iluko.com - website a magustoan a pagpalpallailangan dagiti pada a nangisit ti sikona.

Samiweng ken ayat

 

Skip Navigation LinksHome > Blogs >


 Rudy Ramos Rumbaoa

 Entries:
59
 Comments: 1684

iCom Page
ArchivesDateStamp
Isuda dagiti Maria, Separada...4/7/2010 11:42:20 PM
Ti Diary ni Esmeralda11/6/2009 11:07:48 PM
Ti Sampaguita ken Lily a Sabong ni Greggy10/20/2009 10:13:00 PM
Idiaya ti MCC ti Ilokano Plus9/21/2009 3:32:32 PM
AWENG: Antolohia Dagiti Napili a Daniw ken Sarita Dagiti Mannurat iti Bacarra8/23/2009 2:18:18 PM
Ni Iddo... 8/9/2009 2:48:23 PM
Uray Naladaw ti Panagbabawina, Adda Pay Gundawayna a Mangabaruanan7/12/2009 3:18:34 PM
Agnanayon ti Lagipmi Kenka, Ama...6/9/2009 2:19:31 PM
Apay a "Mother's Day?"5/8/2009 12:05:04 PM
Maria4/9/2009 12:48:26 PM
Ket Inyaplaw Ni Patay Ti Kumpayna...2/19/2009 5:49:08 PM
Ania Kaili, agkarika manen?1/5/2009 11:37:00 AM
Ti Maudi a Parang1/1/2009 12:39:12 PM
Ag-Paskuatayo, Kaili!12/24/2008 2:36:00 PM
Makipagrambak iti Panakaipasngay ti Manubbot12/3/2008 1:01:09 PM
FilVets: "Addakami Pay Laeng A Biag"11/3/2008 12:15:16 PM
Makatulong ti Komunidadtayo a Mangguped iti Kinaranggas ti Domestic Violence8/6/2008 3:00:20 PM
Ikararagam Dagiti Kabusor Ti Kararuam3/16/2008 4:51:16 PM
"Innala ni Lakayna iti Hawaii, Ngem Dida met Agkaidda"2/1/2008 1:08:48 PM
SAAN PAY LA MET SIGURO A NALADAW, AYA?12/30/2007 1:05:29 PM
Compassionate Caring11/30/2007 1:11:52 PM
Inbox: Palpaliiw, Pasagid ken Pagpampanunotan9/22/2007 1:56:00 PM
Ibati Dagiti Ladawan Ti Agnanayon a Pakalaglagipan6/1/2007 12:15:48 PM
"Ti Imulam, Isut' Apitem"3/21/2007 2:34:59 PM
"No Agpannuray ni Ayat"1/24/2007 12:00:20 PM
"Baro a Tawen, Baro a Nakem"12/31/2006 12:19:04 PM
"KRISMAS ITI FILIPINAS"10/23/2006 1:13:44 PM
Pangdayaw/Pangraem (Tribute) ken ni Vhen Bautista, ti "Prince of Ilocano Songs"8/4/2006 1:53:51 PM
Samiweng ken Ayat (Kenka Ipatpategko Unay)6/18/2006 1:08:43 PM
"Report Card dagiti Agasawa/Agayan-ayat"4/26/2006 11:48:38 AM
Ti ABAKADA ni Ayat!3/26/2006 11:54:04 AM
SANGAPULO A PAMMILIN PARA KADAGITI AGASAWA/AGAYAN-AYAT3/8/2006 11:43:17 AM
AYAT KEN TI SABONG A ROSAS!3/5/2006 11:22:24 AM
ITA NGA ANIBERSARIO TI IPUPUSAYMO, TATANG2/27/2006 11:08:50 AM
"DUNGDUNGWENKANTO... (Unay-unay!)"1/30/2006 9:04:31 PM
IN MY HEART1/20/2006 9:24:11 PM
AGKANTATAY' BIIT...!1/16/2006 10:54:54 PM
"TI KARI" (Maudi A Pasetna)1/16/2006 10:29:08 PM
"TI KARI" (Maikawalo A Pasetna)1/16/2006 10:15:18 PM
"TI KARI" (Maikapito A Pasetna)1/14/2006 11:32:20 AM
"TI KARI" (Maikanem A Pasetna)1/14/2006 11:15:06 AM
"TI KARI" (Maikalima A Pasetna)1/13/2006 12:28:04 PM
"TI KARI" (Maikapat A Pasetna)1/13/2006 12:01:59 PM
"TI KARI" (Maikatlo A Pasetna)1/12/2006 12:26:55 PM
"TI KARI" (Maikadua A Pasetna)1/11/2006 1:38:13 PM
"TI KARI" (Umuna A Paset)1/10/2006 9:43:28 PM
"TI KARI" (Pakauna)1/10/2006 7:27:18 PM
NE, AGURAYKA, A!1/6/2006 11:41:50 AM
NEW YEARS RESOLUTION!1/1/2006 11:57:31 AM
TAWEN 2006, ANIA TI AGUR-URAY?12/28/2005 1:20:34 PM
AY NA, APO, SUMANGBAY MANEN TI BARO A TAWEN!12/25/2005 1:59:55 PM
PASKUAK NGA AGMAYMAYSA...12/20/2005 12:05:34 AM
NABARA A KABLAAW KADAGITI SAKADA!12/17/2005 12:28:53 PM
SAGUTKO KENKA12/14/2005 12:30:03 PM
PANAGURAY12/12/2005 10:43:08 AM
AGKANTAKA...12/8/2005 12:26:00 PM
PAMMATEGYO12/7/2005 1:18:02 AM
Siak, Ti Musika Ken ni Baketko12/4/2005 3:39:03 PM
THEME SONG12/3/2005 1:08:56 PM






