iluko.com - website a magustoan a pagpalpallailangan dagiti pada a nangisit ti sikona.

Articles

 

Skip Navigation LinksHome > Articles Main Page > Article


AUTHOR

Kalis Marco S, M.R.B
iCom page



Sarita


Memoir iti maysa a maladaga (palkat 14)

10/10/2016


Memoir iti Maysa a Maladaga (Palkat 14)

Kalis Marco S, M.R.B.


You wake up and Suddenly
You’re in Love
(-Billy Ocean, Suddenly)


Part III, Da Formula 3


Disclaimer:

Dagiti nagnagan ken luglugar a nadakamat ditoy Palkat 14 ti makabagbag-rikna ken makapaarubos lua nga ababa nga istorya a napnuan drama ket fictitious tapno mailinged ken madisimular dagiti pudno a nagnagan ken luglugar ditoy dramatization a naadaw from true events a paspasamak, no man bilang adda pagpadaan da dita pudpudno a biag yo ket saan ko nga inggaggagara, wen, agpayso, cross my heart and hope to die.

Semper Veritas


In your face!!! Rog-ned Odor!!!
(-anti ni tita Ana Rosalea a taga- Richmond Hill)


Richmond Hill
St Joseph & St Mary Orthodox Church (SJSMOC), Yonge Street

Aldaw iti kasar. tuloy na.


Karma!!! Dayta ti naganab mo sika a rog-ned!!! Uray la nagpappaparaw iti kai-ikkis na ni anti ni tita Ana Rosalea idi kalman-rabii ta nasagad a nawalis dagiti Texas Rangers, naidasay dagiti Rangers gapu kadaydiay throwing error ni rog-ned. Na-karma kano ni rog-ned gapu kadaydi naalas nga inaramid na, adda idiay palkat 3.

Malagip ko man la ket ngaruden daydi tungtungan da daddyk a Marco San ken Mis Grace a cuzin ni tito meyor Miron a daddy ni Kris Tandulan:

Dili man aku superstisyus manung Marcu, piru ramdam ku, makakarma din yaang manga madi iti usansia na, awan iti ma-iximpt, rug-nid ka man, rangir (ranger), suldadu, drug dilir, pulis a nagpapatay iti suspictid laing a drug dilir, pulis a nagpapatay iti kunkundit kit drug dilir kanu kampay idi, miyur, gubirnur, sinadur, kin uray prisidinti ka.

Kasla daydiay balasang nga adda blindfuld na a nakaiggem iti ‘scale of justice’ manung Marcu San, dayta iti Karma.

Madlaw ko idi nga uray la agpayegpeg ni Daddyk a Marco San a mangis-istorya idiay Peace Bridge, ta nalamiis siguro ti pul-oy iti angin nga aggapu idiay lake.


Speaking gayam of palkat 3 ken superstition, alla Kal-El!!! Inyellek ni Alma a basang ni tita Doktora Diana idi naminsan a kalman idi nabasa na daydiay Palkat 12, imbag laketdin ta madim imbaon ni titam nga Ariana nga apan na kaduaan a kaginnantil ni daddym a Marco San idiay kuarto da kenni mommym a Mis Brenda!!! Dakes a!!! Diii, napaneknekan kuman diay pagsasao dagiti Polish a taga Poland a nadakamat mo idiay Palkat 9, awagan dakan a nga maysa ka a Diablo!!!

Ha?

Sabagay nga agpayso, kunkunak idiay panunot ko idi naminsan a kalman, ta uray no napanglaw la a mannalon da daddyk a Marco San idiay Dingras, ken tindera idiay tindaan iti Badoc ni Gramma Pacing, tindera iti saging, saba, banana, ken natnateng, naragsak latta da Mommyk a Mis Brenda ken daddyk a Marco San, awan makaperdi iti kinairut ti singgalut iti karing-kari da idi nagkasar da idiay

Da Wedding

nga istorya kano idi ni apong Deacon Karl Marks.


Madi kabaelan a sairuen isuda daydiay Diablo a Sairo a kasla kano diay Serpento a nangsairo kenda Mis Eva ken Mister Adan:

Psssst Adan, kanemon a diay epol ni Mis Eva sakbay a malungtot.

