EPIFANIA TALUBAN-GACAYAN

 

     AGDAMA a presidente ni Fanny ti GUMIL San Fernando City,  chapter ti  GLU ni Fanny. Maysa kadagiti kaaktibuan nga agdadamo a mannurat  ti  La Union. Nakaipablaaken iti sumagmamano a daniwna iti Bannawag ken Sirmata.  Agpapaay ita kas Project Officer IV iti National Book Development Board (NBDB), Diliman, Quezon, City. Sakbay  nga immalis tapno agtrabaho iti NBDB, nangisuro ni Fanny iti La Union National High School, San Fernando City ken iti Bucay General National High School, Bucay, Abra.  Nagturpos iti sekundaria iti Heart of Mary High School iti Dolores, Abra. Nagkolehio iti St. Louis College, San Fernando City ken nangala iti masteral units iti Baguio Central University, Baguio City. Nayanak ni  Fanny idi Oktubre 6, 1954 kada Venancio Taluban ti Abra ken daydi sigud a Rosita Halog ti  La Union.  Adda dua nga annakda ken ni Wilfredo Gacayan – da Dolores “Joy” ken Hannah Rosita. Agnaedda a sangapamilia iti Tanqui, San Fernando City, La Union.glu