ROGELIO ESTIGOY TANGALIN, Ed. D.

 

     ISU ti nangisibang iti pannakabuangay ti GUMIL Lasam (Cagayan) idi 1965 ken ti GUMIL Agoo idi 1986.  Pinutarna ti Bauang Hymn idi 2001 kas sagutna itoy nga ili. Kinamaestro ti propesionna, nangisuro ni RET iti 14 a tawen iti Western Cagayan School of Arts and Trade. Kalpasanna, nayakar iti Southern Ilocos Polytechnic College (DMMMSU South La Union Campus itan) iti Agoo. Ditoy, nadumaduma ti nagtakemanna ket naital-o a kas Chancellor sakbay a nagretiro idi 2003.  Iti agdama, isu ti Dekano ti College of Education ken Director ti Research ken Extension iti Polytechnic College of La Union iti Agoo. Doktor iti Edukasion ni RET. Nayanak idi Setiembre 16, 1940 idiay Limmansangan, Bauang, La Union. Mabigbig a mannurat, naipablaak dagiti gapuananna iti Bannawag, Rimat, Sirmata ken dadduma pay a pagiwarnak. Agdama a Direktor ti GUMIL La Union ni RET. Lima ti annakda ken ni sigud a Perseveranda Dumo  ti  La Union.glu