ALEJANDRINO G. HUFANA

Oktubre 22, 1926

 

     Tubo iti San Fernando, La Union, maysa a maraem a mannaniw, dramaturgo ken kritiko ti literatura daydi Alejandrino G. Hufana. Nangrugi a nagsurat iti Bannawag idi agkabannuag pay laeng. Iti saan a mabayag,  insublatna iti nagsurat iti Ingles ket kalpasanna, rimmuar dagiti sinuratna iti nadumaduma a pablaakan, iti uneg ken ruar ti pagilian. Mabasa dagiti sinuratna kadagiti panid ti Diliman Review and Literary Apprentice ti Unibersidad ti Pilipinas, ti Farleigh Dickinson Literary review, Literature, east and West, ken Beloit Poetry Journal ti Amerika. Mairaman kadagiti sinuratna dagitoy: 13 Kalisud (dandaniw), Sickle Season (dandaniw), Poro Point (dandaniw), Curtain-Raisers (drama), The Wife of Lot (dandaniw), Mena Pecson Crisologo (kritika), Notes on Poetry (kritika), Obligations (dandaniw), Seig Heil (epiko) ken Imelda Romualdez-Marcos (epiko). Mairaman kadagiti balligi ken pammadayaw a naawat ni AGH dagiti sumaganad: 1965 Republic Cultural Heritage Award in Literature, ti Rockefeller Fellowship in Creative Writing iti Unibersidad ti California iti Berkeley ken Rockefeller Fellowship in Librarianship iti Columbia University, New York City.

     Nairaman dagiti sumagmamano a daniwna iti Alintatao, Pamulinawen ken dadduma pay a libro nga impablaak ti GUMIL Filipinas. Nagretiro a propesor iti Unibersidad ti Pilipinas daydi Dios-ti-aluadna nga AGH sakbay a nagpa-Amerika. Nabiit pay a pimmusay.glu