iluko.com - website a magustoan a pagpalpallailangan dagiti pada a nangisit ti sikona.

Articles

 

Skip Navigation LinksHome > Articles Main Page > Article


AUTHOR

Kalis Marco S, M.R.B
iCom page



Sarita


Memoir iti maysa a maladaga (palkat 8)

07/27/2016


Memoir iti Maysa a Maladaga (Palkat 8)

Kalis Marco S, M.R.B.


Arrrrrrrrrrrrrrrrgh Eeeeaaaaaaaaaaarrgh
(-Chewie nga Chewbacca, Starwars, The Force Awakens)


Part III, Da Formula 3


Disclaimer:

Dagiti nagnagan ken luglugar a nadakamat ditoy Palkat 8 ti makabagbag-rikna ken makapaarubos lua nga ababa nga istorya a napnuan drama ket fictitious tapno mailinged ken madisimular dagiti pudno a nagnagan ken luglugar ditoy dramatization a naadaw from true events a paspasamak, no man bilang adda pagpadaan da dita pudpudno a biag yo ket saan ko nga inggaggagara, wen, agpayso, cross my heart and hope to die.

Semper Veritas



Richmond Hill
St Joseph & St Mary Orthodox Church (SJSMOC), Yonge Street

Aldaw iti kasar. tuloy na.


Agsasarunon ti suyaab mi kenni tita Cristi, panay ti lidlid na kadagidiay mata na, panay ti lidlid ko met kadagiti matmatak, nakasadag ni Alma kenni tita Cristi. Imbag laketdin kunayo ta napigsa diay aircon ta madama ti heatwave ditoy richmond hill, saan kami a masalimuotan a tallo nga agsisinneksek a nakatugaw.

Ikarkarigatak a saanak a makaturog ta baka ket agunget diay guttural ti boses na a padi a ruski.

Sanayak met ketdin a madi makaturturog unay no kua manipud pay idi maladagaak, naridamak ta no kua ket madi met agpakaturog da mommyk a Mis Brenda ken daddyk a Marco San, diay la aggin-ginnantil ti kukuaen da uray no timmingtingnga ti rabii, no kua pumarbangonen:

Ahi-hi-hi Aha-ha-ha!!! Haan a dita Marco San, makiki-ak dita!!! Ha-ha-ha no kuan ton kunak ket!!! Nalukneng pay la diay lulunan ni kalis marco S!!!

Nga uray ko la iyapput idi diay pungan ko idiay lapayag ko tapno madi-ak unay mariribukanan kadaydiay paggan-gantil da idiay kuarto da.

Ta uray no adayo diay kuartok idiay kuarto da, napigsa met diay speaker ti baby monitor, a madik met ammo idi nga ipakapsut ti volume na.

Isu, ma-Force Awaken a malukag siak no kua, no naala kon diay ridep ko.

Imbag laketdin kunayo ta kalpasan iti 89 days, apan insubli ni daddyk a marco San idiay Costco daydiay a baby monitor, a ti katkatawa ngarud diay ilocana idiay customer service:

Ampay ania kadi ti perdi na manong?

Madi met aggana Mis biutipul ta awan met mangngeg mi a sangit ni marco san a bibi mi.

Ha-ha-ha!!! Imbag laketdin manong ta nadlaw yo kalpasan ti 89 days, nagpaso kuman diay 90-day return validity na no inton sumuno nga aldaw yo nga insubli!!!

Kik-kik-kik-ki-ki-kuna-kuna-kuna-hi-hi-hi-gu-gug-gag-gaga kunak met nga insampitaw idi ta ammok met nga aggan-gana diay baby monitor ta mangmangngeg ko met idi diay ginnantilan da.

Ooooooooooooo, nag-kiut kan Marco San!!! Kunana ketdin ni Mis biutipul a customer service sana pinidil diay pingping ko.

Hmp. Isu.

Sak la gayam na-utob a naripirip a nalaing no ampay a siak ti makangkangngeg diay ginnantilan da idi adda kamin idiay garahe ti balay mi idiay Princeton, idi ur-urnosen ni daddyk a marco san dagiti junks…ehhh, ‘investments’ a gatgatangen na idiay garage sale dagiti kakarruba mi, isu nga idiay ruar a driveway ti ayan dagiti Sienna ken Celica ta napunno met daydiay double garage iti ‘investments’, enihu, isu a siak ti makangngeg ti ginnantilan da ta napagsinnukat na diay baby monitor a mapan kuma idiay crib ko ken diay ikabil na idiay coffee table idiay kuarto da kenni mommyk a mis Brenda.


Speaking gayam of ‘Utob’, isu gayam a nakuna ni daddyk a marco san kenni mommyk a mis Brenda a narugit ti panunot ni mommyk a mis Brenda idiay palkat 7 idi sinangpetan ni tita Ariana ni daddyk, ta adda kinaut ni daddyk idi, diay sa sellang na ta kudkuden na, wenno addan sa inurnos na ta wrong parking, imlek idi ni mommyk a Mis Brenda kabayatan nga ubba nak:

Ana Marco San, nagatel dayta ‘utob’ mo ta tin to me la ngamin pangisawsawsawam no aggagatelen!!!