Isu siguro a naibaon ni tita Ariana idiay balay mi idi idiay Princeton, kunkunak idiay panunot ko idi naminsan a kalman, ta bareng masulisog a masairo ni daddyk a Marco San no kasta nga apan ag flight attendant ni mommyk a Mis Brenda.

Ngem saan kano a tsikboy ni daddyk a Marco San, nasingpet isuna kano a loyal a faithful kenni mommyk a Mis Brenda. Ni la mommyk ti wan-en-onli na.

Kasta met ni mommyk a Mis Brenda.

Talek. Trust. Pagtalkan ni daddyk a Marco San ni Mommyk a Mis Brenda. Ta honest ken open ni Mommyk, awan ilimlimed na:

Ta uray no matalik na magkaibigan isuda, ni mommyk a Mis Brenda ken tito Karm, madi da kano pulos idi nagtalik, madi nasulisog a nabola isuna ni tito Karms a Professional Cajoler, mister ni tita Rosario, daddy da Topet ken Katrina Joy R ta adda kano Guardian Angel na idi a nangsalaknib kenni mommyk, ni Lakay Kalis a boypren ni tita Mayora Annette…Ha?

(kinuykuyog kano idi ni mommyk a Mis Brenda ni tito Karm idiay NYC idi apan tinunton ni tito Karm ni tita Mayora Annette…ha? Naggulo!!!)

(medyo agsiddaawak ngarud ta malagip ko diay nakuna idi ni Alma a basang ni tita doktora Diana, nga igug-gugel kano idi a kinanayon ni tita Diana, idi maladaga pay lang ni Alma, kanayon na kano nga igug-gugel ni tito Karms, adda manen idiay palkat 9)

Talaga met nga adda pilpilyo nan sa daydiay a Karms, inyellek idi ni mommyk a Mis Brenda idiay Peace Bridge nga agpa-Canada.

Madik idi maaw-awatan dagita a tungtungan da mommyk ken daddyk idi agbibiahe kami nga agpa-Canada ta agpayso siguro diay kuna ni Alma, adults are complicated. Ken of course, musmosak pay met la a paslit, anat malay ko ngay kadagita a bambanag.


Speaking of complicated, wenno complications of the heart, idi gayam pianpiano-en a kankansionen ni tita Ariana dayta kansion ni Billy Ocean a Suddenly:

I used to think that Love
was just a Fairy Tale

nga uray la um-umlek isuna ta madi na kano maaw-awatan dayta ngawngawngawen ni Billy Ocean.

Uray siak ngarud, madik idi maawatan diay ngawngawngawen ni Billy Ocean:

You wake up and Suddenly
You’re in Love

Ampay ania dayta “Love” kasla kayat ko idi a saludsuden kenni tita Ariana idi saklot nak nga agpian-piano isuna, ngem madi-ak pay met makabalikas idi no kua:

Aaaaav…Laaaa-vav…..o?

Imlek idi ni tita Ariana ta naawatan nan sa diay kayat ko a damagen, Love, Ayat Kal-EL ket no kasla ka la ag-panic attack no makitam diay kras mo, a kasla ka la agdul-a idiay lavavo.

Ha?

Madik latta maawatan dayta You wake-up and Suddenly you’re in Love.

Ta, no kua, uray kami la makigkigtot a malukag a ma wake-up kenni tita Ariana no kasta a bigaten, no kasta a nagimas ti turog min, kasla diay tuloy iti palkat 12, urayak la nag-panic attack a kimmayetket idiay tengnged ni tita Ariana a bigla a nagkumot, isu, adda kami idi idiay sirok iti kumot, ta adda nagtuktok idiay ridaw iti kuartok, pagam-ammuam, suddenly, mangngeg mi diay boses ni daddyk a Marco San:

Hoy!!! Dakayo a tur-og!!! Agriing kayon ta maladaw tayon!!!

A matmatay ti ellek ni tita Ariana idiay sirok ti kumot ta siempre, isu a bigla a nagkumot isuna tapno madi makita ni daddyk a Marco San diay nakawakray a sugabba a buok na ta dakes ngarud kano no kas pangarigan sumrek ni daddyk a Marco San.


