iluko.com - website a magustoan a pagpalpallailangan dagiti pada a nangisit ti sikona.

Filipina abroad

 

Skip Navigation LinksHome > Blogs >


 Josephine Manzanillo Ramos

 Entries:
7
 Comments: 36

iCom Page
ArchivesDateStamp
ALÐRADA (OLD PEOPLE)11/9/2006 2:48:05 PM
ASIDEGEN10/25/2006 1:45:21 PM
TRABAHO8/13/2006 2:02:56 PM
NARSES ITI ABROAD6/13/2006 12:49:26 PM
HOME SWEET HOME4/10/2006 11:23:32 AM
GINNUYUDAN2/18/2006 12:30:17 PM
DIOS TI AGNGINA2/17/2006 11:46:10 AM






 ALÐRADA (OLD PEOPLE)
11/9/2006 2:48:05 PM

Agtrabahoak iti Nursing Home ditoy Iceland. Hrafnista ti nagan na. Daytoy nga nursing home kunada, idi un-unana isu ti pagyanan ti asawa ti seaman wenno seaman nga lumakay ket bumaketen ket dida mataripato ti bag-bagi da. Addaak iti Alzheimer's department ken aglalaok ti sakit dagiti babbaket ket lallakay. Makunak nga naragsakkak ditoy trabahok. Adda maysa nga baket nga gus-gustok unay nga mapan sarsarungkaran. Kanayon ko nga tulungan nu mapan maturogen. Naasideg ti riknak kenkua na. Naragsak met nukua. Nu umisemen ket maikkat met tay bannug kon. TI biag ti lumakay ket bumaket ket narigat nu dadduma kailangan ti adu nga anus, ayat, taripato kadakuada. Sapay kuma ti apo ta ikkana pay ti manayon a biag ti tunggal maysa kadatayo. Ket make the most of it!

Comment(s): 9  | Lastupdate: 8/18/2007 11:54:52 PM



 ASIDEGEN
10/25/2006 1:45:21 PM

Wen asidegen, pagiliak nga dundunguek
Agkikita tay to manen.
Nu pay adayo kami, sika latta ti pampanunutek
Makitak, maangot ken maarokup
Naragsak iti pusok

Wen asidegen, katorse ti Nobyembre
Agpatangatang kami, siak, ni lakay
Ni Sami ken anty.
Dakami, mailiw kenka


Comment(s): 0  | Lastupdate:



 TRABAHO
8/13/2006 2:02:56 PM

Ay kabsat ti biag ti adda iti abroad, trabaho! Sabagay nu di ka agtrabaho ket awan met ti pagbiag mo. Aginanaak kunak ngem awan mat ti agtrabaho. Kunak ket dandani ak met agbakasyonen, alaek lattan. Agyamanak ket Apo Dios ta ik-ikkan nak ti kired ko. Ti trabaho ti uneg ti balay. agalaga ti ubing. Kasta laeng ti biag. Sige ngaruden ket innak agtrabahon.

Comment(s): 0  | Lastupdate:



 NARSES ITI ABROAD
6/13/2006 12:49:26 PM

Nu diak mariro gasut nga ribo ti narses tayo nga adda iti abroad. Uray anya nga suli ti lubong ket masarakam ti Filipino nga narses. Nalalaing ken adda TLC (tender loving care) na. Ngem adda bassit madlaw ko ket nu di ka nagtraining iti napintas ken hightech nga hospital ket medyo maiyaw-awan ka bassit. Adda met ketdi training sagbay nga agtrabaho ka iti hospital nga papanam. Ala ket dakayo apo nga nanarses ket kablaawan kay amin dita ayan yo.

Comment(s): 3  | Lastupdate: 6/21/2006 1:18:09 PM



 HOME SWEET HOME
4/10/2006 11:23:32 AM

Heima er best, kunada ti pagsasao da ditoy. Wen ngamin, awan ti pakaisukatam iti bukod mo nga pagilian wenno pagtaengan. Narigat man ti panagbiag ket naragsak ka met nga makakita kadagiti ay-ayatem ti biag ken gagayyem. At home , naragsak, natalna, iti marikna no adda ka itibukod mo nga pagilian.
Ala ket, palubos ti Apo ta makabakasyon kami daytoy nga tawen. Makapagkikita tay to manen.


Comment(s): 3  | Lastupdate: 5/27/2006 2:31:46 AM