iluko.com - website a magustoan a pagpalpallailangan dagiti pada a nangisit ti sikona.

Daniw

 

Skip Navigation LinksHome > Blogs >


 JULIO ALCANTARA CACALDA

 Entries:
2
 Comments: 0

iCom Page
ArchivesDateStamp
American Kasangay7/24/2009 3:28:31 AM
Diro ken Gatas7/24/2009 3:27:27 AM






 American Kasangay
7/24/2009 3:28:31 AM

Di mapupuutan
nadaras a pannakarurus
bulong kalendaryo
aldaw manen ti umuna nga tiempo
innak naimataan libnos ti aglawlaw

agarup nasurok a tallo pulo a dekada
nagtulid ti bato awan sarday na
biag ko a nagpaidauma
isu't gapuna iti agdama
Jac d" Legend birngas pagayam na

Naunday a panawen
ngem nananam a sublianan a lagipen
agsasamusam a rigat nagpaiduma
bunga namnama namnamnamen agdama

agkebba kebba barukong ko
umapay duduwa, manglimo limo a panunot ko
ngem noman pay kasta biag ko
iti daytoy a kanito baro a rugi tulid ti bato
tumangadak dawatek iti amin a raem ko
kibinennak iti amin nga addang ko

utubem, pagayamam ko
ungto, wen, ngem saan nga rumbeng nga agsardeng
ketdi tiempo a panangrugi baro a gakat ken saniweng

baro a lugar
baro a biag iti maysa a banwar
Dasay iti kailokuan
inna nakaipasngayan


Comment(s): 0  | Lastupdate:



 Diro ken Gatas
7/24/2009 3:27:27 AM

anian aya a sammit
diro a pumalatipot
nanamna umabot langit
laukam gatas a bassit

ballasiw taaw, manipud ili a nakaimudingan
apal nga agsasamusam, maysa maysa a garteman
tiempo nga inka mapadasan
diro ken gatas inka maramanan
suka ken dara, pada na, awan pagduduwaan

apay apay
kastoy, kasdiay ken dadduma pay
isuda, inda iparammag
barteng ala taaw, saan a barengbareng
kinapudno, naimlemmeng

wen, saan a mailibak
nam-ay biag, dur-as ken palgaak
bunga ti ling-et a bumato
no tarawidwidam, agnanayon to.

ti adat na, no agannusay ti pigsa
lumabnaw ti raman ti diro ken gatas iti tasa
ta awan pudno na
ballasiw ti taaw, lugar ti sam-it a diro ken gatas, isu ti ammo da
tuok ken ibtor agsasamusam kinapudno na


Comment(s): 0  | Lastupdate: