ROBERTO GOMEZ BAUTISTA

 

 

 

MABIGBIG  a media practitioner ni Bert,  ti agdama a Press Relations Officer ti GUMIL La Union.  Agpapaay pay ita a kas marketing consultant ken news specialist iti dua a diaryo iti Agoo, La Union – ti Ilocandia Express ken North Luzon Headline.  Iti napalabas, naganawnser ken nag-news writer iti dua nga estasion ti radio iti La Union. Ken nagakem pay a kas dramatista ken aktor ti entablado. Kadagiti dadakkel a pasken iti La Union, masansan a maaw-awis a kas emcee.  Ti daniwna a “Baggak” a nairaman itoy nga antolohia ti umuna a gapuananna a naipablaak iti Bannawag. Kinamaestro iti Elementaria ti kurso a naturposna iti St. Louis University iti Baguio City. Ni Josefina “Josie” E. Bautista ti kaingungotna. Agnaedda iti Parian Este, Bauang, La Union.glu