iluko.com - website a magustoan a pagpalpallailangan dagiti pada a nangisit ti sikona.

Articles

 

Skip Navigation LinksHome > Articles Main Page > Article


AUTHOR

Kalis Marco S, M.R.B
iCom page



Sarita


Memoir iti maysa a maladaga (palkat 12)

09/26/2016


Memoir iti Maysa a Maladaga (Palkat 12)

Kalis Marco S, M.R.B.


Sometimes a Cigar is Just a Cigar
(-Sigmund Freud)

(Tabako ket Tabako)

(Billit ket Billit)


Part III, Da Formula 3


Disclaimer:

Dagiti nagnagan ken luglugar a nadakamat ditoy Palkat 12 ti makabagbag-rikna ken makapaarubos lua nga ababa nga istorya a napnuan drama ket fictitious tapno mailinged ken madisimular dagiti pudno a nagnagan ken luglugar ditoy dramatization a naadaw from true events a paspasamak, no man bilang adda pagpadaan da dita pudpudno a biag yo ket saan ko nga inggaggagara, wen, agpayso, cross my heart and hope to die.

Semper Veritas


Richmond Hill
St Joseph & St Mary Orthodox Church (SJSMOC), Yonge Street

Aldaw iti kasar. tuloy na.


“Corpus Cristi.”

Naggiddan kami kenni Alma a kimmita kenni tita Cristi. Bangbangir ti isem na.

“Amen.”

Nagnganga ni tita Ana Rosalea sana indila diay dila na, indisso diay padi daydiay Ostia idiay ungto ti dila ni tita Ana Rosalea.

Itattak la a madlaw a kasla kaing-ingas ni tita Ana Rosalea, ta naka-korona isuna iti korona a sabsabong, kasla sabsabong ti champaca, wenno jasmine a kasla sampagita, ken sabong ti baybana, inaramid ni anti Sidni ni apong Deacon Karl Marks, ta sabali met ni Anti Sidni ni tito Karms a daddy ni topet, kasla kaing-ingas ni tita Ana Rosalea ni tita Lisa May, ta nakita kon idi diay ladawan ni tita Lisa May a nakakorona isuna iti korona a sabsabong.

Itay gayam korkoronaan dagiti kakasinsin ni tita Ana Rosalea isuda kenni apong Don Huan, ti el-ellek dagiti sangka-aduan ta daydiay ingkorona da kenni apong Don Huan ket naubon-ubon a tansan a sarbisa iti budweiser, ta isu kano ti peborit na a beer, isu, kasla metten kano beer king isuna.

Idi gayam adda kami idiay Naga City, idi kasar da tita Rosario kenni tito Karms a naigiddan idiay kasar da tita Alysa G Aguilar ken tito Ron, isu ngarud kano a

Da Wedding 2

ta double wedding, nadlaw idi ni tita Elisa a genitisis a mommy ni Topet, nadlaw na a pagsinsinnublatek idi a kitaen diay buok na nga ulandis, ulandis a kasla diay buok ni tita Ana Rosalea, kendiay buok ni tita Rosario a brunette a mommy ni Topet, a kasla diay buok ni tita Lisa May nga adda streaks na a light brown, ta uraymampay no agpadpada a ‘Biron’ dagiti apong da Deacon Karl Marks ken tito Karms, adpadpada nga adda ‘anti Sidni’ da, ken agpadpada nga ex-madre dagiti apongs da a baket, agsabali met ti buok dagiti misis da nga tita Elisa ken tita Rosario:

Genetics Kalis Marco San, kunana idi nga ingkirem ni tita Elisa, naipasngayak nga ulandis a kasla ni titam nga Ana Rosalea, naipasngay a brunette ni titam a Rosario a kasla a ni titam a Lisa May.

Ha?

Kasla madik malagip nga insuro dayta daydiay titser mi idiay daycare iti UP nga University of Prinston.

Speaking of pasngay a birth, ken genetics, uray mampay no madi insuro siguro diay titser mi iti International Baccalaureate idiay daycare dagita a Knowledge, wenno gapu ngata ta absent lang siak idi insuro na diay TOK

Theory of Knowledge

wenno baka met no naimas idi ti turog ko ta madi-ak ngarud makaturturog idi no kasta a rabii ta agpatpatnag met nga aggin-ginnantil da mommyk a mis Brenda ken daddyk a Marco San, imbag kunayo ta madi nak tinik-ulan idi diay titser mi

TOK!!!

(a kasla kano idi ubing ni daddyk a Marco San idiay Dingras, tik-ulan kano diay elementary titser isuda no nabangad na, sagpaminsan kano, ibasnut diay titser diay ruler idiay ima da wenno idiay bambam da)

uray no madik naadal dagita idiay daycare, maadal konto siguro idiay yunibersidad ta mabalin a naadal siguro dayta ni tita Ariana nga Siddiqi idiay Harbard, dayta birthing ken genetics, kunkunak idi idiay panunot ko, ta di-met nagadal kano idi ni tita Ariana iti Birthing 101 idiay Harbard.

