ti kabsatko.
"Ha! Ha! Ha! Litsiyo ket agkanta kayo met a!" ni Manong Elmer, duada koma ken Manong Eddie a para kumpanniar, ket dakami a tallo ti para kanta, ngem sinulona metten.

Ala, agkanta kayo pay a, pambarantayo nga aggiinniliw kuna met ni Manang Rose, nagbakasion manipud Manila a pagbas-basaanna. Napudaw ken kasla agandap ti kudilna iti kasipngetan, kalkalaingan ti kasla natubay a pammagina iti tayagna nga apaglabes a lima kadapan. May-maysana iti pagtunnoan ta sangsanguen da tatang ken nanangna ken ti dua nga adingna ti pangrabiida, sumublatto kano met no malpas dagiti kabbalayna a mangrabii.

Napan timmipon ni Ani kadagiti kakaduami nga agpaskua iti bangir ti karaang, iti likud-sikigan a makannawan ti balasang. Nagtalinaedak iti tugawko a pungdol ti madre de cacaw nga abay dagiti silaw ket pasaray tumulongak nga agadaw kadagiti natunon a tupig.

“O cam ol ye feytful” tukah! maestros kuna ni Ani, madamdama pay inpatayabnan ti paboritona a kanta ket pinasarunnuan met ni atanud. Diak kabisado ti kankantaenda. Inpapainnayadko nga inpasurot ti bunggaok ken pasaray agkiak a bosesko…

‘O come all ye faithful’
‘Joyful and triumphant’
‘O come ye’
‘O come ye to Bethlehem’
‘Come and behold Him’
‘Born the King of Angels’
‘O come let us adore Him’
‘O come let us adore Him’
‘O come let us adore Him’
‘Christ the Lord’

‘Sing choirs of Angels’
‘Sing in exultation’
‘Sing all ye citizens of heaven above’
“Glory to God’
‘In the highest glory’
‘O come let us adore Him’
‘O come let us adore Him’
‘O come let us adore Him’
‘Christ the Lord’

‘O come all ye faithful’
‘Joyful and triumphant’
‘O come ye’
‘O come ye to Bethlehem’
‘Come and behold him’
‘Born the king of Angels’
‘O come let us adore Him’
‘O come let us adore Him’
‘O come let us adore Him’
‘Christ the Lord’

Mayat ti iiseman ken kinnulding dagiti gagayyemko bayat ti panagkankantami. Paypaya-payandak iti ayanda, ngem diak napan, damagekto laengen inton bigat no ania unay ti pakaray-awanda ita. Adu pay ti kinantami a mabaetbaetan ti istorria ken katkatawa. Agalas diesen ti rabii, agpakadakamin ken Manang Rose ken kadagiti nagannak kenkuana; sumublat kanon a mapan mangrabii.



"Naimbag, Nagasat A Paskuayo Amin Karruba!"


Dios Unay ti Agngina! Ka Webby, itoy inlatangmo a paglanglangoyan toy nanumo nga istorriak.



Comments



Balangeg
12/17/2006 9:43:54 AM

Meri Krismas kakabagyan!



Kangkong
12/17/2006 3:31:32 PM

Merry christmas, too.



KARABASA
12/18/2006 4:59:56 PM

Merry christmas, three!

hehehe. Adda met gayam ditoy dagitay kakabagyak.




JRIC
12/18/2006 5:50:41 PM

Hahahahahahahaha!

Okay.... awan balatong, gagayyem? Madamdamaak ngarud nga agluto.




Balangeg
12/18/2006 6:46:37 PM


Har! Har! Har!

kakabagyan meri krismas
yannan tay aginaldok?
kaasianyo toy pobre a kabagyanyo
pimpiman nga agur-uray
purwakandak metten ah
uray tay kunkunada nga ukay-ukay
basta stateside, mayat latta.





Maricar Cabotaje
12/18/2006 8:13:51 PM

Manong JRIC naimas tay bulong ti parya a laok ti balatong... Balangeg ken karabasa ket mabalin a partners...

Narambak a Paskua yo amin...




marie domingo
12/19/2006 8:29:39 AM

Mele Kalekimaka to everyone!

Kangkong, Karabasa, Balangeg, appo met, nagimas dagitoy a masidan aya! Agyamanak ta kablaaw yo. Madama pay laeng ti pinagbungon ko ti regalo, ken pinagbuson ko dita post office ket no mabalin ited yo lattan tay nagan yon ken address.(e-mail yo lattan) ta ikamakam ko..

Maricar, magustuak met unay ti balatong aglalo no adda chicharon na...


Arlane, nalaingakon ngem busy a makidaya.. maperdi man toy pinag-diet kon no kaskasano.

Monica,di met pay timmawag ni Manong Ed?




Dinengdeng
12/19/2006 11:13:18 AM

NAIMBAG A PASKUA KEN NARAGSAK A BARO A TAW-ENYO AMIN A SUMSUMREK DITOY BLOG NI KABSAT JRIC!

Kabsat Balangeg, kabsat kangkong, kabsat karabasa, no sagpawannakayo ni ading Marie ti tinuno a sida agbalinkayo amin a kas kaniak- maysa a naragsak ken naimas a.....




Igorot Jr.
12/19/2006 11:18:27 AM

NAIMBAG A PASKUA KEN NARAGSAK A BARO A TAW-ENYO AMIN A SUMSUMREK DITOY BLOG NI KABSAT JRIC!



Arlane Manzano
12/20/2006 1:19:26 PM

Umayak man met makidengdeng!

Dimmagasak laeng apo.

MELI KLISMAS latta awan labasna!




