iluko.com - website a magustoan a pagpalpallailangan dagiti pada a nangisit ti sikona.

Articles

 

Skip Navigation LinksHome > Articles Main Page > Article


AUTHOR

Kalis Marco S, M.R.B
iCom page



Sarita


Memoir iti maysa a maladaga (palkat 9)

08/11/2016


Memoir iti Maysa a Maladaga (Palkat 9)

Kalis Marco S, M.R.B.


Where the Devil Can’t Go, He’ll Send a Woman
(-kadaanan a pagsasao dagiti Polish a taga Poland)


Part III, Da Formula 3


Disclaimer:

Dagiti nagnagan ken luglugar a nadakamat ditoy Palkat 9 ti makabagbag-rikna ken makapaarubos lua nga ababa nga istorya a napnuan drama ket fictitious tapno mailinged ken madisimular dagiti pudno a nagnagan ken luglugar ditoy dramatization a naadaw from true events a paspasamak, no man bilang adda pagpadaan da dita pudpudno a biag yo ket saan ko nga inggaggagara, wen, agpayso, cross my heart and hope to die.

Semper Veritas



Richmond Hill
St Joseph & St Mary Orthodox Church (SJSMOC), Yonge Street

Aldaw iti kasar. tuloy na.


Ti el-ellek gayam manen ni Alma a basang ni tita Diana idi nabasa na dayta ita-type ko a pagsasao dagiti taga-Poland:

agpayso la unay dayta a Polish a pagsasao Kal-el, lalaki daydiay Diablo, ta isu met ti kuna ni mommyk a doktora Diana idi maladaga-ak pay la a saklot nak kabayatan nga igug-gugel na ni tito Mark a daddy ni Topet,

Ay diablo ka a Mark!!! Imbulatlat mo metten nga imbuking ditoy entero a sangalubongan!!!

kuna ni mommyk, ta, igug-gugel na idi no adda facebook ni tito Mark ngem awammet kano, nabirukan na ketdi dagiti istorya ni tito Mark idiay Ilocano.Org:

Kasano a malipatan ka
No kanayon met a malagip ka

awan tattan Kal-el daydiay, nasukatanen iti facebook version.


(malagip ko met ni daddyk a Marco San, apan na met idi iguggugel ni tita Alysa G. Aguilar, Hmn, kunkunak idiay panunot ko idi, ta madik idi maawatan)

Aynaaaa Kal-el, kuna itay ni Alma, babaamon nga awaten, narigat a talaga a maawatan dagiti adults, ta,

complicated

isuda, adu la unay iti issues da.


Speaking gayam of Polish a pagsasao, malagip ko gayam diay tungtungan da mommyk a mis Brenda ken daddyk a marco San idi adda kami idiay rangtay nga agbalballasiw kami nga agpa-Canada, idiay peace bridge idi iyis-istorya ni daddyk a Marco San diay tungtungan da kenni Mis Grace a cuzin ni tito Miron:

Di-ba Mis Grace pulis yung ading ni Judge Aramina, si Major Pagtan?

Ay hindi na pu manung Marcu San, nag-quit na pu siya, mas gustu na pu niyang magbinta kin maglaku ng kaldiru, aklu, banga, dili niya gustu yung bagung patakaran ng gubyirnu, subrang makapangyarihan na daw pu silang mga pulis, para bang inilibing na impumpun na nila ya’ang

‘Due Process of Law’

para na silang pulis diyan sa Yu-Is, sila na daw pu yata ang Huis, Huradu, tsaka Birdugu, awan la kit Bang… Bang-bang-bang-bang… Bang-bang-bang-bang-bang-bang-bang-bang-bang-bang uray natayin diay palpaltugan da, tatik-takikin da latta Bang-bang-bang-bang…tunukuan, magbalis din na maghiganti ang mga ribildi, paltugan din nila ang mga pulis, ang sisti, hindi naman yaung mga aruganti at abusadu na pulis na nagpaltug at nagpatay ang mabalis, yaun naman hindi abusadu, haaaay manung Marcu San, what a visyus cykil.

Kit manung Marcu San, nu ngay mangabak dayta bulbullagaw a Trumpu, baka mit kumaru pay…baka saan laing a Canada ti ikkan na ti bakud nga alad, baka pati Pilipins palawlawan na ti nangatu a padir nga alad nga adda pay alambri idiay tuktuk.

Nagkintayeg idi idiay Peace Bridge da mommyk a Mis Brenda ken daddyk a Marco San. Goodbye Peace? Uray siak idi, nagpayegpegak met idi… danag? Wenno gapu ngata ta napigsa diay aircon ti Sienna idi. A kasla ita ditoy SJSMOC?

Nagsig-am ni tita Cristi Corpuz, nariknak diay nakapsut a kidag diay siko na, kasla man bala… ehhh babala a pang-kuidaw, cuidado, caution, a kasla na man mangmangngeg dagiti agsasallupang a pampanunot ditoy isip ko, sanak sinallabay nga inawid, a kasla man maysa-ak a piyyek a lininungan na idiay sirok ti payak na, salakniban na, isuna ti upa a mommyk a nangpissa kaniak…

A kasla met diay aramiden idi ni tita Ara no kasta nga adda kami idiay walk-in closet ko, no kasta a marikna ni tita Ara a mabutbutengak, ta baka ket agka-buhay a mabiag diay chuckie a munmunyeka nga adda kampit na, wenno diay skeleton a kalansay, wenno diay bambanti…kayetketan nak idi ni tita Ara a comforten:

remember Kal-el, I will always be here for you, we’re friends til the end…right?

