iluko.com - website a magustoan a pagpalpallailangan dagiti pada a nangisit ti sikona.

Articles

 

Skip Navigation LinksHome > Articles Main Page > Article


AUTHOR

Kalis Marco S, M.R.B
iCom page



Sarita


Memoir iti maysa a maladaga (palkat 10)

08/27/2016


Memoir iti Maysa a Maladaga (Palkat 10)

Kalis Marco S, M.R.B.


Sala sa Init, Sala sa Lamig
(-kadaanan a pagsasao dagiti Tagalogski)


Part III, Da Formula 3


Disclaimer:

Dagiti nagnagan ken luglugar a nadakamat ditoy Palkat 10 ti makabagbag-rikna ken makapaarubos lua nga ababa nga istorya a napnuan drama ket fictitious tapno mailinged ken madisimular dagiti pudno a nagnagan ken luglugar ditoy dramatization a naadaw from true events a paspasamak, no man bilang adda pagpadaan da dita pudpudno a biag yo ket saan ko nga inggaggagara, wen, agpayso, cross my heart and hope to die.

Semper Veritas



Nobody cares for me
I'm so sad and lonely
Sad and lonely, sad and lonely
(-Louis Prima, Just a Gigolo/Ain’t Got Nobody)


Richmond Hill
St Joseph & St Mary Orthodox Church (SJSMOC), Yonge Street

Aldaw iti kasar. tuloy na.


Uray la kigtot siak ta bigla nga immaweng diay pipe organ a pagtoktokaran ni mister ni tita Lisa May, tono ti Gloria in Excelsis Deo, ala Vivaldi. Uray da tita Cristi ken Alma ket kigtot da met, bigla kami amin a nagtatakder. Mayat ti kakansionan ni tita Ara, ni a, tita judge Aramina a mommy ni Kris, uray la sumgar dagiti dutdot ti teltel ko ta nagganas man ti pangbambanat na ala Andrea Bocceli, wenno mas usto, ta kalakian met dayta Andrea, misleading met dayta nagan na, ala Jackie Evancho, pronawnsd evangko:

“Glooooooo-o-o-o-o-ooooooo-o-o-o-o-oooo-ri-ya…in Excelsis De-yoo…”


Of course, nalaing met nga agkansion ni tita Ara nga Ariana. Ta kansionan nak met no kasta a paturogennak no agsiesta kami. Isuna lang ta madi nak met ilallay a kasla diay pangilallay ni Gramma Pacing a mommy ni mommyk a Mis Brenda,

Dongdongwen kantoo, u-u-naaaay unaaaaay
Lallallallallallay lallallal lallaaaaaaa

(maimas ko metten ti maturog no kua)

madinak ilallay ni tita Ariana ta medyo madagsenan isuna siguro kenkuakon, ubbaen nak lang wenno sakloten nak lang no kua.

Sabagay, haanak metten a battit a maladaga a kasla idi ilallallay nak ni Gramma Pacing. Ta agbiahe isuna nga agpa-New Jersey no kasta a mayat ti panawen, no kasta nga autumn a fall, no dandanin agwinter, ngem agawid idiay Pilipins no umatiperper ti lam-ek nan no kasta a tingnga-winter, agsubli nga agpa-New Jersey no spring ti panawenen, ngem sobra pudot na kano ti summer ditoy north america, isu, agawid manen Pilipins. Kaykayat na kano ti agbantay idiay

Kalbrenda Gift Shop

no kasta a summer ta adu ti aggatang a biahero a tourists idiay Ninoy airport.

Isu siguro dayta ti kaipapanan diay pagsasao-Tagalog,

Sala sa Init, Sala sa Lamig

ta umay nak ilallay nga isala ni Gramma Pacing no kasta a lumammiisen, ken no kasta a sumalimuoten.


