iluko.com - website a magustoan a pagpalpallailangan dagiti pada a nangisit ti sikona.

Balitok nga aldaw

 

Skip Navigation LinksHome > Blogs >



Dagidi aldaw a di agkupas_fourteen.1
12/23/2006 6:12:44 PM

Disiemre 25, 1974

Alas nuebe iti bigat, nalulem latta a kas idi rabii ken napigsa ti angin nga agpabagatan, nalamiis! ket uray la nga agkursing dagiti gurgurongmi nga aggagayem. Adda kami iti kinawayanan ti pamiliami a Domingo.

“Intayo dita bangir la!” ni Atanud Larry, aw-awisennakami ken Ani a mapan iti Kakawayanan a beddeng ti pamilia Sales-Pastor. Masuron ta awan ti mabalin a pukanenmi a putek nga aramidenmi a cannon bamboo. Kinitanak ni Ani, kasla kayatna nga ipaawat kaniak a dina kayat ti sumurot: mabuteng ngamin ken Apo Pulon a kanayon a makasalama kenkuana idi nga agpukan ti nagango a kawayan a pagtungo ni lilangna. Nakabakasion ita daytoy gayyemmi manipud Cagayan a pagbasbasaanna. Agpadakami a first year high school.

“Ania ti pagkin-kinuldingayo ken atanud idi rabii?” dinamagko ken Ani.

“Oh… diay… barukong ni Manang Rose, nagmayat ti sippukelna sika!” kuna ni Ani nga insungbat. Ket iti maikadua a gundaway: nagragutok manen toy pusok, ket malagipko manen ni Imee, (kaeskuelaak iti high school.)

“Litsiyo a dua dita, intayon kunak ket!” ni manen Atanud Larry a saan a makatut-tutor, nagkaruskos iti teppang ket nagnan a nagpalaud, ket kapilitan a sinurotmi ken Ani.

“Kasla kumader ti soldado! ni-innanattoy! ket grade six pay lang” Naibugkaw ni Ani ti suronna kenni Atanud. Urayak la nga imlek a nakangngeg iti aweng ti bosesna. Ayug-Cagayan! sarsarunnuek isuna, naipdukanak ket nasapriak ti bukotna! Uray ni atanud ket naisursurot a nagkatawa.

“Atanud JRIC, tannawagam ni Apo Pulon!” ni manen atanud; agpayso, kasla agbabaon a kumander ti PC dita Kampo Juan!

“Siak ti kabassitanyo, siak met ti baunenyo!” ket nagyatak… tinannawagak ti ammianan. “Pakadanagam aya, ket agpabagatan met ti angin! sa, sul-ot ni Apo Pulon” Inlastugko, ngem madandanaganak, ngamin, saanmin a beddeng daytoy pagpukananmi ti kawayan.(Parte ti bengkag ti ayan dagiti naintar a balbalay nga agpadaya iti abay ti kalsada, nalawa a taltalon ti kasilpuna iti abagatan nga ayan ti kakawayanan, iti tayagko a kurang a lima kadapan, saanko a makita dagiti balbalay iti amianan no saanak nga agyat.)

“Objection! I disagree with what you say, doctor*. Nalaing ni Apo Pulon a sumaep! naimbag laeng ta saan unayen a makakita.” Ni Ani ti simmungbat kaniak.

“Her! Her! Her! kitaenyo ket uppat a sigud ti mabalin nga aramiden a kanyon ney! ‘nia madi kayo pay?” Babaen ti badang ni tatangna: itudtudo ni atanud dagiti mabalin a pukanen a pagpalibbuong. Adda latta kadagiti putek ti ayan ti panunotna. Kasla awan ti bubutenganna.

“Ala, pukanem ngaruden ta dika sao-a-sao! siak ti para guyod” inwagis ni Ani ti bilinna kenni atanud, sa sinaludsodna daytoy; “Nakakitaka ngarud ti nuang nga agdut-dot ti kawayanen?”

“Lisngim! makastrek pay ngarud ta kulluobna no kawayan met ti dutdotna!” Masuron a simmungbat ni atanud.

“Ha ha ha! ‘su met la, a, grade six ka pay laeng. Dimo met maawatan ti saludsodko, yordz” inyangaw ni Ani.



