iluko.com - website a magustoan a pagpalpallailangan dagiti pada a nangisit ti sikona.

Articles

 

Skip Navigation LinksHome > Articles Main Page > Article


AUTHOR

Kalis Marco S, M.R.B
iCom page



Sarita


Memoir iti maysa a maladaga (palkat 15)

10/23/2016


Memoir iti Maysa a Maladaga (Palkat 15)

Kalis Marco S, M.R.B.


Like a Virgin
You’re Madonna
(-Goot cover, Hey, Soul Sister, a Train original)


Part III, Da Formula 3


Disclaimer:

Dagiti nagnagan ken luglugar a nadakamat ditoy Palkat 15 ti makabagbag-rikna ken makapaarubos lua nga ababa nga istorya a napnuan drama ket fictitious tapno mailinged ken madisimular dagiti pudno a nagnagan ken luglugar ditoy dramatization a naadaw from true events a paspasamak, no man bilang adda pagpadaan da dita pudpudno a biag yo ket saan ko nga inggaggagara, wen, agpayso, cross my heart and hope to die.

Semper Veritas

(SPOILER ALERT: KADAGITI MADI PAY NAKABASA KADAYTA BESTSELLER NGA ISTORYA NI APONG DON HUAN A ‘THE WEDDING 2’, PANGNGAASI YO KADI TA BASAEN YO PAY SAKBAY NGA ITULOY YO A BASAEN DAYTOY MEMOIR KO TAPNO MADI-AK MAKABASOL A MAI-REVEAL KO DAGITI SIKRETOs DA APONG DON HUAN KEN TITA ARIANA NGA ARA SDQ)


Richmond Hill
St Joseph & St Mary Orthodox Church (SJSMOC), Yonge Street

Aldaw iti kasar. tuloy na.


Mabalin nga adda magkuna, lallalo dagiti nailaw-an a nangbasa kadayta Palkat 12, mabalin a kunaen da, “cute nga agpayso daytoy nga ubing ngem adda met basbastos na aya.”

Madik met ket mababalaw isuda no kasta ti makuna da ta, nakuna met ngarud idi ni tita Ariana:

Alla Kal-El, kunana idi nga um-umlek, inton isurat mo idiay Extended Essay yo idiay IB UP-daycare iti maipapan siak ket say-sayaatem a, ta baka ket ibaga da a maysa ka a Cute nga ubing pero may pagka-bastos a kasla diay gayyem ko idi idiay Harbard Birthing 101, adda ketdin insurat na nga istorya idi a pinakan ko ket kano isunan iti Taco!!! Ta daydiay ket a Don Huan a Lover Boy, gentleman a magino-o nguni’t bastos!!!

Ha?

Agsiddaawak idi no sinno daydiay a Don Huan a Lover Boy a maginoo pero bastos.

Idi gayam pagpilpilyen nakami diay IB titser mi idiay UP Daycare, pagpilpilyen nakami iti subject matter nga isurat mi a kas Extended Essay mi iti TOK, Theory of Knowledge, kunana, madi mabalin dagita subject matter nga offensive a racist, sexist, seditious, inflaming, ken of course, maiparit iti agplagiarize.

Ha? Inflaming? Seditious?

Kasla siguro diay tungtungan idi kano da daddyk a Marco San ken Mis Grace a cuzin ni tito Miron:

Pulis: Magsurindir ka na drug dilir!!! isurindir mo na yang shabu mu!!! Bang!!!

Suspiktid Drug Dilir: Aray ku!!! Hindi pu itu shabu yur ruyal highniss, kurtal pu tu nu!!!

Pulis: Palusut ka pa taknaydu ka!!! Bang!!!

Suspiktid Drug Dilir: Aray ku manin!!! Agpaysu pu!!! Pharmacist pu aku ditu sa Drug Store nu!!!

Pulis: Huuu mamati ka!!! Matay ka laingin!!! Bang-bang-bang-bang-bang!!!

