iluko.com - website a magustoan a pagpalpallailangan dagiti pada a nangisit ti sikona.

Articles

 

Skip Navigation LinksHome > Articles Main Page > Article


AUTHOR

Kalis Marco S, M.R.B
iCom page



Sarita


Memoir iti maysa a maladaga (palkat 7)

07/13/2016


Memoir iti Maysa a Maladaga (Palkat 7)

Kalis Marco S, M.R.B.


One man’s trash is another man’s treasure
(-kadaanan nga idiom-ingles)


Part III, Da Formula 3


Disclaimer:

Dagiti nagnagan ken luglugar a nadakamat ditoy Palkat 7 ti makabagbag-rikna ken makapaarubos lua nga ababa nga istorya a napnuan drama ket fictitious tapno mailinged ken madisimular dagiti pudno a nagnagan ken luglugar ditoy dramatization a naadaw from true events a paspasamak, no man bilang adda pagpadaan da dita pudpudno a biag yo ket saan ko nga inggaggagara, wen, agpayso, cross my heart and hope to die.

Semper Veritas



Richmond Hill
St Joseph & St Mary Orthodox Church (SJSMOC), Yonge Street

Aldaw iti kasar. tuloy na.


Nagsuyaab ni tita Cristi, naisurotak a nagsuyaab, uray ni Alma a nakatugaw idiay bangir nga abay ni tita Cristi, naisurot met a nagsuyaab, ta kasla ngamin boring diay madi mi maaw-awatan a pagsao diay Ukrainian a padi, kasla russian diay accent na, kasla ngay daytay adda naisullat a karag a tukak idiay karabukob na.

Speaking of karag, ti el-ellek gayam manen idi naminsan a kalman ni Alma a basang ni tita Diana idi nabasa na dayta palkat 6:

You are one sick puppy Kal-El, get your mind out of the gutter!!!

kunana ketdin nga inyingles…ha?

Ta siempre kano, madi a, nga mabalin nga agdede-ak kenni tita Ariana:

madi ka mabalin nga ag-dede kenni titam nga Ariana Kal-El ta saan mo met a mommy isuna, dakes!!!

Ken madi-ak kano pulos a mabalin nga agdede duray sinno a balasang…mas dakes kano. Ha? Ammo na kano ta siemfri, doktora ni mommy na, medical doctor.

Immental note ko dayta a pammagbaga ni Alma ta usarek a gabay a wanawan tapno saanak to nga agbasol ta dakes gayam ngem medyo matikawak idi naminsan a kalman ta saan ko man lang a kinalkalikaguman nga agdede kenni tita Ariana, ta, natikawak ngarud no ania ti aramidek idi adda-ak idiay sirok ti suot a tshirt ni tita Ariana. Nakakidemak ngarud idi tapno saan ko a makita… ni chucky a nakaiggem iti kampit.

Saan ko a kinalkalikaguman ta, napusotak metten idi a saanakon nga agdede ta di-met nasapa a pinakannak ni mommyk a Mis Brenda iti solid food, i-puree na ngarud diay apple no kua sana isubo kenkuak, peach sagpaminsan, no kua, banana, kabul-kabulek lattan idi a sak tilmunen ta awampay met ti ngipen ko idi a pagngalngal ko, a kasla ngarud dagiti duwwa nga apong Biron, kabul-kabulen da latta no kuan diay kanen da.

Speaking gayam of sick puppy, damagek kuma kenni Alma ta ampay a nakunana a sick puppy siak ngem kasla madik kayat a maammuan idi no ana ti kayat na a sawen ta kasla adda idea kon diay kinunana a

get you mind out of the gutter, ta nangngeg ko idi daytan nga imbaga ni mommyk a mis Brenda kenni daddyk a Marco San…wenno nin sa daddyk a Marco San ti nangibaga kenni mommyk a Mis Brenda idi sinangpetan ni tita Ariana ni daddyk,

You have a dirty mind Brenda, get your mind off the gutter!!!

Hmn, garbage thoughts?

Ta no kua ket garbage met ti adda idiay gutter a salulog a dalusan ni daddyk a marco san kada malpas ti autumn a fall sakbay nga ag-winter tapno madi ag-bara ta adu ti bulbulong idiay gutter, tennis ball, golf ball, running shoes, tsinelas, badminton, pokemon…gotta catch them all, eh

(pronawnsd ‘EY’ kano a kasla ‘ala ey’ dagiti taga-batangas)

Speaking gayam of sick puppy, malagip ko man diay inel-ellekan manen dagiti duwwa a rungi-it a nagrabawen apo ti e-ellekan da kunkunak laengen idiay panunot ko idi agdaldalliasat kami nga agpa-Canada.

Ta, intuloy nga inistorya ni daddyk a marco san diay istoryaan da idi kenni cuzin Grace ni tito Miron a Meyor.

Manung Marcu San, kuna kano ni Mis Grace, adda burburtiak a bugtung, bakit hinabul nung isang bakit na ilucana yung bata para hambalusin ni-ya ng walis-tingting? Ha? Sirit Mis Grace, dili ku man ammu kung bakit hahambalusin ng kara-id yung bakit yaung bata. Hi-hi-hi, kasi manung, tanung nung bakit na agkarkara-id idiay igid iti kalsada:

Bakit na Ilucana nga agkarkara-id: Ihu, ania dayta awit-awit mu a nakabay-un?

