iluko.com - website a magustoan a pagpalpallailangan dagiti pada a nangisit ti sikona.

Articles

 

Skip Navigation LinksHome > Articles Main Page > Article


AUTHOR

Amado I. Yoro
iCom page



Amado I. Yoro Online


Pluma: siit ken rosas

11/14/2017


PLUMA SIIT KEN ROSAS
Amado I. Yoro
Gammatam! Nagannas no imulam ti balabala
Ket tugkelam ti tema iti tengnga ti sarita
Bay-am nga agsalasala, agbiag ken aggaraw
Dagiti karakterna.

Tiliwem! Daytan ti kattiliw nga idea
Dika palusposan. Tukmaam: Nagbakeden
A sarita ken nobela pay!
Penkem: saan a matmatay dagiti arapaap
Sumarsarut a kanayon ti sirmata
A manglussok kadagiti tarigagay
Tapno segdam a kanayon ti kandelam
Ti rinabii: ti siled nga iddam
Iti agur-uray a pannakaitanem
Ken pannakaimula ti nabiag a ruting
Ti kumalatkat a rosas.

Petpetam ! Siitda amin nga idea
Ken binatog a sumangpet
Nasam-itda met a puris
A maidukil iti nakurapay a papel.

Ket ti kapintasan wenno kaimnasan
A pannakasugat: isu ti pannakailansa
Nagsasapalan dagiti uged ken binatog
Dagiti napaluom ken kappuros nga idea.

Rebbaem maminsan pay
Ket kitaen no agsubli
Sigud a pintas sinangalmo a balabala
Amangan no saanmo madlaw a sibibiag
Da Zorahayda, Katrina, Gracia
Ken Esperanza. Ket ti risiris ngay?
Nalukay ti biag da Padre Jeremias
Wenno Padre makabiag
Biagem ni Dolores wenno Lelita. Iti reinkarnasion
Ti panagsubli da Violeta,Estelita ken Rhodora
Iti naanem-em nga arpad ni Cielo Alma
Iti agtigtig-ab a sarusar:
Kinabaknag Literatura kultura Ilokana.
Iti rawis dagiti rosas a balangat
Iti kinaasinom.





Rate this Article
Low <---------------------------------> High



Please login to rate this Article