 Isuda dagiti Maria, Separada...
4/7/2010 11:42:20 PM

Ni Rudy Ram. Rumbaoa
Literary Contributor
Di Nakapapati, Ngem Pudno, Fil-Am Observer April 2010 Issue
Opinion Section, Page 4

[Umuna iti Dua a Paset]
NAINTEK. Saan a mawilawil wenno mabukkual ti kinatibker ti pondasion ti panaggagayyemda. No relasion koma ti dua nga agayan-ayat, saanda nga ipalubos a mabirri, mapekka wenno marsaak; wenno alisto a mabukka ti galut ti kawar ni ayat. Naingkabsatan- kasta. Agkakabanga, agkakapanganan; agkakayanan iti maysa a pagtaengan. Pangiliten man ti lugar a pagyanan, makaanayen daytoy kada Maria Consolasion, Maria Purificasion, ken Maria Salvacion. Kadakuada, saan nga importante ti kinadakkel wenno kinalawa ti pagyanan. Uray bassit ti pagpusiposan no awan la ketdi ti gulo- adda simbeng iti panunot, kinatalged iti aglawlaw, kappia ken ragsak. Nupay adda nangdillaw idin a nagkuna kadakuada, "three is a crowd," ngem para kadagitoy tallo a maria, kaduogan dayta a pammati. Ti importante, surotenda ti agos ti modernisasion a panagbiag iti agdama a panawen.

Iti biang da Maria Juliana ken Maria Trinidad, komplikado met ti nagpasaranda a gasat ken ayat. Ngem uray man pay no kasta, saan a madlaw ti ul-ulsanda a problema. Ammoda ketdi nga ilemmeng ken makibagay iti komunidad no adda punsionan a pakidar-ayanda kadagiti assawada. Ngem iti likudan ti telon ti pudno a biag a pagtaktakderanda, saanto nga agnanayon a mailemmeng ti sasaadenda a gasat- tumpuar iti lawag ket in-inut a maibutaktak. Ta ditoy, saandan nga agakem a kas maysa nga artista a buyaen ken palakpakan dagiti tattao gapu iti kinalaingda nga agarte. Daytoy ti pudno a lubong a pagpuspusiposanda. Saan a mahika wenno ilusion. Taoda laeng a nasaktan ken naabalbalay ti gasatna iti sidong dagiti lallaki nga imbilangda a gameng dagiti puspusoda. Akuenda man wenno saan, dagitoy a lallaki ti nakautanganda iti naimbag a nakem iti yaayda iti Hawaii. Ngem sabali dayta nga estoria- napunnon ti timba a nagitayaanda iti pasensia.