Maricar Cabotaje
12/20/2006 3:57:44 PM

Manang Marie naawat kon tay inpatulod mo, agyaman iti adu Manang...

Damdama agsidanak ti balatong with alamang...

HAVE A VERY MERRY CHRISTMAS EVERYONE...




marie domingo
12/20/2006 5:31:26 PM

Manong Igorot Jr, nagmayat daytoy inpaskil mon aya? Agyaman kami unay.

Arlane, Merry Christmas met kenka kasta met ken Insan mo, idanon mo no makasangpet ka idiay.

Maricar, maragsakanak ta naawat mon. But adda pay maysa a box nga inbuson ni Jric a para kenka, nayon dagidi boxes nga inbuson na met.




Ruth Tactacan
12/21/2006 2:46:55 PM

MERRY CHRISTMAS gayyem.



Arlane Manzano
12/21/2006 3:46:27 PM

Hey Manang Marie, agrubbua-rubuatakon. Madandanagannak nga saan. EXCITED sa. hehehe.

Ania ti bilinmo met? Wen, idanonkonto nga ikawiwit dayta kablaawmo hehe. Ni Manong JRIC ngay, ania ngata met ti pabag-oyna nga aggapu kenni Manangko?

PSSSTTTTT... Manang....




Maricar Cabotaje
12/21/2006 3:55:30 PM

Manang Marie wen nagalisto ngarud... agyaman manen iti adu.

Arlane ala ikawiwit monto met ngarud kablaaw ko kenni Manang mo a. Enjoy your vacation...

Kumusta kayo amin nga adda ditoy.

NARAMBAK A PASKUA YO AMIN.




Marie Domingo
12/21/2006 11:07:55 PM

Ruth, Merry Christmas met kenka gayyem.

Arlane, awan danag, piduten nakanto lattan diay eroplano a pagluganam. ken yarakup monto lattan ti pakumustak.

Monica, naawatmin tay sagutmo kadakami. Thank you..Tsup! Tsup!

Maricar, Maligayang Pasko met kenka...




JRIC
12/22/2006 2:45:07 PM

Arlane, inyarsaaskon ken insanmo nga aripuyotennaka apaman a makasangpetka diay Calgary, isunto kanon ti makaamo no ania a partesmo ti ipitenna! Hahahahahaha!

Naragsak, Nagasat a Paskuam Gayyem Ruth, sapay ta nasalindeg tayo laeng a mangrangbak ti panakayanak ti Mesias.

Maricar, aglutonto ni Marie iti tupig, dika umay? Bareng nalaington. No saan ket siakton ti Oven Operator! (agsakit ngamin manen, injection-nak sa! hahahahahaha!)

Mele Kalikimaka! kadatayo amin gagayyem.




Arlane Manzano
12/22/2006 3:44:49 PM

Di pay nalpas ti obra ngem agsakit dagiti sasakitakon ta di met la maungpoten! Nagbayag ket ti Sabadon aya! Ngem no ipitenna ti ania man nga inyarasaasmo Manong, baka awan maarikapna ta bungonek 'toy bagbagik iti imeng. Bah! nalamiis idiay ket. Minus-minus. Sayang ngaurd, diak mausar tay ginatangko nga mini. Hehehe. An-anuem ngamin ni Manang Manong? Baka over injection siguro aya?

Manang Marie, ageksersays ka bareng mawagwag. Hehe. Bay-am dayta luto-luto ta ninto lattan Manongen. Adda aya Reyna nga agluto?

Manang Maricar, THANK YOU. Inisemannak tay krasko nga mailman itay bigbigat. Eksakto ti sangpetna ta irugik koman ti agmuriot ket.

MERRY CHRISTMAS kadakayo amin. Bareng makadagasakto pay no bigat sakbay nga agpa-Calgary-ak.

Hehehe.




JRIC
12/22/2006 4:12:25 PM

Aysusmaryaka Arlane! sayang dayta a mini no saan a mausar, no nalamiis ti tiempo diay Calgary, mabalin met diay uneg ti balay a pangusaram, ag-picture kanto wen? Pasango, pasikig ken patallikod... ta patulodannakto! ehemmm!!!



Charito Chavez
12/23/2006 6:10:23 AM

Dimmagasak man ditoy abongmo, Ka Jric, ta umaykayo (dakayo amin a sumsumrek ditoy abongmo- awan labasna) kablaawan iti "NARAGSAK A PASKUA KEN NARANG-AY A BARO A TAW-ENYO!" Dua laengen nga aldaw ket Paskuanton!

Igorot Jr., isuromman, gayyem, no kasano ti agipost ti "banner" a kasla dayta napintas a "banner" nga impostmo dita ngato? Napintas, sika!




JRIC
12/23/2006 6:54:40 PM

Kasta met kenka Ka Charito. Sapay ta napia tayo koma laeng a sangapada a mangsarabo ti Paskua ken Baro a Tawen.

Diso ti Agngina iti isasarungakaryo.




CHARLES GUTIERREZ
6/18/2008 9:03:00 AM

ME KILALA BA KAYO NA MARGARITA ANDRES TAGA ILOCOS SUR ..TANONG LANG PO




marie domingo
6/18/2008 8:06:38 PM


Hello Charles, maraming Andres dito sa Maui. Pero hindi namin kilala itong Margarita. Last year, may nakipagkilala sa akin dito sa trabaho ko, at alam mo kong anong apilyido nila (Andres) po, but yong babae taga Laoag City at yong asawa naman hindi ko alam kong taga saan siya..Nice to meet you and Aloha!!!





Agposte

Ag-Loginka pay nga umuna Kailian sakbay nga agposteka.