Enihu, blessing in disguise siguro a simmangbay ni tita Ariana ditoy biagko ta adda kinanayon a kadkaduak manipud idi agkarasubli ni Gramma Pacing idiay Pilipins isu a nakunak a nagrugi ti kinasuertek idi nagdoor bell isuna.


Adda nagkuna kano idi, kuna ni tita Ariana, adda kano nagkuna nga amin a kasapulam a maka-survive ditoy lubong ket maadal mo idiay kindergarden.

Saan nga idiay UP, University of Prinston, wenno Harbard, wenno STU, San Tomas University, wenno UFE, University of Far Easter, wenno San Veda.

Ha? I beg to differ, kunkunak idiay panunot ko idi, idi kutikutingtingen na diay microwave oven na a ginatang mi idiay garage sale, nakatakderak idi a nakaiggem idiay barandilya a paladpad ti playpen tapno haanak matumbalelong, buybuyaek isuna idi a mangpla-pla-is kadaydiay magnet a pinutiputan na iti copper wire, sagpaminsan maipit na ti pla-is a long-nose pliers diay tammudo na:

Sanabab!!! kunana idi sana sepsepen diay tammudo na tapno siguro madi agbalay diay dara idiay nakasippitan ti pla-is a kudil na.

Enihu, mayat ti sasagawisiwan na idi a nakaluspak idiay datar ti walk-in closet ko, ammom kadi Kal-EL no ania ti EMR, electromagnetic radiation, absent-mindedly na sinaludsod kaniak idi.

Nagimpapanunotak idi nga aginkikita idiay kisame a ceiling ta kasla madik malagip a naadal min idi dayta idiay Day Care iti UP

(isu ngarud a nakunak idi idiay panunot ko nga ‘I beg to differ’ idi nakuna ni tita Ariana nga idiay mo kindergarden a maadal amin a kasapulam tapno agsurvive ka ditoy lubong, ta siguro, baka idiay met Day Care)

Ta, no kua, idi sakbay a simmangbay ni tita Ariana, no kasta ng agsubli Pilipins ni Gramma Pacing, itugot nak idi ni daddyk a Marco San idiay UP, University of Prinston no kasta nga apan agflight attendant ni mommyk a Mis Brenda, ipannak ibati idi idiay Day Care ta adda ket daycare da.

Gapu ta no kua ngarud ta madi-ak met makaturog idiay balay mi ta napalalo met ti ginnantilan da mommyk ken daddyk nga agpatpatnag,

Ahi-hi-hi Aha-ha-ha!!! Haan a dita Marco San, makiki-ak dita!!! Ha-ha-ha no kuan ton kunak ket!!! Nalukneng pay la diay lulunan ni kalis marco S!!! Duray anian to ti kaykayat mo inton malpas ti tanggad ko!!!

gapu iti puyat ko, diiii, mairidep ko idi idiay day care.

Ket ania ngay ti EMR Kalis Marco San, kuna idi diay titser mi idiay day care, nga urayak la nakigtot idi a nalukag, madik idi naawatan unay diay saludsod na, diii, naghagilapak a nagarikapak iti isungbat ko:

Kik-kik-kik-ki-ki-kuna-kuna-kuna-hi-hi-hi-gu-gug-gag-gaga-hah-hah-hah-hah tangtangggggaddd

Haaaaay, insennaay idi diay titser mi idiay day care ti UP, go back to sleep Kalis Marco San, kunana ketdin, isu madik idi naadal dayta EMR idiay day care.

Malagip mo kadi Kal-El diay laser gun ni Rey idiay starwars, kutkitingtingen idi ni tita Ariana diay wiring daydiay curling iron na, diay LASER ket

Light Amplification by Stimulated Emission of Radiation

Ita, no microwave ti i-amplify, diiii, ti awag da ket

MASER, Microwave Amplification by Stimulated Emission of Radiation

Ita, no isaksak ko nga isulbong daytoy usb wire ti curling iron ditoy Tablet ko a Surface Pro 4 sak ipalabaslabas daytoy curling iron ditoy asideg ti magnet ti microwave oven, mabalin nga adda ma-amplify Kal-El, kunana idi a tumaldiap kaniak, nagintutung-edak met kampay idi tapno kasla met a, maaw-awatak diay i-leclecture na.

