HERMINIANO C. CALICA

 

 

           NAPAGASATAN a nagkameng iti editorial ti Bannawag idi 1967 bayat ti panagadalna iti kolehio. Ditoy ngaruden a namuli ti talugadingna kas mannurat iti Iloko ken Ingles. Naipablaak ti sumagmamano a saritana iti Ingles iti Weekly Nation ket dagiti salaysayna iti Ingles naimaldit iti Focus Philippines. Adda komiks a nobelana, “Ti Datdatlag a Mantonado” a nai-serialized iti Bannawag sa naipatarus iti Hiligaynon ken Bisaya. Idi 1973, naglusulos ni HCC iti Bannawag ket iti sumuno a tawen, nakikappengen a kas Information Officer iti Department of Public Information (Philippine Information Agency itan) Regional Office I iti San Fernando City, La Union. Ditoyen a nagretiro kas Information Officer II. Ni HCC ti presidente ti GUMIL La Union idi 2002-2004.  Agnaedda ken baketna, ni Dr. Eufemia Dumo Calica, iti Flocor Subdivision, Brgy. San Eugenio, Aringay, La Union.glu