Comments



arlane
12/23/2006 9:26:09 PM

hahaha...Ania ti bilinmo?

Manang Marie, inyarakup ken inkawiwitko tay pakumustam. Manang Maricar, uray tay iliwmo inyageko.




VF
12/24/2006 12:39:43 AM

Lumabasak laeng kabsat J'ric & Marie. Hello to VR!



Balangeg
12/24/2006 12:39:53 AM

Enjoyem ti bakasyonmo ading Arlane. Ebisongmo ken manangmo toy pakumustak wen?

Naimbag nga paskua ken baro a tawen kakabsat. Agtalinaed koma a kankanayon ti ragsak, kappia, ayat ti gagayyem nangnangruna ken atanud Jric and Marie.




Igorot Jr.
12/24/2006 6:02:22 AM

SAPAY KOMA TA TI NAIMBAG NGA ISPIRITO TI PASKUA KET ADDA KOMA KADAKAYO SAAN LAENG ITI DAYTOY A PASKUA NO DI KET ITI KANKANAYON!



Tirad Pass
12/24/2006 7:19:22 AM

kumpareng Jric lumaemak lattan, ituloymo ta kawiwitmo ken kumadre, ahihi!

Nabayagka nga inururay pareng Balangeg. ita adakan uminumta man ketdi, malagipko di panagbartekta dita sirok ti kawayan nagsallapidsa ti saksakam idi a nagawid. buyoboy daytoy pagtauganta ita. saanmo a pakaringguran dagita babbalasang ta agiinnaremda hehe! aggiinniliwda kunak koma. matmaturogka? alas onse met ngaminen ti rabii.

natalingenngen a paskuayo amin a nadanon ko ditoy.




JRIC
12/24/2006 11:03:54 AM

Aysusmarya! saan nga immubra daydi inyrasaasko ken insanmo Arlane? Madi man met a katultulag aya! Sika man la ket ti mangaripuyoten, pasellangam bassit ha? Hahahahahahahaha!

Agsublikanto Gayyem VF. Adu ti linuto ni kumander a tupig idi rabii ngem awan ti pagpaanudta a basi, innak sa ket lumibas tay lebben ni Ka Fred, malaksid no kayatmo ti danum?

Gayyem Balangeg, addaka? Nabayagka a naawan, busy ka siguro a mangsapsapul kenni Tirad Pass. Addaytan ney! uray isu ket mailiw sa kenka.

Kasta koma met kenka Gayyem Igorot Jr. Padapada tayo koma a naslun-at ken naragsak tayo koma laeng a mangsarabo iti Paskua.

Boyoboy? Nabayag a diak nangngegen daytoy a klase ti paginuman Gayyem Tirad.....

Dakkel unay a pagtaugan, imbes a ni laeng Gayyem Balangeg ti agsillapid ti sakana nga agawid; sika pay siguro! Umyan kayo dita sirok ti kakawayananen no dikayo makapagna, umay konto i-deliver ti pagulesyo, tapno dikayo lamminen, ngem aguray kayo! dita kadi kakawayanan ni Apo Pulon ti ayanyo? Hahahahahahaha!




Arlane Manzano
12/24/2006 3:57:50 PM

Thank you Manong iti adu. Hehehe. Diak kayat nga apasellangan ni Manangko dinak to ket itinnag dita baba. Tantannawagak dagiti lulonan dagiti kaarrubami Manong. Baka pagtulidennak a dina oras no kaskasano. Numona ta umatibuor ti banglona tay pansit nga kiwar-kiwarenna. Paboritok pay met ngarud.

MERRY Merry MERRY CHRISTMAS TO ALL. Gayyem Tirad Pass, ipigem ni Balangeg ta ituloyyo idiay abong ti tumaog. adda Tapey nga tinimpla ni Ruby. Sumarunokanton Manong VF ngem mangisangpetka iti prutas a. Pag-washing hehehe.




Balangeg
12/25/2006 7:53:01 AM

My pareng Tirad Pass, agriingkan!