Ngem saan a nga MASER daytoy imbension ko KAL-EL, MANAS a,

MANAS, Microwave Amplification by Non-Attenuating Stimulator

Daytoy ti stimulator Kal-El, impaturong ni tita Ariana kaniak diay curling iron na, mabalin pay nga usaren dagiti buntis nga agmanas ti gurgurong da, imlek idi ni tita Ariana, ta ag-vibrate daytoy ket, mabalin da a pagmasahe kadaydiay agmanas a gurong da gapu iti water retention tapno ma-stimulate diay circulation da.

Di kasdiay, buybuyaen mi idi diay blangko nga screen ti Tablet na kabayatan a pagsublisublien na nga ipalabaslabas diay curling iron idiay asideg ti magnet a naputiputan iti copper wire. Ngem kasla met screen ti TV a nagadu ti dardarat na nga umaw-aweng laeng.

Idi kuan, ni, kasla adda static a mangngeg mi, idi kuan ngay, adda metten ti agsasao…OMG Kal-EL, kuna idi ni tita Ariana a nagdadakkel dagiti matmata na, saan met nga amplified microwave ti mapartuat a ma-generate, radiowave met ti ma-receive!!!

Ta kasla metten receiver a radyo diay microwave oven.

Diay FM radio station iti University of Prinston daytoy maal-ala ta Kal-El!!!

Nagganas ngarud diay stereo a sao diay radio host. Idi kuan, nagpatokar:

TE-TEK TUNG TENG-TUNG TENG-TUTUNG TENG-TUNG TENG-TUNG TENG-TUNG TENG-TUTUNG TENG-TUNG TE-TEK

I’m just a gigolo
And everywhere I go

(ni David Lee Roth)

dardaras idi a napan nagpelles ni tita Ariana, insuot na diay ginatang na a Burka, diay atiddog a nangisit a bado na a naakkuban diay entero nga ulo na a diay la brown eyes a matmata na iti makita, adda moskitero idiay batog ti matmata na, iggem na diay kallugong ni mommyk a Top Hat, kasla diay kallugong ni Abraham Lincoln, kendiay Baton ni mommyk, majorette baton nga impa-arbor kano a kasla memento ni tita Alysa G. Aguilar, memento ti pinagka-boarding house da idi idiay Oroqueita Santa Cruz.

Usaren ni mommyk dayta Top Hat ken majorette baton no kasta a naka-bathing suit isuna sa agsala-sala a kasla broadway dancer, wenno mas usto kano,

burlesque dancer

a kasla a ni Nicole a pussycat doll.

Life goes on, without me
Cause, I ain’t got nobody

Nagsalsalasala idi ni tita Ariana a kasla broadway dancer, sagpaminsan ibaklay na diay baton sana iparabaw diay Top Hat idiay ulo na nga agkugta-kugtar isuna iti nangato, makakugtar a ti nangato ta inikkan na iti agsumbangir nga slit diay nangisit a bado na.

Idi kuan, inubba nak sanak insala sala iti kapet kapet a sala

Nobody cares for me
Nobody
Nobody cares for me
I’m so sad and lonely
Sad and lonely

Mayat ti kakatawaan a ginnarikgikan mi idi.

Maaninaw ko dagiti smiling brown eyes ni tita Ariana ta agassideg dagiti ruprupa mi.

Maaninaw ko dagiti matmata na, nga uray no agkatkatawa isuna, madlaw nga idiay likud ti isem dagiti smiling brown eyes a matmata na, idiay likud ti moskitero ti burka na…

madlaw ti nalaus a liday.



Kalis Marco S, M.R.B. ©2016






Rate this Article
Low <---------------------------------> High



Please login to rate this Article