Padapada a tubo dagitoy a maria idiay Ilocos, 'suna lang ta saanda nga agkakailian. Iti biang dagiti tallo nga aggagayyem, ni Consolasion ti inaunaan kadakuada. Ti kinabassitna ti mangpaneknek iti kinaalibtakna--"small but terrible" a kunada. Adu't mangipagarup a kasla kumilaw ken kanayon a kumuskusilap dagiti natadem a matana, ngem ti kinapudnona, isu't facial expressionna. Naasi ken managtulong ketdi kadagiti dua a gagayyemna. Tignay Maria Clara ni Purificasion, isu't sumaruno ken ni Consolasion. Dandani metten mapigis amin a bulong ti kalendario iti treinta nga edadna. Naemma ken natanang ti garawna isu a mapagbiddutan dagiti babbaro nga adda ing-ingratana. Ngem isu't kalaingan nga agluto kadakuada a tallo. Ni Salvacion ti inaudi ken katayagan. Karugrugsoanna pay laeng iti beinte singko a tawenna. Kanayon a kasla agar-arapaap dagiti naslag a mata ken nakaparintumeng a kurimatmatna. Socialite ti nakairuamanna a biag idi adda pay la idiay Filipinas. Pranka no agsao, ngem kariniosa. Kadakuada a tallo, saan a kompleto ti grupo no awan ti maysa. "One for all, all for one," dayta ti motto nga insapatada.

Morena ken nalapana ti pammagi ni Juliana iti maibagay a tayagna. Mailinged ti edadna a beinte nuebe iti saan nga agkupas a pintasna. Adda siding iti ngatuen dagiti naingpis a bibigna. Naisem ken manakigayyem nupay burburtia ti kinaliday ti rimat dagiti matana. Iti biang ni Trinidad, naparagsit ti tignayna. Apaga't abaga ti buokna ken moderno nga agkawkawes. Paggaayatna ti agkoleksion kadagiti kabaroanan a klase ti shoulder bags. Kanayon met nga agek-eksperimento ta adu a pagpapintas ti ipilpilkatna iti rupana. Naragsak ketdi a kasarsarita iti treinta a tawenna. Agpada da Juliana ken Trinidad a nagayat iti napudno kadagiti assawada, ngem daksanggasat ta nagbanag a komplikado.

Agkakatrabahuanda met la amin dagitoy a maria 'suna lang ta naiwarasda iti destino a pagpaayanda. Namuangayan iti "usapang babae" ti nakaibutaktakan ti problema ti maysan-maysa. Idi damo, kasla ang-angaw laeng idi nairuangan ken nadakamat ni Consolasion ti problemana iti boyfriendna kadagiti gagayyemna. Ngem idi agangay, saanen a nateppelan dagiti dadduma ti nagpudno iti nagbalin met a gasatda iti sidong dagiti assawada.

Kuna ni Consolasion nga idi mauman ti boyfriendna kenkuana, pinanawanna lattan a dina man la ammo no ania ti nakabasolanna. Kayatna idi a lapdan, ngem pinagsasaoan ketdi ti boyfriendna. Iti kasta, dinungdung-awan ni Consolasion ti gasatna ta piman awan met ngarud sabali a kamanganna iti Maui. Adda dagiti dadakkel ken kakabsatna idiay Oahu. Nalupoy ni Consolasion, alisto a masaksaktan iti ngan-ngani tumapog a kuarenta nga edadna. Sipupuso ketdi nga inawat ni Consolacion ti gasatna ta awan mabalinna ken saanda met ngarud a nagkasar ti boyfriendna iti simbaan. Ti kaluksawna unay, inayatna ti boyfriendna iti laksid a di awaten idi dagiti dadakkelna gapu iti kinabarrairongna. Ngem gapu iti daytoy a napasamakda, dakkel ti naadalna. Nabati ketdi kenkuana ti bin-i ni ayat a pakalaglagipanna. Impasngayna ti maysa


Comment(s): 1  | Lastupdate: 4/7/2010 11:43:58 PM



 Ti Diary ni Esmeralda
11/6/2009 11:07:48 PM

Ni Rudy Ram. Rumbaoa
Literary Contributor, Fil-Am Observer
November 2009 Issue, Di Nakapapati, Ngem Pudno



LINUKIB ni Esmeralda ti diary. Espesial ken nakalalagip ita a bulan para kenkuana. Ita ti maikasangapulo a tawen nga anibersario ti kasarda ken ni Ben, ti kaingungotna. Ditoy a diary ti pakabukkaan ken nangipempenanna iti namaris a pakasaritaanda ken ni lakayna. Ken ditoy met la a diary ti nangimalditanna ti kapadasanna iti biag- ti panakauyaw, panangrabrabak ken apalda kenkuana manipud kadagiti tattao nga asideg iti pusona idi adda pay la sadiay Filipinas. Nagtugaw ni Esmeralda iti iking ti katre sana pinadalanan ti diary:

"Dear Diary, naam-ammok ni Ben iti naminsan a panagbakasionna sadiay Filipinas babaen iti maysa a gayyem. Tubo iti ili iti amianan a paset ti maysa a siudad ti Ilocos idinto nga asideg iti Manila ti ili a nagtaudak. Diborsiado ni Ben iti ikit a nakiasawaan ken nangala kenkuana iti Hawaii. Ngem saan a kasta ti kababa ti panunot ni Ben tapno aramatenna lang ti ikitna a rangtay iti yuumayna iti Hawaii. Ketdi, parbo ti napasamak a kasar. Ginusto ken plano ni ikitna a tulongan ni Ben kas paset iti katulaganda tapno tulongan met ni Ben ti sabali.

Agtawenak idi iti beinte siete. Agtayag iti lima a kadapan ken uppat a pulgada, atiddog ti buokko, kayumanggi, ken adu ti agkuna a kaing-ingasko kano ni Sarah Geronimo. Diak libaken, ngem adda bassit agpayso pagkaarngianmi ken ni Sarah. Ken saan la a dayta ti mabalin a maipanakkelko, nagturposak met iti kolehio a banag a dakkel ti naitulongna ita iti agdama a trabahok. Ken wen, diak met ketdi paarus no panagpuspos iti uneg ti balay ti pagsasaritaan.

Naragsak a naliday, Dear Diary, ti panagtumpong ti dalanmi ken ni Ben. Diak malagipen no asino kadagiti gagayyemko ti nangiyam-ammo kaniak ni Ben, ngem nalawag ketdi iti panunotko no apay nga inawatko ti ayatna. Siguro, intuding ti Dios ti gasatko tapno maasawak ni Ben iti laksid dagiti nagkaadu a tubeng, panaguyaw, pananglais ken panagapal a nalak-amko bayat iti pangidatonna ti ayatna kaniak. Nupay ammok idi a diborsiado ni Ben, raemek isuna gapu iti panangipudnona kaniak ti estado ti biagna ken arapaapna para iti masakbayanmi. Ken diak met lagidawen ti bagik ken pagbabaywan ti nagbalin a desisionko no apay a naaramidko ti nakiwinnaswas iti dati a kaayan-ayatko gapu ta masansan a dikami agkinnaawatan kadagiti babassit a bambanag.

Kangrunaan a lapped kadagiti arapaapko ket isu dagiti tattao nga asideg met la iti pusok. Saan laeng a dayta, kinatkatawaandakami pay. Traidorda iti likudak, kunak, ta nasayaatda kadakami ken ni Ben no sisasangokami a makisarita kadakuada. Ket no nakalikudkamin, kasla maiduyok ti natadem a punyal kadakami. Nasakit daytoy nga aramidda ta ipagarupko no isuda ti umuna a makaawat kaniak- kadagiti nalayog nga arapaap a kayatko a tun-oyen, ngem saan gayam. Dear Diary, diak pulos nagbabawi iti daytoy a desisionko ta isu ti puon no apay a nagun-odko ti balligik ita- ket gapu iti daytoy, nairaman met a natulongak dagiti tattao a nangpuris iti pusok. Wen ta uray sinaktandak, agbalinka gayam a natured a makibinnalubal ken makigabbo kadagitoy a karit ken pannubok ti biag. Ken ni Ben, nakitak ti pudno nga anag ken ladawan iti panakaibanag ti biag.

Dear Diary, dagiti nagannakko idi ti immuna a tubeng iti panakiasawak ken ni Ben. Pinagkedkedanda ket dida pulos kinayat wenno inawat ni Ben iti uray kaano man. Uray pay dagiti kaarubami, kabagiak, ken am-ammok- nakikaysada kadagiti nagannakko. Kasdak la pinagkaykaysaan. Arigna a dida kayat a magun-odko dagiti arapaapko. Narimat nga agpayso ti lawag dagiti bituen sadiay langit, ngem kunak, narimrimat koma pay ti biagko no maysaak kadagiti bituen.