Ay ti kunam pay pare ket limmablabbaga toy puriitko. Kasta unay ti bartekko saan payen nadlaw nga kutkutunen gayam ti tao dita sirok ti kawayanana. Hak! Hak! Hak! Awan lat' di maar-aramid!

Tumag-ay tayo kakabsat, adda met inparaman toy kaarruba nga arak naggapu sadiay Hawaii, naimas ngata? Aggagatel toy karabukob nga uminom, ngem sal-at inkandado ni marengmo, edespli na kano.

Merry Christmas Happy New DEAR to all!




Tirad Pass
12/25/2006 8:04:40 AM

ay, pareng balangeg radradam ti asin ket alisto aglaing dayta kinagat ti kuton.

'atoy basi ti inumenta gamin dimo kayat kadi? 'guray garud innak alaen arak a rigalo ti hawayano a lakay nga immay nangasawa iti balasitang ditoy paoay.




Tirad Pass
12/25/2006 9:24:36 AM

pareng jric adu ti buyoboy idtoy kayatmo kadi ta patulodanka? dina kayat ti naipig arlane ni pareng balangeg isu a kinuton. iyanmon pareng balangeg? mayka kitdin, idtayak pay nga agururay kenka ditoy.

Merry Christmas & Happy New DEAR to all! hehe, bareng makasiloak ti pulana a lumalabas ditoy kawayan.




Balangeg
12/25/2006 9:32:42 AM

No radradak ti asin, di pat naapges, sistisima! Husss di ka matagari ket sirsirrigik ni marengmo, mapam kano makikaarruba. Itaraykonto metten tay arak. Hak! Hak! Hak!

Ana garud pareng Tirad, nakasapulkan ti new DEARmo? Pardasam la. Kepoy-kepoy ka met gamin. Kunada ti agalog "kung hindi mo makuha ng santong dasalan, santong paspasan" Igarahem dita siroken ti kawayanan pare, umayak to met sumirip. Ahihihihi!!




Arlane
12/25/2006 10:04:09 AM

Nakariing ngatan ni Manong Ari
Mayat metten ti pupoyutak iti kape
BAlangeg a Kumpadre, howdy?
Malaksid iti nabudo a kinagat ni Cutie
Agpabungarka ngarud daras kadi
ta kaduaenda a maki-boogie
nidiay abongko adda Krismas Party.
Ka Tirad Pass inggaam kadi
damdama pay la dayta basi
iyadayom kad ni Kumpari
asideg ti arak a nakadespli
baka agkinod-kinod nga agmikki-mikki
no masirpat ni Kumari.
Agriingkan Manang MAire
dayta kawil ni Manong ilisi
umaykan, agsukatka iti nabisti
intayo maki-kaarruba, maki-balsi.
Ituotyon ni Vavi Rei
bag la nga ag-drive inton rabii
mangiyawid kenni Manong Ari
agraman kabbalayyo nga ag-kumpadri.

Ayi,ayi
ahihihihi.
gud bye, gud day
intayon, HEYEEYYY!





Tirad Pass
12/25/2006 10:27:12 AM

ahihihi
kumustan pareng ta puriiit
a kinagat ti kuton a diaski
pinalaluamto met ti basi

arlane awan latta ni pari
balangeg a nabartek di rabii
diak masapulan, inkuluobna ketdi
dita manen sulsuli

dagitay akinabong awanda sa kitdi
madama ti kawiwit ni pareng jric ken marie?
wenno rinimpong ni kumari marie?
ahihihi!





Balangeg
12/25/2006 10:43:37 AM

Kunak no napanka naturogen, addaka pay met ditoy Pareng Tirad.

Datoy atay saludsodko pareng Tirad, nakasapulkan ti new DEARmo? Pardasam la. Kepoy-kepoy ka met gamin. Kunada ti agalog "kung hindi mo makuha ng santong dasalan, santong paspasan" Igarahem dita siroken ti kawayanan pare, umayak to met sumirip. Ahihihihi!!







Balangeg
12/25/2006 10:43:51 AM


sintisima puro kebkeb
paap-apalam ta balasang
yannan tay gitara haranaeksan
kepoy gamin toy kumparek
napukaw ti dila nan
no nakasango maysa a balasang
aglalo no kasta unay lapsatnan
siakon ti umuli pareng Tirad
awitko tay sangaburnay nga basi
lebbeng daydi lelongko






Rudy Rumbaoa
12/25/2006 11:24:46 AM

"Naragsak a Paskua ken Nagasat nga isasangbay ti Baro a Tawenyo Amin!"




