iluko.com - website a magustoan a pagpalpallailangan dagiti pada a nangisit ti sikona.

Articles

 

Skip Navigation LinksHome > Articles Main Page > Article


AUTHOR

Kalis Marco S, M.R.B
iCom page



Sarita


Memoir iti maysa a maladaga (palkat 11)

09/08/2016


Memoir iti Maysa a Maladaga (Palkat 11)

Kalis Marco S, M.R.B.


You know that we are living in a material world
And I am a material girl
(-Madonna)


Part III, Da Formula 3


Disclaimer:

Dagiti nagnagan ken luglugar a nadakamat ditoy Palkat 11 ti makabagbag-rikna ken makapaarubos lua nga ababa nga istorya a napnuan drama ket fictitious tapno mailinged ken madisimular dagiti pudno a nagnagan ken luglugar ditoy dramatization a naadaw from true events a paspasamak, no man bilang adda pagpadaan da dita pudpudno a biag yo ket saan ko nga inggaggagara, wen, agpayso, cross my heart and hope to die.

Semper Veritas


Money Can’t Buy Happiness
(kadaanan a pagsasao dagiti babbalasang a saan a Material Girls, kendagiti pugrot a mamirmiraut, kendagiti filthy rich)


Richmond Hill
St Joseph & St Mary Orthodox Church (SJSMOC), Yonge Street

Aldaw iti kasar. tuloy na.

Adda kakauten ni Alma idiay bulsa ti bado na… toonie. 2 bucks, dos, dua-dolyar a coin dagiti canucks a canadians.

Asidegen diay maipasa-pasa a basket. Awan ti crumpets a karga na, wenno biscuits, wenno pandesal, isu ti pagitinnagan iti atik para-simbaan, papel nga atik, coin nga atik, adda pay envelopes, pagbayad da kano ti koryente tapno agandar latta diay aircon no kasta nga heat wave. Ken Wi-Fi.

Kinaut ko ditoy bulsa ti tuxedok diay inted ni mommyk a mis Brenda nga itinnag ko, dua a loonie, loonie, maysa-dolyar a coin dagiti canucks.

Nadlaw ko a kimmita ni tita Cristi Corpuz kadaydiay gimmilap a maysa a loonie, kasla balitok ti maris na, nagsileng, gimmilap sa diay korona ni queen elizabeth…saan, saan a diay korona ti gimmilap, diay loon a kasla pato ti gimmilap, naragsak nga aglanglangoy idiay imaginary a danum.

Kasla mahiphipnotize ni tita Cristi kadaydiay gilap ti loonie…ta kasla makahipnotize…kasla idi kasar ni tita Alysa G Aguilar ken tito dr Ron idiay CLMS, Church of the Later Married Saints, Naga City, nadlaw met siguro idi ni tita Cristi diay naraniag a gilap diay pendant ni tita Alysa G Aguilar, a kasla maibalbalandra a rayos ti laser gun, a kasla maysa a laser beam, attenuated a laser beam ta saan met a makapuor a laser beam, napakapsut ti bileg na.

(lecture dagita idi kenkuak ni tita Ariana idiay walk-in closet ko, idi isursuro na diay emr, electromagnetic radiation, a diay silaw a light ket no ma-amplify a mapapigsa, isu dayta diay laser)


Inyawat ko kenni tita Cristi diay maysa a nasileng a loonie tapno adda itinnag na idiay basket, agsinsin kami iti loonie nga itinnag. Nakaisem ni tita Cristi a nangitinnag kadaydiay nasilap a loonie idiay basket.

Ammok nga awan ti balon ni tita Cristi a loonie wenno toonie nga itinnag na idiay basket ta nakurapay kano isuna a taga-bambantay, naka-vow iti perpetual poverty siguro a kasla Madre wenno Padi, istoryaan man da mommyk a mis Brenda ken daddyk a marco san idi agbibiahe kami nga agpa-Canada.

Ni kano bespren na nga apong Don Huan de Markus, diay Novio a Groom ti gimmatang ti return tiket ni tita Cristi ken nagbayad kadaydiay accommodation na idiay sheraton hotel, ken nangted ti spending money na.

Ti el-ellek ngarud manen idi da mommyk ken daddyk, baka met no tsik na idi ni Mis Cristi a kaing-ingas ni Eva Mendes, wenno baka isuna met la diay Mis C Canoy ditoy pudno a biag a nam-ammo na kano idiay UFE, diay hekhi a medical student nga adda siding na idiay pingping na ala Eva Mendes.

Hay apu ket dagitoyen a tsismoso ken tsismosa, kunkunak la manen idi idiay panunot ko, in-inumek idi diay watermelon juice ko a balon ko, kinompra da mommyk ken daddyk idiay costco sakbay a nagpa-Canada kami.


Speaking gayam of tsismis, no man gayam adda importante a naadal ko idi idiay day care, ken idi linec-lecturan nak ni tita Ariana idiay walk-in closet ko, isu dayta

‘saan amin a balasang ket maparagsak iti kuarta’

Ta adda man kano dagiti babbalasang a saka ka lang kano nabanglo kenkuada no adu atik mo. No kanayon mo a maigatangan isuda no kasta nga apan kayo agshopping, badbado, alahas, lipistik, bangbanglo, smartphone, ipad, iphone, tablet, notebook, laptop.