Ta kasano ngamin, aya, kabsat, a kayatda ni Ben ket adda rangkapna. Kayatko a sawen, pilay wenno ladso- saan a makapagna ti asawak. Ti kasakit ti nakemko, inunnaanda pay nga impadto dagiti mabalin a pasamak iti relasionmi. Ngem diak dinengngeg ida ta napigpigsa ti awis ti arapaapko a para met la iti pamiliak- para kadakuada. Wen, malaksid iti pigsak a maitulongko ken ni Ben, ti wheelchair ti sabali a kabadanganna tapno madanonna iti kayatna a papanan. Ngem kas nakunakon, saanko a pagbabaywan daytoy uray adu ti rigat, tuok ken panagsakripisiok ngem dagitoy ti nangitunda kaniak tapno maluktan ti pusok ken panunotko nga ad-adda pay nga umasideg iti Dios. Saan laeng nga asi ti nagubbog iti pusok no di ket dagitoy ti nagbalin a bugas ken ramen ti biagko iti agdama. Saanak a nagbalin a para sullat iti panakawaw ti asawak, ngem nagbalinak a kiredna tapno matungpal dagiti nakapenpen nga arapaapna. Agpayso, arapaapko met idi iti makaumay ti Hawaii, ngem diak pulos inaramat ni Ben a kas rangtayko. Inayatko ketdi ken impaayko ti pusok a para la kenkuana. Agserbi bilang asawa. Ayat ti nagari iti kaunggak, saan ketdi a puro kaasi.

Dear Diary, nakas-ang ti nagpasaranmi ken ni Ben bayat iti panangunormi ti desdes dagitoy a pannubok. No maminsan, diak kayat a kapinnerreng dagitoy a karit t


Comment(s): 4  | Lastupdate: 11/7/2009 4:33:37 PM



 Ti Sampaguita ken Lily a Sabong ni Greggy
10/20/2009 10:13:00 PM

Ni Rudy Ram. Rumbaoa
Fil-Am Observer, Literary Contributor
Di Nakapapati, Ngem Pudno
October 2009 Issue


NAMARIS ti nagrugian ti pakasaritaan ti ayan-ayatda Greggy ken Sabong. Maysa nga ili iti abagatan a paset ti Ilocos ti nagtaudan ken dimmakkelanda. Nupay aginnadayo ti pagtaengan ti tunggal maysa, saan a dayta ti tubeng ta dita a naipasngay ken naabel ti nalayog nga arapaap a kalikagumanda iti biag. Manipud elementaria agingga iti high school, nagbalinda a "childhood sweethearts." Sa la napugsat daytoy a kinadekketda idi nagkolehioda. Ditoy a nagsina ti dalanda. Napan nagbasa ni Sabong idiay Manila, idinto a nabati ni Greggy iti Ilocos.

Idi napan ni Greggy idiay Hawaii gapu ta pinetisionan dagiti nagannakna, dimmakkel ti giwang ti nagbaetanda ken ni Sabong. Nagluas ni Greggy a nagpa-Hawaii a saan a nagpakada ken ni Sabong ta manarimaan idi nga agbasa idiay Manila. Nagkari ketdi a subliananna ni Sabong idi nakastreken iti pagtrabahuan kas housekeeping iti maysa a hotel ti Maui. Surat ti nagbalin a rangtay ti komunikasionda. Ket babaen iti tunggal koreo a maawat ni Greggy, nabang-aran ti barukong ken naep-epan ti napalus nga iliwna ken ni Sabong. Saan a nagbakasion agingga a nagbayag iti trabahona.

Kasta unay ti ragsak ni Greggy idi palubosan ti pagtrabahuanna ti umuna a bakasionna. Nganngani dua a tawen a nagibtur a dina nakita ni Sabong, saan a magawidan ni Greggy ti nagpaiduma a rag-o ti pusona idi makitana manen ti dati a kinaubingan ken kaayan-ayatna. Ta malaksid a pimmintas uray makuna a probinsiana ni Sabong, pimmudaw- ken awan pay ti asawana. Dinayaw ken rinaem ni Greggy ta iti laksid ti kabayagda a saan a nagkita, saan a napanunotan ni Sabong ti nagasawa. Narikna ni Greggy a kasla naireserba ti puso ni Sabong a para kenkuana. Mamati pay a ni Sabong ti agbalin a kapisi ken kasimpungalanna iti agnanayon- iti rigat ken gin-awa.

