LEONORA TADENA-CORPUZ

 

 MY RABBI,” daytoy ti umuna a daniw ni Leonor a naipablaak iti Union Herald school organ ti Union Christian College, San Fernando, La Union idi agbasbasa pay laeng. Iti met Bannawag, daniw, burburtia ken crossword puzzle dagiti naipablaaken a gapuananna. Kasta met a nakaipablaak pay iti benneg ti Agpanunotka Man, Lakay, ken Dakami Met. Nangab-abak met kadagiti pasalip iti Radio Iloko ken Tagalog. Miembro ti GUMIL Filipinas manipud  1980 agingga iti agdama.

Nag-assistant secretary ti GUMIL La Union idi 1990, ken nag-radio announcer iti DZXC idi 1976.  Intultuloy ni Leonor  iti nagadal kabayatan iti panagtrabahona a kas floor manager iti maysa nga establisamento iti San Fernando La Union ken kas kahera ti maysa a botika iti Merkado Publiko ti San Fernando. Nagmiembro pay iti Mayor’s Scrabble Cup ti San Fernando City. Inyalatna Leonor ti Umuna a Gunggona ti on-the-spot a pasalip iti Daniw nga inesponsoran ti Sir Pelagio Alcantara Development (SPADE) Foundation ken Gabriel Tugade Foundation idi 2005. Agdama a Director ti GUMIL La Union ni Leonor.glu