Friends Forever


Of course, tapno saan kami nga agminminnulagat lattan nga agkinkinnonfort idiay walk-in closet ko idi, lallalo ngarud ta apan ag-flight attendant met ni mommyk a Mis Brenda ken apan met ag-Technician idiay UP ni daddyk a Marco San, University of Prinston, apan kami met agaliwaksay a, ipasyar nak idi ni tita Ara, i-drive na diay celica ni mommyk a mis Brenda, tonokuan, durun-duron na diay stroller ko, apan kami pay idi ag-window shopping, agkita kadagiti magatgatang a madi na met kano kabaelan a gatangen ta apu met ti ngina da Kal-el kunana idi nga umlek.

Siguro pay, inspired isuna kadaydiay nabuya mi idiay netflix nga

Sleeping with the Enemy

apan met idi nagipadas-padas ni tita Ara, nagipadpadas ala Julia Roberts kabayatan a nakatugawak idiay stroller ko, ngem imbes a kalkallugong ti impadas-padas na, nagifashion-fashion model isuna idi iti

burka

nangisit a burka, dark blue, dark grey, nairanrana pay idi a nagtokar diay Brown-Eyed Girl a kansion ni Van Morrison idiay mall,

Sha la la la la la la la la la la dee dah
Just like that
Sha la la la la la la la la la la dee dah
La dee dah.

Nga idik la a nadlaw a namira a nalaing diay smiling a brown-eyes ni tita Ara, dagiti brown-eyes a matmata na ta naakkuban met diay entero nga ulo ken rupa na a dagiti lang matmata na ti sumirsirip, nagi-modemodelo isuna idi iti nangisit a niqab a nakaiggem isuna iti dakkel a beach ball, idi kuan japanese a payong ken paypay nga abaniko ti iggem na sa nagna isuna iti babassit nga askaw sana inyapput diay abaniko na idiay naakkuban a ngiwat na nga aggargarikgik isuna, idi kuan, adda iggem na a light saber nga apan na inwasiwasiwas, a kasla man isuna ni Rey idiay Starwars, kasla ngarud ninja isuna, naka-niqab a jedi knight ninja.

Napan kami pay nag-ice cream idi iti mango ice cream idiay maysa nga ice cream parlor.

Idi nabannog kamin, diiiii, napan kami nag-sleep a nag-siesta idiay walk-in closet ko.

Ngem sakbay a nag-sleep kami idi, rinugyan na a binutingting diay dinagas mi a ginatang idiay maysa a garage sale, impisok nak idi idiay playpen ko sanak inikkan idi iti crayola ken kupon ban a pag-drowingak ta bareng kano makadrowingak iti obra-maestra a kasla Mona Lisa:

Ammom kadi Kal-el a no ikkam kano dagiti wan milyon a sunggo iti sasaggaysa da a makinilya, mabalin a maysa kenkuada ket makapartuat a makasurat iti #1 bestseller?

(aya? kunkunak idiay panunot ko idi)

Ngem ti dakkel a parikut Kal-el, obsolete metten dayta makinilya, pangalaam ngarud tatta iti wan milyon a makinilya?

(dat’s right Susan, kunak manen idi nga inyannugot idiay panunot ko, kasla logistically improbable nga agpayso)

Ta, awammenten ti magatang a makinilya. Adda ngarud nakita mi nga antigo a makinilya idiay garage sale, ‘collector item’ a nalaka laeng kano, 5 dollars, ngem kasano ngay Kal-el, imlek idi ni tita Ara, awammet ti ribbon na, awammetten ti magatang a ribbon tatta a pampanawen.

Isu, madi ginatang idi ni tita Ara daydiay antigo a makinilya. Ti ginatang na idi ket diay ranta na a talaga a gatangen, diay microwave oven a butbutingtingen na idi idiay closet ko, inlugan na idi idiay sirok ti stroller ko.

Kabayatan nga agdro-drowingak idi iti obra maestra, inusar ko idi ni tita Ara a modelok, idrodrowing ko idi diay atiddog a buok na a nakalugay, inikkat na idi diay dalungdong na ta duwduwwa kami met, idrodrowing ko idi diay buok na nga adda wispy nga streak na a brown tint, nadlaw ko a barbaredbedan na diay magnet nga inikkat na idiay microwave oven, barbaredbedan a pulpulipulan na iti copper wire…hmn, kunkunak idi idiay panunot ko.


Idi kuan, timmakder isuna sana chi-nek diay obra maestrak a drowing a masterpiece, WOW!!! Kal-el, kunana idi nga um-umlek, naal-alam met la unay diay langak!!! Ken sika dayta ubing a kakibkibin ko!!!

Bilib na bilib idi ni tita Ara kadaydiay drowing ko a balasang nga adda kibin na nga ubing, stick figure a balasang a sugabba met diay buok na a kasla buok-medusa ni tita Ara a kibin na diay stick figure a siak.


Kasla kami duwwa a bambanti idiay uneg ti walk-in closet ko.




Kalis Marco S, M.R.B. ©2016





Rate this Article
Low <---------------------------------> High



Please login to rate this Article