Medyo nagsiddukerak kadayta a subject matter ta kasla inflammatory a seditious nga agpayso, baka ketdi awagan dak to laketdin idiay pilipins a maysaak a

Persona Non Grata

wenno mas grabe, batbatan dan to laketdin diay bambam ko iti tsinelas.

Isu, nagpampanunotak idi no ania ti subject matter ko iti Extended Essay. Kasla kayat ko idi nga isurat diay kinakuripo…ehhh, kinasalimetmet ni daddyk a Marco San nga i-Dingras, ta siempre, natawid ko diay kinasalimetmet na, ta adda ngarud alkansiak ta ur-urnongek dagiti dinero a mait-ited kaniak.

Adu ti karga nan diay alkansiak ta no kua, no ipaspasyar nak ni mommy a Mis Brenda idi nabiitak pay a maladaga, no mapan kami idiay punpunsionan, adu a talaga ti ma-kiutan kenkuak, papetpetan dak iti 20 USD for good luck kano ken maragsakan da a makakita iti kinalaing ko nga ag close open nga insuro ni mommyk a Mis Brenda:

Close open Close open OMG Marco San, umay mo kitan ni balong ta, naglaingen nga ag close open!!!

Isu. Isu nga ammok a natawid ko diay kinasalimetmet ni daddyk a Marco San nga i-Dingras ta no adda maipapetpet a beynte dolyar kaniak no agclo-close open diay gemgem ko ket madin ag-open inggana makitak diay alkansiak sa ipisok ni mommyk daydiay etneb a beynte dolyar.

Idi kuan, sinurwan nak ni Gramma Pacing nga agarimunding ala Alexis Navarro:

Arimunding-munding arimunding…

Ni!!! Naglaing daytoy nga apoko kon nga agarimunding!!!

Hay apu, kunkunak idiay panunot ko idi, ket naglaka met, kasla met la agclo-close open.

Isu, mas ad-adu manen ti agited iti dinero idi no kasta nga agar-arimundingmundingak, pati puti a babbaket, nangisit a babbaket, isuna lang ta adda idi dagiti babbaket nga agpidil nga agagek kadaydiay kasla makopa a pingping ko ta makiutan da unay kaniak ngem apu met ta umatibuor a makatalimudaw diay sang-aw da.

Enihu, napunpunno ngaruden diay alkansiak nga ited ko kuma idi kenni tita Ariana ta igatang na iti bado wenno bling-bling tapno rumagsak a masatisfy ko isuna ngem madi na kano masapul dagita material things tapno rumagsak isuna, saan isuna a Material Girl. Isu a.

Daytoy siguron iti subject matter ko, kunkunak idi idiay panunot ko:

Kasanom a maparagsak diay Balasang a madi Naragsak

ngem adda metten kano nasurat ni tito Karm a parte diay serye na:

Karmasutra XXX, How to Satisfy your Gurl even if You were Frugally Ilokano

Madi a, ta baka ibaga da a plagiarism diay isurat ko no adda pagpadaan da.


No ngay ngata istorya-ek diay maipapan kadaydiay nuang ni daddyk a marco san, kunkunak manen idiay panunot ko idi. Ta diay nuang ngarud ket

Beast of Burden

kano, istoryaan da mommyk a mis Brenda ken daddyk a marco san idi naminsan a madama kami a mangmangan iti fruit salad ken timbits a tim hortons a donut nga uray da la matmatay iti ellek idi, nakatugawak idiay high chair ko idi, madi pay simmangbay ni tita Ariana idi.

(ta di-met nakunakon a diay la aggin-ginnarikgik ti kukuaen da no kua, naragsak da a kinanayon, madi makibur diay Diablo isuda, ta isuda kano iti

Soulmates

damagek manen kuma idi kenni tita Ariana no ania dayta ‘soulmates’ ngem madik met maibalibalikas idi, ngem siempre, naawatan na manen daydi kayat ko a damagen,

ubing ka pay unay Kal-El nga agparikut no sinno ti soulmate mo, ngem madi ka madanagan Kal-El ta adda-ak met a Soul Sister mo, kunana idi…ha?)