Madik idi maawatan dagiti tungtungan da ta naka-code met a kinanayon. Damagek kuma idi kenni tita Ariana no ania daydiay ‘utob’ a code da mommyk ken daddyk a kasla kuma diay pangdamag ko idi no ania a code daydiay S-E-X ngem uray ni tita Ariana ket kasla madi nan sa maawatan dagiti codes da mommyk ken daddyk.

Ta idi dakami a tallo ti adda idiay junction ti Witherspoon ken Guyot, ni tita Ariana, ni daddyk a marco san ken siak, durun-duron ni daddyk a marco san diay lugan ko nga stroller, dakami a tallo ti napan nagkompra ti investments a garage sale ta napan nag-flight attendant idi ni mommyk a Mis Brenda kaduana ni tita Bridget nga ading ni tita nars Norida, inyistorya idi ni daddyk kenni tita Ariana diay inistorya na met la kenni mommyk a mis Brenda a kasta unay ti elleks da, nagbannikes manen idi ni daddyk a marco san sana kinita diay street sign a Guyot,

kuna idi ni Apo a Namarsua Mis Ara, kunana kenni sir Adan, ingkayon…

Guyot!!!

Nagsabat la ti kiday idi ni tita Ariana.

Isu nga ammok a madi maawatan ni tita Ariana dagidiay codes da mommyk ken daddyk.

Wenno gapu ngata ta saan a catholic ni tita Ariana isu a madi na naawatan.

Wenno gapu ngata ta saan nga ikaskaso ni tita Ariana ni daddyk a marco san ta busy isuna a mangipatpaturong kadaydiay smart phone na ta agbirbirok isuna ti pokemon a tiliwen na.

Ta idi magmagna da idiay witherspoon a nakaluganak idiay stroller ko ket maam-amakak idi ta baka ket maidungpar diay stroller ko idiay poste, wenno maitapwak kami idiay gutter a canal, wenno madi mi madmadlaw ket adda kami gayamen idiay tingnga kalsada ket madungpar kami a tallo iti lugan ta busy da met nga agtiltiliw iti pokemon.

Ti pay maysa a pagamakak idi, baka ket sabali a pokemon ti matiliw a makemmeg ni daddyk a Marco San ta no kua ket agdungpar da kenni tita Ariana ta diay la smartphone da ti kitkitan da.

Uray siak met idi, ipatupaturong ko met diay smart phone ko ta bareng adda met matiliw ko a pokemon.

Ngem kada adda talmegak idi idiay smartphone ko, adda met aggarikgik a kasla man tickle-me-elmo, wenno adda agkansion iti a-b-c…

A ti el-ellek idi ni tita Ariana ta madi met kano mabalin a pagtiliw iti pokemon diay smartphone ko ta plastic met a tele-telepon, ginatang na idi idiay maysa a garage sale, ‘previously enjoyed’ nga smartphone a plastic.

Haaaay, awan lat’ awan, kunkunak la idin idiay panunot ko.

A kasta met ti nakuna ni tita Miss M nga um-umlek idi impakitak kenkuana idiay lobby iti hotel diay smartphone ko nga aggargarikgik a kasla tickle-me-elmo.


Speaking gayam of sennaay, no kua, agsenaay ni tita Ariana no kasta a duwduwwa kami idiay closet ko. A kasla man nagadu ti bakbaklayen na a parikut, sentimiento.

Lallalo idi nabasa na diay padamag a napapatay diay maysa a kumakansion idiay Pakistan, pinatay diay kabsat na gapu iti Honor Killing…Hmn, kunkunak idiay panunot ko idi, adda kadi pagbutbutngan ni tita Ariana?

Siguro, kunkunak idiay panunot ko idi, tapno saan unay a malmalday isuna, dapat, isardengen ni tita Ariana ti agbasa iti makapa-depress a padpadamag, ken isardeng nan iti agbuya iti chickflicks a makabagbag-damdamin a pelpelikula a drama-drama, a kasla ngarud diay buybuyaen mi man idin idiay Netflix, Starwars The Force Awakens, kasta unay ti anug-og ni tita Ariana idi madi mapuersa a malukag diay matmaturog sa a Finn, inungngo ni Rey tapno malukag siguro ni Finn a kasla prinsipe a nakaturog sa makariing no mabisong:

Rey: Agkita tanto manen, patiek dayta Finn…teng kiu, mi amigo…tsup

Finn:


A mariknak idi idiay barukong ni tita Ariana diay paganug-og na ta saklot nak, a tapno maep-epan diay liday a marikrikna na ket insubli nak idi idiay crib ko sa napan nagdiram-os, inikkat na idi diay dalungdong na ta okey lang kano a makitak isuna a madi nakadalungdong ta musmosak pay met la kano a paslit, dakes kano no ni daddyk a Marco San ti makakita kenkuana a madi nakadalungdong isuna.

Sayang ngarud a, kunkunak idiay panunot ko idi, maikapkapis gayam ni daddyk a Marco San ta madi na pay gayam nakita pulos diay buok ni tita Ariana, ken, madi pay gayam pulos nakita ni daddyk a Marco san a madi nakadalungdong ni tita Ariana, a kasla man kaing-ingas na ni Miss

Norah Jones

…wenno ni sa…

Tita Farid….ehhh tita Farayda a cuzin ni tita Lisa May.



Kalis Marco S, M.R.B. ©2016





Rate this Article
Low <---------------------------------> High



Please login to rate this Article