Arlane
12/25/2006 3:21:17 PM

Hahaha. MAnong JRIC.... hehehe umaykan addan ni Manong Rudy.

Ala, agpraktis tayo ngarud iti intermission number tayo Apo Tirad Pass ken Apo Balangeg.

Manong Rudy, apay a rimmuarkan ket madama pay laeng ti bunong ni Santa Claus? Siak koman ket mangkolekta idiay bingaymo. Tsk.




Jing Doman
12/25/2006 3:57:50 PM

Jric and Manang Cionie addaak met. hi hi hi! malagipdak pay met lang?
Kumusta inginir? naks, maungtanak sa nahy! nagbasaak dita ngato ket AGAREMEN APO, he! he! Ado ti nagbaliwanda detoy yanyo narigat a sapulennen.

"NAIMBAG A PASKUAYO AMIN KAKABSAT!"




JRIC
12/25/2006 4:15:23 PM

Aysusmarya nakaadu kayon ket siak man met tay naudin, uray ta siak adingyo, hahahahahahaha!

Arlane, sorry! kaririingko, ta nailibayak, hahahahaha! ania met. Nagpintasen a denggen ken makay-ayo dayta bosesmo, Inpaminduakon ti naturog manipud laeng itay bigat! nakakasdaaw ania? Pagpapintas kano ti ngipen dayta kunam a pinuon: agsipillio laeng sakbay a manganka a? Hahahahaha! (manen.)

Gayyem Balangeg & Gayyem Tirad Pass, apay ta nauma kayo metten? Wenno adda man kinutton ditan? Uray ta adda met dayta medicine yo dita nga asin, hehehehehehe!

Bareng makaumayak dita ayanmo ita Gayyem Rudy, adda daytay nuangko dita ngem tay ulnas ti perdi ti padapanna. Ipakpakasi tayonton a kuarta laengen ti ipapaskuada, nalaglag-an di ngamin? $100.00 ti kababaan kunam!Hehehehehehe!

Naragsak A Paskuayo Amin!!! Gagayyem!




JRIC
12/25/2006 4:23:13 PM

Holy Cow! Adda met gayam sangaili ditoy salas itay a diak naripar! Hahahahaha! Mailiwak man! Kumosta Jing? Malaglagipkayo ken Ray itay agsarsarita kami ken Arlane. Kasano ti biag? ni Ray kumosta met? naibayagman a naawanka? Hmmmm! nagadu met ti salusudkon. Hehehehehehe!

Malisiam kadi ti saan nga agarem! di pay malisian dagitay daduma a mapan agpadi! Hahahahahahaha! pakawanendak Appo! makiangawak laeng ti sagpaminsan. JRIC laengen ha? ikkatem dayta Engr ket makaperdi ti salun-at! wenno kayatmon sa ta sutilenka, tay uraymo la nga isangit nga ikatawa ti ungak-ungakmo, hehehehehehehe!




KUPIDO
12/25/2006 5:07:26 PM

Siak man ti mangsakay dita bulding a nuangmo barok. Bay-am dayta padapan ta ulnasmon. Kayatmo ta sukatak iti ligay?

NARAMBAK A PASKUAYO AMIN a nadanonko, agraman dagiti ipatpategyo iti biag kasta metten kadagitay kumusi-kusilap iti liklikudantay no dadduma.

Ahihihi. Paskua, panagpipinnakawan!




Arlane
12/26/2006 9:19:34 AM

NAkariingkan Manong? maikatlo dayta iti maysa nga aldaw. Siak ket diak unay makatur-turog. Adun sa ket mangpampanunot kaniak.... dagitay intarayak nga annak iti buniag agraman inna ken ammada hahaha.. NGAK!

Apong, isakaynak man met.

Hello Manang Jing.