Ubing na Ihu: Ukin nana

Bakit na Ilucana nga agkarkara-id: Ni, nagluku kan nga ubing ta ampay nga agsau ka ti dakis, i-baduk ka kadi, damdamagik laing no ania dayta nakabay-un

Ubing na Ihu: Ukin nana ngarud, apan ko man ipa-iyut idiay arburaryu

Ahi-hi-hi, isu ngarud manung Marcu san nga apan basnutan ti karaid diay bakit na ilucana diay ihu nga ubing!!!

Nga uray la sinipat-sipat ni mommyk a mis Brenda diay kanawan a takiag ni daddyk a marco san ta inyeksplikar ni daddyk:

Adda bulbulol na diay ubing Brenda, apan na kano ipa-ilot idiay albularyo diay agsakit nga uken a taraken na, sick puppy, igurgurigor na diay nablo a saka na.

A ti am-amak ko man idin a nakatugaw idiay booster seat ko ta baka talaga a maitapwaken diay Sienna idiay Niagara river (manen, pronawnsd Nayagra):

Ket daan met daytan a joke Marco!!! Uken nana!!!


Speaking gayam of uken, ken garbage, mas usto, agpidut iti garbage, ti ay-ayat gayam ni daddyk a marco san idi nakadon kamin idiay DVP a Don Valley Parkway ken 401 iti Toronto ta nagganas kano ti agpatarengteng idiay 401 ta nagadu a lanes idiay express, puera pay dagiti lanes ti collector lanes, ken maragsakan unay ni daddyk a Marco San ta no kua ket adda makita na a nakawara nga hubcap idiay igid ti 401, agsardeng no kua sana apan piduten, adda uppat a napidut na idiay 401 ken maysa idiay intersection ti Leslie ken Sheppard.

Collector’s items dagita Brenda kunana sada naggiddan nga imlek. Hay apu, kunkunak la manen idiay panunot ko idi, ta ammok nga apan to met la ilako a por-kilo ni daddyk a marco san.

No kasano pinagininnellek da, mas imlek ni anti ni tita Ana Rosalea idi impasindayag ni daddyk a Marco San dagiti napidot na nga hubcaps ta taktakawen kano ti hubcaps idiay New Jersey:

Alla ka Marco San!!! Imbag ta awan OPP nga Ontario Provincial Police a nakasirpat kenkuam ta natiketan ka kuman!!! Sapay nagngina ti multa ti agsardeng idiay igid ti 401 nga awan ti emergency a sitwasyon mo, surok a 300CDN$ a tumataginting, adda pay Surcharge a 20% a Victim Fine Surcharge a pondo para kadagiti biktimas iti krimen…suma-total a mapan a 400$CDN!!!

Nga uray la kimmuskusyaw ni daddyk a Marco San ta nakuenta na siguron ti difference diay multa ken mapaglakwan na ti por-kilo including conversion factor…300$US!!! Sanabab…OMG!!!

(uray la ngarud nalipatan ni anti ni tita Ana Rosalea diay pinang-baboy diay kumakansion a Tenor, binaboy na kano a binaliw-baliwan na dagiti lyrics diay Bayang Magiliw a pambansang awit of Canada idi All-Star game ti baseball idiay San Diego California, a pagsawsaw-an na man kuman iti madi malamlamut iti aso a kasla idi binastos ni D. Wade diay pambansang awit da)


Enihu, speaking latta of binaboy, ken garbage, ken ilot, ti pagbilibak gayam kada daddyk a Marco San ken mommyk a Mis Brenda, uray gayam no narigat kano ti pinagbiag, ikatkatawa da lattan:

masapul nga ipamuspusan ta Brenda darling tapno maka a-on tayo iti rigat iti pinagbiag

Isu, apan kami agkompra no kua ti tagilako a Garbage…ehhh, Garage Sale dagiti kakarruba, ilako da dagiti junks da, apan met gatangen dagiti suckers…ehhh, collectors tapno bareng kano no ngumaton to ti value na dagiti treasures a collector items, kuna ni daddyk a Marco San.

Durun-duron no kua ni daddyk a marco san diay stroller a lugan ko ta madi-ak pay met makapagna idi, apan kami umallatiw idiay bangir a kalsada.

Idi nakadanon kami idiay junction ti witherspoon ken guyot, nagsardeng idi ni daddyk a marco san sana tinangad dagiti street signs,

Malagip mo Brenda Honey diay kinuna ni Apo a Namarsua idi pinagtalaw na da Mis Eba ken Sir Adan idiay Garden of Eden, nagbannikes manen idi ni daddyk a marco san,

Agtalaw kayon!!! GO and Multiply!!!

Nagkudkod kano idi ti teltel na ni Sir Adan, ana kunam Apo a Namarsua… apan kami ag-multiply…apan kami idiay garden state…idiay…

Gu-yot?

A kasta unay apo ti pagpaggaak ni mommyk a Mis Brenda nga uray la kigtot siak ta mailiblibayak idi a nakalugan idiay stroller ko ta nagganas man ti pul-oy diay napariir nga angin…hay apu ta talaga met, kunkunak la idiay panunot kon idi.



Kalis Marco S, M.R.B. ©2016






Rate this Article
Low <---------------------------------> High



Please login to rate this Article