Dayta ti atap ko idi nagtaray da tita Ariana ken daddyk a Marco San.

Nagtaray-taray da idi idiay Central Park, idi impasyar nakami ni daddyk a Marco San idiay NYC tapno a, saan la a diay agminminnulagat ti kukuaen mi kenni tita Ariana idiay closet ko, saan la a diay agkutkutingting ti MANAS isuna kabayatan nga agdrodrowingak, saan la a ti kukuaen mi ket agbuybuya iti Tits, Boobies, ken Bulbuls a drowings ko, wenno idiay Netflix.

Agsidsiddaawak ngarud idi idiay Central Park ta kasla da la agballa nga agbagtit nga agtaray-taray nga isarang-sarang da manen diay smartphone da idiay angin. Agtiltiliw da man ngatan iti pokemon apo, kunkunak la idin idiay panunot ko.

Pinadpadas ko manen idi nga insarang-sarang met diay smartphone ko ta bareng adda met matiliw ko a pokemon idiay Central Park, ngem awammet ti matiliw ko ta mabugaw dan sa met kadaydiay ringtone ti smartphone ko:

Arrrrrrrrrrrrrrrrgh Eeeeaaaaaaaaaaarrgh, kuna ni Chewbacca

Ahik-hik-hik-hik, garikgik ni tickle-me-elmo

Nasarangsang idi ti katawa ni tita Ariana idi nakita na manen nga insarang-sarang ko diay smartphone ko, awan a ti makolektam nga itlog Kal-El ta awammet iti app iti pokemon go dayta smartphone mo a plastic.

Ha?

Ta, isu gayam a kasla da la agballa nga agbagtit nga agtaray-taray tapno maukopan a mapessaan kano diay itlog ket agbalin a pokemon.

Isu ngarud a napanunot ko a baka naadal dayta ni tita Ariana idiay Harbard, idiay Birthing 101.


Ti nadlaw ko, kasla saan a naliday unay ni tita Ariana no adda ni daddyk a Marco San a kadua mi. Masapul na siguro iti adult company.


Enihu, sakbay man gayam nga adda agatap nga agay-ay-ayam da tita Ariana ken daddyk a Marco San iti

Nanang-Nanang Tatang-Tatang

no awan ni mommyk a Mis Brenda ta napan nag flight attendant, awan met kano ti sabali a kaipapanan diay pagkinkinnatawa da, pagginginnantil da ta aggayyem da met lang kano kenni daddyk a Marco San, kuna ni tita Ariana,

Just Friends

Diay kuna ngarud kano ni Sigmund Freud, diay psychologist a puro S-E-X kano ti adda idiay panunot na,

Sometimes a Cigar is Just a Cigar

awan kano ti sabali a kaipapanan na, no tabako ay ket, tabako a. Billit ket billit.

A kasla kuma kano diay

salsallapingaw

a billit dagiti kapampangan a mahilig nga agigpil iti Victoria’s Secret a catalogue no apan ag-CR, uray kano no baduam iti balitok diay salsallapingaw, salsallapingaw to latta kano.

Ha?

Madik ammo no madi mapagsusurot ni tita Ariana dagiti ilec-lecture na ta medyo rimmagsak ngaruden.


Kua pay gayam, isu pay gayam a saanak makaturturog idi no kua, no kasta a rabii ta makatitileng ti ulimek ti rabii no kua, awan mangngeg ko a ginnantilan idiay kuarto da mommyk a Mis Brenda ken daddyk a Marco San, ta awan ngarud ni mommyk a Mis Brenda ta apan met ag flight attendant.

Pupuotek no kua a baka ket da tita Ariana ken Daddyk a Marco San ti agginnantil ta awan ngarud ni mommyk a Mis Brenda a kaginnantil ni daddyk a Marco San, ngem awammet ti mangngeg ko a gargarikgik.

Awan ti mangngeg ko a gargarikgik ni tita Ariana a ta awammet isuna idiay kuarto da mommyk ken daddyk ta, adda met isuna idiay abay ko a matmaturog, pagpunganen nak ngarud no kua idiay takiag na.


No kua, kasla maasianak idi kenni daddyk a Marco San ta kasla nagliday isuna nga agmaymaysa idiay kuarto da kenni mommyk a Mis Brenda, kasla…kasla kayat ko nga ibaon ni tita Ariana ta apan na kaduaan a kaginnantil ni daddyk a Marco San.


Kalis Marco S, M.R.B. ©2016





Rate this Article
Low <---------------------------------> High



Please login to rate this Article