Good Morning Manang MArie, tumawag kami koma idi rabii kenka ngem naganasanmi met kenni Manang ti nagbuya iti Sharon Cuneta. Bareng maraandaka damdama. Mapanmi pay saraken ni Manong Glenn dita mall ket.




JRIC
12/26/2006 3:04:08 PM

Naamo a sakayan toy nuangko apong. Mayat sa aya Apong no ligay ti maisukat tay padapan, ngem saanna a masakaw dagitay tambak a naruay ditoy no kuan a.... hahahahahaha!

Huzz!!! Arlane, diak mamati a dagitay annakmo iti buniag ti dimo pakaturturogan. Da(gi)tay siguro Senyorito(s) a napanawam ti di mangpatpaturog kenka, ehemmmmm! Matmaturog ni kumander itay agkiriring toy phone mi.

Awanen tay immay dimmuklawit idi kalman, saaanen nga mauray. Ania ti makunam Jing?





Maricar Cabotaje
12/26/2006 4:19:15 PM

Kumusta kayo amin nga adda ditoy, Happy New Year!




KUPIDO
12/26/2006 9:38:13 PM

Diay to tambaken ti manglayaw dita ligayen barok. Ahihi. Pampanunoten siguro ta adim no pangalaanna iti pudpudno nga Senyorito. 2007-en inton umay a dominggo ngem awan pay la ti imparang na.

Happy New Year, Happy New Dear met. Ngem no awan pay iti isukatmo HAPPY New Search a ania ngarud. Pudno kadi Maricar, balasangko?




Arlane
12/27/2006 1:41:54 PM

Timmalaw aminen dagitay namnamaek nga imbatik Manong JRIC hahaha... Narigat met nga mapanko ida taludtoden nga biroken no asinno pay ti available haha. Adda metten Senyoritok 'su na laeng ta dina pay ammo. Ni Apong ngamin, KEPOY nga pumana. Puro mintis, awan inalatna dagiti iyam-ammona. Kitam' ket simmukon san nga agbirbirok iti para kaniak.

HAPPY NEW DEAR???? Hus Apong.... Sika ti akimbasol!

Manang Maricar, bag kenka ta kumpleto ti NEw Yearmo. Any resolution? heehe.




VF
12/28/2006 2:32:50 AM

Baka no diakto man masangon isu nga umayko man bassit kabla-awan daytay braderko ken tay waswit ken dayunyolna iti:

NABARA A PANANGPASANGBAY ITI TAWEN 2007!

Agsubliakto kakabsat....




Tirad Pass
12/28/2006 7:08:07 AM

ni ay ni oy!
ni balangeg inlemmengannak
inianmon parengko
umaykan ta bungarenta
ket permi ti lamiisna
ditoy nangibatiam kaniak
a siruk ti mangga
ahihi!





Balangeg
12/28/2006 7:42:50 AM


pinartengannak ni kumadrem
ammom metten adu ti agayab
kakaarruba a nappuan ragrak
tapno adda kaduada nga aginom
pasangbayan baro a tawen 2007

Naragsak koma ti isasangbay baro a tawen kenka kumpadri, masapulam koma metten tay sapsapulem. Good luck gayyem!




JRIC
12/28/2006 3:29:14 PM

Paubetak man met, hahahahaha!

Gayyem Balangeg & Tirad Pass, ditoyyo ngaminen nga uminum tapno kasta ket masimsimak met dayta arak nga in-inumenyo ken ad-adayo ti pannakakutonyo. Makakatawaak man dayta limmablabbaga a puriit a kunayo. Hahahahahaha!

Brader VF, awatenmi a pamilia a sibabara ta kablaawmo. Kasta met kenka Brader, salun-at koma laeng ti adda kenka ken kadatayo a mangsarabo iti baro a tawen.

Arlane, kasta kadi? dagitay ngarud agpadpadlaw dita abongmo ti saan a mangpaturog kenka, hahahahahaha!

Wen ApongKups, diayto tambaken ti manglayaw. Adda-da met Senyorito nga agpadpadlaw diay bangir, dayta laeng no adu unay a pagpillianna.

Nasayaat kami met Maricar. Sapay ta kanayon koma laeng a nasalun-at kami (tayo.) Kumosta ti bakasionyo?




