TEOFILO BOGUITI DAMOCO

 

 

   MAYSA ni Teofilo B. Damoco kadagiti immuna a nangabak iti eksperimental a pasalip ti Saribitniw a naipabuya iti National Press Club, Intramuros, Manila babaen ti daniwna a napauluan iti “Saning-i ti Nakaparsuaan” kabayatan ti Maika-36 a kombension nasional ti GUMIL Filipinas idi Abril, 2004. Isu ti kaubingan kadagiti nangabak a sumasaribitniw nga indauluan da Appo Fernando Sanchez ti Pangasinan  ken  Roland Almoite ti La Union. Nag-editor-in-chief iti Green and White CE Newsletter ken nag-managing editor iti UHP ti Union Christian College a nagturposanna itoy a tawen a nakagun-odanna iti “With academic excellence” a pammadayaw. Agisursuro itan iti Gifted Learning Center, San Fernando.  Tubo iti Sudipen, La Union, maysa ni Teofilo kadagiti kaubingan nga agdadamo a mannurat ti GLU.  Baro pay.glu