DJUNA ROBIANES ALCANTARA

     NANGRUGI ni Djuna nga agserbi iti GUMIL idi nabutosan a kas Sekretaria-Tesorera ti GLU idi Enero 2003. Iti dayta met laeng a tawen, nabutosan a maysa kadagiti kameng ti Hunta Direktiba ti GUMIL Filipinas. Iti sumaruno a tawen, 2004,  nailayon a presidente ti GUMIL La Union. Idi 2005, nabutosan a Sekretaria-Heneral ti GUMIL Filipinas. Nakaipablaaken kadagiti daniw ken salaysay iti Bannawag, Rimat ken Sirmata. Nageditor ni Djuna iti “The New Lions Bulletin,” ti opisial a pagiwarnak ti Lions Clubs International, District 301-C, Philippines, ken agdama a managing editor ti  “The GLU Phantasmagoria,” ti opisial a pagiwarnak ti GUMIL La Union. Nagadal ni Djuna iti sekundaria iti Ramon Magsaysay High School (RMHS), España, Manila. Nagturpos iti kolehio iti University of the Philippines (UP), Diliman, Quezon City idi 1981. Kas iskolar, intuloyna ti nangala iti kurso a Master in Development Management, iti Asian Institute of Management (AIM),  Paseo de Roxas, Makati City, a nagturposanna idi 1997. Nayanak ni Djuna iti Flora, Sto. Domingo, Ilocos Sur idi Enero 10, 1959 kada daydi Dios-ti-aluadna a Pelagio A. Alcantara ti Sto. Domingo, Ilocos Sur ken ni sigud a Crescencia Robianes ti Pagudpud, Ilocos Norte. Maikadua iti pito nga agkakabsat. Agnaed itan ni Djuna iti Namnama Village, San Fernando City, La Union.glu