Maricar Cabotaje
12/28/2006 6:02:20 PM

Manong JRIC okay met panagawid mi diay probinsiya ngem isuna laeng ta maysa aldaw mi laeng didiay, adut nakaikapisan mi a, sayang pero okay laeng... Addaak ditoy work ko tatta, leppasek laeng dagiti maideposit a check tapos agawid kaminto metten, kaduak tay barito mi nga ingget kulit na...

Arlane resolution kunam? Sapay ta nasingsingpetak to pay iti umay a tawen:-)

Manong VF, Balangeg, Apong Kups ken amin amin nga adda ditoy, kumusta kayo amin.

Naragsak a Baro Tawen tayo amin! Wish all hope, joy, peace and good health for 2007.

Best regards,
Rudy, Maricar, Jaynann Abilene & David Hagoth




JRIC
12/29/2006 10:41:31 AM

Maricar, wen, sapay koma ta nasalun-at, ken naragak tayo a mangsarabo ti baro a tawen.




Arlane
12/29/2006 3:10:11 PM

Agpadpadlaw kunam Manong JRIC? hehehe. DUmlawak man ketdi aya. Adda gayam impakta kaniak ni Manang, hahaha. Bay-am ta 'secret' ta laeng dagidiay.

Ti resolutionkomet Manang MAricar ket, asa, nalpas nga asa diay bunengko and use it wisely.

Happy New Year Apo Tirad Pass, Balangeg ken Manong VF.




Cresencio Yagin
12/29/2006 8:51:13 PM

Johnnyric, nakitak tay insagutyo iti nangabak ti panagbasaan ti daniw. Makitak kasla napintek, paginginnuyodansa met tay sagutyon.
Nasayaat met dagitoy a wagas a panangitag ay kadagiti daniw bareng agpayso ta kaslanto met kankantan a mangmangegan.





JRIC
12/29/2006 9:23:01 PM

Manong Cris, adda met bassit usit a naibingay a naipatulod diay GMM. Uncle ko diay nangisuno kaniak, naimbag laengen ta awanak diay Pilipinas ta diak koma ket tigergeren a sumalpa diay stage. Hahahahaha!

Arlane, hmmm.... diak masurotan dayta 'secret ta' a kunam, naisangsangayan la ket di dayta a, ehemmm..... hehehehehe!




KUPIDO
12/29/2006 11:24:31 PM

No diay kawitan ket agpagus nga sumarigsig, masapul ngarud nga saan unay nga agpasgar. Asintaranna ti pumatnga ket makidangadang uray asinno pay ti adda a mailasinna a kasangona.

Ti ayat ket kasla dalan, no adayo unay ti ungto iti agsumbangir, masapul ngarud ti panagsinnabet iti tengnga.

Maibagasak man dita sango Marie ken Jric ket anniversary-yon sa. Wedding kadi wenno welding? Ahihihi. Happy panag-beinte. Sapay ta mataginayon ti naurnos nga panagdennayo.




Balangeg
12/30/2006 12:33:38 AM

Padasek garud ti agdaniw ti anglish, awan agunget no madi wen.........

..and so the west wind blew my heart away..
..it landed on a doorstep of a young lady..
..a beautiful maiden I see..............!..

Data met ti ammok nga anglish, agpraktisak pay. Mayat met laing pareng Tirad Pass? No daniwan ngata tay baggak nga sirsigim pareng, bareng mapasagotmo a di oras. Har! Har! Har!




Igorot Jr.
12/30/2006 4:18:19 AM

NARAGSAK A BARO A TAW-ENYO AMIN, KAILIAN, GAGAYYEM KEN KAKABAGGIAN! IKKATEN DAGITI SAAN A NASAYAAT NGA UGALI ITI 2006, SUKTAN ITI NAPIPINTAS NGA UGALI ITI 2007!



Tirad Pass
12/30/2006 7:37:26 AM

ahihihi, sumapsapulak pay laeng ti salpa-an a pangitukitan ti bin-i pareng balangeg, mabalin nga arborento dayta daniwmo pareng?



Arlane
12/30/2006 8:00:33 AM

HAPPY NEW YEAR Manong ken Manang kasta mettn dagiti gagayyem tayo ditoy.



