iluko.com - website a magustoan a pagpalpallailangan dagiti pada a nangisit ti sikona.

Agkikinnumusta, agdidinamag, wenno agkikinnatawa.....

 

Skip Navigation LinksHome > Blogs >


 Fred Lazaro Padios

 Entries:
11
 Comments: 28

iCom Page
ArchivesDateStamp
MAILIWAK7/30/2013 5:47:47 PM
L I M E D3/30/2009 8:03:26 PM
Padasenyo man daytoy, kapid..bareng manayonan pay ti INCOMEyo4/18/2008 6:18:38 AM
Ditoy tayo man, kapid, agchat tayo...1/14/2008 1:59:49 AM
Daytoy man kapid, Am-ammodak met laeng?12/5/2007 12:18:47 AM
Agay Ayamtayo Man, Kapid8/29/2007 1:50:48 AM
Your Skins..8/18/2007 8:21:13 PM
This I Promise YOU 7/31/2007 12:32:32 AM
A G K A T A W A T A Y O..^_^3/22/2007 7:56:46 PM
I L I W3/22/2007 7:50:03 PM
Kamustakayon, kapid..?6/5/2006 8:31:06 PM






 MAILIWAK
7/30/2013 5:47:47 PM

Sadino man ti ayanmo, kailiwka

apagapaman man ni lagip, ragsak itdenna iti rikna

iti isisiray ti lawag, iliw ti puso, kayatka a makita.

Malagipko, ti sam-it ta isem, umanayen a liwliwa

ti bara nga adda iti kaunggam, kadagiti paludip, adda latta;

ti irut ta arakup, mailiwak, kumustaka

ket di masbaalan a lailo't agek maimutektekan latta dita rupa.



Sadino man ti ayanmo, addaka latta ditoy isip

tunggal kanito a naglabas-binubosta a dua ket lagip;

perrengmo idi panawannak, anian a nagsakit.

Napalabas man di kalman, uray awanka, addaka latta

Maiparbeng man ken saan wenno iti pannakaidalit ken panagsagaba;

Kadagiti ngatangata ken kinaulbod diak mailibak, ay-ayatenka

Mangipaay man iti sakit a panunoten, addakan sabali a denna.



Sadino kadin' ti ayanmo, kasapulanka;

saanen a maadasan lulua kadagitoy mata

ket iti lubong ni ayat, biangkon ti agmaymaysa.

Kasapulanka, wen, sapay ta agsublika

irut ta arakupmo isu't mangibalikas saannak nga in-sina,

mailiwak kenka, itan, subliannak tapno toy riknak, mapekka

tapno iti kaano man, pannakaulila ket diakton a marikna.

Mailiwak, wen, ay-ayatenka

ket ipatpategka nalablabes pay iti anges nga ikutko ita;

ket diakton ipeksa daytoy nga ayat siasino man a diosa.



Ay-ayatenka, kakibin iti ania man a rigat ken nam-ay,

kasilpo ti anges, liwliwa ken panangan-andingay;

impategka, sika ti lubongko iti pait ken liday a sumangbay,

daytoy ti kinapudno, pannubok wenno sulisog man ti umapay.

Mailiwak, wen, ket pagyamanak

iti laksid ti kinapudno, sallukobannak man ti babak;

angaw ken panagrayo, nagtalinaed ni panagayat,

iti wada ti lubong immayka a nagdakiwas

uray iti naminsan lang, toy biagko, inka pinasantak...


Comment(s): 0  | Lastupdate:



 L I M E D
3/30/2009 8:03:26 PM

kunam:

addaak ditoy...
agur-uray kenka, awan sabali,
mariknak pateg, ayat nga itdem.
sika't nangted ragsak lumlumdaang a rikna
dinakto panawan ingga't inggana.

kunak:

ala, saadek amin a pagsaadak kenka,
ipaayko ayat a kalikagummo,
ngem dimo kunaem, panawak ti umokko.

"nagarubos luam, diak ammo no apay...

kinitanak ket...

kunam:

kunak man no ay-ayatennak...
ta dagiti balikasmo nangted kired riknak,
nagtalekak unos biag ko kenka,
dagiti karim, nagbatayak amin ida.

kunak:

wen, diak ilibak, ay-ayatenka,
intedko talek ken aminko kenka,
ngem diak idi imbaga kenka,
ah ti taengko, ibatik gapu kenka.





Comment(s): 0  | Lastupdate:



 Padasenyo man daytoy, kapid..bareng manayonan pay ti INCOMEyo
4/18/2008 6:18:38 AM



Comment(s): 1  | Lastupdate: 4/19/2008 7:39:51 PM



 Ditoy tayo man, kapid, agchat tayo...
1/14/2008 1:59:49 AM



Comment(s): 0  | Lastupdate:



 Daytoy man kapid, Am-ammodak met laeng?
12/5/2007 12:18:47 AM



Comment(s): 5  | Lastupdate: 12/31/2007 12:47:00 PM