iluko.com - website a magustoan a pagpalpallailangan dagiti pada a nangisit ti sikona.

Articles

 

Skip Navigation LinksHome > Articles Main Page > Article


AUTHOR

Amado I. Yoro
iCom page



Amado I. Yoro Online


Ayanmo idin; ayanmo itan

12/04/2017


IT IS A LITERARY AND CREATIVE WORK----it is an art -[poetry, narrative and/or others is creative work---its elements include but not limited to personal experience, feeling, emotional, pulse, imagination, 5 senses and extra sensory perception, words, language, expression, emotional reaction, beating, music and figure of speech----satircal form, a quotation from a former president of an umbrella organization: "Thank you for your comment, and your criticism: I heard you loud and clear-------blaming my administration is normal-------I wish I had heard you earlier and it may be a great help-----but it is too bad; too late now; we cannot undo what was done========BTW, where were you for many years-----when we needed you----------blaming is too easy--------doing it the way we want to be--------is the hardest part----unquote======================THIS MORNING DECEMBER 4, 2017, I was in bed--------I got a call----------------it is about a certain organization I co-organized and I am still in 27+ years============without any help of that person-------this organization is in good, smooth sailing----with of course the best and the bad things-------but thankfully very much much alive-----------in that certain individual absence about 26+ year inactive==================================

Atiddog a Tammudo iti nasidap a mata iti eppes a bunga
Amado I. Yoro
Dis 4, 2017

Dagitoydan: Birokenda uray iti kabassitan a riro
Kas iti panagsapul iti dagum ken riduma
Baet dagiti namaris a panagani
Kalpasan dagiti panagmumula
Idi pimmanawda a lamolamo iti kainaran
Ti panagsakripisio ken panagbagkat ti krus
Pimmanawda ta kasda la dagiti babbai iti bodaan
A naugotanda iti lana iti bukodda a pagsilawan.

Iti panawen ti panagsakdo, itan
Addada dagiti nagbalon awan kargana a bayengyeng
Ti sudo, ti abaab ken paginuman nga isakdoda
Umaribungbongda met iti ngarab ti ubbog ti bubon
Arigda makilumlumba iti angin nga agkamkamat iti biahe
Iti saan nga agpatubat a darikmat.

Dayta a tammudo: Agitudoda: sada kunaen apay a kastoy
Apay a kasta, kastoy koma;
Dagiti nakaibaludanda a panagem
Saan man la a nagbukar ken nagsayasay
Iti pusoda, saanda a nangeg iti bukodda a konsensia.

Kunami ita, kas ubing ken urbon ngem natukay
Iti ayab ken guyugoy iti pannakidanggay
Kadagiti pannakadaleb, pannakaitublak
Ngem saan nga agsarday a bumangon
Ket tumakder latta a sipapakumbaba
Ti kayumanggi ken tumengan a gurong:
Ituloytayo-----ituloytayo dagiti rugi
Dagiti nasikogan a pampanunot

Kunami ita: ayanmo itan
Awanka metten nga awan pakakitkitaan
Napintas man dayta tammudom
Ngem saanmo maamiris aya, wen ayaunayen
Tallo dagiti bukodmo a ramay ti nakatudo kenka a managdillaw
Arigmo ti nageddek nga ina a nagipasngay wenno ama a nagalimpatok
Iti gulagol ken imnas iti nagsasapalan ngem nagtallikud iti anak
A kapespessat ti kadkaduana, pimmanawkan
A saan man la a nagpakpakada, itan, wen itan
Panawenmo iti ariangga ken aglemlemmeng nga arikusa
Kutakka a kutak ket daydi baki a nagpessaan
Ken ti ibbong a nagsultopan, dakami a nagkatiempo
Talento ken dagiti siping ken sensiliomi
Inin-inutanmi nga insingay nga inregreg iti platito ti ayat
Iti tayab ti abuloy ken pannakisinnaranay----saankami
A naugotan iti lana ti ayat-
Wen, ti umok, ti baki intaktakdermi
A dinaldalusan ken pinaspasayaat
Dagiti lugit ken maregmeg
Nabanglo latta bayat iti kaawanmo
Iti likudan iti sabali a panangiladawam

Makitam itan, napnapanam kadi
Kas ken ni bannatiran a nagtawataw
Birokenna ti sanga a pagdissuan

Addaka manen: aramidmo kayatmo a litupan?
Ay ! ania manen ti nakitam: adda rimat ditoyen
Adda silnag uray Kadagiti kaawanmo, saan a nagsarday ti panagparang
Dagiti namaris a bullalayaw: bullalayaw ti kari
Ti ayat; ti karita, ti kayaw, ken ti dayaw
Iti saklot iti kinakurapay ken kinanumo a nagrugian…

Agtawatawkanto kadi manen, kas ken ni bannaitiran
Kas ken alawaaw a salaksak wenno upa a nabtakan
Agsarmingka man
Pudno kadi a napateg kenka ti baki
Ken ti umok
Ket awankan a nabayag
Linikliklikam iti ayab dagiti babassit- dakami a babassit
Ngem dakami dagiti agnanayon a nakadumog
Iti barukong ti daga kas iti dawa a nabusnag
Dagiti napintek a bin-i; isuda nga agmulmula
Naandurda iti amin a panawen, wen, amin a darikmat
Ket dagiti bukaw a dawa, puyotpuyotan ti angin
Dagiti awanan iti bukel iti aglemlemmeng iti aginkukuna
A kinatingra iti kapagayan ken iti sirok ti init
A sirarayray: dagitoy awan pannakaumada nga agmulmula
saan kadagiti nagatadan a pammadayaw; no dadduma
isuda ti tubeng iti agtultuloy a panagagawa. #





Rate this Article
Low <---------------------------------> High



Please login to rate this Article