iluko.com - website a magustoan a pagpalpallailangan dagiti pada a nangisit ti sikona.

Articles

 

Skip Navigation LinksHome > Articles Main Page > Article


AUTHOR

Kalis Marco S, M.R.B
iCom page



Sarita


Memoir iti maysa a maladaga (palkat 16)

11/04/2016


Memoir iti Maysa a Maladaga (Palkat 16)

Kalis Marco S, M.R.B.


where does it hurt?

it answered

everywhere
everywhere
everywhere

(-Warsan Shire, what they did yesterday afternoon)


Part III, Da Formula 3


Disclaimer:

Dagiti nagnagan ken luglugar a nadakamat ditoy Palkat 16 ti makabagbag-rikna ken makapaarubos lua nga ababa nga istorya a napnuan drama ket fictitious tapno mailinged ken madisimular dagiti pudno a nagnagan ken luglugar ditoy dramatization a naadaw from true events a paspasamak, no man bilang adda pagpadaan da dita pudpudno a biag yo ket saan ko nga inggaggagara, wen, agpayso, cross my heart and hope to die.

Semper Veritas

(SPOILER ALERT: KADAGITI MADI PAY NAKABASA KADAYTA BESTSELLER NGA ISTORYA NI APONG DON HUAN A ‘THE WEDDING 2’, PANGNGAASI YO KADI TA BASAEN YO PAY SAKBAY NGA ITULOY YO A BASAEN DAYTOY MEMOIR KO TAPNO MADI-AK MAKABASOL A MAI-REVEAL KO DAGITI SIKRETOs DA APONG DON HUAN KEN TITA ARIANA NGA ARA SDQ)


Richmond Hill
St Joseph & St Mary Orthodox Church (SJSMOC), Yonge Street

Aldaw iti kasar. tuloy na.


Ampay ngay Kal-El ta agprotesta ni titam nga Ariana kadayta pagkasar da apong Don Huan ken tita Ana Rosalea no isuna nga agpayso diay nakadalungdong a kasla Apo Birhen Santa Maria dita ruangan ti Orthodox Church, nakapannimid idiay lamisaan ni Alma a basang ni tita doktora Diana idi naminsan a kalman kabayatan nga agta-type siak, kasla nauneg ti pampanunoten na a nagdamag kadayta, idi kuan, nagsao manen ni Alma, ken ampay a naka

Pant Suit

ala Clinton ni titam nga Ariana. Ha?

Sinirig ko manen a nalaing diay nakadalungdong a balasang idiay ruangan iti simbaan, medyo masisirapak ta naraniag ti silnag diay init idiay ruar a kasla isu ti mangmangted iti makapurar nga Aura… kasla…kasla naka-pantsuit nga agpayso.

Speaking of PantSuit ken Bingkol gayam a nadakamat ko dita palkat 15 ken Kinasalimetmet dagiti ilocano, mas korek, kinasalimetmet ni daddyk a marco san, isu gayam a saan a dagita a Subject Matter iti pinilik a suraten to idiay Extended Essay iti TOK a Theory of Knowledge, ngem ketdi maipapan kenni Tita Ariana Siddiqi ta baka ketdi no paypaysuen nga agpayso ni daddyk a marco san nga ibabawi diay pramis na a kukuak to ni Sienna a kanayon na a digosen ken pusitsitan iti febreze tapno kanayon a nabanglo a presko.

Ta baka madakamat ko nga agpayso diay ista-il nga style ni daddyk a marco san no kasta a weekend idi sakbay a simmangbay ni tita Ariana ditoy biag mi, idi sakbay a ginatang na ni Sienna a Toyota.

Ta diay Celica ni mommyk a Mis Brenda ti usaren mi idi nga apan aggrocery shopping idiay costco no kasta a weekend. Tapno makatipid ni daddyk a marco san iti bathroom tissue a toilet paper idiay balay mi idiay princeton, ikarkarigatan na idi a tenglen nga ikamat idiay costco iti agpupu, a no agdra-drive idi ni mommyk ket madi maka-idna idiay passenger seat ni daddyk a marco san a kasla madi maka-anak a pusa ta baka ket masalputan diay pantalon na iti pupski, a madi pay ngarud nakasarsardeng diay celica idiay asideg ti ruangan iti costco ket tumpuaken ni daddyk a marco san nga iggem na diay executive member card na ta ipakita na kadaydiay greeter a kasla greeter iti walmart sa kasla taray-pugtiten a mapan idiay restroom a CR.

A kasta unay ti panalpa-ak ti isem na inton makastrek kamin kenni mommyk idiay uneg iti costco ta adda met la nabirukan ni mommyk a parking spot, nabang-aranen ni daddyk a marco san ta nakaraos isunan.

Madi na met kayat ti agsardeng idiay mcdonald ta nakirsang kano diay toilet paper da, idiay costco ket nalamuyot kano a kasla cottonelle diay kirkland brand nga adda idiay CR ta isu met ti kompraen da nga usar mi idiay princeton.

No kua gayam idi idiay costco, no apan kami makipila kenni daddyk a marco san idiay pilaan iti taste test iti pizza, ken beef jerky, ken chips, cheese, chocolates, granola bars, agrarana kami idi kada apong Don Huan, tita Ana, ken da kuya toyet ken ate Erica ta makipilpila da met.