Nagdaton ken ni Sabong- iti maikadua a gundaway. Inlawlawagna no apay a saan a nagpakada idi sakbay a napan idiay Hawaii. Nagpudno ketdi a ni Sabong pay lang ti agikut iti pusona. A ni Sabong ti bugas ken sungbat dagiti arapaapna. A ni Sabong ti dati a sampaguita a sinibuganna iti ayat ken pammategna iti hardin ti pusona. Namrayan laeng nga immisem ni Sabong, ta uray isu, adda pay la 'di dati a riknana ken ni Greggy. Kayat ni Sabong nga ammuen no daytoy a Greggy nga agdatdaton kenkuana ita ti dati a Greggy nga am-ammona idi sakbay a nagpa-Hawaii. No natarnaw ken pagtalkan dagiti balikasna. No napudno dagiti aramidna. Kayatna nga iparikna ken ni Greggy a saan a gapu ta balikbayan daytoy, mamati a dagus kenkuana. Ngem saan a kabaelan ni Sabong nga ulboden ti pudno nga ibagbaga ti pusona. Patienna ketdi a daytoy a Greggy ti dati a kinaubingan ken nagdammuanna a nakariknaan iti umuna nga ayatna nga agingga ita, adda pay laeng a nakaitalimeng iti pusona. Inawatna ti ayat ni Greggy, ngem pinagkarina a dinanto koma saktan ti pusona.

Idi nakasubli ni Greggy iti Hawaii kalpasan ti kasarda ken ni Sabong iti hues idiay Filipinas, inukkonna a dagus dagiti nasisita a dokumento a kasapulan iti petision ni baketna. Saan pay idi nga US citizen ni Greggy. Ket tapno saan a matektekan ni Sabong, kiniddawna ken Greggy a no mabalin, mapan pay la idiay Hong Kong tapno agtrabaho kas domestic helper bayat ti panagurayna. Ngem saan a pinatgan ni Greggy ti kiddaw ni Sabong. Pambar ni Greggy a makaanayen ti mateggedanna iti maipaw-itna ken ni Sabong. Saan a nagpilit ni Sabong. Kinaagpaysuananna, agamak la ni Greggy a mangpalubos ta malaksid a nagaget, kalaslasbangan pay ni Sabong. Amangan kunana no adda ketdi sabali a makasirpat ken ni baketna. Sa maysa pay, awan ti anakda.

Ngem dimteng ti dakkel a panakasuot ni Greggy idi naam-ammona ni Lily iti maysa a nalatak a Filipino store iti Maui. Naenganyo ni Greggy iti kinaseksi ni Lily, addaan iti dua nga annak ken diborsiada iti asawa a nangala kenkuana iti Hawaii. Agtawen ni Lily iti kuarenta otso idi nagsinada iti lakayna. In-inauna iti innem a tawen ken ni Greggy. Kas met kadagiti dadduma a babbai a nailiw-an iti kinataer, kinalaing nga agsao ken kinatayag ni Greggy, saan a mailinged nga adda panaggusto ni Lily kenkuana.

Inaldaw-aldaw idi a mapan agistambay iti nasao a Filipino store tapno makitana ni Lily. Gapu iti daytoy, in-inut a nagsuek ken nagkulpa ti prinsipio nga imetna ket naalas-as iti panunotna ti balikas a kari. Kasla nagango a bulong ni Greggy a naregreg iti sakaanan ni Lily tapno agkurno ken agrukbab kenkuana. Nalipatanna ni Sampaguita. Nagarem ken ni Lily. Naginnasideg ti rikna agingga nga adda nagkinnaawatanda. Ditoy a nagari ti kinarukop ni Adan- naiteppang! Nasulisog ni Greggy.

Naammuan dagiti nagannak ni Greggy daytoy nga inaramidna. Binilinda a maputed ti relasionna ken ni Lily. Ngem nailumlomen ni Greggy iti kasla pitak nga awis a sulisog ni Lily. Naikarunokonen iti bunganga ti limdo- iti mabalinna a pagbabaywan iti kamaudianan. Saanna nga inkankano dagiti nagannakna. Inyagawa ketdi ni Greggy. Arigna a kasl


Comment(s): 2  | Lastupdate: 10/20/2009 10:18:11 PM



 Idiaya ti MCC ti Ilokano Plus
9/21/2009 3:32:32 PM

KAHULUI, Maui- Babaen iti panagbinnulig ti Maui Community College [MCC] ken Ilokano Language and Literature Program of the University of Hawai'i [ILLPUH]- Manoa, maidiaya ti kurso nga Ilokano Plus iti pagadalan no Okubre 10, 2009.