Balangeg
12/30/2006 5:26:10 PM

Adda pay nayonna dayta daniw pareng Tirad Pass. Ngem saankon nga iposte ta nakas-ang, makaparungaab! Wen pareng anytime nga bulodem dayta daniw, isublim wen?

Goodluck laingen pareng Tirad Pass.

HAPPY HAPPY NEW YEAR AMIN KAKABSAT, GAGAYYEM KO IDA!




JRIC
12/30/2006 10:56:17 PM

Kas kunada: Paubetak manen! tapno awan malibtawan.

Kasta met kenka Gayyem Balangeg. Idasarmonto man ket ditoy dayta nayon ti daniwmo, ta pagibasarak man gayyem, ket diak latta makasursuro a dumaniw. Salpa-an! napintas daytoy nga ilukom isu man met ti sublatek kenka gayyem.

Arlane, di met laeng nagrungaab ni insanmo itay panawam? Kumosta ti bahem?

Gayyem Tirad Pass, ania ti arbor? Isu kadi met laeng 'sublaten?' Hmm.... ikkatek ti bain-bainko nga agdamagen.

Ka Igorot, napintas ti pannakaaramid daytoy paskilyo ken kasta met ti linaun ti mensaheyo. Wen sapay koma ta adda nasayaat a timpuyog tayo iti umay a tawen ken iti sumarsaruno pay a tawen. Hmmm.... diak mayaon nga iyesplikar gayyem. Kappia koma laeng ti adda kadatayo.

Wedding ApongKups, imun-una iti lima a tawen di welding! Sapay koma Apong, ta sayang laeng ti nalasatanen a rigat ket kasta met ti ayat no ita pay ti pannakapek-kana ti urnosmi. Dios ti Agngina Apong ti kablaawyo.





JRIC
12/30/2006 10:58:53 PM

Aysusme! Arlane 'Biahe' koma daydiay.

Naragsak A Baro A Tawen Tayo Amin Gagayyem!




Balangeg
12/31/2006 1:22:27 AM

Idasar konto no adda waya Jric. Tay parek ngata ket ayanna?



John Cachola Jr.
12/31/2006 6:34:22 AM

Kappia ken ayat koma iti adda kadakayo (ken kadagiti asideg kadakayo) iti isasangbay ti baro a taw-en!




Tirad Pass
12/31/2006 7:56:47 AM

Addanak ditoy pareng. rabiin ditoy paoay alas diesen. ururayenka narud pareng. makaparungaab kunam pareng balangeg? ket di narud agrungaab tay balasang a pangisagutakto! daytay makapakatawa ti ipaarbormo pareng, datay uray la makaterternek ti ellek diay balasang a makangeg!

pareng jric arbor ket dawaten, isu nga awanto ti para kenka pareng ta dawatek sakbay a sublatem diay daniw ni pareng balangeg. Ahihi!

NAINBAG A BARO A TAWENYO AMIN!




JRIC
1/1/2007 1:00:30 PM

Naimbag a Baro A Tawenyo Gagayyem!



Arlane
1/1/2007 4:18:32 PM

HAPPY 2007 kakadua. YEAR of the PIG kano.

Bareng nalablabon ti grasya.




Maricar Cabotaje
1/1/2007 4:35:59 PM

Hello hello, kumusta kayo amin. Nalpasen ti PASCUA kasta metten ti New Year... bareng koma laeng a nalablabon ti grasya tatta ARlane.

Kablaawan kayo ngaru ti HAPPY HAPPY VALENTINES in advance:-)




marie domingo
1/1/2007 9:52:39 PM


Hau Oli Makahiki Hou to everyone!

Umisem tayo ngarud amin nga mansarabo ti Baro a Tawen ken aglap-lapunosan a grasya ti dumteng kadatayo amin.. :-)

Hello Balangeg,Tirad Pass ken John Cachola Jr.

Hi, Arlane, Monica ken Maricar..




Maricar Cabotaje
1/2/2007 4:20:14 PM

Manang Marie, nagmayat koman no aglaplapunusan ti grasya a sumangbay kadatao...




Agposte

Ag-Loginka pay nga umuna Kailian sakbay nga agposteka.