Ta adda balay da apong Don Huan idiay Queens NY, nga idiay ngarud ti nagdagdagusan da tita Lisa May kenni mister na, ken da tita judge Aramina en family idi napan nakibakal da apong Don Huan ken tita Ana Rosalea idiay Ukraine, nga idi maysa a bigat a rini-ing nakami ni daddyk a marco san, idi naimasen ti turog mi kenni tita Ariana ket napan kami a tallo idiay nyc, tallo kami laeng ta napan ngarud nag flight attendant ni mommyk a mis Brenda, napan kami idiay ayan da tita Lisa May ta napan naki-jamming da daddyk a marco san ken tita Ariana:

Every whisper
Of every waking hour
I'm choosing my confessions
Trying to keep an eye on you
Like a hurt, lost and blinded fool,
fool

(-R.E.M., Losing My religion)

electric keyboard ti usar ni mister ni tita Lisa, electric guitar ti usar ni tita Lisa May, electric ukelele ti usar ni kuya Zoro, tampura ti usar ni tita Ariana, banduria ni daddyk, panggulo siak, jas kidding, siak ti parapatit iti xylophone, ni Kris Tandulan a balong ni tita judge Aramina iti parabatingting kadaydiay triangle a batingting,

TING!!!

paratambor iti drums ni tita Mis Teri a Teresa nga ading ni tita Mis Vickie a misis ni Father Turing a mommy & daddy ni Deborah.

Ni Father Turing ket isu ti makin-simbaan kadaydiay CLMS, Church of the Later Married Saints idiay Naga City a nagkasaran da tita Alysa G Aguilar ken tito Ron, ken diay repeat performance a kasar da tita Rosario ken tito Karm, simbaan nga impatakder ni tita Mayora Annette, ni tita Mayora Annette a gelpren diay kanayon a nakadarkglasses a lakay a Kalis met la kano ti nagan na, kagudua diay nagan diay gift shop ni mommyk a mis Brenda, Kalbrenda Gift Shop…ha?


Idi gayam agrubrubuat kami nga apan idiay Naga City nga agantendar iti kasar da tita Alysa ken tito Ron, ta siak ngarud iti MRB, Master Ring-Bearer da, pagarup ko idi no madi makabiahe a makasurot ni tita Ariana, ta, no malagip yo diay nakuna ni tita Ariana maipapan iti Love ken Ayat, idiay palkat 14, a no mariknam kano dayta Ayat ket uray ka la kano agdul-a idiay lavavo no kua, ammok nga in-love idi ni tita Ariana ta agdul-a no kua isuna idiay lavavo, ngem kasla saan a naragsak nga aglaladut isuna, ta nasakit kano diay entero a bagbagi na

nasakit
everywhere
everywhere
everywhere

nasakit diay susu-op na

Nasakit dagiti susuop ko Kal eL kunana idi a medyo natamnay diay ellek na, agtrangkaso-ak sa metten.

Hmn, kasta siguro a talaga dayta Ayat, kunkunak idi diay panunot ko, kasla siguro Duayya ni Ayat:

Annay, Puso, Annay, Annay!!!
Nasaem, Naut-ut la unay

(talaga nga in-love)

Idi simmangpet da mommyk ken daddyk a naggapu trabaho da, agbuybuya idi ni mommyk iti young & the restless, wenno discovery channel sa maipapan kadagiti agpuputok a bitbitwen nga stars nga agbalin a black hole, agdudungpar a galaxies, when galaxies collide…wenno baka ngata when

galaxies explode

nga agputok dagiti galaxies, nakatakderak idi idiay sango ti coffee table ta sirsirigek diay smart phone ko a plastic, birbirukek diay serial number na ta baka kasali kadaydiay recall iti phones nga agpuputok tapno maipulang ni tita Ariana tapno makaala iti refund idiay garage sale a nanggatangan mi, napan idi chi-nek ni daddyk a marco san ni tita Ariana idiay guest room a kuarto na, idi kuan, kasla narba a kasuoran idi diay nakakuskusyaw a rupa ni daddyk a marco san a nagsubli idiay living room:

OMG Brenda!!! Tes-bun a Preggers ni Ara!!!

Bigla idi nga inyapput ni mommyk a Mis Brenda daydiay kanigid a dakulap na idiay napa-oooo a ngiwat na, naggiddan da idi a kimmita kaniak, nagdadakkel dagiti matmata da nga uray la nagsabat dagiti kidkiday da a kasla da man agsiddaaw no ania ti inar-aramid mi kenni tita Ariana idi naminsan a kalman wenno idi kalman-malem, yesterday afternoon ta agsakit metten ni tita Ara.

Don’t look at me

kunaek kuma idi ngem madik pay met kabaelan iti agibalikas unay isu a nagkibit-balikatak laengen sak intuloy a sinirig-sirig diay smartphone ko a plastic ta, madik met ammo ti ilokano iti ‘kibit-balikat’.

Mas madik met ammo pay dagita enigmatic a matalinhaga a codes da, kasla kuma diay ‘S-E-X’, wenno diay 'UTOB’.

Ita, kunkunak idiay panunot ko idi, ‘TES-BUN’?

‘PREGGERS’?




Kalis Marco S, M.R.B. ©2016





Rate this Article
Low <---------------------------------> High



Please login to rate this Article