Enihu, binurburtiaan idi ni daddyk a marco san ni mommyk a mis Brenda idi mangmangan kami iti fruit salad:

Bassit a bantay, makapilay

Agsiddaawak idi no ania ti kuneksion daydiay a burburtia kadaydiay nuang a beast of burden ngem bigla idi a napugsat diay pagsidsiddaaw ko ta uray la nakapugso ni mommyk a Mis Brenda ta kusto-kusto a nangisubo isuna iti fruit salad.

Nia ka metten Marco San!!! Ana’t kuneksion na ngay dayta a burburtia kadaydiay pagar-arado yo idi idiay Dingras!!!

(intuloy ko idi iti nangan iti pasas nga adda idiay fruit salad, ta nagmayat man iti sam-it na, agkuyakuyakoy pay ngarud idi dagiti gurgurong ko idiay high chair a tugaw ko)

Hay apu Brenda, insennaay idi ni daddyk a marco san, napadasam kadin iti nakasaka-saka idiay inaraduan?

Ta, narigat kano iti agtsinelas iti inipit a flip-flop a tsinelas no agar-arado ka, lallalo pay ngarud no agsuyod ka iti pagraepan, wenno no agraep ka, masapul a saka-saka ka.

Ta diay nuang da kano, uray mampay kano nagaget nga awan rekreklamo na, ngem adda met basbastos na no kua, ta no makapuppupun uray agiguyguyod iti arado, agsardeng kano sana ibaba diay bambam na sana iparakpak lattan diay pupu na a kasla man armalyte iti sound effect na:

Prak-pak-pak-praaaaak-pak…

nga uray la kano maparparsiakan diay agar-arado no kasta a nadaruy unay diay pupu na, tonokuan, agmaga kano a tumangken diay pupu na a kasla man large pizza wenno large bibingka, wenno frisbi, nga uray la matmatay iti ellek ni mommyk.

Isu kadi nga agpilay ka no mabaddekam Marco San no namaga diay pupu iti nuang ta makasugat? Saan kano, saan a pupu iti nuang iti makapilay, saan met kano a diay pupu iti kabalyo a kasla kano timbits donut a nagbubukel ti kadakkel na, mas saan kano a pupu iti kalding a kasla pasas iti kadakkel na

(nga uray la napasardeng iti pinnangan ko iti raisin a pasas idi, minirak idi diay pasas sak insubo)

pupu a iti tao Brenda ti makapilay.

Kasano nga ammom a pupu iti tao diay nabaddekam idiay inaraduan Marco San?

Ket Brenda, aggilap-gilap pay met diay bingkol a pinagilo diay nagpupu!!!

Uray ko la naibbatan idi diay bassit a kutsaritak gapu iti kapigsa ti paggaak ni mommyk a mis Brenda.

Hay apu ket ana la ngatan apo ti makuna diay titser mi iti IB daycare no mabasa na diay Extended Essay ko no isu dagitoy iti isurat ko:

Nia metten Kalis Marco San ta puro met pupu ti ammom nga isurat.


Upps, I digressed too much, kiddelen nak to man ngatan ni Alma.

Enihu, di kasdiay, nagtataliaw kami amin itattay idiay ridaw a naggapuan diay ‘ehem’, idiay ayan ti nakadalungdong a balasang a makapurar ti raniag diay Aura na.

A kasla ngarud a ni Apo Ginoong Virgin Mary, ngem kasla met a ni tita Ariana isuna.


Kua gayam, madik ammo no ampay a biglak a nalagip itattay diay innayon nga imbalakad ni tita Ariana idi imbaga na nga isuna iti Soul Sister ko:


Ken Kal El, kunana idi nga um-umlek, inton madanon ti panawen nga agsapul ka metten iti ka-Soul Mate mo, babaamon iti agbiruk iti 72 virgins, umanayen diay maysa laeng a virgin.





Ha?





Kalis Marco S, M.R.B. ©2016







Rate this Article
Low <---------------------------------> High



Please login to rate this Article