iluko.com - website a magustoan a pagpalpallailangan dagiti pada a nangisit ti sikona.

Tulbek ti ridaw

 

Skip Navigation LinksHome > Blogs >


 mian valdez manzano

 Entries:
1
 Comments: 0

iCom Page
ArchivesDateStamp
Sino atoy Agsasao?8/3/2011 7:33:49 PM






 Sino atoy Agsasao?
8/3/2011 7:33:49 PM

Ta ti nagan adidtana latta daytan, ta ti nakayyanakan ken tayag dinto mabaliwanen ken gapu ta dagiti liwliwa ken pagsaadan iti biag ket agbaliw kastoy garud ti makunak maipapan ti biagko ken ti bagik..


Maysaak nga anak a no dadduma nasukir ken natangsit ngem kas panangsupapak kadagiti rigrigat ken pammagbaga dagiti nangpadakkel kenyak, para iti dimmakelak a pagtaengan ken para kadagiti mamati kenyak, bitbitek ti naganda iti kaunggak tapno iti maysa nga aldaw, haan man a gapu iti medalyak, tropik, wenno iti naganko a maipablaak, maipasawdak to latta gapu iti ikagayko a galadko a tinubayda sadinno man ti ayanko.


Dumteng ti bigat ti biagko, dumteng met ti rabii.. dumteng met ti kalgaw ken kasta met a mapasungad ko ti bannawag ngem adidtanto manen ti bagyo wenno guruod ken kimat, naimbag laengen a no kasta adda latta met matidda a pammati ken namnama a mapetpetan.


Aldaw rabii agtrabaho dagiti nagannakko, ikalikagumda a mapakandak ken maikkandak ti pagyanan a nasayaat. Ado a sakripisyo ken rigrigat.. No dadduma makitak ngem no dadduma met malipatak. No kasta maalak latta ti agreklamo, agtanabutob ken sumungbat. Addaanak iti kakabsat ken gagayyem a mannakaawat ngem no dadduma mabulagak ken masisirapak kadagiti ay-ayo iti lubong ket dik makita ti kinabalinda a kabsat ken gayyem aglalo no dumukar ti kinaimot ken panagari ti bukod a bagi ket malipatak met ti agbalin a kabsat ken gayyem kadakuada.


Makitam.. narasiak a tao, nakapsut, nakapoy ken ubing pay.. ngem mano aya ti tawen kon?

kasla met la ta biagmo ti biagko.. no dadduma mabirukanta no dadduma mapukawta.. no dadduma nakapsotta no dadduma napigsa ta..

adtuyak no matnagka.. guyudennak to koma met no dumteng ti tiempo a mapukawak ket malipatak ti dalanko a mapan iti AMAta..

Adda met ti ar-arakopek ken itartarayko nga arapaap. Panpanunotek no maturogak iti rabii ken mangpabangon kenyak iti bigat. Arapaap nga awan sabali no di ti kangrunaan a rason no apay nga adidtoyak ket basbasaem tatta iti maipapan kenyak. Arapaap a magun-odko inton mapaisem ko dagiti agliblibbi, mapabulonko ti maudi a sinnaay dagiti padak a marigrigat, inton makakaan ton ti pammigat, pangaldaw ken pangrabii iti amin, inton awanen iti ubing a mapan makisikka, makigapas ken agkalkal iti basura, inton awanen ti balasang a mapilitan a pan makilaba, inton haanen a ti agsusugal ti natidda a maaramid tunggal siesta ta addaanto't trabahon ti tunggal maysa, ken inton agawidak ti pagtaengak ket makitak latta ti di rumsi nga isem dagiti kabbalayko ken naragsakda a padapada iti agnanayon.


-MIAN-
naiyannak idi September 24, 1990
tubo iti Candon, Ilocos Sur


Comment(s): 0  | Lastupdate: