Daniw

Kawar dagiti manglaglagip a bitek 06/09/2012 beggang ti aplaw nga ipuypuyupoy ti baybay arabia a kas kabara ti dalipato nga iyarakup ti di mailibay a darikmat a nagsusuon aplit ti alipugpog iti kadaratan a kas’man umaynak akupen, pusiposen sana iyumbit’ samiweng-unnoy a siak ken sika laeng makaited kasasam-itan a danggay ken dayyeng ngem nei nagadayoka me’, diak maipasir mungay dagiti raya a mangdayas iti sikigam wenno marikna ti ungngo ti angin a manglabas kenka sa mangidagas ti rakus kaniak, diak met maalingag ti maipigad a danapeg-ragapag a mangsiglot iti pasugnodmo wenno ti mayininnayad a kusilap a kakinnawil saniit ti kuddotmo, ta sangaili laeng dagitoy a patinayon a mangsarsarungkar iti murdong ti maiparnaparnap a ridepko ta itulodda ti sam-it iti di masunson a lagip a kawar dagiti madegdegan a bitek a mangidawdawat nga ita, agkaabayta koma... kailiw ko unayen ti lamiis iti sibaymo. ©2012 Arnel C. Querubin Al-Khobar, Kingdom of Saudi Arabia