Gayyem

 

Anian a suertem no adda gayyemmo

A kasla balitok!

Iti sidongna, tumayab amin a dudukot,

Gargarakgakyo iti langit tumukno!

 

Amin a sekretom isutí pangibagaam

No adda parukutmo, isutí pagsadagam

Pinnategyo kasinraniag ti bulan.

 

Ngem annadam koma gayyemmo a balitok

No ti pusona madlawmo a nabugasan iti ar-artiok,

No tumukkaw a kasla mangliliput nga uleg,

No agparang kenka a maysa gayam a balangkantis.

 

FANNY T. GACAYAN

San Fernando City

La Union

 

 

 

Naipablaak iti Sirmata

Enero 2005