Napaneknekak dayta a pammati idi nadlaw ko nga agal-alipusanan iti liday dagiti matmata ni tita Ariana idiay likud ti moskitero ti burka na idi ubba nak nga isalasala nak, cheek-to-cheek…ehhh, cheek-to-burka kami idi.

Intudok idi diay figurine a winnie-the-pooh nga alkansiak idiay istante ti tokador ko, ginaw-at idi ni tita ariana ni winnie-the-pooh, nagtaliataliaw idi ni tita Ariana no adda ni Christopher Robin nga aglinged-linged idiay liklikud ti bambanti ken skeleton, inyawat na kaniak diay alkansiak, insublik nga inyawat kenkuana sak intudo diay burka na:

Shopppppp-pppingg, ingkarkarigatak nga imbalikas idi, ta bareng maparagsak ko ni tita Ariana no maigatangak isuna iti bado.

Naawatan na idi ti kayat ko sawen. Napigsa ti katawa na. Kinulog na diay alkansiak.

Adun san a ti urnong mo Kal-el, insubli idi ni tita Ariana diay alkansiak idiay istante, idulin mo ketdi ta addan to pag-date yo kendiay gelpren mon to.

Uray la ngarud pimgaak ni Alma a basang ni tita doktora Diana idi naminsan a kalman idi ita-type ko daytoy ta basbasaen na met gayamen, OMG Kal-el, kunana, nagsuerte ngarud a diay gelpren mon to!!!

Maykaaaaaaaaaaaaaan Kal-EL!!! kunkunak la idiay panunot kon idi naminsan a kalman gapu iti kigkigtot ko.

Enihu, napaneknekak idi nga uray no inosente-ak nga agar-aruyot ti kina-cute ko, madi nag take advantage a pinagsamantalaan nak ni tita Ariana, bale-wala kenkuana diay kuarta nga adda idiay alkansiak.


Speaking gayam of kigtot, idi gayam insubli ni tita Ariana diay alkansiak idiay istante, impisok nak idi nga insubli idiay playpen ko sana pinidot diay portrait mi a duwwa, diay drawing ko nga obra-maestra a na-capture ko kano unay diay maris ti buok na, nangisit nga adda streaks na a brown ta inusar ko diay crayola, pinidot na ta idisplay na idiay istante, uray la kigtot isuna idi nakita na dagiti dadduma nga obra-maestrak a nakadisplay idiay corkboard ko nga adda idiay abay ti istante:

OMG!!! Kal-EL!!! Isursuro da kenkuayo dagitoy idiay Day Care iti University of Prinston?

Nagdadakkel idi dagiti matmata na a mangbuybuya kadagiti sketches ko:

Tits, Boobies, Bulbuls

Nakaad-adu a maris iti Bulbul, nangisit a Bulbul, ulandis a golden yellow, orange, pink, blue a Bulbul. Nagdadakkel a Boobies.

Nagtungtung-edak idi a mas pinabullad ko dagiti matmatak.

Ta siempre, IB League diay Day Care iti University of Prinston, advanced learning.

(IB=International Baccalaureate)

(isu na lang ta madik napalpas diay PhD’k in TB&B idiay daycare iti UP, PhD in Tits, Boobies, & Bulbuls, ta kanayon met siak nga absent idi ta simmangbay metten ni tita Ariana idi ditoy biag ko)

OMG Kal-El!!! Kasla dagiti nangisit a Bulbul mi idiay Pakistan!!! Intudo na idi diay maysa a Bulbul a drowing ko.

Ta siempre manen, International Baccalaureate ngarud, diiiii, international met ti isursuro idi diay titser mi iti daycare.

Ken dagita nagdadakkel a boobies Kal-El, adun ti nakitak idi idiay galapagos!!! Daddadakkel da pay ngem dagiti loonies da idiay canada!!!

Baka Loons ti kayat a sawen idi ni tita Ariana, diay Loon a kasla pato nga adda idiay coin iti Canada.

Ap-aprosan idi ni tita Ariana dagiti boobies, mas usto, dagiti blue-footed boobies a nagganas ngamin ti pinang-color ko iti crayola dagiti asul a karkaraykay na, isu ngarud a blue-footed booby a billit.

Isu dagita international Billits ti impadpadrowing idi ni titser mi idiay daycare, billit a tits, boobies, ken bulbuls.

Pati ngarud Billits idiay Philippines, impadpadrowing na met ta, international ngarud:

Billit-Sina= babassit a billit dagiti insik a pilipino

Billit-Tuleng= nasukir a billit dagiti ilocano

Kebkeb= dakkel a billit dagiti nognog nga ilocano idiay Jones Isabela

Sitsitik= pilanderer a nasuitik a billit dagiti ilocano idiay Dingras, diay la apan agtuktuktok ti irik dagiti makin-irik ti kukuaen da

(wenno dagitin sa kano ilocano a billit-tuleng a madi mammamingga uray kamatkamatem isuda iti badang, madi da kabuteng dagiti bambanti, diay la apan agsirsirpat iti hekhi nga irik a tuktuken da ti kukuaen da)



Kalis Marco S, M.R.B. ©2016






Rate this Article
Low <---------------------------------> High



Please login to rate this Article