Speaking gayam of singgalut, itay gayam sakbay nga ideklara diay Padi nga Husband en Wife dan da apong Don Huan ken tita Doña Ana Rosalea, mas correct, husband en wife with 2 instant children, dinamag na no adda agprotesta kadaydiay pagkaskasar da apong Don Huan ken tita tita Doña Ana Rosalea, nga ita dan nga ipeksa or forever hold their peace, bigla a makatitileng iti ulimek itattay. Suspense.

Bigla nga adda nagsig-am, ni tita Miss M, naggiddan da nga imlek kenni tita Diana ta siempre, imposible metten nga agprotesta ni tita Miss M ta awammet kano ti inaramid da kenni apong Don Huan a kabalbalan idi nagsalsala da iti exotic rumba idiay Raleigh, ta nagkakatarabahuan da idiay Raleigh NC, da tita Miss M, apong Don Huan, ken tita Diana. Uray dagiti FBI nga ahentes a da special agent Paks Muldong ken special agent Doña Iskaleri a kompadre ken komadre da tita Ana ken apong Don Huan, ninong ken ninang ni ate Erica, imlek da met iti nakapsut nga ellek ta agkakatugawan da.

Hmn, kunkunak idiay panunot ko itay, sinno ngata nga agpayso iti agprotesta?

Ni ngata tita Cristi a baka isuna na met la nga agpayso ni Mis C Canoy ditoy pudno a biag, ni Mis Canoy idiay med school iti UFE.

Wenno baka ni Mis Tibz ngata a nakaubingan ni apong Don Huan, ta istoryaan manen da mommyk a Mis Brenda ken Daddyk a Marco San idi agbibiahe kami nga agpa-Canada, kasla ni Mis Tibz kano ti childhood sweetheart ni apong Don Huan idiay away da idi nagpinnakada da idi 5 years old da, pagsalsalua-saluan da kano idi diay curly tops ni mis Tiburcia:

Apanakon idiay Far Away nga away Angkuanski, idiay Hawaii, madi ka agliday ta isponsoran kan to…

Yanna ngamin dayta Far Away nga away nga Hawaii Tibz…

Nakad-adayo Angkuanski, madi madanon iti kalesa ken kabalyo, ta madi met makalangoy diay kabalyo idiay taaw nga ocean, nakaad-adayo nga uray la One Thousand Far Away…

One thousand far away…hmn, kunkunak idiay panunot ko itattay, ta no man adda maawatak bassit kadaydiay kansion ni Billy Ocean, isu dayta linya:

One thousand words are not enough
to say what I feel inside

ta agpayso la unay dayta a linya diay kansion, ta isu met ti kuna idi diay titser mi idiay TOK idiay UP-IB, University of Prinston International Baccalaureate, diay titser mi iti daycare, idi isurat mi kano diay Extended Essay mi idiay Theory of Knowledge a TOK, laglagipem Kalis Marco San kunana idi, madi mabalin nga One thousand words laeng, na-a, masapul a 4 thousand, wen Kalis Marco San, kunana idi nga inyunay-unay, Four Thousand words…

(isu ngarud a madi-ak pay naggradwar iti daycare idiay UP ta madik pay met narugian nga isurat diay 4-thousand words nga Extended Essay ko maipapan kenni Tita Ariana)

Ups, I digressed too much, enihu, baka ngata umay agprotesta ni mis Angge, kunkunak itay idiay panunot ko, ta bespren ket kano ni apong Don Huan ni mis Angge, nayon ti tsismisa…tungtungan da daddyk ken mommyk:

Ahu-hu-hu…madi ka metten naka-uray Angkuanski my lab, ita ka pay nga agikasar…ahu-hu-hu. ita ta in-dibors kon ni Bradd Pit…waaaaaaaaaaaaaaaaaaaaaa!!!

Idi kuan adda manen nagsig-am, idiay likudan, idiay ruangan iti simbaan…nagtataliaw kami…

nakadalungdong nga adda Aura na… kasla

Déjà vu

kasla a…ni…ni…



Tita Ariana?





Kalis Marco S, M.R.B. ©2016








Rate this Article
Low <---------------------------------> High



Please login to rate this Article