Maidiaya ti kurso nga Ilokano Plus [Ilokano Language and Culture] iti maysa nga aldaw kadagiti profesional, estudiante, ken heritage learners nga agragut nga agsursuro iti cultural bases ti lenguahe nga Ilokano. Mairaman pay iti kurso ti makuna a Conversational Ilokano.

Ti Ilokano ti kangrunaan a Philippine language a maar-aramat iti isla ti Maui, ken pagtitinnawidan a pagsasao ti kaaduan a Filipinos iti intero nga isla ti Hawaii.

Malagip nga Ilokano ti naaramat a pagsasao dagidi immuna a Filipinos a simrek iti kaaduan a paset ti Estados Unidos, kangrunaan ti Hawaii.

Ni Dr. Aurelio S. Agcaoili, agdama a program coordinator for Ilokano ti UH Manoa, ti agisuro iti kurso.

Para iti ad-adu pay nga impormasion, tawagan ti VITEC iti 808-984-323 wenno ti UH Ilokano Language and Literature Program iti numero 808-956-8405.*
_________________________


Comment(s): 0  | Lastupdate:



 AWENG: Antolohia Dagiti Napili a Daniw ken Sarita Dagiti Mannurat iti Bacarra
8/23/2009 2:18:18 PM

Nayalnag ken naipablaak ti umuna a libro ti GUMIL Bacarra.

Dagiti Mannurat:

Daniw
AGILBERTO LUIS P. ACIO
GENE A. ALBANO
GUILLERMO R. ANDAYA
ARNOLD C. BAXA
ARTEMIO C. BAXA
ROSARIO A. BINGAYEN
ERNESTO MA. CADIZ
WILLIAM G. CHAN
MARTIN G. GALIZA
NORBERTO S. GALIZA
FRANCISCO G. LACAR
GIOVANNI L. PALOMARES
GEORGE G. PLACIDO
ONOFRE F. RAMISCAL
RENATO A. TAYLAN
ALEGRIA T. VISAYA
ELISEO B. VISAYA

Sarita
MARINO P. ACOBA
MARY GRACE S. ASUNCION
CONSTANTE A. DOMINGO
NORBERTO S. GALIZA
ANTONIO VELASCO RAMIL

Dadduma Pay a Daniw
RUDY RAM. RUMBAOA


Tallo a paset ti linaon ti libro: umuna, dagiti daniw- buklen daytoy iti 67 a daniw; maikadua, dagiti sarita- buklen daytoy ti walo a sarita; ken maikatlo, dadduma pay a daniw- buklen daytoy iti walo a daniw ni Rudy Ram. Rumbaoa, nasinged a gayyem.

Agyaman tii GUMIL Bacarra kadagiti naayat a nakibinnulig iti panakaipasngay ti Aweng. Kangrunaan kada agkabsat nga Artemio ken Arnold Baxa ti GUMIL Maui iti dakkel a suporta ken inspirasionda. Ni Giovanni Palomares a nagsukisok kadagiti sumagmamano a sinurat a nairaman itoy a libro. Ni Roy V. Aragon iti ayatna a nangdisenio iti akkub ti libro. Da Cles B. Rambaud ken Ariel S. Tabag iti anusda a naturturan iti panakaipagna ti copyright. Ni Aurelio S. Agcaoili iti anepna a nangsirig ken nangamiris iti pakabuklan ti libro. Ni George U. Ranchez a nangdisenio iti layout ti libro. Ti Bannawag, Sirmata, The Valley Journal ken Filipino Pacific Courier a nakaadawan dagiti kaaduanna a daniw ken sarita. Kadagiti gagayyem a timmulong a nagipatulod ken nagisagana kadagiti manuskrito. Ni Mayor Nicomedes C. dela Cruz, Jr. iti ayat ken tulongna iti pannakayalnag daytoy a libro. Ken ti Mannakabalin a nangiturong ken namendision kadagiti mannurat a nagkikinnamayet para iti panakaipasngay ti Aweng.

Dagiti Editor:
DANIEL L. NESPERO
ALEGRIA T. VISAYA
Bacarra, Ilocos Norte
Nobiembre 2, 2008


Comment(s): 0  | Lastupdate: