iluko.com - website a magustoan a pagpalpallailangan dagiti pada a nangisit ti sikona.

Education (adal); minas ti biag, pagrang-ayan iti ...

 

Skip Navigation LinksHome > Blogs >


 Ernest Coloma

 Entries:
25
 Comments: 158

iCom Page
ArchivesDateStamp
HAPPY NINETY SECOND BIRTHDAY AMA!!!!1/14/2008 1:12:05 AM
BALASANG A BADOQUENYA.......3/29/2007 8:24:41 PM
"BYE PAPAAAA, BYYEEEE......."10/23/2006 5:22:22 PM
"KET ANUSAM A....10/14/2006 8:07:12 PM
NAKA-AAPAL...9/29/2006 1:12:24 AM
LAS VEGAS, NAGANAS A PAGPASSYARAN NO.........8/24/2006 7:15:29 PM
SAAN A MAIGAWID......7/31/2006 10:07:05 AM
NAIMAS TI TINUNO NO..........7/15/2006 7:27:02 AM
DIAK INPAGARUP A NAIMAS GAYAM.............5/26/2006 1:21:56 AM
MABENDISYONAN TI PAGTAENGAN, UGALI WENNO PAMMATI?4/3/2006 4:22:37 AM
LAYUS, NALPAS SAN3/18/2006 3:35:27 AM
MAYSA NGA ALDAW1/29/2006 5:27:09 PM
PEDRO AGALIBTAKKA1/8/2006 3:24:26 PM
Sinsinan Dan-daniw1/8/2006 12:38:17 PM
RIGAT NI AMA...1/8/2006 12:34:48 PM
ADING A BADOQUENIA 1/8/2006 12:23:45 PM
AGAWIDEN NI AMA.......... 1/8/2006 12:21:13 PM
NI AMA....1/8/2006 12:19:46 PM
BIAG.... (maituloy)1/2/2006 4:12:15 AM
BIAG KALPASAN TI IPUPUSAY TI NAPATEG.......1/2/2006 4:10:57 AM
NAGPARIKNA ITI IPAPANAWNA (maudi a paset)1/2/2006 3:26:25 AM
NAGPARIKNA ITI IPAPANAWNA (maituloy)1/2/2006 3:24:34 AM
NAGPARIKNA ITI IPAPANAWNA (maituloy)1/2/2006 3:21:56 AM
NAGPARIKNA ITI IPAPANAWNA1/2/2006 3:19:22 AM
NAGPARIKNA ITI IPAPANAWNA1/2/2006 2:53:33 AM






 HAPPY NINETY SECOND BIRTHDAY AMA!!!!
1/14/2008 1:12:05 AM

Nabayagen nga diak nakita ti isem ni Amami a kas iti pinagisemna idi naammuanna nga addakami amin nga agkakabsat, dagiti assawami, appokona iti tumeng kada dapan. Nagdadanonkami amin diay balay ti kabsatko nga inaunaan dita Salt Lake's Aliumano Subdivision, Honolulu, Hawaii.

Ti naudi a panagdadanonmi amin manen ket idi pimmusay daydi Dios ti alluadna nga Inami(January, 2000). Dita Ouahu met laeng ti nakaitabonanna.

Natayag a tao ni Amami ket kasta unay kadadakkel dagiti agsumbangir a lapayagna. Dayta kano ti pakakitaan nga agbayag ti tao iti rabaw iti daga. Agpayso ngata a ta 92nan ket kas makitami, natadem pay laeng ti panagpanpanunotna. Adu dagiti inpalagipna nga kankanito bayat ti panangindegmi sadiay Lanai City, Hawaii nga nakaipalladawanna met idi malpas ti WW II.

Naipalagip manen daydi aldaw a panang tiliwna iti saraan a Kalding a nasarakanna nga umininum iti uneg ti cueba diay igid ti baybay. Inikkatna ti senturonna sana ingalut iti puon ti sara diay Kalding ket inabayna nga inyasideg iti nakaiparkingan dagiti luganmi nga 4wheelers.
Kastoy a ti aganup, awan ti bala nga nausar sa saanko nga binaklay a kas kadakayo kunana nga kasta unay ti isemna.

Inpalagipna pay daydi panangidissok kadaydi Hi Powered Rifle nga naibusan iti balana sa kinamat kamatko dagidi Kalding. Saan unay nga immadayo dagidi annak ti kabai'an a napaltogan ket isuda ti natiliwko. Dagidi dadakkel a ket nagkinnikinnida nga nangitaray kaniak. Kasta unay ti rungiit ni Ama ket kunana a kasano a matiliwam ida ket ditoy ti balayda, hehehe.

Malaksid iti Hiper Tension Pills nga tumarenna iti inaldaw, awan sabali a kas dagiti Diabetes, Arhtritis, Gout, Cholesterol, etc, etc pills nga mangbibiag kadagiti dadduma a nataengan. Igupenna pay laeng ti papait ti kapparti a Baka wenno Kalding.

Maigapu ngata ti kaatiddog ti biagna dagidi 40 Plus years nga panagtrabahona a kas Laborer ken Stevedore iti kadakkelan a Pineapple Plantation in the World(until closing in 1987)? Aggingga ita ket adu pay laeng ti tarakenna a manok ken Giant Doves nga matrapna, agmula pay laeng kadagiti nadumaduma nga natnateng iti likudan ti balay.

Bareng its hereditary ket madanonan met ti kasta nga kaatiddog ti biag. Ngem dakkel met unay daytoy kulay-ongko a kas kunada Arlane ken dagiti dadduma a makakitkita kadagiti ladawanmi ditoy Icom. Uray no kasta, live our lives day to day, saan laketdi nga ut-utangen ti iyala iti makmakan, ket alway keep smiling and be happy.

Anyway, Happy Birthday Ama. May you have many many more years to come!!!!!


Comment(s): 24  | Lastupdate: 6/29/2009 10:14:25 PM



 BALASANG A BADOQUENYA.......
3/29/2007 8:24:41 PM

Uk-ukagek dagiti nasisita a pappapeles a naipakni dita filing cabinet ta kayatko koma nga siguradduen no adda pay laeng daydi naudi a passportko (1991 di naudi nga panagdallyasatko). Masapul a mai renew no agtuloy daytoy taripnongtayo.

Nasarakak daytoy maysa nga daniw/unnoyko ken baket idi addakami pay laeng iti High School sadiay Lanai City. Makaisemak itay mabasak ta maipalagip manen daydi dios ti alluadna nga katugangak a lalaki. Kanayunnak a sintiren idi no mammarktekak nga ubing pay, hehehe....

Basaenyo....

_____________________


ADING A BADOQUENIA

Ading balasang, nalasbang, natudio ken naemma
Ta pusaksakmo kasla kabbukar a rosas iti agsapa
Nagpintaskan, makapabang-ar man no makitkitaka
Agkaykaykay bulbulong, agisal-salapay lupot a kallaba.

No umayak agpasiar iti malmalem, nakaisem, rumimrimat
Dagita nabukel a mata, danggayan atitiddog a kurimatmat
Ken sumilsileng, nakangis-ngisit, marikuloten a buok
Nga medio nang linged aritos, nakarimrimat bimmalitok.

Tumugawka Manong, kunam, namrayam nangidekket takkiagmo
Nalinis, kimmayumanggi a kudil iti nangisit sikona a takkiagko
Anian a banglom Ading, agayamuom, kas kappuros a sabong
Ti narukbos, napintas, Ylang Ylang a mula ni Lakay Pidiong.

Rumabii'n Ading ket adda koma ibagak, iyarasaas
Kadagiti agsegsegga a lapayag inggat pintas
Ngem anian a malas, Adik Badoquenia a napusaksak
Ta addan ni tatam, paypayapayannak, agawis, uminum ti arak.....


Comment(s): 22  | Lastupdate: 1/3/2008 8:49:02 PM



 "BYE PAPAAAA, BYYEEEE......."
10/23/2006 5:22:22 PM

Addaakon iti uneg ti Lihue Airport ngem kasla mangmangngegko/makitkitak pay laeng ti Apokomi nga makasangsangit/agpukpukkaw/ipay-payapayna't bassit nga imana.

Nganngani dua ti tawennan ni Ayzia, ti kaykaysuna nga Apokomi, ket ita pay laeng nga maisina kaniak ti kastoy a kabayag. Isurotko koma ida nga dwa ken baket ngem naibusanen iti bakasyonna ket narigat met no ag "leave w/out pay" manen ta adu met ngarud dagiti bayadanmi nga mortgages dagiti sumagmamano a rental unitsmi dita Kauai.

Lima a time zones ti kaadayona ti Oklahoma ken Hawaii. Kayatna nga saw-en ket lima nga oras ti diperensya manipud Kauai inggana't Oklahoma. Kasta unay ti bannogko nga dimmanon ditoy Walnut Gardens Apartments nga Security Gated a naikeddeng a pagtarusanmi no umaykami ag Refresher Training kadagiti Operations dagiti nadumaduma nga Electronics Gadgets nga us-usarenmi dita Airport.

Alas dos ti bigat/parbangon ti Huebes ket diak pay nakaturog. Tallo pay nga oras ket agriingakon nga mapan iti First Day Meetingmi. Nagkiriring ti telepono idi apaman a mairidepakon.

Pinidutko ti telepono kalpasan ti naminpito ngata a kiririing. Ti boses ni baket ti nangngegko, ket urayakla a nakamusiig nga simmongbat. "Honey, don't you know its three in the morning here?" kunak nge medio indel-ag. "Sorry, ngem daytoy apokom ket papa la papa, di pay nakaturog ket alas diesen" kunana nga insungbat. Agpayso, mangngegko ti ubing nga umarimbangaw in the background. "Hello Ayzia, how are you?"," papaa, papaa, papaa," ala dayta met lattan ti mangmangngegko, ngem mapan lattan ti turogko, hehehe. "Hellooo, Ayzia, DON'T YOU KNOW ITS VERY EARLY IN THE MORNING HERE?" Medio indel-agko ta ammok nga dumdumngngeg ni baket in the background. Finally "Bye Papaa, bye papaa" kuna manen ti apokomi sa inagaw ni baket ti telepono.

"Okay ngaruden, kayatmi lang nga maammuan no napiaka met laeng nga dimmanon dita, SENIOR..." kunana ket medio makapukpukkawen. "Sorry honey but I just dozed off and now you call" kunak nga inyarasaas. "I love you, bye ngaruden"kunana, "Okay, I'll call you later on today when I'm back from my first meeting this morning" kunak ket inbulonko metten nga in hang ti telepono.

Addaakon iti dalan a mapan iti Mike Monrone Aeronautical Center. Nalamiis ti ruar isu nga inturn onko ti Heater ti pamassiten a Cavalier nga Rental car. Panay a Manual dagiti door ken window opener (nairruamak ti Power everything, hehehe). Gapu ta bassit ti lugan marigatanak nga nang open ti tawa idi addaakon iti batog ti naka puspuskol ti badona a Security Guard. Gapu ta awan ti makitana nga Gate Passko, intudona nga mapanak iti right side a dumawat ti Temporary Gate pass. Ney ket palukatanda met amin a trunk ti luganen ket kapilitan a rimmuarak a ta manual met ket masapul nga ti tulbek ti usaren a manglukat. Nagpakpakawan ti guard ta makitana nga agkutkutimererak metten ti lamiisna ta saanko nga inpagarup a kasta't kalamiisna ket naingpis ti jacket nga naisuotko (adda met ketdi napuskol dita apartment).

'Nia metten kunak nga nangituloy ti panagpark iti sanguanan ti Center. Very conciousda no Security ditoy nanipud idi 09/11 incident. Finally, nakadanonak iti uneg ket...... addaak pay laeng ita ditoy Oklahoma. Tallo pay nga aldawko ket agrubbuatakon a mapan aginana diay Las Vegas. Bareng makaumay da Bayaw AI ken kabsat Leo Beligan ta asidegda metten nukua.

'Tanud ATI, no addaka dita, ammok nga kasta unay ti guram kaniak, uray dita pay nagkita, my arms are open to hug one of the best Ilokano writers from the Ilocos. Mangitugotkanto ti kilawen a pinapaitan a Kalding(bayadakto kadi) ta adda pagsasangnguantayo kada Attorney. Masarakannakto dita Excalibur Dice Tables. Regularak dita wenno inka agdamag dita VIP Lounge, you'll find me. Oct. 26-31.

Inaldaw met nga makasarsaritak ti medio makabalikasen nga Apokomi, napia laeng nga pamedped ti iliw no kasta nga agteleponoda ken Grandmana....

Addaak manen a sumangsango iti laptopko, umay makiinniliw kadakayo nga Cyber friends....

Good night to all of you at Iluko.com...........


Comment(s): 18  | Lastupdate: 3/3/2007 3:53:00 PM



 "KET ANUSAM A....
10/14/2006 8:07:12 PM

lakay ti maiyadayo ta parte met ti trabaho'm dayta panagtrainingmo dita Oklahoma".

Kasla mangmangngegko pay laeng ti nasao ni baket idi agrub-rubbuatak idi Martes nga umay manen ditoy CONUS. Dua a tawenen nanipud daydi naudi nga iyuumayko ket kasla maikawaak aglalo ita ta addan apokomi nga pagliw-liwaanmi.

"Hello, kasaritakman ni Ayzia" kunak a sigud ken baket a simmungbat ti telepono. Nangegko nga inayabanna ti apokomi ket "Hi papa, Hi" kunana sa nanabtuog ti telepono ket natitileng pay ti lapayagko. Madamdama, ni baketen ti simmongbat. "Saannaka nga ibib-bibiang a ta madama ti panagbuyana ti Barney CD'na" kuna ni baket. Kasta ngamin ti pamay-anna no agay-wan tapno agtalna ti ubing ket adda maaramidna a kas aginnaw, aglaba, wenno adalus ti kukona, hehehe.

"Maysa pay, immay dagitay annakmo ti kasar ket kasta unay kadakkel ti sikogna ni Mary Grace'en. Immayda ken Allen nagala ti bulong ti marunggay ket pinapukankon ti kaykaysona nga tallo a sanga 'tay mulam dita likud" kunana. Nakudkudko laengen ti teltelko ket diakon nagsao tapno dina madlaw ti luksawko ti pannakapukan ti Marunggayko nga kaimmula. Immulak daytoy idi February ket kasta unay ti langtona.

"Nasayaat a no dida pay innala dagiti mari otong ti kadakkelna nga bungana" insungbatko. Kaaduna ngamin ket inrantak nga saan nga pinuros ta naimas ngamin nga dengdengen no babassit pay. "Innalada aminen a" kunana ket nakamusiigakpay a nakangngeg. "Ala ket bay-amon a ta nalpasen ta bareng agbukel a nasayaat ta ananknanto" kunak nga insungbat.

"Teleponnuamman ketdi ni Erin ta intarayna manen tay truckmo" kunana a kasla masikuran. Diak pay unay naipassyar ti kabarbaro a 2007 GMC Denali truck a ginatangko a para kaniak ta nairana met iti panagbiahe'k. "Ania? Apay nga inpalubosmo baket ket medio nabasa pay laeng ti Undercoatingna nga inpanda idi kalman. Diaske nga ubing dayta. Bay-am ta teleponnuakto no madamdama" kunak nga agin-uunget tapno ilemmengnanton ti extra nga tulbek ket saanna unay a sagsagen kasanguanan a sumangpetak. Immayda innala sa insublida met laeng idi nalpas ti Undercoatingna idi kalman.

"Okay ngaruden. Kayatko laeng nga ipakaammo nga I'm fine" kunak, "Okay, I Love You, bye" kunana ket indissonan diay telepono.

Naulimek manen ti uneg ti apartmentko. Intugawko ti nangsango kadaytoy LapTop ket isu met nga adda email ni Ading Ruth T. ti California. Yaman pay ta adda katungtong iti email kunak ket sinungbatak a sigud (Thank you Ruth for your poem). Nalagipko ti mang update ti Blogko, so here I am.

Kumustakayo aminen kakabsat. I hope you are all in the best of health.

Good nite.......


Comment(s): 0  | Lastupdate:



 NAKA-AAPAL...
9/29/2006 1:12:24 AM

Ti panagsasarakyo a cyber kakabsat a dadduma dita GUMIL'an ta Honolulu. Sapay koma ta na enjoyyo ti sumagmamano nga aldaw nga nagdedennakayo. Kasta unay ti ayatko met nga makaumay koma nge nairana met ti daytoy ka busy ti trabaho.

Uray no kasta, agyamanak ta nalagip ni Mang Eddie ti nag call kasta met ken Ading Monica. Kas kunak idi, adanto latta met sabali a tiempo ti batangmi met nga makiabrasa kadakayo.

Alas dies manen iti rabii, kasangsangpetko pay laeng nga naggapu't trabaho, sumagmamano nga oras, agsubbliakto manen ta innak i turn on ti Landing System dita airport. Madama ti pannakasukat ti maysa kadagiti dua nga runway surface nga asphalt ket nakabulanen ket dida pay nalpas ti apagkatlona, hehehe. Adu nga overtime kakabsat (nayon ti paki Dice dita LV)....

Napan pay ketdin daytoy abong abong dita inactive section, gapu laeng ta manmano metten nga umay sumirip datao.

Ala kasta pay laeng kakabsat, sapay koma ta napia kayo laeng nga agnanayon. Good Night!!!!!!!


Comment(s): 7  | Lastupdate: 10/13/2006 5:33:05 PM